1 Tiimuote 4:16 - Yiesu Lɑbɑmɑnn Muɑl Ni

¹⁶ Ii mi ɑ mɔnŋ nɑn ɑ wɑnnu po. Ii wɑki l kul ni. Setk nɑn mɔni, ɑ i tuun nnɑ ɑ sɑɑ lɑ fielu ɑ mɔnŋ k bin nbɑ gbiintl ɑ mɑɑn nɑ mun sɑɑ lɑ fielu wɑɑ.

1 Tiimuote 4:16 Iomraidhean Croise

Mɑɑlk 13:9

«Ii cek i mɔnŋ pɑɑk mɑn. B tɑn sɑɑ suol’i k sɑɑn nɑn’i buut-dɑnm buol ni, k buo’i *Suifnbɑ jɑɑnti diet ni. I tɑn sɑɑ set tini yudɑnm nɑn kpɑnbɑlɑ tuɑnn ni, n sɑnn pɑɑk, k di n *siɑlɑ b buol ni.

Lɑbɑmɑnn nbɑ k Luk diɑn 21:34

«Ii mi mɑn, k dɑɑ kpɑkint jɑɑnm-nbɑ dinu ni, nɑn dɑnyunu ni, k dɑɑ te k i binbenŋ pɑɑk dɑɑmi’i ni. Nnɑ i kɑɑ dɑɑl nbɑ k Nisɑɑlk Bijɑ tɑn sɑɑ bu niib buut nɑ tɑn sɑɑ bɑɑl k i k mi.

Tuonɑ 26:22

Ŋɑɑn lɑɑ jii sɑɑ k tɑn tuu dinnɑ, k Yennu guu’n, k n ji be k sie k muɑntl u mɑɑn k tien tɑli nɑn pɑɑlb kul ɑ nɑ. N k pukn siɑl Muois nɑn *Yennu sɔkniinbɑ nbɑ din wɑnn lin nbɑ k l sɑɑ tien nɑ pɑɑk

Tuonɑ 6:4

ŋɑɑn k tinm n jii t mɔnŋ yuo k tien Yenmiɑlu ni, nɑn Yennu mɑɑn wɑnnu ni, k dɑɑ nɑk.»

Luonmtieb 11:14

Mi i bo i sɑɑ fit te k n mɔnŋ buolu niib i mɔk funfunn bin nbɑ k tie Suifnbɑ nɑ pɑɑk, pɑsiɑl ŋɑnn e sɑɑ te k b siɑb n lɑ fielu.

Luonmtieb 16:17

N nɑɑ wɑɑs, n kpɑɑn’i e, ii mi mɑn bin nbɑ bɔktl Yiesu niib ŋɑɑn dɔk’b u sɔnu ni k sɑɑk wɑnnu nbɑ k i gɑɑl nɑ. Lɔktl’b mɑn.

Luonmtieb 2:7

Bin nbɑ ninbinɑ mɔn nɑn bii tuun tuonŋɑnɑ k lɑ pɑku nɑn bɑɑkl nɑn mɑnfuol nbɑ kɑɑ gbennu nɑ, ŋɑnm e k Yennu sɑɑ tul’b mɑnfuol nbɑ kɑɑ gbennu mɑnŋ.

1 Kuolent-tieb 1:21

K mɑɑn Yennu nbɑ mɔk yɑn nɑ te k tingbounŋ nɑ tieb yɑn kɑn fit te k niib n bɑnn’ɔ. L pɑɑk, k u te k bin nbɑ tien yɑdɑ nɑ lɑɑt fielu, lɑbɑɑl nbɑ k t muɑntl k tien niib, k niib duki nɑn l tie jɑti lɑbɑɑl nɑ pɑɑk.

1 Kuolent-tieb 9:22

Bin nbɑ yɑdɑ wɑɑl nɑ k n kpint n mɔnŋ k tien nɑn b yenɔ nɑ e ɑ bin lɑ fielu. N lebt n mɔnŋ bonsiɑl kul ni k tul niib kul, k luon b siɑb n lɑ fielu.

1 Kuolent-tieb 9:27

N muks n gbɑnɑnt k u sɑɑk’n, k mɑɑn n k luon min nbɑ muɑntl lɑbɑmɑnn nɑ k tien niib nɑ n tɑn kɔnŋ piini nɑ.

Efestieb 4:14

Ŋɑɑn t ji kii tie wɑɑs kɑɑ, k niib kpinkpɑnni wɑnnu sii diɑ’t lɑnŋ’t nɑn wounŋ nbɑ tuu lɑnŋ bulgbetl biɑnŋ nbɑ nɑ, k b fɑɑk wɑnnu te k lieb bɑɑ biit ni.

Kuoluostieb 4:17

I yet Alkiip ɑ wun yɑbl u mɔnŋ kii tuun tuonn nbɑ k u tun Yonmdɑɑnɔ sɑnn ni nɑ k gbenn.

1 Tesɑɑluoniiktieb 2:16

B yɑbi b mɔnŋ pɑɑk, ɑ bin guɑl’t k t dɑɑ muɑntl Yennu lɑbɑmɑnn k tien bin nbɑ k tie Suifnbɑ nɑ, ɑ bin lɑ fielu. B ji tun b biit nbɑ k b tuu tuun nɑ gbenn ɑ, k mɔtɑɑnɑ Yennu wutuol bɑɑl b pɑɑk.

1 Tiimuote 1:3

Ii be Efes nɑn mɑɑ ponŋ din yet’ɑ biɑnŋ nbɑ yuo nbɑ k n din sɑɑ Mɑɑseduɑnn nɑ, ɑ ɑ te k nisiɑb nbɑ wɑnt wɑnbuolgɑnu nɑ n nyik’l

1 Tiimuote 4:15

Ii tuun lin nbɑ nɑ nɑn ninmɔnn, k suɑ kul n lɑ ɑ puknu.

1 Tiimuote 4:6

L i tie k ɑ jii wɑnnu nbɑ nɑ k tul t nɑɑ wɑɑs nɑ, ɑ sii tie Klistu tuontunŋɑnɔ nbɑ dint u mɔnŋ nɑn Klistu lɑbɑmɑnn mɔbonɑ nɑn bɑlmɔni wɑnnu nbɑ k ɑ wɑɑ fɑnu nɑ e.

2 Tiimuote 2:10

Ŋɑɑn Yennu nigɑnnkɑb nɑ pɑɑk k n lek di suklu fɑlɑ kul ɑ ni, ɑ bin mun lɑ fielu nbɑ be Yiesu Klistu ni, kii mɔk dontl nbɑ kɑɑ gbennu nɑ.

2 Tiimuote 3:14

Ŋɑɑn fin ŋɑnin, fii diɑ mɑɑn nbɑ k ɑ din tumi k gɑɑl k tien’l yɑdɑ nɑ, k mɑɑn ɑ ponŋ mi bin nbɑ din tie ɑ wɑntieb nɑ nbɑ tie biɑnŋ nbɑ.

2 Tiimuote 4:2

ɑ fii muɑntl Yennu mɑɑn kii wɑnt niib l po, yuo ii ŋɑn kuo l kii ŋɑn i e. Fii muɑntl, kii piɑk niib b tuonbiit po, kii kpɑɑn’m, kii kuɑnt’b pɑlɑ, kii wɑnt’b mɑɑn mɑnŋ dede nɑn suklu yuo kul ɑ,

Tiit 1:9

L kpɑɑ tɑlɑs k wuu diɑ bɑlmɔni lɑbɑɑl nbɑ k t din wɑnn’i nɑ fɑnu. Ŋɑn e sɑɑ te k wun fit cie niib pɑlɑ nɑn wɑnnu nbɑ tuok, k biɑ te k wun fit k wɑnn bin nbɑ k sɑɑk u wɑnnu mɑnŋ nɑ bɑlmɔni.

Tiit 2:15

Lin nbɑ nɑ e tie lin nbɑ k ɑ sii wɑnt’b nɑ. Ii cien b pɑlɑ, kii biɑ kii kpɑɑn’m nɑn Yennu nbɑ tul’ɑ yiikuo nɑ. A dɑɑ ŋɑɑnt k b suɑ goli’ɑ yɑnn.

Tiit 2:7

Bonsiɑl kul ni, fii tuun tuonŋɑnɑ nbɑ sii wɑnt niib bɑɑ sii be biɑnŋ nbɑ. Fii wɑnt niib *Klistu lɑbɑɑl nɑn ninmɔnn nɑn bɑlmɔni,

Fiilemɔn 1:19

Nɑnn nɑ, n dɑ nɑn n mɔnŋ mɔnŋ nuu e; min Pɔul sɑɑ pɑ’ɑ. Ŋɑɑn min kɑɑ sɑɑ yet’ɑ, ɑ mɔnŋ mi nɑn ɑ diɑ n pɑnn ɑ mɑnfuol pɑɑk.

Hebluonbɑ 12:15

Guut i mɔnŋ mɑn k tɑn dɑɑ kɔnŋt Yennu ninkpɑbɑɔnŋ nɑ. I suɑ dɑɑ tie nɑn penn nbɑ tuu piɑ k u suun tie lɑbt nbɑ sɑɑ fit biil niib bonciɑnn nɑ.

Hebluonbɑ 13:9

I dɑɑ ŋɑɑnt k wɑnnsɑɑnɑ buolu buolu n te k i bot, k i tɑn sɑɑ mɑnn tut sɔnŋɑnu mɑnŋ. L ŋɑn k Yennu ninbɑtinu n tul nilɔ pɑnŋ u pɑl ni. Jiet *senni weiu kɑn tul’ɔ pɑnŋ. Nisiɑb nbɑ diɑ jiet *senni nɑ k lɑɑt somsiɑl l ni.

Sɑɑk 5:20

ii tiɑn mɑn nɑn dɑɑnɔ nbɑ nyinn biitdɑɑnɔ u sɔnbiiuk nɑ ni, u fɑt’ɔ kuun ni e k te k u lɑ nyikcɑbu biit buolu buolu pɑɑk.