1 Tiimuote 2:2 - Yiesu Lɑbɑmɑnn Muɑl Ni

² Ii mei Yennu kpɑnbɑlɑ nɑn bin nbɑ kul tie yiikuo dɑnm nɑ pɑɑk, ɑ tin fit kii be nɑn lɑɑfiɑ nɑn mɑnu, kii tie Yennu yɑb cɑin, kii mɔk binbenŋ nbɑ k niib k fit tɑɑl’t l pɑɑk.

1 Tiimuote 2:2 Iomraidhean Croise

Lɑbɑmɑnn nbɑ k Luk diɑn 1:6

B bɑnle din mɔk binbenŋ nbɑ gbuot Yennu nunm, k sɑɑk u mɔb *senni kul nyiknyik.

Lɑbɑmɑnn nbɑ k Luk diɑn 2:25

L yuo nɑ k jɑsuɑ nnɑ din be Selusɑɑlenm, k u sɑnn din tie Siimeɔn. U din be binbenŋ nbɑ gbuot Yennu nunm k din bɑɑkt Yennu bonciɑnn, k guu yuo nbɑ k Yennu sɑɑ fiel Islɑɑeltieb, k Foŋɑnm din be nɑn’ɔ.

Tuonɑ 10:22

K b jiin ɑ: «Cɑnbɑɑ Kɔlnɑi e tun’t. U tie sejenm yudɑɑnɔ e, k u tie nibulcimɔ e biɑk, k jiɑntl Yennu k Suifnbɑ kul tien’ɔ nibɑɑkl. Tɔn, Yennu mɑlɑkɑ won bɑɑl yet’ɔ ɑ wun yiin’ɑ k ɑ bɑɑl u ŋɑɑk ni, k wun tɑn gbɑt lin nbɑ k ɑ sɑɑ pɑk k tul’ɔ.»

Tuonɑ 24:16

K l pɑɑk, n yɑbi n mɔnŋ yuo kul, mɑɑ n tun lin nbɑ tuok sɔnu, Yennu nɑn nisɑɑlk buol ni.

Luonmtieb 12:18

I yɑbl i mɔnŋ pɑɑk mɑn l i tie k l sɑɑ fit kii be bɑnnu nbɑ k mɑnu sii be yinm nɑn niib sinsuuk ni.

Fiiliiptieb 4:8

N nɑɑ wɑɑs, lin nbɑ juont tie nnɑ e. I ŋɑɑn k i dudukt n gbie nɑn lin nbɑ ŋɑn nɑn lin nbɑ ŋɑn nɑn dontl nɑn lin nbɑ tie bɑlmɔni, nɑn lin nbɑ ŋɑn nɑn bɑɑkl, nɑn lin nbɑ tuok, nɑn lin nbɑ k mɔk jɑknt nɑn lin nbɑ mɑn k biɑ mɔk sɑnn.

1 Tesɑɑluoniiktieb 4:11

I yɑbl i mɔnŋ kii be suon nnɑ, k i bɑkɑ i be i mɔnŋ tuonɑ ni, kii tuun i tiɑɔnŋ tuonɑ kii di, nɑn tɑɑ ponŋ din yet’i biɑnŋ nbɑ sinsinn nɑ.

Hebluonbɑ 12:14

I yɑbl i mɔnŋ pɑɑk kii mɔk mɑnu yinm nɑn niib kul sinsuuk ni, kii biɑ kii mɔk binbenŋ nbɑ gbuot Yennu nunm, k mɑɑn suɑ i kii mɔk ŋɑnn, l dɑɑnɔ tɑn kɑn lɑ Yonmdɑɑnɔ.