Kolose 3:3 - Mɨkan wu Fi

³ Mbɨ́ʼ ngə́ nɨ kfokɨnə, bɨ lwɛʼ ntsi mbyi ɨzɨgɨnə a mbúm bɨgɨnə bɨ Kristo a ɨshi ɨmɨgɨ Ŋwi ə.

Kolose 3:3 Iomraidhean Croise

Matyo 11:25

A nkfu məwa Yeso a sóŋ ngə́, “Tarɨ, Maʼmbyí, gho wa o tsinɨ nɨ fɔməbvurə abɔʼnɨ atuəshe! Ma gha a mɨya a mbó gho mbɨ́ʼ ngə́ o diʼnə a mbó ɨbɔ bə bɔrɨ ɨnu tsa o lwɛʼnɨ a mbó ba bɨ kwaʼtɨnɨ ngə́ bo nɨ bə zóŋ abɔʼnɨ bə ayigɨnɨ ə.

Yoane 14:19

A nye məkum a nkfu ɨbɛn bɨ atuəshe mɨ keʼ aghan bə ndzɛn, lá nɨ mɨ zɛn aghan; mbɨ́ʼ ngə́ ma tsi ntən nɨ ghɨ kɨ tsi ntɨŋ ə.

Yoane 3:16

Mbɨ́ʼ ngə́ Ŋwi a kɔ́ŋ atuəshe be tɨ́sə́n, wɛrə a tíʼ ngá a Mɔn ɨyi wu Mbáŋnɨ́ wa a núnɨ́ zɨzɨ, taŋ ŋwɔn tsum wa a nɨŋnɨ ntəm ɨyi a ɨnye zɨ, a mɨ keʼ kfo, lá ɨ tsi nɨ ntsi ntən nɨnkoŋ ə.

Yoane 4:14

lá ŋwɔn tsum wa a mɨ no nkyi wa ma mɨ gha, a láʼ keʼ nji nkyi bə ndzáŋə́. Nkyi wa ma mɨ gha a mbó bo mɨ tiʼ bəŋ ɨ be tso náŋə́bə́rə a mu ɨnye bo wa ɨ mɨ gha nkyi wa ɨ ghánɨ́ ntsi ntən abɔʼnɨ ntsi ntən nɨnkoŋ a mbó bo ghe.”

Yoane 5:21

Tso mbáʼ Tarɨ a zhwémnɨ́nə́ ɨbɛn ba bɨ kfokɨnɨ, ngǎ ntsi ntən a mbó bo lá, ndəŋndəŋ Mɔn Mbáŋnɨ́ a ghǎ ntsi ntən a mbó ɨbɛn ba zɨə lɔnɨ ngǎ a mbó bo ghe.

Yoane 5:24

Tsɛʼ a nkənu, tsɛʼ a nkənu, ma soŋ a mbó bɨŋ ə, ŋwɔn wa a zúʼnə́ nɨgham ɨnan, ntiʼ nkɨ nɨŋ ntəm ɨyi a nye zɨ wa a tságɨ́nɨ́ aghan a tsi nɨ ntsi ntən nɨnkoŋ ə; bɨ mɨ keʼ ayi bə sáʼə; a binə ntsa a ntsu nɨvwo, nkon a mu ntsi ntɨŋ ə.

Yoane 5:40

Lá ka nɨ kɔŋ awən a ngyiŋə a mbó me, taŋ ɨ yen kwarɨ ntsi ntɨŋ ə.

Roma 5:10

Bɨgɨnə bé ngaŋ kɨban Ŋwi ə; lá bɨ ghɨ́ awɨgɨnə a nye bɨson ɨbyi ntsa a ndzum nɨvwo nɨ Mɔn ɨyi ɛ. Tɨtsɔŋnɨ wa bɨ ghɨnə awɨgɨnə a nye bɨson ɨbyi lá, bɨ mɨ loŋ awɨgɨnə ɨ ghɛn nɨ mbyi ɨ tsa a ndzum ntsi ntən Kristo ghe.

Roma 5:21

Ma lan, tso mbáʼ ɨbvu kɨ́nə́ sáʼ mbyi ntsa a ndzum nɨvwo lá, ndəŋndəŋ, abɔŋəntəm a Ŋwi a sáʼ mbyi ntsa a ndzum nchinə, ntságɨ́nə́ awɨgɨnə a mu ntsi ntən nɨnkoŋ ntsa a ndzum Yeso Kristo Maʼmbyí ɨwɨgɨnə ghe.

Roma 6:11

Ndəŋndəŋ, a tsi lá tso ngə́ nɨ kfokɨ mbáʼ be a be anu mbɨ́ʼ ɨbvu, lá ntsi ntən bɨŋ bɨ Ŋwi a ntsǎ a ndzum Yeso Kristo ghe.

Roma 6:2

Kə́ kə́! Ka ɨbvu tsi ayi nɨ mɨtən mə tsɛrə atú bɨgɨnə ghe — bɨgɨnə chi kwiʼə tsínə a mu ɨbvu lá ɨ nə́ le?

Roma 8:2

Mbɨ́ʼ ngə́ nyɔngɔŋ wa a tsinɨ a shwúrɨ́ mɨtən mɨ Azhwi wa a ghɨnə bɨgɨnə tsinə atú ntən bɨgɨnə bɨ Kristo, a kyɛtɨnə mɨnkɨ mɨ abuʼ ma nyɔngɔŋ ɨbvu abɔʼnɨ nɨvwo kórɨ́nə́ awɨgɨnə ɨwu ə.

1 Korɨnto 15:45

Mbɨ́ʼ ngə́ aŋwaʼnɨ a Ŋwi soŋ ngə́, “Ŋwi a káʼ ntsambyi ŋwɔn wa a bénɨ́ Adam lá tso ŋwɔn wa a tsinɨ nɨ ntsi ntɨŋ ə”; lá ntsɨrɨndzum Adam a nɨ Azhwi za a ghánɨ́ ntsi ntɨŋ ə.

1 Korɨnto 2:14

Ŋwɔn tsum wa ka a tsi ayi nɨ Azhwi za, a chi keʼ kwarɨ ɨnu tsa tsɨ lonə a mbó Azhwi a Ŋwi ə. Abə́ŋ a ŋwɔn məza ka ndánə́ ndzúʼə ayi nkə́ njíɛ ayi a tsɛrə ghe; tsɨ nɨ ɨnu ɨlentɨ a mbó bo, mbɨ́ʼ ngə́ o chi zhi ɨlɨŋ ɨwa ɨ tsa tsɛʼ a ndzum azhwi ə.

2 Korɨnto 5:14

Mbɨ́ʼ ngə́ akɔŋnɨ a Kristo a tsɨŋnə awɨgɨ, mbɨ́ʼ ngə́ bɨgɨ zhi ɨ shiʼnɨ ngə́ táʼ ŋwɔn a kfó mbɨ́ʼ atú a ŋwɔn tsum; ntiʼə ndiʼə ngə́ ŋwɔn tsum a kfonə ghe.

2 Korɨnto 5:7

mbɨ́ʼ ngə́, abeməntəm nɨ anu za a ghɨnə bɨgɨnə tsi atú ntən, keʼ be be za bɨgɨnə zɛ́nə́ ghe.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

Filibi 4:7

Mbɔnɨ Ŋwi, zɛrə za ɨ tsanɨ anu atsum za be ŋwɔn mɨsɔŋ a ntsu a zuʼ nkɨ nji, mɨ len mɨntəm ɨmən abɔʼnɨ ɨtú ɨtsən á tsɨ tsi a mbúm bo bɨ Kristo Yeso ghe.

Kolose 1:5

A nkfu za nkən wu nkənu wa, Nkən wu Shiʼnɨ wa bɨ fómnɨ́ sóŋ a mbó bən, nɨ zúʼ mbɨ́ʼ ntsiŋə nɨ ntəm tsum za ɨ ghánə́ ghe. Ma lan, abeməntəm azən abɔʼnɨ akɔŋnɨ azən a tɛm lá atú anu za nɨ tsenə nɨ mɨntəm ɨmən mɨtsum, mbáʼ Ŋwi a lɛnɨ ɨ shiʼnɨ a mbó bən a fɔməbvurə lá.

Kolose 2:20

Nɨ kfonə bɨŋ bɨ Kristo ghe. Wɛrə a kɨnə nkɨ nkyɛtɨ mɨnkɨ mɨ abuʼ ma ɨzhwi tsa tsɨ sáʼnɨ́ mbyi-mbyi tsum korɨnɨ awən ɨwu ə. Ntsi mbyi ɨzɨŋ tiʼ ntsi tso nɨ tsi a mbó mbyi zen lá ngə́ ke le? Nɨ zúʼnɨ́ ntɨgə tsenə ngə́:

Kolose 2:3

Wɛrə lá akugɨ za a ŋáʼnɨ́ mɨntsu mɨndá mɨtsum mɨ afuʼ zə lwɛʼnɨ zə Ŋwi za a nɨ zóŋ abɔʼnɨ azhyɛ lá.

Kolose 3:4

Ngótɨ́ ntsi mbyi ɨzɨŋ lá Kristo ghe. Wɛrə a ghɨ fú a ɨshe, muŋ nɨ mɨ kɨ fu a ɨshe bɨŋ bɨ wɛrə, ɨ kɨ tsi a mu nɨfáŋ ɨni ɛ!

Ɛbal 7:25

Ma lan, wɛrə a tsi nɨ mɨtən a ndoŋ ɨbɛn ba bɨ yenə a mbó Ŋwi ntsa a ndzum zɨ, tɨtsɔŋnɨ abɔʼnɨ nkfu tsum, mbɨ́ʼ ngə́ a tsi ntən nɨnkoŋ lá a mbúʼtɨ́ mbó a mbó Ŋwi a nkfu bo ghe.

1 Bita 3:4

A nɨbɔŋ ɨno baŋnɨ ntsi be a nye ngótɨ́ ŋwɔn wa o nɨ wɛrə a mu ntəm ɨgho, nɨbɔŋ na nɨ sě miə, nə azhwi za a bɔnɨnɨ nkeʼ ɨfubɨ a nkə́ ndǒ, mbáʼ nɨ lá nɨbɔŋ na nɨ tsinɨ nɨ ɨlɨŋ ntsa atsum a ɨshi ɨmɨgɨ Ŋwi lá.

1 Bita 4:2

Ma lan, ɨ lɔgɨnɨ tɨtsɔŋnɨ ɨ ghenə nɨ mbyi, nɨ mɨ zagɨ tsinɨ abvuʼ a ntsi mbyi azən atuəshe wen a nye ndóm wa Ŋwi a lɔnə, nkeʼ be be a nye wa mbəmnye lɔnə ghe.

1 Yoane 3:2

O bɨson ɨban, tɨtsɔŋnɨ bɨgɨnə nɨ ɨbɔ bɨ Ŋwi ə, lá azúm za bɨgɨnə lonɨ be zɛrə, a bvurɨ tɨ lə̌. Lá bɨgɨnə zhi ngə́ a nkfu za Kristo a funɨ a ɨshe, bɨgɨnə mɨ be tso zɨ, mbɨ́ʼ ngə́ bɨgɨnə ghɨ zɛ́n ayi tsɛʼ adzaŋ za a lanɨ mbe.

Nkyɛʼə 2:17

Zɨ wa a tsinɨ nɨ ɨtoŋnɨ á zhwiʼtɨ anu za Azhwi a sóŋnə́ a mbó ndáŋwi ə! A mbó ɨbɛn ba bɨ tokɨnɨ ntsi nɨ ayanguʼ məzen, ma mɨ gha a mbó bo a mana wa wu tse wa bɨ lwɛʼnɨ lá. Ma mɨ kɨ gha a mbó bo ɨ mɔ́ʼɔ́ mɔ́ʼɔ́ ngɔʼ zɨ fú za bɨ ŋwaʼnɨnɨ ɨkum wu fi ɨwu, ɨkum wa mbáʼ ka ŋwɔn tse a zhi ayi ntsatɨ a ŋwɔn wa a kwarɨnɨ a zɛrə ghe.”