1 Tiimuote 2:6 - Yiesu Lɑbɑmɑnn Muɑl Ni

⁶ wun nbɑ din jii u mɔnŋ k pɑ suɑ kul pɑɑk, ɑ wun nyinn’b dɑɑbs ni. Ŋɑnn e din tie *siɑlɑ yuo nbɑ k Yennu luon.

1 Tiimuote 2:6 Iomraidhean Croise

Mɑɑtieo 20:28

K i tie nɑn Nisɑɑlk Bijɑ nbɑ tie biɑnŋ nbɑ nɑ, k mɑɑn u k bɑɑl ɑ niib n tun tul’ɔ kɑɑ, ŋɑɑn u bɑɑl ɑ wun tun k tul niib e, k biɑ kpo k te k niib bonciɑnn n lɑ fielu.»

Mɑɑlk 1:15

k yien ɑ: «Yuo bɑɑl ɑ, k Yennu nɑɑn pel nɑ. L pɑɑk i mɔ kuɑŋɑɑn k lebt binbenŋ mɑn k tien lɑbɑmɑnn mɑnŋ yɑdɑ.»

Mɑɑlk 10:45

k mɑɑn Nisɑɑlk Bijɑ, k bɑɑl ɑ niib n tun tul’ɔ kɑɑ, ŋɑɑn u bɑɑl ɑ wun tun k tul niib e, k biɑ kpo ɑ wun fiel niib bonciɑnn.»

Lɑbɑmɑnn nbɑ k Sɑn diɑn 6:51

Min e tie mɑnfuol pɑɑnu mɑnŋ nbɑ nyii Yendɔunŋ ni nɑ k sik. L i tie k suɑ dii pɑɑnu mɑnŋ, u sii be nɑn yuo nbɑ kɑɑ gbennu. Pɑɑnu nbɑ k n sɑɑ tul tie n gbɑnɑnt e, k n tɑn sɑɑ tul’l ɑ tingbounŋ ŋɑɑtieb n lɑ mɑnfuol.»

Luonmtieb 16:26

Ŋuɑ *Yennu sɔkniinbɑ gɑɑl k diɑn lolkpel kɑdɑɑɔk ni k l fiit wuol ni, k Yennu nbɑ kɑɑ gbennu nɑ tul mɔb ɑ buolu kul nbɑ k tie Suifnbɑ nɑ n bɑnn’l, k niib kul n fit k tien yɑdɑ k sɑk u mɔb.

Luonmtieb 5:6

Setk nɑn mɔni, yuo nbɑ k t dɑɑ din k mɔk sonml nɑ, Klistu din gɑɑl biitdɑnm pɑɑk k kpo, k l tie yuo nbɑ k Yennu din senn e.

1 Kuolent-tieb 1:6

Klistu *siɑlɑ nbɑ k t din tien nɑ, i gɑɑl’l fɑnu wɑɑ.

2 Kuolent-tieb 5:21

Klistu k mi tun biit, ŋɑɑn Yennu e din jinn’ɔ ɑ u tie biitdɑɑnɔ t tiɑɔnŋ biit pɑɑk. U din tun ŋɑnn e ɑ tin lɑ yentinu binbenŋ ŋuɑ Klistu ni.

Gɑɑlɑɑt-tieb 1:4

Yiesu Klistu e din cɑb u mɔnŋ t biit pɑɑk, ɑ wun fɑt’t tingbounŋ nbɑ mɔk biit nɑ ni nɑn t Bɑɑ Yennu nbɑ luon bɑnnu nbɑ.

Gɑɑlɑɑt-tieb 4:4

Ŋɑɑn yuo nbɑ din tɑn jɑnŋ nɑ, k Yennu tun u mɔnŋ mɔnŋ Bijɑ, k puo din mɑl’ɔ, k u din be *Suifnbɑ *senni ni,

Efestieb 1:17

k lek mei t Yonmdɑɑnɔ Yiesu Klistu Yennu, wun nbɑ tie Bɑɑ nbɑ ŋɑn nɑn dontl, ɑ wun tul’i Foŋɑnm nbɑ sɑɑ tul’i yɑn k fiit Yennu k tul’i, k yin bɑnn’ɔ fɑnu.

Efestieb 1:7

Yennu nyinn’t biit dɑɑbs ni u Bilonkɑk mɑnŋ sɔn pɑɑk e, k nyik cɑb t biit u ninkpɑbɑɔnŋ nbɑ yɑb nɑ pɑɑk.

Efestieb 3:5

lin nbɑ k u din k wɑnn niib siɑn yuo, ŋɑɑn mɔtɑɑnɑ Foŋɑnm ni e k Yennu wɑnn u tiɑɔnŋ tuomiinbɑ nɑn sɔkniinbɑ.

Efestieb 5:2

k ŋɑɑn k lonm i diɑ’i nɑn *Klistu nbɑ din luon’t bonciɑnn k gɑɑl t pɑɑk k kpo k l nɑɑn nɑn mɑnnu nbɑ k l nublu mɑn k tul Yennu nɑ.

2 Tesɑɑluoniiktieb 1:10

dɑɑl nbɑ k u tɑn sɑɑ bɑɑl k gɑɑl dontl nɑn pɑku u weilɑ kul nbɑ tien’ɔ yɑdɑ k tie u tiɑɔnŋ yɑb nɑ buol ni. I mun tɑn sii be b sinsuuk ni e, k mɑɑn i ponŋ tien mɑɑn nbɑ k t din tul’i nɑ yɑdɑ wɑɑ.

1 Tiimuote 6:15

Yennu nbɑ k t piɑk’ɔ nɑ, wun nbɑ tie Yudɑɑnɔ, k biɑ tie kpɑnbɑlɑ kul Kpɑnbɑl, k biɑ tie yonmdɑnm kul Yonmdɑɑnɔ. Ŋuɑ e tɑn sɑɑ te k wun dɔkt yuo nbɑ jɑnŋ.

2 Tiimuote 1:8

L pɑɑk, din t Yonmdɑɑnɔ *siɑlɑ k dɑɑ tiin fei. A biɑ dɑɑ tiin fei nɑn mɑɑ be dɑnsɑlk u pɑɑk nɑ, ŋɑɑn sɑk fɑldinu nɑn’n u lɑbɑmɑnn mɑnŋ pɑɑk, nɑn Yennu nbɑ tul’ɑ pɑnŋ biɑnŋ nbɑ nɑ.

Tiit 1:3

Yuo nbɑ k u din senn nɑ nbɑ tɑn bɑɑl, k Yennu t Fietuɑ te k n bɑnn u mɑɑn. L mɑɑn e tie mɑɑn nbɑ k u yɑɑ mii muɑntl nɑ.

Tiit 2:14

Ŋuɑ e din gɑɑl t pɑɑk k kpo, ɑ wun fɑt’t biit kul dɑɑbs ni, k te k tii tie niib nbɑ be binbenŋ nbɑ gbuot Yennu nunm nɑ ni, k biɑ kii tie u tiɑɔnŋ yɑb, k biɑ kii tie niib nbɑ nunm mɔn nɑn tuonŋɑnɑ tumu.

Hebluonbɑ 9:12

Klistu nbɑ din kuɑ siɑn nbɑ tie Yennu yɑl nɑn bɑlmɔni nɑ ni yonm kuɑ nɑ, u din k kuɑ nɑn bujɑi nɑn nɑɑjɑi sɔn kɑɑ k mɑnn mɑlunŋ, ŋɑɑn u din jii u mɔnŋ sɔn e k pɑ k gɑɑl fielu nbɑ kɑɑ gbennu k tul’t.

1 Piɑl 2:24

Ŋuɑ Klistu mɔnŋ mɔnŋ e din jii t biit u gbɑnɑnt ni, k b kpɑɑ’u dɑpunpunn pɑɑk, ɑ t dɑɑ tie biit tuontunnɑ ŋɑɑn kii be Yennu nbɑ luon bɑnnu nbɑ. U dɑni pɑɑk e k i lɑ lɑɑfiɑ.

1 Piɑl 3:18

K mɑɑn Klistu din gɑɑl biitdɑnm kul pɑɑk k kpo yonm kuɑ e, k ŋuɑ nbɑ din tie niŋɑnɔ nɑ e din gɑɑl biitdɑnm pɑɑk k kpo, ɑ wun te yin sɑɑn Yennu buol. B din kpi’u, ŋɑɑn Foŋɑnm din te k u fiil kuun ni.

1 Sɑn 4:10

Lonm nbɑ tie lonm nɑn bɑlmɔni tie nnɑ e: l k tie ɑ tinm kɑɑ din luon Yennu, ŋɑɑn ŋuɑ e din luon tinm, k tun u Bijɑ, ɑ u *mɑlunŋ pɑɑk tin lɑ t biit nyikcɑbu.

Fiitu 1:5

nɑn Yiesu Klistu n tul’i l bonɑ. Ŋuɑ Yiesu e tie siɑlɑɑdɑɑnɔ nɑn mɔni. U tie bikpelk e, k biɑ din fiil kpienm sinsuuk ni. U biɑ tie tingbounŋ kpɑnbɑlɑ Kpɑnbɑl e. Yiesu Klistu luon’t k biɑ din nyinn tinm t biit ni nɑn u sɔn.

Fiitu 5:9

K b yiin yɑnpɑɑnŋ k tien Pebik nɑ k yien ɑ: «A set jɑnŋ nɑn fɑn gɑɑl kɑdɑpuɑbl nɑ k tɑbt l yiit nɑ, k mɑɑn ɑ din kpo e k jii ɑ sɔn k dɑɑ niib k tul Yennu. Niib mɑnŋ nyii buolu kul ni, nɑn mɑbuolu kul ni, nɑn nibuolu kul ni, nɑn tini kul niib ni.