Kolose 4:3 - Mɨkan wu Fi

³ A nɨ kə́ ntsáʼtə́ a Ŋwi mbɨ́ʼ awɨgɨ, taŋ á Ŋwi a gha abárɨ́ a mbó bɨgɨ a sóŋ nkən ɨyi mbáʼ ɨ ghamnə lá mbɨ́ʼ anu a nkubə zə Kristo ghe. Mbɨ́ʼ ngə́ a nɨ mbɨ́ʼ a zɛrə mbáʼ ma tsinɨ atsáŋ tɨtsɔŋnɨ ə.

Kolose 4:3 Iomraidhean Croise

Matyo 13:11

Yeso a chwɨ́gɨ́ ngə́, “Bɨ ghanə azhyɛ mbɨ́ʼ ɨnu nkubə tsə Nɨfɔ nɨ fɔməbvurə a mbó bən, lá nkeʼ a mbó bo be.

Ɨfaʼ 14:27

Bo ghɨnə ngyén fu Antyokɨ, ngǒtɨ ndáŋwi táʼ adiʼ ntiʼ fɨʼtɨ a mbó bo ɨnu ɨtsum tsa Ŋwi a ghɨ́nɨ́ ntsa a ndzum bo ghe. Bo kɨ́ fɨʼtɨ adzaŋ za Ŋwi a ŋáʼnɨ́ ndóm a mbó ba a se bə Yuda be a nɨ́ŋ mɨntəm ɨma a nye Kristo ghe.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

1 Korɨnto 16:9

Ɨbɛn bə ghaʼnɨ ba bɨ kwənkɨnɨ ɨfaʼ məwiŋ baʼtɨ ntsi ɨ tsinɨ ɨwu lá, təkɔʼ bɨ abárɨ́ tse a lanɨ ntsi ɨ ghanə a faʼ bɨtəkɔʼ bɨ ɨnu ba bɨ kɨnɨ nkɨ ndɨtə.

1 Korɨnto 4:1

Ŋwɔn tsum a tsi nɨ ndɔgɨ bɨgɨnə tsɛʼ tso ngaŋ afaʼ Kristo, tsa bɨ lɛnɨ awa ngə́ á bɨ ndéntɨ́ nkənu Ŋwi za ɨ tsinɨ a nkubə ghe.

2 Korɨnto 2:12

Mbáʼ ma yénɨ́ a Truasɨ a sóŋ Nkən wu Shiʼnɨ lá, Maʼmbyí a díʼ ndómnji a mbó me ghe;

Ɛfɛso 3:1

Mbɨ́ʼ a məzen, me Baolo, ma nɨ ngaŋ atsáŋ mbɨ́ʼ ɨfaʼ ɨghan a mbó Kristo Yeso mbɨ́ʼ atú azɨŋ ɨbɛn ba nɨ se bə Yuda be ə.

Ɛfɛso 3:3

Ŋwi a kyɛ́ʼ ɨkwaʼtɨ ɨchi tsə nkubə, nkɨ ntiʼ ngɨ ma zhi a tsɛrə ghe. Ma fomnə ŋwaʼnɨ nghumtɨ a zɛrə ghe.

Ɛfɛso 3:4

Be nɨ kɨ ntɔŋ anu za ma ŋwaʼnɨnɨ, nɨ mɨ yɛʼ a za ma zuʼnɨ nkɨ nji mbɨ́ʼ a za bɨ lwɛʼnɨ mbɨ́ʼ a Kristo ghe.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

Ɛfɛso 4:1

Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

Filibi 1:19

mbɨ́ʼ ngə́ ma zhi ngə́ a ntsǎ a ndzum atsaʼtɨ a Ŋwi azən abɔʼnɨ akwatɨ za a lonə a mbó Azhwi a Yeso Kristo, bɨ ghɨ fɨgɨ aghan atsáŋ wiŋ ə.

Filibi 1:7

Nɨ tsi a mu ntəm me tsɛʼ nkfu tsum ə! Ma lan, a kuʼnɨ a mbó me a ndzúʼə a mu ɨnye me adzaŋ za ma zúʼnə́ lá mbɨ́ʼ awɨŋ ə. Mbɨ́ʼ ngə́ bən bɨtsum tsi nɨ ɨwɨŋ bagɨ abɔŋəntəm za Ŋwi a ghanɨ a mbó me ghe. Nɨ tsi nɨ zɛrə tɨtsɔŋnɨ wa ma tsinɨ atsáŋ lá abɔʼnɨ nkfu za ma bénɨ́ ŋwɔn nɨ atú azan a ngyemnkɨ nkən wu shiʼnɨ ɨ kɨ bi a wɛrə á ɨ təntɨ ɨ shiʼnɨ lá.

Kolose 1:26

Nkən məwiŋ lá anu a nkubə za wɛrə a lwɛ́ʼnɨ́ nchwuʼnɨ a lɔʼkwam, a ndɔgɨnə a nye nɨwə ɨ kon a nye nə mɔʼɔ, lá tɨtsɔŋnɨ wɛrə a kyɛʼnə a zɛrə a mbó ɨbɛn ɨbyi lá.

Kolose 4:18

Me Baolo, ma ŋwaʼnɨ atsaʼtɨ zen tsɛʼ me mboŋ nɨ abó azə. A nɨ keʼ lɨgɨnɨ ngə́ ma tsi a ndá atsáŋ ə! A abɔŋəntəm a Ŋwi a tsi a mbó bɨŋ ə.

1 Tesalonaika 5:25

Ɨbɔmbɨma, á nɨ ntsáʼtə́ a Ŋwi mbɨ́ʼ awɨgɨ ə.

2 Timotyo 1:16

A Maʼmbyí a diʼ akômɨlɨŋnɨ a mbó ngwəgɨ Onɛsifɔrɨsɨ, mbɨ́ʼ ngə́ a kə́ ngɨə ntəm ɨghə saŋnɨnə nkfu tsə ghaʼnɨ ə. Wɛrə a sé dɨrɨ atú ngə́ ma tsí atsáŋ ə.

2 Timotyo 2:9

Mbɨ́ʼ ngə́ ma sǒŋ Nkən wu Shiʼnɨ məwa, ma zě ngɨ́ʼ, bɨ kɨ nɨŋ bɨkɨbuʼ a mɨku me tso ŋwɔn wa a fasɨnɨ a nyɔngɔŋ ə. Lá ka bɨkɨbuʼ korɨ ayi nɨgham nɨ Ŋwi ə.

2 Timotyo 4:2

ngə́ o soŋ nkən wa, ntɛgɨ atú azo a nchwítɨ́ wɛrə kə ɨbɛn kɔŋ a njwíʼtɨ́ wɛrə kə ngáŋ, a ndɛ́tɨ́ mɨntəm, a ngamtɨ ba bɨ ghɨnɨ a zə tɨbɔŋ, a ngwɔŋtə, adzaŋ za o diʼnə a wɛrə nɨ nchigə tsum ə.

Firɨmɔn 1:22

Kɨ nkyaŋtɨ a kwasɨ ndá a mbó me, mbɨ́ʼ ngə́ ma tsiŋə nɨ ntəm ɨghə ɨtsum ngə́ Ŋwi a mɨ chwɨgɨ atsaʼtɨ azən bɨtsum ɨ bə byigɨ aghan a mbó bɨŋ ə.