Kolose 2:5 - Mɨkan wu Fi

⁵ Mbɨ́ʼ ngə́ ma baʼtɨ nkaʼ tsi ɨ tsinɨ bɨgɨnə a nye mbəmnye lá, ma tsi bɨgɨnə a mu azhwi, nkə́ ndórə́ adzaŋ za nɨ kyáŋtɨ́nɨ́ ɨtumbəm ɨtsɨŋ ɨ shiʼnɨ nkɨ ntɛm ntɨŋə ngə́ twə́ŋ a mu abeməntəm azən a nye Kristo lá.

Kolose 2:5 Iomraidhean Croise

1 Tesalonaika 2:17

Ɨ bə bən a nye bɨgɨ nə ɨbɔmbɨma, a nkfu za bɨgɨnə shwɛ́kɨ́nɨ́ a nye məkum a nkfu — nkeʼ be be a mu ɨkwaʼtɨ ɨtsɨgɨ lá, tsɛʼ a nkənu, mbe be a mbəmnye — nji ndzě bɨŋ kə́ ndzáŋə́ awɨgɨ be tɨ́sə́n, bɨgɨ kə́ ngɨə atsum nɨ mɨntəm ɨmɨgɨ mɨtsum á bɨgɨnə bə ndzɛnɨ mɨshi ɛ!

1 Bita 5:9

A nɨ tɛm ntɨŋə ngə́ twə́ŋ a mu abeməntəm azən, nkɨ nton a Dəbɨrɨ wa, mbɨ́ʼ ngə́ nɨ zhi ngə́ ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo a mu mbyi ziŋ tsum kə́ ndzě ndəŋndəŋ ngɨ́ʼ tso bɨŋ ə.

1 Korɨnto 16:13

A nɨ ŋaʼ ɨmɨgɨ ɨmən nɨ ɨtoŋnɨ ɨtsən, ntɛm ntəntɨ a mu abeməntəm, nkántɨ́ mbáŋnɨ́, nkeʼ nkə́ nchíʼnə́ ghe.

Ɛbal 3:14

Bɨgɨnə mɨ be táʼ azúm bɨgɨnə bɨ Kristo mbáʼ be bɨgɨnə chwa ɨ shiʼnɨ ɨnɨŋ ntəm za bɨgɨnə tsínɨ́ nɨ zɛrə a mbiʼnə, ɨ kɔʼ kuʼ a ndwitə ghe.

1 Korɨnto 14:40

A nɨ nkyáŋtɨ́ ɨnu ɨtsum tsɛʼ a nye ndómnji wa ɨ kuʼnɨnɨ nkɨ mbɔŋə.

Ɛbal 6:19

Ntsiŋə nɨ ntəm tsum məziŋ ghɨə bɨgɨnə tɛm ntən tɨ nɨbɔgɨ nə tsɛrə tso abáŋ a nkyi za təkɨŋ atɨŋə a chwanɨ taŋ á kɨfɛrɨ a keʼ tyiŋ a zɛrə ngɛn nɨ zɛrə ghe. Ɨ tsi ɨ shiʼnɨ nkɨ ntsi nɨ ɨ ghɨ zagɨ yiŋə. Ntsiŋə nɨ ntəm tsum məzen ghɨ ghɨ á bɨgɨnə tsa nkon ngɛn nkuʼ a mu adiʼ zə fɛmnɨ a mu yirɨ a mu yirɨ, za bɨ kubɨnɨnɨ ntsu ɨyi nɨ abagɨ atsɛʼ zə nkwasə, adiʼ za Ŋwi a tsinɨ ɨwu a fɔməbvurə lá.

1 Tesalonaika 3:8

mbɨ́ʼ ngə́ tɨtsɔŋnɨ, bɨgɨ lánə́ ntsǐ ɨ shiʼnɨ mbɨ́ʼ awən mbáʼ nɨ tɛmnɨ ntɨŋə a mu ntsi mbyi ɨzən a mbúm bɨŋ bɨ Maʼmbyí lá.

1 Korɨnto 15:58

Ma lan nə ɨbɔmbɨma ɨban, nɨ tɛm á mɨku ɨmɨŋ təntɨ, á nɨ keʼ nchíʼnə́ ghe. A faʼnə ɨfaʼ ɨwən a mbó Maʼmbyí nkfu tsum, mbáʼ nɨ zhinɨ ngə́ ka anu zə tse za nɨ ghɨnə, a mu ɨfaʼ ɨwən a mbó Maʼmbyí a chi tsa ayi adaŋədaŋə lá.

Kolose 2:1

A ma soŋ awən nɨ adzaŋ za ma faʼnə nɨ adaʼ azə atsum a mbó bən, nkwiʼtɨ ɨbɛn ba bɨ tsinɨ a Laodisia nɨ ɨbɛn bə mɔʼɔ bɨtsum ba bɨ láʼnə mbvurɨ aghan me mboŋ tɨ ze.

1 Korɨnto 11:34

Be ŋwɔn tse a zhi ngə́ nji ghɨ záŋ ayi adiʼ za nɨ ghótɨ́nə́, á dzɨ a ndá zɨ bɔŋ ɨ yiŋə. Adzaŋ məwen, a mɨ ghɨ ngə́ á Ŋwi a ghɨ́ nkeʼ awən sáʼ a nkfu za nɨ ghotɨnə. Ma mɨ chwɨgɨ ɨnu tsɨ mɔʼɔ tsa nɨ ŋwáʼnɨ́nɨ́ mbítɨ́ aghan nɨ tsɛrə lá a nkfu za ma yenɨ nkwatɨ awɨŋ ə.

Ɨfaʼ 2:42

Bo tíʼ nde nkfu ɨza tsum a ngyɛ́ʼ a mbó ntóm Yeso, mbómnkə́ táʼ adiʼ, ndzɨ́ə mɨdzɨ ɨma táʼ adiʼ nkə́ ntsáʼtə́ a Ŋwi ə.

Ɨfaʼ 20:21

A mbó bə Yuda abɔʼnɨ ba a se bə Yuda be, bo bɨtsum ma kwántɨ́ awa be tɨ́sə́n ngə́ á bo bəŋ mɨntəm ɨma a nye mɨbvu ɨma ntsi a bagɨ Ŋwi nkɨ nɨŋ mɨntəm ɨma a nye Maʼmbyí Yeso ɨwɨgɨnə ghe.