1 Tiimuote 1:16 - Yiesu Lɑbɑmɑnn Muɑl Ni

¹⁶ Ŋɑɑn lin nbɑ nɑ pɑɑk k Yennu din tin’n ninbɑɑɔk, ɑ min nbɑ tie biitdɑnm yudɑɑnɔ nɑ ni, Yiesu Klistu n fit wɑnn u suklu nbɑ kɑɑ pɑɑk k tul bin nbɑ sii tie’u yɑdɑ bii mɔk mɑnfuol nbɑ kɑɑ gbennu.

1 Tiimuote 1:16 Iomraidhean Croise

Lɑbɑmɑnn nbɑ k Luk diɑn 15:10

«Nnɑ e mun k n yien’i biɑk, l i tie k biitdɑɑn-yenɔ mɔ kuɑŋɑɑn k lebt binbenŋ, Yennu *mɑlɑkɑɑnbɑ sii mɔk pɑlpienn u pɑɑk e.»

Lɑbɑmɑnn nbɑ k Luk diɑn 23:43

K Yiesu yet’ɔ ɑ: «Bɑlmɔni e k n yien’ɑ, dinnɑ min nɑn fin sii be *Yendɔunŋ ni.»

Lɑbɑmɑnn nbɑ k Luk diɑn 7:47

L pɑɑk, n yien’ɑ e, wɑɑ luon’n bonciɑnn nɑ pɑɑk e wɑnt nɑn u lɑ nyikcɑbu u biit nbɑ yɑb nɑ pɑɑk, ŋɑɑn wun nbɑ lɑ nyikcɑbu u biit nbɑ k yɑb nɑ pɑɑk nɑ, mun luon’n wɑɑnm-nnɑ e.»

Lɑbɑmɑnn nbɑ k Sɑn diɑn 20:31

Ŋɑɑn bɑktnɔunŋ tuonjɑɑnɑ nbɑ diɑn k be nnɑ nɑ, b diɑn ɑ yin tien yɑdɑ nɑn Yiesu e tie *Klistu, Yennu Bijɑ nɑ, ɑ l i tie k i tien yɑdɑ yin lɑ mɑnfuol u sɑnn ni.

Lɑbɑmɑnn nbɑ k Sɑn diɑn 3:36

Dɑɑnɔ nbɑ tien Bijɑ mɑnŋ yɑdɑ mɔk mɑnfuol nbɑ kɑɑ gbennu, ŋɑɑn dɑɑnɔ nbɑ yet Bijɑ mɑnŋ, Yennu wutuol be u pɑɑk k u kɑn lɑ mɑnfuol mɑnŋ.

Lɑbɑmɑnn nbɑ k Sɑn diɑn 5:24

«Bɑlmɔni e k n yien’i nɑ, dɑɑnɔ nbɑ gbɑt n mɑɑn nɑ, k biɑ tien wun nbɑ tun’n nɑ yɑdɑ, ŋuɑ e mɔk mɑnfuol nbɑ kɑɑ gbennu, k Yennu kɑn bu u buut k biil’ɔ. U biɑ ponŋ nyii kuun nuu ni wɑɑ, k be mɑnfuol mɑnŋ ni e.

Lɑbɑmɑnn nbɑ k Sɑn diɑn 6:37

Wun nbɑ kul k n Bɑɑ mɑnŋ jii’u k tul’n nɑ, sɑɑ bɑɑl n buol ni, k n kɑn mi bel wun nbɑ bɑɑl n buol ni,

Lɑbɑmɑnn nbɑ k Sɑn diɑn 6:40

Nnɑ e k n Bɑɑ Yennu luon, ɑ wun nbɑ lɑ u Bijɑ k tien’ɔ yɑdɑ, u sɑɑ lɑ mɑnfuol nbɑ kɑɑ gbennu, k n tɑn sɑɑ fiin’m kuun ni tingbounŋ cincɑɑtdɑɑl.»

Lɑbɑmɑnn nbɑ k Sɑn diɑn 6:54

K dɑɑnɔ nbɑ ŋmɑn n gbɑnɑnt k biɑ nyuu n sɔn, u mɔk mɑnfuol nbɑ kɑɑ gbennu, k n tɑn sɑɑ fiin’ɔ kuun ni tingbounŋ cincɑɑtdɑɑl.

Tuonɑ 13:39

Yiesu pɑɑk e k Yennu ji yet ɑ wun nbɑ kul tien yɑdɑ nɑ tie niŋɑnɔ bonɑ kul ni bɑnnu nbɑ k Muois senni din k fit tun k tul’i ni.

Luonmtieb 15:4

Lin nbɑ kul diɑn Yennu lolkpel kɑdɑɑɔk ni nɑ, l diɑn k tul’t ɑ tii tumi e. U mɑɑn mɑnŋ tien’t suklu, k biɑ kuɑnt’t pɑlɑ, ɑ tii mɔk dindɑnn.

Luonmtieb 6:23

K mɑɑn biit nyuɑt tie kuun e, ŋɑɑn Yennu piini nbɑ k u tien’t yɑnn nɑ tie mɑnfuol nbɑ kɑɑ gbennu e, t Yonmdɑɑnɔ Yiesu Klistu pɑɑk.

1 Kuolent-tieb 7:25

Mɔtɑɑnɑ, n ji piɑk k tien bin nbɑ dɑɑ k kuɑn puob ɑmi k dɑɑ k kun jɑb nɑ e. N k mɔk sennu nbɑ k Yonmdɑɑnɔ senn, ŋɑɑn n wɑnt’i n dudukt e, mɑɑ tie nilɔ nbɑ k i sɑɑ fit gɑɑl u mɔb Yonmdɑɑnɔ ninbɑtinu pɑɑk nɑ.

2 Kuolent-tieb 4:1

Yennu nbɑ tin’t ninbɑɑɔk nɑ, k u jii tuonɑ nɑ k tien t nii ni, l pɑɑk e te k t k mɔk kpinkpɑngbɑtuk.

Efestieb 1:12

U din tun lin nbɑ nɑ ɑ tinm nbɑ din sint mɔk dindɑnn Klistu ni nɑ, n pɑk k dont Yennu e.

Efestieb 1:6

Ŋɑɑnt k tin pɑk Yennu k mɑɑn u ninkpɑbɑɔnŋ nbɑ yɑb bonciɑnn, k u mɔk nɑn’t u Bilonkɑk ni nɑ pɑɑk.

Efestieb 2:7

U din tun lin nbɑ nɑ, ɑ yuo nbɑ bɑɑt wun fit wɑnn suɑ kul u ninkpɑbɑɔnŋ nbɑ yɑb biɑnŋ nbɑ e, wɑɑ din tun bulcint k tul’t Yiesu Klistu ni nɑ pɑɑk.

2 Tesɑɑluoniiktieb 1:10

dɑɑl nbɑ k u tɑn sɑɑ bɑɑl k gɑɑl dontl nɑn pɑku u weilɑ kul nbɑ tien’ɔ yɑdɑ k tie u tiɑɔnŋ yɑb nɑ buol ni. I mun tɑn sii be b sinsuuk ni e, k mɑɑn i ponŋ tien mɑɑn nbɑ k t din tul’i nɑ yɑdɑ wɑɑ.

1 Tiimuote 1:13

mɑɑ lek din piɑk bonbiil k jiin u po k muks’ɔ k suki’ɔ nɑ, ŋɑɑn u din tin’n ninbɑɑɔk k mɑɑn n din k tien yɑdɑ k biɑ k mi mɑɑ din tuun lin nbɑ.

Hebluonbɑ 7:25

L pɑɑk, bin nbɑ cɑt nɑkn Yennu, ŋuɑ Yiesu ni, u fit fiel’b mɔtɑɑnɑ nɑn yuo nbɑ kɑɑ gbennu, k mɑɑn u lek be u mɑnfuol ni yuo kul, k mei Yennu k tien’m.

1 Piɑl 3:20

Ŋɑnm e din tie niib nbɑ din k sɑk Yennu mɔb yuo nbɑ k u din guu nɑn suklu k Noe ŋɑnmt ŋɑlngbenŋl nɑ. Niib bɑnniin kuukuɑ din tɑn kuɑ ŋɑlunŋ mɑnŋ ni, k nyun te k b lɑ fielu.

2 Piɑl 3:15

T Yonmdɑɑnɔ nbɑ di suklu nɑ, u tien niib e yɑɑk, ɑ bin lɑ fielu, nɑn t nɑɑ bilonkɑk Pɔul nbɑ mun dɑɑn diɑn kɑdɑsiɑɔk k tul’i k yet’i nɑn Yennu nbɑ tul’ɔ yɑn biɑnŋ nbɑ.

2 Piɑl 3:9

L kɑn wei, k Yonmdɑɑnɔ sɑɑ tun k gbien u mɔsonn nɑ. Ŋɑɑn nisiɑb duki nɑn u tɑɑntl e. Ŋɑɑn u mɔk suklu nɑn’i e. U k luon k nisiɑb n kpo kuun nbɑ kɑɑ gbennu, ŋɑɑn u luon k suɑ kul n mɔ kuɑŋɑɑn k lebt binbenŋ e.