1 Tiimuote 1:5 - Yiesu Lɑbɑmɑnn Muɑl Ni

⁵ N kpɑɑni mɑnŋ pɑɑk tie lin fiin nilɔ pɑl ni lonm nbɑ nyuɑn bon-yenn kuɑ, nɑn *dudukŋɑnt nɑn mɔmɔnm yɑdɑ.

1 Tiimuote 1:5 Iomraidhean Croise

Mɑɑtieo 12:35

Niŋɑnɔ nyint bonŋɑnn u mɔktuk nbɑ ŋɑn nɑ ni e, k nibiiuk nyint bonbiit u mɔktuk nbɑ bi nɑ ni.

Mɑɑtieo 5:8

Bin nbɑ yɑɑ pɑlɑ ni yien, pɑlpienn tie b yɑl e, k mɑɑn ŋɑnm e sɑɑ lɑ Yennu.

Tuonɑ 15:9

U k mɔk luktn tinm nɑn ŋɑnm sinsuuk ni k mɑɑn u wuul b pɑlɑ ni, bɑɑ tien yɑdɑ nɑ pɑɑk.

Tuonɑ 23:1

Ŋɑnn e k Pɔul got tituk kɑɑnu dɑnm mɑnŋ silll, k tɑn yet ɑ: «N nɑɑ wɑɑs, mɑɑ din be biɑnŋ nbɑ k tɑn tuu mɔtɑɑnɑ, n mi nɑn l fɑn nɑn Yennu.»

Tuonɑ 24:16

K l pɑɑk, n yɑbi n mɔnŋ yuo kul, mɑɑ n tun lin nbɑ tuok sɔnu, Yennu nɑn nisɑɑlk buol ni.

Luonmtieb 10:4

K mɑɑn, Yiesu tun k gbien Muois *senni nɑ wɑɑ. K mɔtɑɑnɑ, Yennu yi bin nbɑ tien *Klistu yɑdɑ nɑ niŋɑnm u buol ni.

Luonmtieb 12:9

Ŋɑɑnt k lonm i tie bɑlmɔni lonm. Ii nɑn biit mɑn, ŋɑɑn suol lin nbɑ ŋɑn.

Luonmtieb 14:15

Fi i te k ɑ nɑɑ bik pɑl biil jiet nbɑ k ɑ di nɑ pɑɑk, ŋɑnn ŋɑnin ɑ ji k tuun lonm tuonɑ kɑɑ. Nilɔ nbɑ k Klistu din gɑɑl u pɑɑk k kpo nɑ, ɑ dɑɑ te k wun nyik Yennu sɔnu ɑ jiet dinu pɑɑk.

Luonmtieb 9:1

N piɑk bɑlmɔni e. N tie Klistuyuɑ e, n k fɑ fɑɑk. Foŋɑnm e ŋmɑktl n *dudukt k u tie *siɑlɑ nɑn n piɑk mɔni.

1 Kuolent-tieb 13:1

Tɔn, mi i lek i fit piɑk nisɑɑli nɑn *mɑlɑkɑɑnbɑ mɑbuolu kul, ŋɑɑn k k mɔk lonm, n tie nɑn gingɑnn ɑmi gbeklu fuut nɑ e.

2 Kuolent-tieb 1:12

Lin nbɑ te k t mɔk yugontl nɑ tie nnɑ e: t * dudukt e wɑnt’t nɑn t binbenŋ tingbounŋ nɑ niib buol, nɑn i mɔnŋ sinsuuk ni, nyii bɑlmɔnpɑku nɑn yentinu nbɑ k t lɑɑt Yennu buol nɑ ni e. Yennu ninkpɑbɑɔnŋ o wɑnt’t bɑnnu nbɑ k t sɑɑ tɔkn k l k tie nisɑɑli yɑn kɑɑ.

Gɑɑlɑɑt-tieb 5:22

Ŋɑɑn Foŋɑnm te k nilɔ mɔk lonm, nɑn pɑlpienn, nɑn mɑnu, nɑn suklu, nɑn bulcint, nɑn ŋɑnm, nɑn yɑdɑ,

Gɑɑlɑɑt-tieb 5:6

K mɑɑn t i be Yiesu Klistu ni, t i lek i pot t punɑ ɑmi t i kii pot, l k siɑn. Lin nbɑ siɑn tie t yɑdɑ nɑn Klistu nbɑ te k b lɑɑt nɑn t mɔk lonm nɑn lieb nɑ e.

1 Tiimuote 1:18

N bik Tiimuote, n jikt kpɑɑni mɑnŋ k tie ɑ nuu ni, k l tɑɑ nɑn sɔkniinbɑ nbɑ din pɑk ɑ po siɑn yuo nbɑ gɑl nɑ. Jiin mɑɑn mɑnŋ k tien’l ɑ jɑtiɑt k kɔn kunkɔnŋɑnn,

1 Tiimuote 1:19

kii diɑ ɑ yɑdɑ nɑn tuntŋɑnn nbɑ k suɑ k fit tɑɑl’ɑ l pɑɑk. Nisiɑb yet lin nbɑ nɑ, k ŋɑɑn k b yɑdɑ biil.

1 Tiimuote 3:9

L kpɑɑ tɑlɑs k bii diɑ bɑlmɔni nbɑ k t yɑdɑ wɑnn’t nɑ, k dɑɑ mɔk bilsuk.

2 Tiimuote 1:3

N tien Yennu niipuouk nɑn mɑɑ tuun nɑn dudukŋɑnt nɑn n yejɑnm nbɑ din tuun bɑnnu nbɑ nɑ. N tien’ɔ niipuouk yuo kul nbɑ k n mei Yennu, yennu nɑn nyiɑɔk k biɑ tiɑn ɑ po.

2 Tiimuote 1:5

N tiɑn ɑ mɔmɔnm yɑdɑ po, yɑdɑ nbɑ din sint be ɑ yɑɑ Loiis nɑn ɑ nɑɑ Euniis pɑlɑ ni nɑ, k n mi nɑn l ji be ɑ pɑl ni mɔtɑɑnɑ.

2 Tiimuote 2:22

Nyint ɑ mɔnŋ nipɑɑɔnŋ niɑnbiit ni, ŋɑɑn kii wɑɑ bin nbɑ k Yennu yet, ɑ b tie niŋɑnm u buol ni nɑ sɔnu, nɑn yɑdɑ sɔnu, nɑn lonm sɔnu, nɑn mɑnu. Ii tuun nnɑ nɑn bin nbɑ mei Yonmdɑɑnɔ nɑn pɑlpienn nɑ.

Tiit 1:15

Bonsiɑl kɑɑ k mɔk jɑknt bin nbɑ be binbenŋ nbɑ gbuot Yennu nunm nɑ buol ni, ŋɑɑn bonɑ kul mɔk jɑknt e k tul bin nbɑ tie jɑknt-dɑnm k k tien Klistu yɑdɑ nɑ, k mɑɑn b dudukt nɑn b yɑn ni kul tie jɑknt e.

Hebluonbɑ 10:22

L pɑɑk, ŋɑɑnt mɑn k tin cɑt nɑkn Yennu nɑn pɑlɑ nbɑ gbie nɑn bɑlmɔni kuukuɑ nɑn bɑlmɔni yɑdɑ, k dɑɑ mɔk bilsuk, k dɑɑ mɔk *siɑl ɑ dudukbiit t pɑl ni, kii mɔk gbɑnɑnt nbɑ k b din wuul nɑn nyun nbɑ kɑɑ jɑknt nɑ.

Hebluonbɑ 13:18

Ii mei Yennu mɑn t pɑɑk. T k mɔk dudukbisiɑt t tuonɑ ni, k mɑɑn t luon k tii tuun lin nbɑ tuok e yuo kul.

Hebluonbɑ 9:14

L tie k l tie mɔni i e, Klistu sɔn biɑ sii mɔk yiikuo k gɑl bonkobt sɔn nɑ. Bɑlmɔni, Foŋɑnm pɑnŋ ni, Klistu din yit u mɔnŋ sɑlk k tul Yennu, k l tie mɑlunŋ nbɑ ŋɑn. Nnɑ e k u sɑɑ wuul t pɑl nbɑ gbie nɑn tuonbiit nbɑ sɑɑ nɑn’t kuun ni nɑ. Ŋɑnn e sɑɑ te k tin fit k tun Yennu nbɑ fo nɑ tuonɑ.

Sɑɑk 4:8

Cɑtl nɑkn Yennu buol mɑn, k u mun sɑɑ nɑkn’i. Yinm biitdɑnm, wuut i nii mɑn, k yinm dudukt ŋɑnlele dɑnm, ŋɑnmt i pɑlɑ mɑn.

1 Piɑl 1:22

Mɔtɑɑnɑ yɑɑ sɑɑk bɑlmɔni lɑbɑɑl k i ji nyii biit sɔnu ni, ɑ yin fit kii luon i nɑɑ wɑɑs nɑn bɑlmɔni nɑ, ii luon i lieb mɑn nɑn i pɑlɑ kul ɑ.

1 Piɑl 3:16

I jiin’ɔ suon nnɑ nɑn cɔlnt k dɑɑ tuun lin nbɑ k i sɑɑ fit tɑɑl i mɔnŋ l pɑɑk, ɑ k bin nbɑ tɑɑl’i i binbenŋɑnŋ Klistu ni nɑ pɑɑk nɑ, n di fei b sukt pɑɑk.

1 Piɑl 3:21

Nyun mɑnŋ tie Yennu nyunwulu ninnɑɔnŋ nbɑ fiel’i mɔtɑɑnɑ nɑ e. L k tie bɑɑ tuu wuul gbɑnɑnt jɑknt nɑ kɑɑ, ŋɑɑn l tie mɔsonn nbɑ k i senn Yennu nbɑ wuul i pɑlɑ ni nɑ pɑɑk e. I lɑɑt fielu l ni Yiesu Klistu kuun fiilu nɑ pɑɑk e.

1 Piɑl 4:8

Lin nbɑ gɑl bont kul tie, ɑ ii luon i lieb mɑn fɑnu, k mɑɑn lonm dɔknt biit bonciɑnn.

2 Piɑl 1:7

k biɑ pukn nɑɑtɑɑnn i binbenŋ nbɑ gbuot Yennu nunm nɑ pɑɑk, k biɑ pukn lonm i nɑɑtɑɑnn mɑnŋ pɑɑk.

1 Sɑn 3:10

Dɑɑnsuɑ nbɑ k tuun lin nbɑ ŋɑn k tie Yennu bik, k dɑɑnɔ nbɑ k luon u nɑɑ bik biɑ k tie Yennu bik kɑɑ. Nnɑ e k t mi bin nbɑ tie Yennu wɑɑs nɑn bin nbɑ tie Sɑɑtɑn wɑɑs.

1 Sɑn 3:23

Yennu nbɑ senn lin nbɑ e nɑ: ɑ t tien u Bijɑ Yiesu Klistu yɑdɑ kii luon t lieb nɑn wɑɑ din senn’t senni biɑnŋ nbɑ nɑ.

1 Sɑn 3:3

Nilɔ kul nbɑ mɔk dindɑnn nɑn u jenu nɑ, k mɔk biit nɑn Yiesu nbɑ k mɔk biit biɑnŋ nbɑ nɑ.