Kolose 3:4 - Mɨkan wu Fi

⁴ Ngótɨ́ ntsi mbyi ɨzɨŋ lá Kristo ghe. Wɛrə a ghɨ fú a ɨshe, muŋ nɨ mɨ kɨ fu a ɨshe bɨŋ bɨ wɛrə, ɨ kɨ tsi a mu nɨfáŋ ɨni ɛ!

Kolose 3:4 Iomraidhean Croise

Matyo 13:43

Ɨbɛn bə chinɨnɨ ghɨ tíʼ tá tso nɨnyom a mu Nɨfɔ nɨ Ta ɨwa ghe. Zhwiʼtɨnə lá, mbáʼ be nɨ tsi nɨ ɨtoŋnɨ ə!”

Alukasɨ 17:30

Nə nɨ adzaŋ za a ghɨnɨ bé a njwi wa bɨ ghɨnɨ kyɛʼ a Mɔn Ŋwɔn ə.

Yoane 11:25

Yeso a sóŋ wəmbo ngə́, “A zhwémnə́ me nzhwemnɨ ɨbɛn a mbó nɨvwo nkə́ ngǎ ntsi ntɨŋ ə. Ba bɨ nɨŋnɨ mɨntəm ɨma a nye me, bɨ baʼtɨ nkfo ɨ kfonɨ lá, bo ghɨ tsi ntən;

Yoane 14:3

A be ngə́ ma ghɛnə nkyaŋtɨ adiʼ a mbó bən, ma mɨ bə yen ɨ lɔgɨ awən á nɨ yen a mbó atuəmbəm azan, taŋ á nɨ tsi adiʼ za ma tsinə.

Yoane 14:6

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Yoane 17:24

Tarɨ! O ghanə awa a mbó me, ma kə ntiʼə ndǒ ngə́ á bo tsi adiʼ atsum za ma tsinɨ ɨwu, taŋ á bo chi ze nɨfáŋ ɨnan, nɨfáŋ na o ghánɨ́; mbɨ́ʼ ngə́ o kɔ́ŋ aghan bɔŋ ɨ káʼ atuəshe.

Yoane 20:31

Lá bɨ ŋwaʼnɨ a tsen lá taŋ o chi nɨŋ ntəm ɨgho ɨwu ngə́ Yeso a nɨ Wa bɨ Zɔ́ʼnɨ́ nkɨ mbe Mɔn Ŋwi ə. Nkɨ mbe ngə́ a ntsǎ a ndzum abeməntəm azo wə nye, o chi tsi nɨ ntsi ntən nɨnkoŋ ə.

Ɨfaʼ 3:15

Nɨ zhwítɨ́ a ŋwɔn wa a ghánɨ́ ntsi ntɨŋ ə. Lá Ŋwi a zhwémnɨ́ ayi a mbó nɨvwo ə. Bɨgɨ nɨ bətɛmə-ndzě a nye anu məziŋ ə.

Roma 8:18

Ma zhi ɨ shiʼnɨ ngə́ ngɨ́ʼ za bɨgɨnə zɛ́nə́ tɨtsɔŋnɨ bɨ chi keʼ fɨʼnɨ a zɛrə bo nɨfáŋ na Ŋwi a ghɨnɨ kyɛʼ a mbó bɨgɨnə ghe.

Roma 8:19

Atsum za Ŋwi a káʼnɨ́ a zhwíʼtə́ nɨ ntəm ɨyi ɨtsum ngə́ á Ŋwi a kyɛʼ ɨbɔ ɨbyi a mbó bo ghe.

1 Korɨnto 1:7

a nye ndóm wa ka nɨ mbóŋə́ awən azúm zə ghanɨ za Azhwi a Ŋwi a ghánə́ adzaŋ za nɨ tsenə ngə́ á bɨ ghɨ́ nkyɛʼ a Maʼmbyí Yeso Kristo ɨwɨgɨnə lá.

1 Korɨnto 15:43

Bɨ tɨ twə́ŋə́ lá ɨ bɨ́gɨ́ a ndzé nkɨ mbɔrɨkə; bɨ zhwemnɨ a mbó nɨvwo, ɨ bɔŋ a ndzé nkɨ ntsi nɨ mɨtən ə.

2 Korɨnto 4:17

Mbɨ́ʼ ngə́ mɨngɨ́ʼ wen wa bɨgɨ zɛ́nə́ a nye məkum a nkfu wen, a kyáŋtə́ awɨgɨ a nkwárɨ́ nɨfáŋ nə wi nə nɨnkoŋ na nɨ tsanɨ ngɨ́ʼ za tsum ə.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Filibi 3:21

Wɛrə a mɨ kwebtɨ ɨbɔrɨkɨ ɨnyam ɨnye ɨtsɨgɨnə tsa tsɨ nɨ ɨdzúm nɨvwo, ɨ tiʼ ghɨ a tsɛrə tso ɨnye ɨzhi za ɨ tsinɨ nɨ nɨfáŋ, ɨ faʼnə nɨ mɨtən ma a ntsǎ a ndzum mɛrə, wɛrə a ghɨə ɨdzúm ɨtsum yenə a shwúrɨ́ nɨsáʼ ɨni ɛ.

1 Tesalonaika 4:17

a nkfu məwa bɨ ghɨ tiʼ ghǒtɨ awɨgɨnə wa bɨ tsinɨ atú ntən, bɨgɨnə bo adiʼ za mbaʼ ɨ tsinɨ ɨwu, ɨ kwatɨ a Maʼmbyí a nɨkaŋ, ma lan, bɨgɨnə ghɨ tsinə tsɛʼ nkfu tsum bɨgɨnə bɨ Maʼmbyí ɛ.

1 Timotyo 6:14

o ndzúʼnɨ́ ntɨgə tsa nɨ ntəm ɨgho ɨtsum ɨ kɔʼ kuʼ Njwi za Maʼmbyí Yeso Kristo a ghɨnɨ fu a ɨshe ə.

2 Timotyo 1:1

Aŋwaʼnɨ zen a lo a mbó me, Baolo wa ma benɨ ntom Yeso zɨ Kristo Yeso ndzɔŋə adzaŋ za Ŋwi a kɨ́nə́ ndǒ ghe. Bɨ tsagɨ aghan a nchwítɨ́ nkən mbɨ́ʼ ntsi mbyi za bɨ káʼnɨ́, za bɨgɨnə tsínə́ nɨ zɛrə a mbúm bɨgɨnə bɨ Kristo Yeso lá.

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

Tɨ́tósɨ 2:13

mbáʼ bɨgɨnə tsenɨ Njwi zɨ fɔgɨnɨ za, za bɨgɨnə tsenə nɨ mɨntəm ɨmɨgɨnə mɨtsum, Njwi za mbáʼ nɨfáŋ nɨ Ŋwi ɨwɨgɨnə wu ngwi abɔʼnɨ Ndoŋ ɨwɨgɨnə Yeso Kristo ghɨnɨ fú a ɨshe ə.

Ɛbal 9:28

ndəŋndəŋ Kristo, zɨ wa Ŋwi a nyɛ́ʼtɨ́nɨ́ táʼ nkfu tso mɨtsuʼnɨ mɨ atú a sugɨ mɨbvu mɨ ɨbɛn bə ghaʼnɨ, a ghɨ yen a nye nkfu tsa tsɨ kuʼnɨ ɨdiʼ tsi bá be a ndoŋ ɨbɛn ba bɨ tsenə ayi nɨ mɨntəm ɨma mɨtsum, nkeʼ bə mbvurɨ mbe be a sugɨ ɨbɛn a mbó mɨbvu ɨma ghe.

1 Bita 1:13

Ma lan, á nɨ kyaŋtɨ ɨnye ɨtsən a ngɨ anu ə. A nɨ lə ɨtú ɨtsən, nkɨ nden ntsiŋə nɨ ntəm tsum ɨzən tsɛʼ a nye abɔŋəntəm za bɨ ghɨnɨ gha a mbó bən a nkfu za bɨ ghɨnɨ kyɛʼ a Yeso Kristo lá.

1 Bita 5:4

A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

1 Yoane 2:28

Eŋə, ɨbɔ ɨban, nɨ ghɔŋ a mbúm bɨŋ bɨ wɛrə, taŋ a fu a ɨshe, bɨgɨnə chi lon nɨ nkotɨ mbáŋnɨ́, ɨ keʼ ndǒ ndyɛmtə a mu adɨrətú wəmbo a Njwi wa a yenə.

1 Yoane 3:2

O bɨson ɨban, tɨtsɔŋnɨ bɨgɨnə nɨ ɨbɔ bɨ Ŋwi ə, lá azúm za bɨgɨnə lonɨ be zɛrə, a bvurɨ tɨ lə̌. Lá bɨgɨnə zhi ngə́ a nkfu za Kristo a funɨ a ɨshe, bɨgɨnə mɨ be tso zɨ, mbɨ́ʼ ngə́ bɨgɨnə ghɨ zɛ́n ayi tsɛʼ adzaŋ za a lanɨ mbe.

1 Yoane 5:12

Ŋwɔn tsum wa a tsinɨ bo Mɔn wa, a tsi nɨ ntsi ntən nɨnkoŋ məziŋ ə; ŋwɔn tsum wa a se bo Mɔn Ŋwi tsi, ka a tsi ayi nɨ ntsi ntən nɨnkoŋ ə.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

Nkyɛʼə 2:7

Zɨ wa a tsinɨ nɨ ɨtoŋnɨ á zhwiʼtɨ anu za Azhwi a sóŋnə́ a mbó ndáŋwi ə! A mbó ba bɨ tsinɨ nɨ ayanguʼ məzen, ma mɨ ghɨ á be adiʼ aza a ndzɨ́ fɨtam fɨ atɨ za a ghánɨ́ ntsi ntən za a kwínə́ a mu Baradiso Ŋwi lá.”

Nkyɛʼə 22:1

Mbáʼ Ntsendá Ŋwi za mɛ́tɨ́nɨ́ a ndiʼ ntáʼmbagə wu wi wu fi wa a mbó me, ɨ tíʼ nkɨ ndiʼ a mɨzam wu nkyi wa ɨ ghánɨ́ ntsi ntən lá, ɨ dzinkɨnə tso ntsəŋ ɨləŋ, ndǒ a nye abərɨ a Ŋwi bo Mɔn Mbyindzɨ wa

Nkyɛʼə 22:14

Nɨdorɨ tsi a mbó ɨbɛn ba bɨ sugɨnɨ ɨtsɛʼ ɨtsa tsɨ fɛm, ma lan, ntiʼ ntsi nɨ abárɨ́ a ndzɨ́ mɨntam mɨ atɨ ma mɨ lonɨ a nye atɨ za a ghánɨ́ ntsi ntən, ɨ kɨ tsi nɨ abárɨ́ a ntsǎ a mɨntsu mɨ abuʼ ɨ kon a mu ntáʼmbagə wu wi wa.