Kolose 2:8 - Mɨkan wu Fi

⁸ A nɨ tiʼ ndzɛn ngə́ á ŋwɔn tse a keʼ ghɨ awən a nye ɨbuʼ ntsa a ndzum ntam tənu zóŋ ŋwɔn mɨsɔŋ a ntsu za ɨ lonə a nye ɨnu tsa ŋwɔn mɨsɔŋ a ntsu a diʼnə ndo a mbó bɨtarɨ nkon a mbó ɨbɔ nkɨ ndo a mbó ɨzhwi tsa tsɨ sáʼnɨ́ mbyi-mbyi tsum, nkeʼ be a mbó Kristo lo lá.

Kolose 2:8 Iomraidhean Croise

1 Timotyo 6:20

Timotyo, len ɨ shiʼnɨ anu za bɨ nɨŋnə a mu mbó gho lá. Baʼtɨ mɨgham ma ka mɨ nkɔ́ʼsə́ awa ɨkum Ŋwi atɨ́ abɔʼnɨ ɨlɨʼkɨ ɨdzɨŋtɨ tsa ɨbɛn bə tsɛrə fanə ntɔ́ŋə́ nɨ “Azhyɛ” lá.

Ɛfɛso 5:6

A ŋwɔn tse a keʼ awən nɨ ɨlentɨ mɨgham tamtə; a nɨ mbɨ́ʼ ɨdzaŋ ɨnu tso mətsen tsa tsɨ ghɨnɨ tɔ́ŋ alwɛntɔŋ a Ŋwi a nye ɨbɛn ba bɨ se ayi a ndzúʼnə́ ghe.

Matyo 7:15

“A nɨ lə ɨtú ɨtsən a nye ntóm Ŋwi tsɨ ɨchwenu ə; bo yiŋə a mbó bən tso mbyindzɨ, ɨnyam za ɨ chinɨ keʼ ɨbvu ghɨ a nye nkyerɨ ɨza, lá mbaŋnɨ mbe angwabáʼ, ɨnyam abɨgəntəm, ɨmu ɨmu ə.

Galesha 4:9

Lá tɨtsɔŋnɨ wa nɨ zhinɨ a Ŋwi lá — kə á ma soŋ ngə́, tɨtsɔŋnɨ wa Ŋwi a zhinɨ awən lá — a tiʼ ntsa lá ɨ nə́ ngə́ nɨ lǒ ɨ bə bən nɨ ndzum a mbó ɨbɔrɨkɨ ɨzhwi tsa tsɨ se nɨ ɨlɨŋ tse tsi á tsɨ sáʼə awən le? Nɨ lánə́ ndǒ ɨ bə kwiʼ kwatɨ be ɨbuʼ ɨtsa lá mbɨ́ʼ ake le?

Kolose 2:20

Nɨ kfonə bɨŋ bɨ Kristo ghe. Wɛrə a kɨnə nkɨ nkyɛtɨ mɨnkɨ mɨ abuʼ ma ɨzhwi tsa tsɨ sáʼnɨ́ mbyi-mbyi tsum korɨnɨ awən ɨwu ə. Ntsi mbyi ɨzɨŋ tiʼ ntsi tso nɨ tsi a mbó mbyi zen lá ngə́ ke le? Nɨ zúʼnɨ́ ntɨgə tsenə ngə́:

2 Timotyo 3:13

le buŋ ɨbɛn bə tɔmnɨnɨ abɔʼnɨ ba bɨ ghɨnɨ ɨtsi ngə́ bo nɨ ɨbɛn ba bo se bɛrə be lá, anu aza mɨ bɨ́gɨ́nɨ́ ɨ bɨ́gɨ́nɨ́ ɨ ghɛnə nɨ mbyi, á bo ntámtɨ́ ɨbɛn bədaŋ, á bɨ kə́ ntámtə́ awa ghe.

2 Bita 3:17

Lá bən, nə bɨson ɨban, nɨ kwɛnə nji a məziŋ ə. A nɨ tiʼ ndə̌ ɨtú ɨtsən, taŋ á ɨbɛn ba bɨ se a nyɔngɔŋ a ndě keʼ awən shwuŋ nkon nɨ bən a mu ɨfənu ɨtsa, á nɨ vwo ɨ fu a mu adiʼ azən za a tsinɨ tɨ ngɨ́ʼ ə.

Ɛbal 13:9

A nɨ keʼ nyɛʼtɨ á bɨ diʼ awən nɨ ɨbə́ŋ ɨnu tsədaŋ tsa tsɨ mɨ ghɨ á nɨ fə ndóm ɨwən; mbɨ́ʼ ngə́ a bɔŋ ngə́ á abɔŋəntəm a Ŋwi a nɨ̌ŋ mɨntəm ɨmən ntsa ndzúʼnɨ́ ntɨgə mbɨ́ʼ mɨdzɨ ə. Mbɨ́ʼ ngə́ ntɨgə mətsiŋ sé kwatɨ ɨbɛn ba bɨ zúʼnɨ́nɨ́ a tsɛrə ghe.

2 Yoane 1:8

A nɨ tiʼ lá ndə̌tú azən, taŋ á nɨ ghɨ nkeʼ sám a za nɨ faʼnə mbɨ́ʼ a zɛrə, lá ngɨ nkwarɨ mɨkyaŋnɨ ɨmən a nɨ́lónɨ́ ə.

Galesha 4:3

Ndəŋndəŋ, bɨgɨnə bɨtsum yén mbé ɨbuʼ ɨzhwi tsa tsɨ sáʼnɨ́ mbyi-mbyi tsum bɔŋ ɨ ghɨ kuʼ nkfu wa bɨgɨnə kwínə́.

2 Korɨnto 10:5

nkə́ shíʼsɨ́ ntasɨ tsum za ɨ ŋúʼnɨ́ ɨnye, za ɨ tasɨnə ngə́ á bɨ keʼ a Ŋwi zhyɛ. Bɨgɨ zumtə akwaʼtɨ atsum ngɨə ngə́ á zuʼnɨ a Kristo ghe.

Kolose 2:18

A nɨ keʼ nyɛʼtɨ ɨtumbəm ɨtsən á ŋwɔn tse a tsənkɨ awɨŋ ə. Ɨbɛn ba bɨ soŋnɨ ngə́ bo tsi atú atəntsánɨ́ mbɨ́ʼ ndzɛm nəzhwɨgɨnɨ, ba bɨ nyəmnə ngə́ á bɨ shíʼtə́ nɨ ɨnye a ɨshe a ngɨ ɨtsi nkə́ nyəmə ngə́ á bɨ ngúʼsɨ́ bɨtsen bɨ ndá bɨ Ŋwi lá. Ɨdzaŋ ɨbɛn tso mətsiŋ ŋǔʼ ɨnye tsa ɨtsum lá tsɛʼ atú adaŋədaŋə mbɨ́ʼ ngə́ bo kwaʼtɨ ɨnu lá tsɛʼ a nye ndóm wa ŋwɔn mɨsɔŋ a ntsu tsum a kwaʼtɨnə ghe.

1 Bita 1:18

Mbɨ́ʼ ngə́ nɨ zhi azúm za bɨ tfúnɨ́ a nkyɛtɨ mɨnkɨ mɨ abuʼ a ɨnye bən, a nye ntsi mbyi adaŋədaŋə za bɨta ɨbən bə kɔ́ʼɔ́nguʼ nyɛ́ʼtɨ́nɨ́ a mbó bən lá. A sé bé lá azúm za be bɨ tsənkɨ, azúm tso tsə́ŋtsə́ŋ kə ŋwaʼŋwaʼ;

Roma 16:17

Ma nyíʼtə́ awɨŋ ə, ɨbɔmbɨma ɨban ngə́ á nɨ keʼ nɨ anu zə tse tsi bɨŋ bɨ ɨbɛn ba bɨ bvugɨnɨ ndum nkə́ ngyíŋə́ nɨ ngɨ́ʼ a nye abeməntəm azən nkə́ ngɨə nɨ furɨnɨ ndzum ɨtsən a mbó ɨnu tsa bɨ diʼnə awən nɨ tsɛrə lá. A nɨ baʼtɨ awa a nye mɨndóm mɨtsum ə.

Ɛfɛso 4:20

A sé anu za nɨ yɛ́ʼnɨ́ mbɨ́ʼ a Kristo be ə!

Galesha 1:14

Ma tsí a mbyi bə ghaʼnɨ ba bɨgɨ bo nɨ bə Yuda atú a nkaŋ me a nye adzaŋ za ma kɨ́nə́ ndě mbɔm nguʼsɨ Ŋwi bə Yuda, ɨ faʼə nɨ mɨku bo bɨ mbó a ndé mbɔm bɨta ɨbɨgɨ bə kɔ́ʼɔ́nguʼ ə.

Filibi 3:2

A nɨ lə̌ ɨtú ɨtsən mbɨ́ʼ ɨbɛn ba bɨ ghɨnɨ ɨnu tsɨ tɔmnɨnɨ, ngvo tsa, ɨbɛn ba bɨ nyəmnə a ngvúŋ ɨdiʼ ɨnye lá.

Matyo 16:6

Yeso a sóŋ a mbó bo ngə́, “A nɨ lə ɨtú ɨtsən a nye mbɛgə zɨ bə Farisao abɔʼnɨ bə Sadukai ghe.”

Matyo 10:17

A nɨ lə ɨtú ɨtsən mbɨ́ʼ ngə́ ɨbɛn ghɨ kótɨ́nə́ awən, ɨ lɔgɨnə awən ɨ ghěn nɨ bən a ngɔʼ abyɛn, ɨ kə́ ləŋnə awən nɨ ngwan a mu ndáŋwi bə Yuda ghe.

Kolose 2:22

Bɨnyɔngɔŋ ben bɨtsum ghamə lá mbɨ́ʼ ɨdzúm tsa tsɨ bəŋnə ɨdzúm adaŋədaŋə mbáʼ be bɨ faʼ nɨ tsɛrə tsɛʼ táʼ nkfu; tsɨ lá tsɛʼ ntɨgə ŋwɔn mɨsɔŋ a ntsu abɔʼnɨ ɨnu tsa wɛrə a diʼnə ghe.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Ɨfaʼ 17:18

Bɨdiʼ bɨ aŋwaʼnɨ ba bɨ kɨ́nə́ ntɔ́ŋə́ awa ngə bə Ebikurianɨ abɔʼnɨ Stɔikɨ kɨ́ ndɨʼkɨ bo bo ghe. Bo bə tse bítɨ́ ngə́, “Ajwɔngam wen a lɔ́btə́ lá ɨ soŋ anu ake le?” Bə mɔʼɔ chwɨ́gɨ́ ngə́, “A be tso a ghamə mbɨ́ʼ bɨŋwi bɨ atom ə.” Bo sóŋ ma lan lá mbɨ́ʼ ngə́ a kə́ ngamə mbɨ́ʼ a Yeso abɔʼnɨ nzhwemnə a mbó nɨvwo ə.

Ɨfaʼ 17:32

Mbáʼ bo zúʼnɨ́ Baolo a gham mbɨ́ʼ nzhwemnə a mbó nɨvwo lá, bo bə tse wérɨ́ ayi, lá bə mɔʼɔ sóŋ ngə́, “Bɨgɨ lǒ ndzuʼə o kwiʼ nkwatɨ a məziŋ ə.”

1 Korɨnto 8:9

A nɨ lə̌ ɨtú ɨtsən ngə́ á mɨtən men ma nɨ tsinɨ nɨ mɛrə keʼ ghɨ á ɨbɔmbɨma ɨbən ba abeməntəm aza a bɔrɨkɨnɨ vwo a mu ɨbvu ə.

1 Korɨnto 10:12

Bo wa bɨ kwaʼtɨnɨ ngə́ bo tɛm ɨ shiʼnɨ tsi nɨ ndə̌tú mbɨ́ʼ bo vwoə.

Galesha 5:15

Lá be nɨ ngɨ̌ ɨnu tso ɨnyam mɨbaʼ, ndɛ́mtə́ nkə́ sɔ́btə́ a ŋwɔn nɨ ŋwɔn muŋ, be nɨ tú ɨtú ɨtsɨŋ lán muŋ, nɨ mɨ nyam tsənkɨ a ŋwɔn nɨ ŋwɔn ə.

Kolose 2:23

Tsɛʼ a nkənu, ntɨgə mətsiŋ fi tso tsɨ zɛʼtɨ awa a nye zóŋ a nye adzaŋ za tsɨ nyəmnə ngə́ á bɨ ngúʼsɨ́ ɨtsendá Ŋwi, ɨ shíʼtə́ nɨ atuəmbəm azo a ɨshe a mu ɨtsi, abɔʼnɨ ngɨə á mbəmnye ɨzo ze ngɨ́ʼ; lá ka tsɨ tsi awa nɨ ngótɨ́ akwatɨ a mbó ŋwɔn wa a lɔnɨ ngwɛmtɨ ɨnye ɨzhi a nye ɨnu tsa mbəmnye lɔnə ghe.

Ɛbal 3:12

Ɨbɔmbɨma ɨban, á nɨ lə̌ ɨtú ɨtsən mbɨ́ʼ táʼ ŋwɔn a tɨtərɨ bən a ghɨ ntsí nɨ abɨgəntəm, nkeʼ nɨŋ ntəm ɨyi a nye Ŋwi, ɨ ghɨ ayi á furɨ ndzum ɨzhi nga a mbó Ŋwi, zɨ wa a tsinɨ ntɨŋ ə.