1 Tiimuote 3:6 - Yiesu Lɑbɑmɑnn Muɑl Ni

⁶ L kpɑɑ tɑlɑs k u dɑɑ tie dɑɑnɔ nbɑ gɑɑl Klistu k l dɑɑ k wei. Nnɑ e i kɑɑ, u tɑn sii mɔk kɑlnbɑɑni k wɑnt u mɔnŋ k tɑn lɑ tubdɑtu nbɑ k *Sɑɑtɑn lɑ nɑ.

1 Tiimuote 3:6 Iomraidhean Croise

Lɑbɑmɑnn nbɑ k Luk diɑn 10:18

K Yiesu yet’b ɑ: «N lɑ k *Sɑɑtɑn nyii sɑnpɑɑpo k tɑn bɑɑ nɑn sɑnyiknti nɑ.

1 Kuolent-tieb 3:1

N nɑɑ wɑɑs, l tie mɔni e, n din k fit pɑk k tul’i nɑn mɑɑ din bo sɑɑ pɑk k tul niib nbɑ mɔk Siek nɑ. N din pɑk k tul’i nɑn mɑɑ bo sɑɑ pɑk k tul tingbounŋ nɑ tieb nɑ e, k i binbenŋ biɑ tie nɑn wɑɑs binbenŋ nɑ e *Klistu sɔnu ni.

1 Kuolent-tieb 8:1

Tɔn, ŋɑɑnt tin got pɑtɑ nɑnt lɑbɑɑl. L tie mɔni nɑn t kul mɔk minu, ŋɑɑn minu te k nilɔ dont u mɔnŋ, ŋɑɑn lonm ŋɑnin sonmt nilɔ e *Klistu wɑɑnu ni.

2 Kuolent-tieb 12:7

Yonmdɑɑnɔ nbɑ te k n bɑnn lin nbɑ nɑ tie bɑktnɔunŋ o, l pɑɑk, ɑ k n dɑɑ fuɑ bɑlɑ, n din lɑ dɑnŋ n gbɑnu ni. B din tun *Sɑɑtɑn tuomu e k u tul’n dɑnŋ mɑnŋ.

1 Tiimuote 3:7

L kpɑɑ tɑlɑs k wuu tie dɑɑnɔ nbɑ k bin nbɑ k wɑɑ Klistu nɑ n yet ɑ u binbenŋ ŋɑn, k u dɑɑ mi di fei k *Sɑɑtɑn bɑluk tɑn sɑɑ mɑnn k suol’ɔ.

1 Tiimuote 6:4

u mɔk jɑpɑɑt bonciɑnn e k k bɑn siɑl. K mɔniɑɔk nɑn kunkɔnɑ tie nɑn yiɑlu nɑ k wɑɑ’u, k l bɑɑt nɑn *funfunn, nɑn kunkɔnɑ, nɑn nisukt, nɑn mɑbiit,

2 Tiimuote 3:4

B tɑn sii nyi lieb puoɑ e, k tie kɑɑtkɑɑtdɑnm, k dont b mɔnŋ. B tɑn sii luon bii tuun lin nbɑ mɑn k tul’b k kii mɔk lonm nɑn Yennu.

1 Piɑl 2:2

Ii tie nɑn sɑnpɑnti nɑ mɑn, kii tun kii luon mɑnfuol biin nbɑ be Foŋɑnm buol ni nɑ, k l i tie k i nyu’l yii kpɑɑtl k tɑn lɑ fielu.

1 Piɑl 5:5

Nnɑ e mun, yinm nbɑ tie nɑɑsinm nɑn sɑpɑɑnm, ii sɑɑk sɑɑkɑb mɔi, k i kul ɑ n liɑ liɑtl nbɑ tie sikn-n-mɔnŋ, k mɑɑn l diɑn Yennu lolkpel kɑdɑɑɔk ni ɑ: «Yennu kɔn nɑn kɑlnbɑɑndɑnm e, ŋɑɑn goli bin nbɑ sikn b mɔnŋ nɑn bulcint.»

2 Piɑl 2:4

K mɑɑn Yennu din k nyik mɑlɑkɑɑnbɑ nbɑ din tun biit nɑ tubdɑtu. Ŋɑɑn u din lol’b jɑlt k lu’b buotuk nbɑ sumi bonciɑnn k biɑ mɔk muu nbɑ kɑn mi kpien nɑ ni, k b sii be l ni mɔkmɔk nɑn dɑɑl nbɑ k u tɑn sɑɑ bu b buut.

Suud 1:6

Ii tiɑn mɑlɑkɑɑnbɑ nbɑ din k diɑ yiikuo nbɑ k Yennu din tul’b nɑn l sɔnu, k biɑ din yɑɑt k nyik b binbebuol nɑ po. Yennu bɑɑn’m bɑnt nbɑ sii be nɑn yuo nbɑ kɑɑ gbennu nɑ k lu’b sɑlk buotsunsunŋ nbɑ bɔn ni, k guu dɑgbenŋl nbɑ k u sɑɑ bu b buut nɑ.