Biblia Todo Logo
Bìoball air-loidhne

- Sanasan -




Nkyɛʼə 7:3 - Mɨkan wu Fi

3 Ntsendá Ŋwi za sóŋ ngə́, “Njimbɨʼ nɨ tsənkɨ atuəshe, sagɨrə wu ngwi, kə ɨtɨ, ɨ kɔʼ kuʼ nkfu za bɨgɨ mɨ lyigɨ ngaŋ afaʼ Ŋwi ɨwɨgɨ nɨ alyigɨ a nɨdzenɨ bo ghe.”

Faic an caibideil Dèan lethbhreac




Nkyɛʼə 7:3
31 Iomraidhean Croise  

Ngaŋ afaʼ tsa ghɨ zɛ́n ɨshi ɨyi, á bɨ ŋwaʼnɨ ɨkum ɨyi a mɨdzenɨ bo ghe.


Bɨ sóŋ a mbó bo ngə́ á bo keʼ gha ngɨ́ʼ a mbó ngyɛn kə ɨtɨ kə ɨdzúm tsɨ mɔʼɔ ɨtsum tsa tsɨ kwínə́; bɨ sóŋ ngə́ á bo gha ngɨ́ʼ tsɛʼ a mbó ɨbɛn ba bɨ se tsi nɨ fɛnwu Ŋwi za a mɨdzenɨ bo ghe.


Ma tíʼ ndzɛ́n ɨbərɨ ə. Bɨ ghá mɨtən mɨ sáʼə mɨsáʼ a mbó ɨbɛn ba bɨ shíʼtɨ́nɨ́ ntsi atú tsɛrə ghe. Ma kɨ́ ndzɛ́n bɨgharɨ bɨ ɨbɛn ba bɨ zhwítɨ́nɨ́ awa mbɨ́ʼ ngə́ bo chwítɨ́ nkənu za mbɨ́ʼ a Yeso abɔʼnɨ nɨgham nɨ Ŋwi ə. Bo sé ghuʼsɨ ɨnyam mɨbaʼ za kə a mɔn abe ɨyi ɛ. Bo sé kɨ ntsi nɨ alyigɨ a ɨnyam mɨbaʼ za a mɨdzenɨ bo kə a nye mbó ɨma ghe. Bo yén a mu ntsi ntən, ɨ sáʼ tso bɨfɔ bo bɨ Kristo atú ɨlom táʼ nchwuʼ ə.


Ma tíʼ nden ndzɛn adzaŋ za Mɔn Mbyindzɨ wa a tɛ́mnɨ́ atú Mbám Zayɔn ə; ɨbɛn táʼ aban nɨ nchwuʼ mɨghúm mi nɨkwa nɨ ntsɔb nɨkwa (144,000) ba bɨ tsínɨ́ nɨ ɨkum ɨyi abɔʼnɨ ɨkum ta ɨyi a mɨdzenɨ bo tsi bo zɨə.


Ɨnyam mɨbaʼ za ɨ nyə́m a ŋwɔn tsum ə, bə kɨʼnɨ abɔʼnɨ bə wi, ngaŋ nkáb abɔʼnɨ ngaŋ afúm, ɨbuʼ abɔʼnɨ ɨbɛn nɨ ɨtú ɨtsa ngə́ á bɨ nɨŋ alyigɨ a mu mbó ɨma mə maʼə kə a mɨdzenɨ bo ghe.


Nchɛrɨ ɨsáʼ ɨzhi nɨ zɨ nkənu nkɨ ntɛmnɨ ə! Wɛrə a tsɔʼnə a mu ntəm zɨ adzaŋ za wɛrə mɨ nɨŋ ngɨ́ʼ a nye ntɨŋ akwarə za a kɨ chinə mbáʼə nkobɨ atuəshe nɨ ɨnu ntɔrɨ ɨlɛbɨ ɨchi lá. Ŋwi a nɨŋnɨ ngɨ́ʼ wə ɨnye lá mbɨ́ʼ ngə́ wɛrə a zhwítɨ́ ngaŋ afaʼ ɨchi ɛ.”


Ma zúʼ azúm za a kómnɨ́ tso nji, ndo a tɨtərɨ ɨdzúm tsɨ kaʼnɨ tsa tsi nɨkwa tsa tsɨ tsínɨ́ ntən za ɨ sóŋnɨ́ ngə́, “Táʼ kilo mɨsaŋ atú nkáb afaʼ táʼ njwi a mu ɨshwom, bɨkilo bɨ nchwi mɨkárə́ za bɨ tɔ́ŋnə́ ngə́ bali bi bɨtárə́ atú nkáb afaʼ táʼ njwi a mu ɨshwom ə. Lá njimbɨʼ o tsənkɨ ɨtɨ tsa bɨ lɔgɨnə a tsɛrə ngɨ̌ mɨvwurɨ ɨwu abɔʼnɨ tsa bɨ lɔgɨnə ngɨ̌ mɨluʼ ɨwu ə!”


Ŋwɔn tsum wa a faʼnə a mbó me a tsi nɨ ɨ zagɨ zɔŋ aghan, taŋ á ŋwɔn afaʼ ɨghan a tsi bɨgɨ zɨ adiʼ wa ma tsinɨ ɨwu ə. Ta ɨghan a mɨ kɔʼsɨ a ŋwɔn tsum wa a faʼnə a mbó me atɨ́ ə.”


Lá Ŋwi a kwɛnə shwɛʼtɨ ndvuŋ njwi mətsa ə. Wɛrə a tú mə lá fom ghɨ muŋ bɨ ghɨ keʼ a ŋwɔn mɨsɔŋ a ntsu tse loŋə. Lá, mbɨ́ʼ atú a ɨbɛn ɨbyi ba wɛrə a tsɔʼnə, Ŋwi a mɨ shwɛʼtɨ njwi mətsa.


Lá tɨtsɔŋnɨ wa bɨ kyɛtɨnɨ mɨnkɨ mɨ ɨbvu a nye bən, ntiʼ mbəŋ awən a nye ɨbuʼ Ŋwi lá, abi azhi a nɨ ngə́ bɨ ghɨ nɨ fɛm, ndwitɨ ɨzhi be ntsi ntən nɨnkoŋ ə.


Ntaŋ ghɨ tɔ́ŋ nɨ nji zɨ ngwi, á wɛrə tiʼ ntsagɨ bɨtsen bɨ ndá bɨ Ŋwi ɨbyi a nye bɨbagɨ bɨ mbyi ben bi nɨkwa, á bo ghotɨ ɨbɛn ɨbyi ba wɛrə a tsɔʼnə ɨ lɔgɨnɨ a nye táʼ bagɨ atuəshe ɨ ghɛn kuʼ a nye wu mɔʼɔ ghe.”


Lá ŋwɔn wa a bemnɨ nkən ɨyi a bemtɨ lá a zɛnə ngə́ Ŋwi a nɨ nkənu ə.


Mbáʼ məzen a tsánə, ma zɛ́n ɨtsendá Ŋwi tsi nɨkwa tsɨ tɛm a nye mɨbú mɨ atuəshe zen mi nɨkwa ghe. Bo wɛ́m bɨkɨfɛrɨ ba bi nɨkwa taŋ á kɨfɛrɨ wu tse a keʼ tsa atuəshe, kə ntsa a mu sagɨrə wu ngwi, kə ntsa a mu atɨ zə tsɛrə ghe.


Ma kwíʼ ndzɛ́n ntsendá Ŋwi zɨ mɔʼɔ ɨ lo a sáʼnyom nkɔ́ʼə ngyiŋə nɨ alyigɨ a Ŋwi, zɨ wa a tsinɨ ntɨŋ ə. A tɔ́nkɨ́ nɨ nji zɨ ntən a mbó ɨtsendá Ŋwi tsa tsi nɨkwa tsa Ŋwi a ghánɨ́ adaʼ a mbó bo a ntsənkɨ atuəshe bo sagɨrə wu ngwi lá.


Ŋwɔn tse a kɨ chi keʼ zón kə ɨ fen tɨgha a tsi nɨ alyigɨ məzen, alyigɨ za a be lá ɨkum ɨnyam mɨbaʼ za kə nkwaʼə za ɨ tɛmnɨ adiʼ ɨkum ɨyi lá.


Ntsendá Ŋwi za a zɔ́ŋtɨ́nɨ́ a nye ɨdiʼ tsi tárə́ zɔ́ŋtɨ́ a tsə ntsambyi tsa tsi bá, ɨ sóŋə́ nɨ nji zɨ ntən ngə́, “Ŋwɔn tsum wa a ghuʼsɨnɨ ɨnyam mɨbaʼ za abɔʼnɨ mɔn abe ɨyi, nkwarɨ alyigɨ za a nɨdzenɨ zɨ kə abó zɨ


Lean sinn:

Sanasan


Sanasan