1 Tiimuote 4:12 - Yiesu Lɑbɑmɑnn Muɑl Ni

¹² Dɑɑ te k suɑ n siɑn’ɑ k mɑɑn fɑɑ pɔ nɑ pɑɑk, ŋɑɑn te k ɑ pinpɑɔk nɑn ɑ binbenŋɑnŋ, nɑn ɑ lonm, nɑn ɑ yɑdɑ, nɑn fɑɑ wei Yennu *senni bɑnnu nbɑ nɑ, n wɑnn Klistuweilɑ bɑɑ bo sii be biɑnŋ nbɑ.

1 Tiimuote 4:12 Iomraidhean Croise

Mɑɑtieo 18:10

«Ii mi mɑn k suɑ n siɑn wɑɑs mɑnŋ ni yenɔ kuɑ. K mɑɑn n yien’i e, b *mɑlɑkɑɑnbɑ nbɑ be sɑnpɑɑpo nɑ be n Bɑɑ tuɑnn yuo kul.

1 Kuolent-tieb 11:1

L pɑɑk, ii wɑɑ n binbenŋ nɑn mɑɑ wɑɑ *Klistu binbenŋ biɑnŋ nbɑ nɑ.

Fiiliiptieb 4:8

N nɑɑ wɑɑs, lin nbɑ juont tie nnɑ e. I ŋɑɑn k i dudukt n gbie nɑn lin nbɑ ŋɑn nɑn lin nbɑ ŋɑn nɑn dontl nɑn lin nbɑ tie bɑlmɔni, nɑn lin nbɑ ŋɑn nɑn bɑɑkl, nɑn lin nbɑ tuok, nɑn lin nbɑ k mɔk jɑknt nɑn lin nbɑ mɑn k biɑ mɔk sɑnn.

1 Tesɑɑluoniiktieb 1:6

I din toki tinm nɑn Yonmdɑɑnɔ. I lek din lɑ fɑlciɑɔnŋ, ŋɑɑn i din gɑɑl lɑbɑmɑnn mɑnŋ nɑn pɑlpienn nbɑ nyii Foŋɑnm buol ni nɑ e.

1 Tesɑɑluoniiktieb 2:10

Yinm nɑn Yennu e tie t siɑlɑɑdɑnm k jiin tɑɑ din be nɑn’i nɑn binbeyienŋ nɑn yentinu, k suɑ k fit tɑɑl’t.

1 Tiimuote 1:14

T Yonmdɑɑnɔ din tɑn tin’n ninbɑɑɔk nbɑ yɑb k kɑɑ biknu, k tul’n yɑdɑ nɑn lonm nbɑ k t mɔk Yiesu Klistu ni nɑ pɑɑk.

2 Tiimuote 2:15

Yɑbt ɑ mɔnŋ pɑɑk k jɑnŋ nɑn Yennu n pɑk’ɑ, kii tie nɑn tuontunnɔ nbɑ k tiin fei u tuonn pɑɑk nɑ, k muɑnt bɑlmɔni mɑɑn dede.

2 Tiimuote 2:22

Nyint ɑ mɔnŋ nipɑɑɔnŋ niɑnbiit ni, ŋɑɑn kii wɑɑ bin nbɑ k Yennu yet, ɑ b tie niŋɑnm u buol ni nɑ sɔnu, nɑn yɑdɑ sɔnu, nɑn lonm sɔnu, nɑn mɑnu. Ii tuun nnɑ nɑn bin nbɑ mei Yonmdɑɑnɔ nɑn pɑlpienn nɑ.

2 Tiimuote 2:7

Ii duki lin nbɑ k n yien’ɑ nɑ po, k mɑɑn Yonmdɑɑnɔ sɑɑ te k fɑn fit bɑnn l kul ɑ pɑɑk.

Tiit 2:15

Lin nbɑ nɑ e tie lin nbɑ k ɑ sii wɑnt’b nɑ. Ii cien b pɑlɑ, kii biɑ kii kpɑɑn’m nɑn Yennu nbɑ tul’ɑ yiikuo nɑ. A dɑɑ ŋɑɑnt k b suɑ goli’ɑ yɑnn.

Tiit 2:7

Bonsiɑl kul ni, fii tuun tuonŋɑnɑ nbɑ sii wɑnt niib bɑɑ sii be biɑnŋ nbɑ. Fii wɑnt niib *Klistu lɑbɑɑl nɑn ninmɔnn nɑn bɑlmɔni,

Sɑɑk 3:13

Ŋmee mɔk yɑn nɑn bɑnnu i sinsuuk ni? Ŋɑɑnt wun wɑnn nɑn u mɔk yɑn nɑn bɑnnu, u binbenŋɑnŋ ni nɑn tuonɑ nbɑ k u tuun, nɑn sikn-n-mɔnŋ nɑn yɑn ni.

Sɑɑk 3:17

Ŋɑɑn yɑn nbɑ nyi sɑnpɑɑpo, l k mɔk biit. Wun nbɑ mɔk yɑn mɑnŋ, u mɔk pɑlmɑɑsl k be suon nnɑ, k gbiɑ u lieb mɑɑn pɑɑk. U mɔk ninbɑtinu bonciɑnn, k biɑ tuun tuonŋɑnɑ bonciɑnn. U k mɔk luktn, k biɑ k mɔk niilɑbndinu.

1 Piɑl 5:3

Dɑɑ mɑntk diɑ niib nbɑ k Yennu tul’i k i guu’b nɑ nɑn ninmɔnn, ŋɑɑn te k i binbenŋɑnŋ n wɑnn’b bɑɑ sii be biɑnŋ nbɑ.