Kolose 3:1 - Mɨkan wu Fi

¹ Ŋwi a zhwemnɨnə awən bɨŋ bɨ Kristo a mbó nɨvwo ə. Ma lan, á nɨ tɛgɨ mɨntəm ɨmən a nye ɨdzúm tsa tsɨ tsinɨ a fɔməbvurə, adiʼ wa Kristo a shiʼtɨnɨ ntsi atú abərɨ azhi a bagɨ abó a Ŋwi zə maʼə lá.

Kolose 3:1 Iomraidhean Croise

Matyo 22:44

‹Maʼmbyí Ŋwi a sóŋ a mbó Maʼmbyí ɨghan ngə́, shiʼtɨ ntsi a bagɨ abó me zə maʼə ɨ kɔʼ kuʼ nkfu za ma mɨ tsagɨ ngaŋ kɨban ɨtso a shwúrɨ́ mɨku gho ghe.›

Matyo 26:64

Yeso a chwɨ́gɨ́ wəmbo ngə́, “A soŋ gho ghe. Lá ma soŋ a mbó bɨŋ ə: ɨ lɔgɨnɨ tɨtsɔŋnɨ ɨ ghěn nɨ mbyi, o ghɨ zɛ́n a Mɔn Ŋwɔn á shiʼtɨ ntsi abó maʼə zə Tamɨtən Mɨtsum, ɨ kə́ yenə a mu mbaʼ a fɔməbvurə ghe!”

Matyo 6:20

A nɨ baŋnɨ ndɛn afuʼ azən a fɔməbvurə, adiʼ wa ɨsɛʼ abɔʼnɨ ntsɛb chinɨ keʼ tsənkɨ, á mɨzɛrə keʼ kɨ mbɛʼ ndá nkon ndze.

Matyo 6:33

Baŋnɨ ntɛgɨ atú azo be a nye ɨnu ɨtsum tsa tsɨ tsinɨ mbɨ́ʼ Nɨfɔ nɨ Ŋwi abɔʼnɨ ɨnu ɨtsum tsa Ŋwi a lɔnə a mbó gho, wɛrə a mɨ tiʼ gha ɨdzúm mətsiŋ ɨtsum a mbó gho ghe.

Marɨkusɨ 12:36

Azhwi zə Fɛmnɨ a tsɨ́ŋnɨ́ a Devidɨ zɨmboŋ a soŋ ngə́: ‹Maʼmbyí a sóŋ a mbó Maʼmbyí ɨghan ngə́: shiʼtɨ ntsi ɨghan a bagɨ abó me zə maʼə ɨ kɔʼ kuʼ nkfu za ma mɨ nyɔŋ ngaŋ kɨban ɨtso a shwúrɨ́ mɨku gho ghe.›

Marɨkusɨ 14:62

Yeso a chwɨ́gɨ́ ngə́, “Ma nɨ wɛrə ghe; nɨ ghɨ zɛ́n a Mɔn Ŋwɔn á shiʼtɨ ntsi a bagɨ abó Tamɨtən Mɨtsum zə maʼə ɨ kə́ yiŋnə a mu mbaʼ fɔməbvurə ghe!”

Marɨkusɨ 16:19

Mbáʼ Maʼmbyí Yeso a mɛ́tɨ́nɨ́ a sóŋ ɨnu tsen ɨtsum a mbó bo, bɨ lɔ́gɨ́ ayi nkɔ́ʼ ngɛ́n nɨ zɨ a fɔməbvurə, a tiʼ shiʼtɨ ntsi a bagɨ abó Ŋwi zə maʼə ghe.

Alukasɨ 12:33

Fenɨ ɨdzúm ɨtsɨŋ ɨtsum nga nkáb a mbó ngaŋ afúm ə. Nɨ lo ɨbɔ bɨ aban bə nɨŋ nkáb bɨ tə́ ndvúŋə́, ɨ nɨŋ afuʼ azən ɨwu ndɛn a fɔməbvurə, adiʼ wa bɨ chinɨ keʼ shwɛʼtɨ mbɨ́ʼ ngə́ ka ndzɛrə a ngěn nkuʼə ayi ɨwu, ndzɛm chi keʼ kɨ ntsənkə.

Alukasɨ 20:42

Mbɨ́ʼ ngə́ Devidɨ zɨmboŋ a sóŋ a mu aŋwaʼnɨ a bɨsalms ngə́, ‹Maʼmbyí a sóŋ a mbó Maʼmbyí ɨghan ngə́: tsi adiʼ wen abó me zə maʼə

Alukasɨ 22:69

Lá ɨ lɔgɨnɨ tɨtsɔŋnɨ ɨ tiʼə ghenə nɨ mbyi, Mɔn Ŋwɔn a mɨ shiʼtɨ tsi a bagɨ abó Ŋwi Tamɨtən Mɨtsum zə maʼə ghe.”

Ɨfaʼ 2:34

A sé Ɨfɔ Devidɨ bé wa a kɔ́ʼnɨ́ ngɛ́n a fɔməbvurə, Ɨfɔ Devidɨ a báŋnɨ́ sóŋ ngə́: ‹Maʼmbyí a sóŋ a mbó Maʼmbyí ɨghan ngə́: tsi ɨghan a bagɨ abó me zə maʼə

Ɨfaʼ 7:55

Lá Sɨtifa a lón nɨ Azhwi zə Fɛmnɨ, mbəŋ ɨmɨgɨ ɨmyi ndyiŋ fɔməbvurə, ndze nɨfáŋ nɨ Ŋwi abɔʼnɨ Yeso adzaŋ za a tɛ́mnɨ́ a bagɨ abó Ŋwi zə maʼə ghe.

Roma 8:34

Ɨwa mɨ soŋ ngə́ bo vwo ɨsáʼ wu tsɛrə le? Nkeʼ Kristo Yeso be, zɨ wa a kfónɨ́, wa bɨ zhwémnɨ́nɨ́ a mbó nɨvwo, wa a tɛmnɨ a bagɨ abó Ŋwi zə maʼə mbúʼtɨ́ mbó a mbó Ŋwi a nkfu bɨgɨnə lá!

Roma 8:6

A ntɛ́gɨ́ atú azo a nye ɨdzúm mbəmnye a nɨ ndǒ nɨvwo, lá a ntɛ́gɨ́ atú azo a nye ɨnu tsa Azhwi a lɔnə, yiŋə nɨ ntsi ntən nkə́ ngǎ mbɔnɨ ə.

2 Korɨnto 4:18

Mbɨ́ʼ ngə́ ka bɨgɨnə ntɛgə awɨgɨnə ɨtú ɨtsɨgɨnə be a nye ɨdzúm tsa ɨmɨgɨ zɛ́nə́, lá ntɛ́gɨ́ ɨtú be a nye tsa ɨmɨgɨ sě ndzě; mbɨ́ʼ ngə́ ɨdzúm tsa bɨ zɛ́nə́ chyɛ̌ tsɛʼ a nye məkum a nkfu, lá tsa ka bɨ ndzě ayi, tsɨ nɨ tsə nɨnkoŋ ə.

Ɛfɛso 4:10

Lá be ngə́ ŋwɔn wa a shíʼnɨ́ ngyén atuəshe a nɨ ndəŋndəŋ ŋwɔn wa a kɔ́ʼnɨ́ ngɛ́n atɨ́ ntsa fəŋ fɔməbvurə, ntiʼ ntsi ɨdiʼ ɨtsum a mu mbyi-mbyi tsum ə.

Ɛfɛso 5:22

Mangye zuʼnɨ a ndóm ɨgho, tso ngə́ o ghɨə mə lan lá a mbó Maʼmbyí ɛ.

Kolose 2:20

Nɨ kfonə bɨŋ bɨ Kristo ghe. Wɛrə a kɨnə nkɨ nkyɛtɨ mɨnkɨ mɨ abuʼ ma ɨzhwi tsa tsɨ sáʼnɨ́ mbyi-mbyi tsum korɨnɨ awən ɨwu ə. Ntsi mbyi ɨzɨŋ tiʼ ntsi tso nɨ tsi a mbó mbyi zen lá ngə́ ke le? Nɨ zúʼnɨ́ ntɨgə tsenə ngə́:

Kolose 3:2

A nɨ len ɨkwaʼtɨ ɨtsən a nye ɨnu tsa tsɨ tsinɨ a fɔməbvurə, nkeʼ be a nye ɨnu tsa tsɨ tsinɨ atuəshe wen be.

Ɛbal 1:13

Ŋwi a láʼ nkeʼ sóŋ a mbó ntsendá Ŋwi zɨ tse ngə́: “Shiʼtɨ ntsi ɨghan, a bagɨ abó me zə maʼə ɨ kuʼ nkfu za ma ghɨ ghɨ o nyəŋtɨ ngaŋ kɨban ɨtso nɨ mɨku ɨmo.”

Ɛbal 1:3

Mɔn wa a lá malum wa bɨ lɔgɨnə ndzě nɨfáŋ nɨ Ŋwi ɨwu, mbe ngótɨ́ afi a Ŋwi ə. Mɨtən mɨ nɨgham ɨni byɛʼ mbyi-mbyi tsum ə. A nkfu za wɛrə a ghɨ́nə a ŋwɔn mɨsɔŋ a ntsu a fɛm a mbó mɨbvu ɨmyi lá, wɛrə a tíʼ nkɔ́ʼ ngɛ́n a fɔməbvurə, ɨ shiʼtɨ ntsi a bagɨ abó Ŋwi zə maʼə, zɨ wa a benɨ Mɨtən mɨ Akɔ́ʼɔ́ntsɨrə lá.

Ɛbal 10:12

Lá mbáʼ Yeso a ghánɨ́ atuəmbəm azhi a nye mɨtsuʼnɨ mɨ atú mɨ nɨnkoŋ mə mɨbvu táʼ nkfu lá, wɛrə a tíʼ shíʼtɨ́ ntsí a bagɨ abó Ŋwi zə maʼə,

Ɛbal 12:2

ntɛgɨ ɨmɨgɨ ɨmɨgɨnə a nye Yeso, zɨ wa a biʼnɨnə abeməntəm azɨgɨnə, nkə́ nchísə́ a zɛrə a kɔʼə ntɛ́mə́ ngə́ tsáŋ lá. Zɨ wa a chígɨ́nɨ́ ntəm bɨ kwemtɨ ayi atɨ abaŋnɨ-baŋnɨ nkɨ ngwagɨnɨ adɨrətú atsum mbɨ́ʼ nɨdorɨ na nɨ kɨ́nə́ ntsiŋə ayi, a tiʼ shiʼtɨ ntsi a bagɨ abó maʼə alaŋ a nɨfɔ a Ŋwi ə.

Ɛbal 8:1

Tɨtsɔŋnɨ, nkɔʼ anu za bɨgɨ sóŋnə́ lá a nɨ ngə́: bɨgɨnə tsi nɨ ntumshe wu ngwi wen wa a shiʼtɨnɨ ntsi a bagɨ abó abərɨ a Ŋwi Akɔ́ʼɔ́ntsɨrə zə maʼə a fɔməbvurə ghe.

1 Bita 3:22

zɨ wa a kɔʼnə ngɛn a fɔməbvurə, ntiʼ ntsi a bagɨ abó Ŋwi zə maʼə, ɨ sáʼə bɨtsen bɨ ndá bɨ Ŋwi bɨtsum abɔʼnɨ bɨsáʼ bɨ ɨlaʼ bə fɔməbvurə nɨ ɨdzɔŋ ɨlaʼ tsə fɔməbvurə lá.