Yoane 3:3 - Mɨkan wu Fi

³ Yeso a chwɨ́gɨ́ wəmbo ngə́, “Tsɛʼ a nkənu, tsɛʼ a nkənu, ma soŋ a mbó gho ghe, be bɨ tú a ŋwɔn bə kwiʼ jwi, a chi keʼ Nɨfɔ nɨ Ŋwi kuŋə.”

Yoane 3:3 Iomraidhean Croise

Matyo 16:17

Yeso a chwɨ́gɨ́ ayi ngə́, “Mbɔnɨ tsi atú gho a Samɔn mɔn Yoane! Ka nkənu zen a mbó gho a kyɛʼ ayi ŋwɔn mɨsɔŋ a ntsu ə, ɨ lanɨ ndo lá a mbó Ta ɨghan mbáʼ a tsinɨ a fɔməbvurə ghe.

Matyo 19:24

Ma kə nkwiʼə sóŋə́ a mbó bən ngə́, a yaŋnɨ a mbó aŋaŋuʼə ɨ tosɨ tsa a mu ngvo ɨsáʼ ntsa adzaŋ za be ŋwɔn afuʼ zə wi a kon a mu Nɨfɔ nɨ Ŋwi ə.”

Matyo 21:31

A tɨtərɨ ɨbɔ ben bɨbá, a ghɨ́ wɨŋə ngɨ́ anu za ta ɨyi a kɨ́nə́ ndǒ ghe?” Bo chwɨ́gɨ́ ngə́, “Wu ndəmə wa.” Yeso a sóŋ a mbó bo ngə́, “Tsɛʼ a nkənu, ma sóŋə́ a mbó bɨŋ ə, ngaŋ nkwarɨ ashɛbɨ abɔʼnɨ ɨkwarɨ kúŋə́ ngěn a mu Nɨfɔ nɨ Ŋwi a mbyi bɨŋ ə.

Matyo 5:18

A nɨ waʼtɨ ngə́ adzaŋ za fɔməbvurə bo atuəshe tsinɨ lá, kə́ tsɛʼ táʼ atú a nɨgham kə mɨnyi mɨ anu zə nyɔngɔŋ a chi keʼ byé — a chi keʼ byé ɨ kɔʼ kuʼ nkfu za anu atsum za wɛrə a sóŋnɨ́ á funə.

Marɨkusɨ 10:14

Yeso a ghɨnə ndzɛ́n a məzen lá, ntɔŋ ɨyi lwi tsɛʼ a nkə. A tíʼ sóŋ a mbó bɨyɛʼ ɨbyi ngə́, “A nɨ nyɛʼtɨ á ɨbɔ ba yen ɨ wɨŋ ə, á nɨ keʼ awa a nkɨ́ŋə́ mbɨ́ʼ ngə́ nɨfɔ nɨ Ŋwi tsi lá a mbó ɨdzaŋ tso mətsiŋ ə.

Marɨkusɨ 9:47

Be nɨdɨgɨ ɨno ghɨ ngə́ o ghɨ ɨbvu, twɛʼ a nɛrə ɨ fɨgə! A kwɛ mbɔŋtɨ a mbó gho a nkúŋə́ a mu nɨfɔ nɨ Ŋwi nɨ táʼ nɨdɨgɨ ntsa ngə́ á bɨ maʼ agho a mu ɨmugɨ nɨnkoŋ wa nɨ ɨmɨgɨ ɨmo mi mɨmbá ghe.

Yoane 1:13

Bo sé bé ɨbɔ bɨ Ŋwi lá adzaŋ za ŋwɔn a bénə́ mɔn, lá be ngə́, bɨ sé jwi awa tso ɨbɔ bɨ tarɨ wu atuəshe; Ŋwi zɨmboŋ a bé Ta ɨwa ghe.

Yoane 1:5

Nkaʼ wen ɨ baŋə a mu ndzumnɨ, ndzumnɨ láʼnə nkeʼ a wɛrə ghaʼə.

Yoane 1:51

A tíʼ sóŋ a mbó bo ngə́, “Tsɛʼ a nkənu, ma sǒŋ nkənu a mbó bɨŋ ə, nɨ ghɨ zɛ́n á fɔməbvurə ŋaʼnɨ, á ɨtsendá tsa tsɨ nɨ tsɨ Ŋwi nkɔ́ʼə nkə́ shíʼə a ɨnye Mɔn Ŋwɔn tso ngə́ wɛrə ni ɨkɔ́ʼ ə.”

Yoane 12:40

“Wɛrə a nɨŋnə ɨfɨgɨ a nye ɨmɨgɨ ɨma nkɨ fɨŋ ɨtú ɨtsa, taŋ á ɨmɨgɨ ɨma chi keʼ ɨdiʼ zɛn, á ɨtú ɨtsa keʼ zuʼ nkɨ nji, á bo keʼ bəŋ mɨntəm ntsi a bagɨ me, taŋ á ma tsuʼ awa ghe.”

Yoane 3:4

Nɨkorɨmbo a bítɨ́ a Yeso ngə́, “Bɨ chi jwi a ŋwɔn mbáʼ a lvuŋnə lá ɨ nə́ le? A chi bə kwiʼ kon a mɨto nɨmi ɨyi á bɨ jwi ayi a nye nkfu tsa tsɨ kuʼnɨ tsi bá le?”

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

2 Korɨnto 5:17

Ma lan, be ŋwɔn tse a tsi a mbúm bo Kristo, a tiʼ ŋwɔn wu fi ə, tsə lvuŋ tsanə, tsə fi yiŋə.

Galesha 6:15

Ka líʼ a tsi ayi ɨwu ngə́ ŋwɔn a tsəŋ alagɨ azhi kə nkeʼ tsəŋə; líʼ wa a tsinɨ ɨwu a nɨ ngə́ á ŋwɔn a be azúm zə kaʼnɨ zə fi ə.

Ɛfɛso 2:1

Bən, a ghɨ́ awən nɨ tsi ntən, a nkfu za nɨ kfónɨ́ mbɨ́ʼ atɨŋətú azən abɔʼnɨ mɨbvu ɨmən

Tɨ́tósɨ 3:5

wɛrə a lóŋ awɨgɨnə ghe. A sé bé lá mbɨ́ʼ ngɨnɨ mɨnu mə shiʼnɨ mə tse ma bɨgɨnə mboŋ ghɨ́nɨ́, lá a bé lá mbɨ́ʼ akômɨlɨŋnɨ azhi mbáʼ a lóŋnɨ́ awɨgɨnə, ntsa a ndzum Azhwi zə Fɛmnɨ za a sugɨnə awɨgɨnə, bɨ tiʼə njwiə awɨgɨnə a nye ɨbɛn bə fi ntiʼə nkə́ nchyɛ̌ nɨ ntsi ntən zɨ fi lá.

Jemsɨ 3:17

Lá zóŋ wa a lonɨ a fɔməbvurə a fom ntsambyi ndán, ntiʼ ndzɔŋtɨ, ngyíŋə́ nɨ mbɔnɨ, nkwáʼtə́ mbɨ́ʼ a bə mɔʼɔ, nkɨ mbe ɨson ə; a lon nɨ akômɨlɨŋnɨ nkə́ nkónə́ a za bɨ fuʼnə a be ngɨnɨ mɨnu mə shiʼnɨ ə; a se nɨ nkyerɨ abɔʼnɨ ntamtɨ ɨdiʼ chyɛ.

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,

1 Yoane 2:29

Nɨ zhi ngə́ Kristo a chinə; nɨ tsi nɨ ɨ tiʼ zhi ngə́ ŋwɔn tsum wa a ghɨnɨ a za a kuʼnɨnɨ a nɨ mɔn Ŋwi ə.

1 Yoane 3:9

Ka ŋwɔn tse wa a nɨ mɔn Ŋwi a ngěn ayi nɨ mbyi a ngɨ ɨbvu, mbɨ́ʼ ngə́ ngótɨ́ mbě Ŋwi ɨ tsi a mu ɨnye zɨ; mbɨ́ʼ ngə́ Ŋwi a nɨ Ta ɨyi, a chi keʼ ngěn nɨ mbyi a ngɨ ɨbvu ə.

1 Yoane 5:1

Ŋwɔn tsum wa a nɨŋnɨ ntəm ɨyi ɨwu ngə́ Yeso a nɨ Wa bɨ Zɔ́ʼnɨ́ wa, a nɨ mɔn Ŋwi ə; ŋwɔn tsum wa a kɔŋnɨ a tarɨ a kɨ nkɔŋ a mɔn ə.

1 Yoane 5:18

Bɨgɨnə zhi ngə́ ka mɔn Ŋwi wu tse a tsi ayi ɨwu wa a ghɛnə nɨ mbyi ngɨ̌ ɨbvu, mbɨ́ʼ ngə́ Mɔn Ŋwi a lə̌tú nɨ bo, Wu Ntɔmnɨnɨ wa a chi keʼ anu a nye bo ghɨə.

1 Yoane 5:4

Ka tsɨ tən awa be tɨ́sə́n mbɨ́ʼ ngə́ mɔn Ŋwi tsum a chi tokɨ ɨ gháʼ ɨnu atuəshe ə. Bɨgɨnə kə́ nchyɛ̌ nɨ ayanguʼ atú atuəshe ntsǎ lá ndzum abeməntəm azɨgɨnə ghe.

Nkyɛʼə 3:14

“Ŋwaʼnɨ a mbó ntsendá Ŋwi zɨ ndáŋwi za ɨ tsinɨ a Laodisia ngə́: Nə nɨ nkən wa ɨ lonɨ a mbó ‹A be lá› wa, atɛmə-ndzě wu nkənu nkɨ mbe wa a faʼnə tsɛʼ nɨ táʼ ntəm, zɨ wa a nɨ mbiʼnɨ anu atsum za Ŋwi a káʼnɨ́ lá.