Kolose 4:2 - Mɨkan wu Fi

² A nɨ ntsáʼtə́ a Ŋwi tə nkyɛ́ntə́, ndáʼ nkeʼ ɨnye ɨtsən a ndɨ́gɨ́nə́, nkə́ ngǎ a mɨya a mbó Ŋwi ə.

Kolose 4:2 Iomraidhean Croise

Matyo 26:41

A nkyerɨnə nkə́ ntsaʼtɨnə a Ŋwi mbɨ́ʼ nɨ vwo a mu akwaʼnɨ ə. Azhwi a lǒ ghe, lá ɨnyam ɨnye ɨ ghɔgə.”

Marɨkusɨ 13:33

A nɨ lə ɨtú tsɨŋ ə, á nkyérɨ́nə, mbɨ́ʼ ngə́ ka nɨ zhi awən nkfu za nkfu zɨ wu ghɨ kuʼə.

Alukasɨ 18:1

Yeso a tíʼ ná nɨgham a mbó bɨyɛʼ ɨbyi taŋ ɨ diʼ a mbó bo ngə́ á bo ghɔŋ a mu atsaʼtɨ a Ŋwi tə́ mbɔ́rɨ́kə́ ghe.

Alukasɨ 21:36

A nɨ lə atú a zɨŋ ə, ntsáʼtə́ a Ŋwi nkfu tsum ngə́ nɨ chi tsi nɨ adaʼ ɨ tsa shiʼnɨ a mu ɨnu tsiŋ ɨtsum tsa tsɨ ghɨnɨ fú lá ɨ tiʼ tɛm a ɨshi Mɔn Ŋwɔn ə.”

Ɨfaʼ 1:14

Bo bɨtsum, nɨ táʼ ntəm, kə́ ngótə́ nɨ nkfu nɨ nkfu a ntsaʼtɨ Ŋwi bo bɨ bəngye ba abɔʼnɨ Mɛrɨ nɨmo bɨ Yeso abɔʼnɨ ɨbɔmbɨma bɨ Yeso bə mbáŋnɨ́ ə.

Roma 12:12

A ntsiŋə ɨzən nɨ ntəm ɨwɨŋ ɨtsum gha nɨdorɨ a mbó bɨŋ ə, á nɨ tsi nɨ nchigə a mu ngɨ́ʼ, nkə́ ntsáʼtə́ a Ŋwi tsɛʼ nkfu tsum ə.

Ɛfɛso 6:18

A nɨ ngɨə a məzen a mu atsaʼtɨ a Ŋwi, mbítə́ akwatɨ a Ŋwi ə. A nɨ ntsáʼtə́ a Ŋwi nkfu tsum adzaŋ za Azhwi a tsɨŋnɨnə awɨŋ ə. Mbɨ́ʼ a məzen, nɨ lə̌tú ɨtsən, nkə́ nchigɨ ntəm a nye ɨnu ɨtsum; ntsaʼtə a Ŋwi nkfu tsum mbɨ́ʼ ɨbɛn bɨ Ŋwi bɨtsum ə.

Filibi 4:6

A nɨ keʼ ɨnye ɨtsən a ngágə́ mbɨ́ʼ anu zə tsɛrə, lá a mu atsaʼtɨ a Ŋwi azən atsum, á nɨ bitɨ a Ŋwi nɨ azúm atsum za nɨ lɔnə ghe. Nkfu tsum za nɨ bítɨ́nə́ a wɛrə nɨ anu, á nɨ mbítə́ tsɛʼ nɨ ntəm wa ɨ lonɨ nɨ mɨya ghe.

Kolose 1:9

Mbɨ́ʼ a məzen, bɨgɨ tsaʼtə a Ŋwi nkfu tsum mbɨ́ʼ awən nchwuʼnɨ mbáʼ bɨgɨ zúʼnɨ́ a məzen mbɨ́ʼ awɨŋ ə. Bɨgɨ lɔ́ntə́ a mbó Ŋwi ngə́ á wɛrə a lwɨgɨ awən nɨ azhyɛ ɨnu tsa zɨə lɔnə, ndwɨgɨ awən nɨ zóŋ nkɨ ndwɨgɨ awən nɨ ndzuʼ kɨ zhi za Azhwi zə Fɛmnɨ a ghánə́ ghe.

Kolose 2:7

A nɨ twəŋ mɨngaŋ ɨmən a nye Kristo á bɨŋ bo tsi a mbúm, á ntsi mbyi ɨzɨŋ tsum ɨ zɛʼtɨ ayi wə ɨnye, ɨ nyɛʼtɨ abeməntəm azən á ntɨŋə tsɛʼ tənɨ adzaŋ za bɨ díʼnɨ́ awən lá. A nɨ ngǎ a mɨya a mbó Ŋwi tsɛʼ nkfu tsum ə.

Kolose 3:15

Mbɔnɨ za Kristo a ghánə́ ɨ tsi lá a ntsɨŋnɨ bən a nye ɨnu tsa nɨ tsɔ́ʼnə́ a mu mɨntəm ɨmən; mbɨ́ʼ ngə́ Ŋwi a chintɨ awən lá mbɨ́ʼ mbɔnɨ məzen a mu táʼ mbəmnye wa. A nɨ tsi nɨ mɨntəm mɨ nga mɨya ghe.

Kolose 3:17

Anu atsum za nɨ ghɨnə kə ɨ sóŋə́, nɨ tsi nɨ ngɨ zɛrə lá nɨ ɨkum Maʼmbyí Yeso, adzaŋ za nɨ ghánə́ a mɨya a mbó Ŋwi, zɨ wa nɨ Tarɨ ntsǎ a ndzum wɛrə lá.

Kolose 4:12

Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

1 Bita 4:7

Ndwitɨ ɨnu ɨtsum tiʼ tsɛʼ abó ə. Nɨ mɨ zagɨ chwatɨnɨ ɨnye ɨtsən, ɨ kɨ ŋaʼ ɨtoŋnɨ ɨtsən taŋ ɨ chi tsaʼtɨ a Ŋwi ə.