Nkyɛʼə 3:3 - Mɨkan wu Fi

³ A nɨ tiʼ ngwaʼtɨ a za bɨ díʼnɨ́ awən ɨwu abɔʼnɨ za nɨ zúʼnɨ́; á nɨ ndzúʼnə́ a zɛrə nkɨ mbəŋ mɨntəm ɨmən a nye mɨbvu ɨmɨŋ ə. Be nɨ tú lo atɨ́, muŋ ma mɨ shiʼnɨ atú bən tso ndzɛrə ghe. Nɨ mɨ keʼ kɨ nji a nyom wa ma mɨ yiŋə.

Nkyɛʼə 3:3 Iomraidhean Croise

Matyo 25:13

Yeso a tíʼ ndwɨgɨnɨ ngə́, “A nɨ nkyérə́ mbɨ́ʼ ngə́ ka nɨ zhi awɨŋ njwi məza kə a nyom wu wu ə.”

Marɨkusɨ 13:33

A nɨ lə ɨtú tsɨŋ ə, á nkyérɨ́nə, mbɨ́ʼ ngə́ ka nɨ zhi awən nkfu za nkfu zɨ wu ghɨ kuʼə.

Marɨkusɨ 13:36

Be a vwukɨ kwɛn, a mɨ keʼ zagɨ nkwatɨ awən a fɨlye ə.

1 Tesalonaika 5:2

Mbɨ́ʼ ngə́ bɨŋ mboŋ nɨ zhi tsɛʼ ɨ shiʼnɨ ngə́ Njwi za Maʼmbyí a lo bə yen lá, ɨ ghɨ be tso mbáʼ ndzɛrə a yenə nɨ ɨtfúʼ ə.

1 Timotyo 6:20

Timotyo, len ɨ shiʼnɨ anu za bɨ nɨŋnə a mu mbó gho lá. Baʼtɨ mɨgham ma ka mɨ nkɔ́ʼsə́ awa ɨkum Ŋwi atɨ́ abɔʼnɨ ɨlɨʼkɨ ɨdzɨŋtɨ tsa ɨbɛn bə tsɛrə fanə ntɔ́ŋə́ nɨ “Azhyɛ” lá.

2 Timotyo 1:13

Chwa mɨgham mɨ nkənu ɨman ma ma díʼnɨ́ agho nɨ mɛrə á mɨ ntɨŋə tso alisɨ za o mɨ tiʼə zɔŋnə ghe. Ghɔŋ a mu abeməntəm abɔʼnɨ akɔŋnɨ, tsɛrə tsa tsɨ nɨ ɨtsɨgɨnə a mbúm bɨgɨnə bɨ Kristo Yeso lá.

Ɛbal 2:1

Nə nɨ anu za mbáʼ bɨgɨnə tsinɨ nɨ ntɛgɨ ɨtú ɨtsɨgɨnə a nye nkənu za bɨgɨnə zuʼnə lá, taŋ á bɨgɨnə ghɨ nkeʼ ghənkɨ ɨ fu wə mu ə.

2 Bita 1:13

Ma kwaʼtɨ ngə́ a nɨ tsɛʼ anu za a kuʼnɨnɨ a mbó me a ngɨə a ngwáʼtɨ́ bən nɨ ɨnu mətsen a nye nkfu zen za ma bvurɨnɨ ntsi atú ntən lá.

2 Bita 3:1

O bɨson ɨban, ziŋ aŋwaʼnɨ a nɨ za ma ŋwaʼnɨnɨ a mbó bən a nye nkfu za ɨ zɔŋtɨnɨ a nye ɨdiʼ tsi bá ghe. A mu ɨŋwaʼnɨ tsen tsi bá, ma zhwəŋtɨ a ndzɛm ɨkwaʼtɨ tsə lánɨ́ a mu ɨtú ɨtsən ntsa a ndzum nkwemtɨ ɨnu tsen a mbó bɨŋ ə.

2 Bita 3:10

Lá Njwi Maʼmbyí ghɨ yen tso ndzɛrə ghe. A Njwi məwa, fɔməbvurə ghɨ byékɨ́ nɨ nji zɨ ntən, á bɨ tsənkɨ ɨdzúm fɔməbvurə nɨ ɨmugɨ, atuəshe bo ɨdzúm ɨtsum wə mu ghɨ byékə́.

Nkyɛʼə 16:15

Ma zúʼ Yeso a soŋ ngə́, “Zhwiʼtɨnə! Ma mɨ yen tso ndzɛrə ghe! Nɨdorɨ tsi a mbó zɨ wa a mɨ tsi a nɨkyerə, á ɨtsɛʼ ɨchi kɨ ntsi a ɨbəm ɨnye zɨ, taŋ ɨ ghɨ keʼ ntiʼə númə́ ngyǐŋ ntyigɨnɨ, ɨ kɨ tsi nɨ adɨrətú a tɨtərɨ ɨbɛn ə!”

Nkyɛʼə 2:25

Nɨ tsi nɨ ɨ zagɨ chwa ɨ faŋnɨ a za nɨ tsinɨ nɨ zɛrə ɨ kɔʼ kuʼ nkfu za ma ghɨ yiŋə.

Nkyɛʼə 2:5

A nɨ waʼtɨ adiʼ za nɨ tɛ́mnɨ́ ɨwu bɔŋ ɨ tiʼ bə bəntə! A nɨ bəŋ mɨntəm ɨmən a nye mɨbvu ɨmən mbɨŋə ngɨ̌ mɨnu ma nɨ kɨ́nə́ ngɨə a ntsambyi ɛ. Be nɨ tú bəŋ mɨntəm ɨmən a nye mɨbvu ɨmən muŋ ma mɨ yen a mbó bən ɨ tsɔʼ atɛkɨ a nkaʼ azən adiʼ wa a tɛmnɨ ɨwu ə.

Nkyɛʼə 22:7

Yeso a soŋ ngə́, “Zhwiʼtə! Mɨmboŋnɨ, ma mɨ yiŋə! Nɨdorɨ tsi a mbó bo ba bɨ zúʼnɨ́nɨ́ mɨgham men ma bɨ ŋwaʼnɨnɨ a mu aŋwaʼnɨ zen mɨ ghamnə mbɨ́ʼ a za a mɨ fu tɨtsɔŋnɨ abɔʼnɨ za a ghɨnɨ fú a nkfu ndzum lá!”

Nkyɛʼə 3:11

A bvurɨ tsɛʼ məbaŋtɨ á ma yiŋə. A nɨ ngěn nɨ mbyi ntiʼtɨ abeməntəm azən ɨ shiʼnɨ, taŋ á ŋwɔn tse a keʼ kwarɨ nɨ adaʼ ɨsáʼfɔ ɨzən za ɨ nɨ mɨkyaŋnɨ ɨmən lá.

Nkyɛʼə 3:19

Ma ghamtə nkə́ nɨ̌ŋ ngɨ́ʼ a nye ŋwɔn tsum wa ma kɔŋnə. A nɨ mbɛ́bə́ a mbəŋ mɨntəm ɨmən a nye mɨbvu ɨmɨŋ ə.

Nkyɛʼə 3:2

Ma lan, á nɨ lo atɨ́, nkɨ shintɨ a za a bvurɨnɨ ntsi bɔŋ á myigɨnɨ nkfoə. Mbɨ́ʼ ngə́ ma zɛn anu za nɨ ghɨnɨ a keʼ kɔʼ ntəm ngə́ tsáŋ a ɨshi ɨmɨgɨ Ŋwi ə.