1 Tiimuote 2:8 - Yiesu Lɑbɑmɑnn Muɑl Ni

⁸ N luon k jɑb ii mei Yennu siɑn nbɑ kul k bin donn b nii kii mei Yennu k siɑl ɑ jɑknt dɑɑ be b pɑlɑ ni k mɔniɑɔk nɑn wutuol biɑ dɑɑ be b sinsuuk ni.

1 Tiimuote 2:8 Iomraidhean Croise

Mɑɑtieo 21:21

Ŋɑnn e k u jiin k yet’b ɑ: «Bɑlmɔni e k n yien’i nɑ, l i tie k i mɔk yɑdɑ nɑn bɑlmɔni k k bils, i mun sii tuun nɑn mɑɑ tun tiik nɑ biɑnŋ nbɑ nɑ e. Ŋɑɑn l k tie nnɑ kuukuɑ kɑɑ k i sɑɑ tun. L i tie k i yet juɑl nɑ ɑ wun fikt k sɑɑ bɑɑ mɔkgbenŋl nɑ ni, l sɑɑ tun ɑ.

Mɑɑtieo 5:44

ŋɑɑn min ŋɑnin yien’i e, nɑn ii luon i dɑtɑi mɑn, kii mei Yennu kii tien niib nbɑ muks’i nɑ.

Mɑɑtieo 6:12

Nyikn cɑb t biit nɑn tɑɑ mun nyikt cɑbt bin nbɑ biil’t nɑ.

Lɑbɑmɑnn nbɑ k Luk diɑn 23:34

K Yiesu yet k yɑɑ ɑ: «N Bɑɑ, nyikn cɑb niib nɑ, k mɑɑn b k bɑnn bɑɑ tuun lin nbɑ nɑ pɑɑk.» K b tɔ tiɑtiɑ k cent u tiɑt.

Lɑbɑmɑnn nbɑ k Luk diɑn 24:50

Ŋɑnn e k Yiesu nyii nɑn’m duo mɑnŋ ni k sɑɑn nɑn’m Betɑɑni. Lenŋ e k u sɑɑ donn u nii sɑnpɑɑpo ŋɑɑn yɑt yetŋɑnm b pɑɑk.

Lɑbɑmɑnn nbɑ k Sɑn diɑn 4:21

K Yiesu yet’ɔ ɑ: «Cɑnnɑɑ, tient’n yɑdɑ, yuo bɑɑt k niib tɑn kii jiɑntl Bɑɑ Yennu juɑl nɑ pɑɑk, k biɑ tɑn kii jiɑntl’ɔ Selusɑɑlenm mun biɑk.

Tuonɑ 10:2

U din tie Yenjiɑnt-tuɑ e, k ŋuɑ nɑn u ŋɑɑtieb kul ɑ din jiɑntl Yennu. U din sonmt Suifnbɑ ni tɑlɑs-dɑnm bonciɑnn, k biɑ din mei Yennu yuo kul.

Tuonɑ 10:31

k yet ɑ: ‹Kɔlnɑi, Yennu gbɑt ɑ miɑlu wɑɑ, k biɑ tiɑn ɑ ninkpɑbɑɔnŋ tuonɑ po.

Tuonɑ 10:4

Kɔlnɑi nbɑ din got lɑ mɑlɑkɑ mɑnŋ nɑ, k jɑŋmɑɑni suol’ɔ, k u yet ɑ: «N Yonmdɑɑnɔ, bee?» K mɑlɑkɑ mɑnŋ jiin ɑ: «Yennu gɑɑl ɑ miɑlu wɑɑ, k biɑ gɑɑl ɑ ninkpɑbɑɔnŋ tuonɑ nbɑ k ɑ tuun k tien tɑlɑs-dɑnm, k biɑ tiɑn ɑ po.

Tuonɑ 21:5

Dɑɑ ŋɑnlole nbɑ tɑn gɑl yuo nbɑ nɑ, k ŋɑnm nɑn b puob nɑn b wɑɑs din ciɑn’t, k sɑɑ nyii duo nɑ ni, k diɑn’t, k t kul ɑ gbɑɑn mɔk-kpinŋ k miɑl Yennu.

Tuonɑ 7:60

ŋɑɑn gbɑɑn k yikn sɑnpɑɑpo wɑɑ ɑ: «N Yonmdɑɑnɔ, dɑɑ jikt b biit nɑ k biil’b.» U yet nnɑ e ŋɑɑn ji kpo.

1 Kuolent-tieb 1:2

k tien Yennu mɔtɑɑɔk niib nbɑ be Kuolent duo ni. T dɑ kɑdɑɑɔk mɑnŋ k tien yinm nbɑ kul k Yennu yiin’i Yiesu Klistu ni, ɑ i tien u tiɑɔnŋ niib k tɑɑn nɑn bin nbɑ kul jiɑntl t Yonmdɑɑnɔ Yiesu Klistu. Ŋuɑ e tie b Yonmdɑɑnɔ nɑn t Yonmdɑɑnɔ.

1 Kuolent-tieb 7:7

Setk nɑn mɔni n bo luon k suɑ kul i be, nɑn mɑɑ be biɑnŋ nbɑ nɑ e, ŋɑɑn suɑ kul nɑn u piini e k l nyii Yennu buol jiɑk jiɑk.

2 Kuolent-tieb 2:14

Ŋɑɑn Yennu yen niipuouk, k mɑɑn t tie Klistu dɑɑbɑ k wɑɑ u puolpo yuo kul, k u lin k wɑnt nɑn nyɑnnu tie u yɑl e. Yennu jii’t ɑ tin fiit Klistu k wɑnn suɑ kul mun, k u lɑbɑmɑnn tie nɑn tulɑɑli nbɑ nubl mɑn l kul po biɑnŋ nbɑ nɑ e.

Fiiliiptieb 1:12

N nɑɑ wɑɑs, n luon k yin bɑnn nɑn lin nbɑ kul nbɑ tien’n nɑ, sonm lɑbɑmɑnn mɑnŋ ɑ lin sɑɑn tuɑnn e nɑn bɑlmɔni.

1 Tesɑɑluoniiktieb 1:8

Yonmdɑɑnɔ lɑbɑmɑnn mɑnŋ din nyii i buol e, k lin Mɑɑseduɑnn nɑn Akɑɑyi tini ni, k lin nbɑ biɑ pukn, yɑɑ tien Yennu yɑdɑ biɑnŋ nbɑ ponŋ lin lokɑ kul po wɑɑ. L pɑɑk, t ponŋ ji kɑn fit pɑk siɑl k pukn.

1 Tiimuote 5:14

L pɑɑk, min bo sii luon k puopɑɑni nbɑ tie pɑkɔi nɑ n kun jɑb e k mɑl wɑɑs, k got b ŋei fɑnu, k t dɑtɑi dɑɑ lɑɑt yɑɑk k piɑk biit jiint t po,

Tiit 3:8

Bɑli nɑ tie bɑlmɔni e. N luon k ɑ jii ɑ dudukt kul kii wɑnt’b lin nbɑ nɑ, k bin nbɑ tien Yennu yɑdɑ nɑ n jii b yuo kii tuun tuonŋɑnɑ nɑn ninmɔnn. Ŋɑnn e ŋɑn k mɔk nyuɑt k tul suɑ kul ɑ.

Hebluonbɑ 10:22

L pɑɑk, ŋɑɑnt mɑn k tin cɑt nɑkn Yennu nɑn pɑlɑ nbɑ gbie nɑn bɑlmɔni kuukuɑ nɑn bɑlmɔni yɑdɑ, k dɑɑ mɔk bilsuk, k dɑɑ mɔk *siɑl ɑ dudukbiit t pɑl ni, kii mɔk gbɑnɑnt nbɑ k b din wuul nɑn nyun nbɑ kɑɑ jɑknt nɑ.

Sɑɑk 4:8

Cɑtl nɑkn Yennu buol mɑn, k u mun sɑɑ nɑkn’i. Yinm biitdɑnm, wuut i nii mɑn, k yinm dudukt ŋɑnlele dɑnm, ŋɑnmt i pɑlɑ mɑn.

1 Piɑl 3:7

Puosɔlb, yinm nɑn i puob binbenŋ ni, ii diɑ i puob fɑnu kii mi nɑn b tie tɑli e i buol, kii tien’m nibɑɑkl, k mɑɑn yinm nɑn ŋɑnm kul tɑn sɑɑ gɑɑl Yennu piinŋɑnn nbɑ tie mɑnfuol. Ii tuun nnɑ mɑn k siɑl dɑɑ jeni i Yenmiɑlu.