Yoane 4:3 - Mɨkan wu Fi

³ Ma lan, mbáʼ Yeso a zúʼnɨ́ anu za bɨ kɨ́nə́ sóŋə́, wɛrə a nyɛ́ʼtɨ́ a Yudiya mbə ngɛn a Galili ə.

Yoane 4:3 Iomraidhean Croise

Matyo 10:23

Be bɨ dɨgɨ awən a mu ntáʼmbagə zɨ tse, nɨ kɨə ngɛn a nye zɨ mɔʼɔ ghe. Ma sóŋə́ awən tsɛʼ a nkənu ngə́ Mɔn Ŋwɔn a mɨ yen bɔŋ á nɨ mɛtɨ ɨfaʼ ɨwən ɨtsum a mu ntáʼmbagə Izrai ɨtsum ə.

Marɨkusɨ 3:7

Yeso bo bɨ bɨyɛʼ ɨbyi tíʼ ndo ngɛn awa a ngə́rɨ́ Sagɨrə Galili, ɨnɔ ɨbɛn ɨ zɔŋ ayi ɛ. Bo ló a mbuʼ Galili, mbuʼ Yudiya

Alukasɨ 17:11

Mbáʼ Yeso a kɨ́nə́ ngěn a Yerosalɛm, a kə́ ndzɔŋə a təndenə a tɨtərɨ mbuʼ Samaria bo mbuʼ Galili ə.

Yoane 1:43

Njwi zɨ mɔʼɔ bənə ndan, Yeso a tsɔʼ a mu ntəm zɨ a ngén a Galili ə. A zɛ́n a Firɨbɔ, ɨ soŋ wəmbo ngə́, “Zɔŋ aghə!”

Yoane 10:40

Yeso a bə́ nkwátɨ́ ndaŋ a mɨzam Yorɨdan ngɛn adiʼ wa Yoane a kɨ́nə́ ngǎ nkyi ɨwu lá, ntiʼ ntsi ayi ɨwu ə.

Yoane 11:54

Ma lan, Yeso a sé mbɨ́ŋə́ nkárə́ asaŋəsaŋ a mu Yudiya, lá ndo ɨwu ngɛn ayi adiʼ zə tse za a fátɨ́nɨ́ mɨkɨghonɨ, a nye ntáʼmbagə wu tse wa bɨ kɨ́nə́ ntɔ́ŋə́ ngə́ Efrem, ntsi ayi ɨwu bo bɨ bɨyɛʼ ɨbyi ɛ.

Yoane 2:11

Yeso a ghɨ́ a ntsambyi anu zə yerɨnɨ-yerɨnɨ zen lá a Kana a mu Galili; ɨwu wɛrə a kyɛ́ʼ nɨfáŋ ɨni, bɨyɛʼ ɨbyi tiʼ nɨŋ mɨntəm ɨma wə ɨnye ə.

Yoane 3:22

Məzen a ghɨnə ntsá, Yeso bo bɨ bɨyɛʼ ɨbyi ghɛn a mu mbuʼ Yudiya; adiʼ wa wɛrə a tsínɨ́ ɨwu bo bo atú ndvuŋ nkfu tse ngǎ nkyi ɛ.

Yoane 3:32

A ghamə mbɨ́ʼ ɨnu tsa zɨə zɛnə nkɨ ndzuʼə, lá ŋwɔn tse a keʼ nkən wɛrə a mbémə́ ghe.

Yoane 4:47

A ghɨnə ndzúʼ ngə́ Yeso a ló a Yudiya ngyen a Galili, a ghɛ́n mbuʼ mbó wəmbo ngə́ á wɛrə a ghɛn a Kabɛrɨnaum ntsuʼ a mɔn ɨyi, wa a tíʼnɨ́ a ntsu nɨvwo ə.

Yoane 7:1

Məzen a ghɨnə ntsá, Yeso a núm nkárɨ́ a mu Galili ə. A sé ndǒ ɨ num kárɨ́ a mu Yudiya, mbɨ́ʼ ngə́ bɨsáʼ bɨ ɨlaʼ bɨ bə Yuda ɨwu kə́ ndǒ njwitɨ zɨə.