1 Tiimuote 3:1 - Yiesu Lɑbɑmɑnn Muɑl Ni

¹ Bɑli nbɑ nɑ tie bɑlmɔni e, k jɑsuɑ nbɑ luon k wun tien *Klistu mɔtɑɑɔk niib yudɑɑnɔ, l tie tuonŋɑnn e k u luon.

1 Tiimuote 3:1 Iomraidhean Croise

Lɑbɑmɑnn nbɑ k Luk diɑn 15:10

«Nnɑ e mun k n yien’i biɑk, l i tie k biitdɑɑn-yenɔ mɔ kuɑŋɑɑn k lebt binbenŋ, Yennu *mɑlɑkɑɑnbɑ sii mɔk pɑlpienn u pɑɑk e.»

Tuonɑ 1:20

«Tɔn, l diɑn *yɑni kɑdɑɑɔk ni ɑ: ‹Ŋɑɑnt k u ŋɑɑk n set lɑngbounŋ k suɑ dɑɑ kuɑ lenŋ.› K l biɑ diɑn ɑ: ‹L ŋɑn k suɑ n gɑɑl u tuonn yiɑl nɑ.›

Tuonɑ 20:28

L pɑɑk, i diɑ i mɔnŋ mɑn bonŋɑnn, nɑn Yiesuweilɑ nbɑ k Foŋɑnm kubn i nuu ni ɑ yii tie b yudɑnm kii goli’b. Ii guu Klistu mɔtɑɑɔk niib nbɑ k Yennu te k b tie u yɑb u Bijɑ kuun pɑɑk.

Luonmtieb 11:13

N piɑk k tien yinm nbɑ k tie Suifnbɑ nɑ e: Yennu nbɑ te k n tie *tuomi i buol ni nɑ, n sii mɔk yugontl n tuonn mɑnŋ pɑɑk.

Efestieb 4:12

U tun lin nbɑ nɑ ɑ bin nbɑ tie Yennu niib kul ɑ n fit jɑnŋ u tuonɑ mɑnŋ e, k te k Klistu gbɑnɑnt n tɑnt,

Fiiliiptieb 1:1

Min Pɔul nɑn Tiimuote, tinm nbɑ tie Yiesu *Klistu tuontunnɑ nɑ e diɑn kɑdɑɑɔk nɑ k tien bin nbɑ tie Yennu niib Yiesu Klistu ni k be Fiiliip nɑ, nɑn b jɑɑnti ni yudɑnm nɑn b * sonmtieb.

1 Tesɑɑluoniiktieb 5:14

T nɑɑ wɑɑs, i kpɑɑn gbɑn-nyɑkdɑnm, kii cien jɑŋmɑɑndɑnm pɑlɑ, kii sonmt tɑli, kii di suklu nɑn suɑ kul ɑ.

1 Tiimuote 1:15

Gotl mɑn, lɑbɑɑl nbɑ tie bɑlmɔni k ŋɑn nɑn niib kul n gɑɑl’l e nɑ: Yiesu Klistu din bɑɑl tingbounŋ nɑ ni, ɑ wun tɑn fiel biitdɑnm e, k min e bi k gɑl b kul ɑ.

1 Tiimuote 4:9

Lin nbɑ nɑ tie bɑlmɔni e, k l ŋɑn nɑn niib kul n gɑɑl’l.

2 Tiimuote 2:11

Bɑli nɑ e tie mɔmɔnm: «T i kpo nɑn’ɔ, t mun tɑn sii mɔk mɑnfuol nɑn’ɔ e.

Tiit 1:7

k mɑɑn Klistu mɔtɑɑɔk niib yudɑɑnɔ sii tuun Yennu tuonɑ e. L pɑɑk, l kpɑɑ tɑlɑs nɑn u dɑɑ tie dɑɑnɔ nbɑ k b fit tɑɑl’ɔ, k dɑɑ mɔk jɑpɑɑt, ɑmi wun nbɑ dont wutuol yiɑn yiɑn, ɑmi wun nbɑ nyu dɑɑn k yib, ɑmi wun nbɑ luon kunkɔnɑ, ɑmi wun nbɑ luon likli fɑɑk sɔni ni.

Tiit 3:8

Bɑli nɑ tie bɑlmɔni e. N luon k ɑ jii ɑ dudukt kul kii wɑnt’b lin nbɑ nɑ, k bin nbɑ tien Yennu yɑdɑ nɑ n jii b yuo kii tuun tuonŋɑnɑ nɑn ninmɔnn. Ŋɑnn e ŋɑn k mɔk nyuɑt k tul suɑ kul ɑ.

Hebluonbɑ 12:15

Guut i mɔnŋ mɑn k tɑn dɑɑ kɔnŋt Yennu ninkpɑbɑɔnŋ nɑ. I suɑ dɑɑ tie nɑn penn nbɑ tuu piɑ k u suun tie lɑbt nbɑ sɑɑ fit biil niib bonciɑnn nɑ.

1 Piɑl 2:25

I din tuu tie nɑn pebotkɑi nɑ e, ŋɑɑn mɔtɑɑnɑ i jen i kpɑɑltuɑ nbɑ guu i sei nɑ buol ɑ.

1 Piɑl 4:15

Ŋɑɑn suɑ fɑldinu i be nikpinu ɑmi nɑn-yuk ɑmi biit tumu ɑmi kpikpiluk tuonɑ pɑɑk, l k ŋɑn.

1 Piɑl 5:2

N kpɑɑn’i e, i tie Yennu niib nbɑ be i nuu ni nɑ pekpɑɑli, kii guu’b fɑnu, k l dɑɑ tie miɑl kɑɑ. Ŋɑɑn k lii tie i yɑnbuɑt e, nɑn Yennu nbɑ luon biɑnŋ nbɑ, k l biɑ dɑɑ tie likli pɑɑk kɑɑ, ŋɑɑn ii kpɑnŋ i kol kii tuun.