1 Tiimuote 2:1 - Yiesu Lɑbɑmɑnn Muɑl Ni

¹ L pɑɑk, sinsinn n wɑnn’ɑ nɑn l ŋɑn k niib ii mei Yennu, kii boi’ɔ bonɑ po, kii tien’ɔ niipuouk niib kul ɑ pɑɑk.

1 Tiimuote 2:1 Iomraidhean Croise

Tuonɑ 17:30

Yuo nbɑ gɑl nɑ, Yennu din k ŋmɑnn niib tubɑ nɑn bɑɑ din jɑnŋ nɑn tubdɑtu bɑnnu nbɑ, ŋɑɑn mɔtɑɑnɑ u yet suɑ kul, ɑ wun mɔ kuɑŋɑɑn k lebt binbenŋ,

Luonmtieb 1:8

Sinsinn, n tien Yennu niipuouk, Yiesu Klistu sɑnn ni, i kul ɑ pɑɑk, k mɑɑn tingbounŋ nɑ tieb kul gbiɑ i yɑdɑ po.

Luonmtieb 6:17

Siɑn yuo, biit din mɔk i yiikuo, ŋɑɑn mɔtɑɑnɑ i mɑntk sɑɑk bɑlmɔni wɑnnu nbɑ k b din wɑnt’i nɑ nɑn i pɑlɑ kul. L pɑɑk, k n tien Yennu niipuouk.

1 Kuolent-tieb 15:3

K mɑɑn n din yet’i lɑbɑɑl nbɑ k n mun din gɑɑl nɑ, k l tie bɑljɑɑnn k gɑl mɑɑn kul ɑ. *Klistu din gɑɑl tinm biitdɑnm pɑɑk k kpo, nɑn lɑɑ ponŋ din diɑn Yennu lolkpel kɑdɑɑɔk ni biɑnŋ nbɑ nɑ,

2 Kuolent-tieb 8:6

Ŋɑnn e k t din bɑln Tiit ɑ wun sɑɑn i buol ni kii sɑɑ kii tuun tuonn mɑnŋ nɑn wɑɑ din piin nɑ, ɑ wun fit sonm’i ɑ yin tun bulcint tuonn mɑnŋ k gbenn.

Efestieb 3:13

L pɑɑk, n bɑln’mi e ɑ i dɑɑ te k i pɑlɑ n biil nɑn mɑɑ di fɑlɑ i pɑɑk nɑ, k mɑɑn l kul tie i nyuɑt pɑɑk e.

Efestieb 5:20

Yuo kul ii tien Bɑɑ Yennu niipuouk bonsiɑl kul pɑɑk, t Yonmdɑɑnɔ Yiesu Klistu sɑnn ni.

Efestieb 6:18

Ii tuun lin nbɑ nɑ kul miɑlu ni kii boi Yennu u sonml po. Ii mei Yennu mɑn yuo kul nɑn Foŋɑnm nbɑ wɑnn’i bɑnnu nbɑ. I cekn i mɔnŋ nɑn gbɑnkul kii mei Yennu yuo kul u niib kul pɑɑk.

Fiiliiptieb 1:3

N tien Yennu niipuouk yuo nbɑ kul k n tuu tiɑl i po.

Fiiliiptieb 4:6

I dɑɑ biil i pɑlɑ bonsiɑl pɑɑk. Yinm i mei Yennu lin nbɑ kpɑɑ tɑlɑs tul’i pɑɑk. Ii mei Yennu, kii tien’ɔ niipuouk i pɑlɑ ni yuo kul ɑ kii yien’ɔ i lonm nbɑ tie lin nbɑ.

1 Tesɑɑluoniiktieb 3:12

Yonmdɑɑnɔ n te k yɑɑ luon i lieb nɑn suɑ kul biɑnŋ nbɑ n yɑbt bonciɑnn nɑn tɑɑ mun luon’i biɑnŋ nbɑ nɑ.

2 Tesɑɑluoniiktieb 1:3

T nɑɑ wɑɑs, l kpɑɑ tɑlɑs e nɑn tii tien Yennu niipuouk yuo kul i pɑɑk. T i tuun nnɑ, l ŋɑn, k mɑɑn i yɑdɑ mɑntk puki bonciɑnn, k yɑɑ mɔk lonm nbɑ k tien i lieb nɑ puki.

1 Tiimuote 2:4

wun nbɑ luon k suɑ kul n lɑ fielu k tɑn bɑnn bɑlmɔni nbɑ tie lin nbɑ,

1 Tiimuote 5:5

Ŋɑɑn mɔmɔnm pɑkuɑk nbɑ kɑɑ suɑ nɑ, u dindɑnn be Yennu ni, k u mei Yennu sonml po yennu ni nɑn nyiɑɔk.

2 Tiimuote 2:24

L k ŋɑn k Yonmdɑɑnɔ tuontunnɔ ii kɔn nɑn niib. L ŋɑn k wuu tie bulcimɔ e suɑ kul buol ni, kii tie wun nbɑ sɑɑ fit k tumi,

Tiit 2:11

K mɑɑn Yennu wɑnn u ninkpɑbɑɔnŋ nbɑ k niib kul fielu nyii lenŋ nɑ wɑɑ.

Tiit 3:2

Yetl’b ɑ b dɑɑ piɑk bɑlbiit suɑ pɑɑk, ŋɑɑn kii luon pɑlmɑɑsl, kii mɔk bulcint, kii mɔk sikn-n-mɔnŋ niib sinsuuk ni.

Hebluonbɑ 6:11

T luon k i suɑ kul n yɑbl u mɔnŋ pɑɑk nɑn ninmɔnn e nɑn yɑɑ tuu tuun bɑnnu nbɑ mɔkmɔk nɑn l juontu, k yɑɑ mɔk dindɑnn biɑnŋ nbɑ nɑ, l set sɑɑ tien mɔni k tul’i.

Sɑɑk 5:16

L pɑɑk, fiitl i biit k wɑnn lieb, k miɑl Yennu k tul lieb, ɑ yin lɑ lɑɑfiɑ. Wun nbɑ tie niŋɑnɔ Yennu tuɑnn nɑ miɑlu sii mɔk nyuɑt bonciɑnn.