1 Tiimuote 2:3 - Yiesu Lɑbɑmɑnn Muɑl Ni

³ Ŋɑnn e ŋɑn k pent t Fietuɑ Yennu pɑl ni,

1 Tiimuote 2:3 Iomraidhean Croise

Lɑbɑmɑnn nbɑ k Luk diɑn 1:47

k mɔk pɑlpienn bonciɑnn Yennu wun nbɑ tie n Fietuɑ nɑ pɑɑk,

Luonmtieb 14:18

K mɑɑn wun nbɑ wɑɑ Klistu nnɑ, Yennu sii mɔk pɑlpienn nɑn l dɑɑnɔ, k niib biɑ sii tie’u bɑɑkl.

Fiiliiptieb 1:11

k i binbenŋ n gbie nɑn yentinu luɑnɑ nbɑ nyii Yiesu Klistu buol ni nɑ, ɑ Yennu n lɑ dontl nɑn pɑku.

Fiiliiptieb 4:18

N gɑɑl i piini nɑ munn ɑ k l cul ɑ. Epɑɑflodiit nbɑ tul’n i piini mɑnŋ nɑ, n ji mɔk lin nbɑ kul k n luon. I piini tie nɑn mɑnnu nbɑ k l nublu mɑn k tul Yennu k u gɑɑl’l nɑ e.

Kuoluostieb 1:10

Nnɑ e k i sɑɑ fit kii be binbenŋ nbɑ k Yonmdɑɑnɔ luon. Ii tuun mɑn yuo kul lin nbɑ ŋɑn u po, kii tuun tuonŋɑnɑ buolu buolu kul. I i tuun nnɑ i tɑn sɑɑ ŋɑnm bɑnn Yennu fɑnu wɑɑ.

1 Tesɑɑluoniiktieb 4:1

Tɔn, t nɑɑ wɑɑs, i din tumi t penŋ biɑnŋ nbɑ k i sii tuun k pent Yennu pɑl ni, k nnɑ e k i ji tuun. Mɔtɑɑnɑ, t bɑln’mi e k kpɑɑn’i Yonmdɑɑnɔ Yiesu sɑnn ni, ɑ ii ŋɑnmt kii tuun nnɑ mɑn,

1 Tiimuote 1:1

Min Pɔul tie Yiesu *Klistu *tuomi, k mɑɑn t Fietuɑ Yennu nɑn Yiesu Klistu wun nbɑ tie t dindɑnn nɑ tul’n mɔb.

1 Tiimuote 4:10

L pɑɑk e te k t gbɑɑ k tuun nɑn ninmɔnn k mɑɑn t mɔk dindɑnn Yennu nbɑ fo ni, wun nbɑ tie suɑ kul Fietuɑ, k u set sɑɑ tul bin nbɑ tien’ɔ yɑdɑ nɑ fielu wɑɑ.

1 Tiimuote 5:4

ŋɑɑn pɑkɔsuɑ nbɑ mɔk wɑɑs ɑmi yɑɑbuonɑ, u wɑɑs ɑmi u yɑɑbuonɑ n tun tuonŋɑnɑ nbɑ k b yɑdɑ nɑn *Klistu wɑnn’b nɑ sinsinn k tul b mɔnŋ ŋei ni. Nnɑ e k b dɑnm mun sɑɑ di b niwubt nyuɑt, k mɑɑn lin nbɑ k Yennu luon e nɑ.

2 Tiimuote 1:9

Ŋuɑ e fiel’t k yiin’t ɑ tii tie u yɑb, k l k tie t tuonɑ pɑɑk kɑɑ ŋɑɑn u din lol k fiel’t u ninkpɑbɑɔnŋ pɑɑk e. U din tul’t ninkpɑbɑɔnŋ mɑnŋ Yiesu Klistu ni, yuo nbɑ k u dɑɑ din k nɑn *dulnyɑ nɑ.

Hebluonbɑ 13:16

I dɑɑ nyikt tuonŋɑnɑ tumu, kii centl yɑɑ mɔk lin nbɑ nɑn i lieb, k mɑɑn l mɑnbuolu e pent Yennu pɑl ni.

1 Piɑl 2:20

Ŋɑɑn fi i tun biit k b dɑt ɑ tubl, k ɑ gɑɑl tubdɑtu nɑ suon nnɑ, nlee k b sɑɑ pɑk’ɑ ni? Ŋɑɑn fi i tuun bonŋɑnn, ŋɑɑn di fɑlɑ l pɑɑk suon nnɑ, l tie bonŋɑnn e Yennu tuɑnn.

1 Piɑl 2:5

Ii mun i tie nɑn tɑnɑ nbɑ fo k bin jii’i k mɑɑ Foŋɑnm ŋɑɑk. K yii tie Yennu tiɑɔnŋ mɑnntieb, kii mɑnn *mɑlunŋ nɑn Foŋɑnm nbɑ luon bɑnnu nbɑ, k Yiesu *Klistu pɑɑk, Yennu sɑɑ gɑɑl i mɑlunŋ ɑ.