1 Tiimuote 3:2 - Yiesu Lɑbɑmɑnn Muɑl Ni

² L k ŋɑn k yudɑɑnɔ mɑnŋ ii tuun lin nbɑ k niib sɑɑ fit tɑɑl’ɔ l pɑɑk. L kpɑɑ tɑlɑs e k wuu mɔk puo yenɔ kuɑ, kii tie wun nbɑ fit diɑ u mɔnŋ, kii tie wun nbɑ k niib tien’ɔ nibɑɑkl, kii gɑɑn sɑɑnm u ŋɑɑk ni kii cɑntl’b, kii tie wun nbɑ sɑɑ fit tumi niib fɑnu,

1 Tiimuote 3:2 Iomraidhean Croise

Lɑbɑmɑnn nbɑ k Luk diɑn 1:6

B bɑnle din mɔk binbenŋ nbɑ gbuot Yennu nunm, k sɑɑk u mɔb *senni kul nyiknyik.

Lɑbɑmɑnn nbɑ k Luk diɑn 2:36

Tɔn, k *Yennu sɔkniiluɑ mun din be lenŋ k tie puo, k u sɑnn yi Aɑnn, wun nbɑ tie Fɑɑnuel bipuo, k biɑ tie Aɑsel buolu ni nilɔ, k din tie puokpelcɑɑnwonŋ, wun nbɑ din yuo binɑ ŋɑnlole.

Luonmtieb 12:13

Pɑɑtl mɑn lin nbɑ k i mɔk nɑ k tul Yennu niib nbɑ k mɔk, kii gɑɑn sɑɑnm kii cɑntl’b i ŋei ni.

Fiiliiptieb 2:15

ɑ i dɑɑ mɔk biit k biɑ dɑɑ mɔk jɑknt, kii tie Yennu wɑɑs nbɑ k mɔk dɑnŋ, k be nijɑknɑ nɑn biitdɑnm sinsuuk ni nɑ, kii nyili b sinsuuk ni nɑn ŋmɑɑjɑlɑ nbɑ nyili sɑnpɑɑpo biɑnŋ nbɑ nɑ,

1 Tiimuote 3:12

L kpɑɑ tɑlɑs k jɑɑnti niib * sonmtuɑ i mɔk puo yenɔ kuɑ, k biɑ fit diɑ u wɑɑs nɑn u ŋɑɑk niib fɑnu.

1 Tiimuote 3:8

L biɑ kpɑɑ tɑlɑs k jɑɑnti ni * sonmtieb ii mun ii tie jɑb nbɑ jɑnŋ nɑn niib n bɑɑk’b e, kii tie mɔmɔnm dɑnm, k dɑɑ nyu dɑɑn bonciɑnn, k biɑ dɑɑ luon bin lɑ nyuɑt fɑɑk tuonɑ pɑɑk.

1 Tiimuote 4:3

L nibuolu wɑnt, ɑ jɑkunt nɑn puokuɑnt k ŋɑn, ɑ k jesiɑt biɑ k ŋɑn nɑn dinu. Ŋɑɑn tinm nbɑ tien Klistu yɑdɑ k biɑ mi l bɑlmɔni nɑ, mi nɑn Yennu din nɑn jebuolu kul ɑ, ɑ niib n tuu tul’ɔ niipuouk l pɑɑk e ŋɑɑn di.

1 Tiimuote 5:10

kii mɔk sɑnŋɑnn u tuonŋɑnɑ pɑɑk, kii tie wun nbɑ wubl u wɑɑs fɑnu, k tuu gɑɑn sɑɑnm u ŋɑɑk ni, k tuu wu Klistuyɑb tɑɑ, k tuu sonmt tɑlɑs-dɑnm, k tuu tuun tuonŋɑnɑ buolu kul.

1 Tiimuote 5:22

A dɑɑ yiin ɑ nii suɑ pɑɑk yiɑn yiɑn, ɑ wuu tuun tuonsiɑl Klistu mɔtɑɑɔk niib sinsuuk ni. A dɑɑ kuɑnt ɑ nuu niib tuonbiit tumu ni, ŋɑɑn i diɑ ɑ mɔnŋ bɑnnu nbɑ k b k fit tɑɑl’ɑ l pɑɑk.

1 Tiimuote 5:9

A dɑɑ kɑɑn pɑkuɑk nbɑ dɑɑ k kpet gɑl binɑ piinluob nɑ k kuɑnt pɑkɔi kɑnn ni. K biɑ jen ɑ, l ŋɑn k wuu tie puo nbɑ mi k kun jɑyenɔ kuɑ e,

2 Tiimuote 2:24

L k ŋɑn k Yonmdɑɑnɔ tuontunnɔ ii kɔn nɑn niib. L ŋɑn k wuu tie bulcimɔ e suɑ kul buol ni, kii tie wun nbɑ sɑɑ fit k tumi,

Tiit 2:2

A kpɑɑn jɑkpelɑ, ɑ bii be suon nnɑ, kii be bɑnnu nbɑ k b jɑnŋ nɑn nibɑɑkl, kii diɑ b mɔnŋ, kii diɑ lɑbɑmɑnn wɑnnu fɑnu, kii mɔk lonm nɑn niib, kii mɔk gbɑnkul.

Hebluonbɑ 13:2

I dɑɑ tɑnmt sɑɑnm gɑɑlu po, k mɑɑn nisiɑb din tɑn gɑɑl mɑlɑkɑɑnbɑ sɑɑɔnŋ, ŋɑɑn k mi ɑ b tie mɑlɑkɑɑnbɑ e.

Hebluonbɑ 3:14

K mɑɑn t tie Klistu tɔk-nɑn-lieb e, l i tie k t duu u pɑɑk nɑn tɑɑ din duu u pɑɑk sinsinn biɑnŋ nbɑ nɑ.

1 Piɑl 4:7

Bont kul ɑ gbennu ji k fɔk. L pɑɑk, i suol i mɔnŋ kii sub k fit kii mei Yennu.

1 Piɑl 4:9

Ii gɑɑn lieb sɑɑɔnŋ mɑn k dɑɑ buln.

1 Piɑl 5:8

Ii diɑ i mɔnŋ mɑn kii guu fɑnu, k mɑɑn i dɑtɑɑk *Sɑɑtɑn lin k biet nɑn yɑnbɔl nɑ e, k luon wun lɑ suɑ k suol ŋmɑn.