Kolose 2:4 - Mɨkan wu Fi

⁴ Ma tiʼə sóŋə́ a mbó bɨŋ ə, á ŋwɔn tse a keʼ awən tamtɨ nɨ mɨgham mɨ ndɛgɨ ma ka anu zə tsɛrə a tsi ayi ɨwu, kɔ́ŋ mɨ fi tso mɨ bɔŋ be lə́ ghe.

Kolose 2:4 Iomraidhean Croise

Matyo 24:24

Mbɨ́ʼ ngə́ bɨ Wa Bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe, ɨ ghɨnɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ taŋ ɨ tintɨ ɨnɔ ɨbɛn ɨ tsagɨ a mɨ́tfúŋ, mbáʼ be a chi fu, ɨ kɨ tsagɨ ɨbɛn ba Ŋwi a tsɔʼnɨ awa ghe.

Matyo 24:4

Yeso a chwɨ́gɨ́ awa ngə́, “Nɨ lə ɨtú ɨtsɨŋ ə, á ŋwɔn tse a keʼ awən tamtə.

Marɨkusɨ 13:22

Bɨ Wa bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe ə. Bo ghɨ ghɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ a ntámtɨ́ ɨbɛn, ɨ ghɛn kuʼ a nye ɨbɛn ba Ŋwi a tsɔ́ʼnɨ́ mbáʼ be a chi be mə lá.

Ɨfaʼ 20:30

Nkfu ghɨ yen za ɨbɛn ghɨ fú a tɨtərɨ ngǒtə ɨzən ɨ chwe ɨnu a ndarɨsɨ ɨbɛn ba bɨ nɨŋnɨ mɨntəm ɨma a nye Kristo á bɨ zɔŋ awa ghe.

1 Korɨnto 2:4

anu za ma kɨ́nə́ ndiʼə abɔʼnɨ adzaŋ za ma ghánɨ́ nkən ɨghə sé tsa a ndzum nɨgham nə shiʼnɨ na bɨ kyáŋtɨ́nɨ́ nɨ zóŋ ŋwɔn mɨsɔŋ a ntsu, lá anu za ma kɨ́nə́ sóŋə́ nkə́ ndiʼə a kə́ ndǐʼ mɨtən mɨ Azhwi a Ŋwi ə.

2 Korɨnto 11:3

Tso mbáʼ ɨnyo za ɨ támtɨ́nɨ́ a Ifa nɨ ɨchwenu ɨchi tsa tsɨ yígɨ́nɨ́nɨ́ lá, ma bɔ́gə́ ngə́ bɨ chi ghɨ twɛfɨ ɨkwaʼtɨ ɨtsən, á nɨ kyɛntɨ ngwíʼtə́ mbɨ́ʼ a Kristo a nye ndóm wa ɨ kuʼnɨnɨ nkɨ mbe wu nkənu lá.

Galesha 2:4

le buŋ bə tse kə́ ndǒ ngə́ muŋ bɨ tsəŋə. Ɨbɛn məbiŋ kə́ ngɨ̌ ɨtsi ngə́ bo kɨ́ nɨ́ŋ mɨntəm ɨma a nye Kristo, ma lan, bo bánkɨ́ nkón a tɨtərɨ ngǒtə ɨzɨgɨ tso bɨchwerɨ, taŋ ɨ tsɔʼ aku mbɨ́ʼ adzaŋ za bɨgɨ tíʼnɨ́ ɨbɛn nɨ atú azɨgɨ a nye nyɔngɔŋ bə Yuda ntsa a ndzum adzaŋ za bɨgɨ tsinɨ a mbúm bɨgɨ bɨ Kristo Yeso ghe. Bo kə́ ndǒ ngɨə ngə́ á bɨgɨ ghɔŋ a nye ɨbuʼ nyɔngɔŋ bə Yuda,

Ɛfɛso 4:14

taŋ á bɨgɨnə keʼ bə mbvurɨ mbe tso ɨbɔ bə bɔrɨ ba bɨ bémnɨ́ ɨnu ɨtsum tsa bɨ diʼnə awa nɨ tsɛrə tə ntɔ́ʼnə́ lá. A ntám za ngaŋ ɨchwenu diʼnə keʼ shwuŋ awən nkwebtɨ ɨdiʼ nɨ bən tso kɨfɛrɨ ə. Ngaŋ ndiʼ ɨchwenu mətsiŋ tíntɨ́ ɨbɛn bɨ vwonə atám nɨ atú nɨ nkob za bo báʼnə́ ghe.

Ɛfɛso 4:17

Nɨ ɨkum Maʼmbyí, ma tiʼə nkwantə awɨŋ ə: njimbɨʼ nɨ bvurə ngěn nɨ mbyi nchyɛ̌ tso ba a se bə Yuda be, mbáʼ ɨkwaʼtɨ ɨtsa nɨ tsɛʼ ɨnu adaŋədaŋə,

Ɛfɛso 5:6

A ŋwɔn tse a keʼ awən nɨ ɨlentɨ mɨgham tamtə; a nɨ mbɨ́ʼ ɨdzaŋ ɨnu tso mətsen tsa tsɨ ghɨnɨ tɔ́ŋ alwɛntɔŋ a Ŋwi a nye ɨbɛn ba bɨ se ayi a ndzúʼnə́ ghe.

Kolose 2:18

A nɨ keʼ nyɛʼtɨ ɨtumbəm ɨtsən á ŋwɔn tse a tsənkɨ awɨŋ ə. Ɨbɛn ba bɨ soŋnɨ ngə́ bo tsi atú atəntsánɨ́ mbɨ́ʼ ndzɛm nəzhwɨgɨnɨ, ba bɨ nyəmnə ngə́ á bɨ shíʼtə́ nɨ ɨnye a ɨshe a ngɨ ɨtsi nkə́ nyəmə ngə́ á bɨ ngúʼsɨ́ bɨtsen bɨ ndá bɨ Ŋwi lá. Ɨdzaŋ ɨbɛn tso mətsiŋ ŋǔʼ ɨnye tsa ɨtsum lá tsɛʼ atú adaŋədaŋə mbɨ́ʼ ngə́ bo kwaʼtɨ ɨnu lá tsɛʼ a nye ndóm wa ŋwɔn mɨsɔŋ a ntsu tsum a kwaʼtɨnə ghe.

Kolose 2:8

A nɨ tiʼ ndzɛn ngə́ á ŋwɔn tse a keʼ ghɨ awən a nye ɨbuʼ ntsa a ndzum ntam tənu zóŋ ŋwɔn mɨsɔŋ a ntsu za ɨ lonə a nye ɨnu tsa ŋwɔn mɨsɔŋ a ntsu a diʼnə ndo a mbó bɨtarɨ nkon a mbó ɨbɔ nkɨ ndo a mbó ɨzhwi tsa tsɨ sáʼnɨ́ mbyi-mbyi tsum, nkeʼ be a mbó Kristo lo lá.

2 Timotyo 2:16

Koʼ nɨ anu zə tsɛrə byi nyam ntsi a ngɨə nɨ mɨgham ma mɨ sóŋnɨ́ ɨnu tɨbɔŋ mbɨ́ʼ a Ŋwi abɔʼnɨ ɨdzɨŋtɨ mɨgham ə. Ɨbə́ŋ mɨgham tso mətsiŋ kwátə́ tsɛʼ a ndɔgɨ ɨbɛn ɨ ghɛn nɨ bo á aghagɨ aza a sagɨ a nye Ŋwi ə.

2 Timotyo 3:13

le buŋ ɨbɛn bə tɔmnɨnɨ abɔʼnɨ ba bɨ ghɨnɨ ɨtsi ngə́ bo nɨ ɨbɛn ba bo se bɛrə be lá, anu aza mɨ bɨ́gɨ́nɨ́ ɨ bɨ́gɨ́nɨ́ ɨ ghɛnə nɨ mbyi, á bo ntámtɨ́ ɨbɛn bədaŋ, á bɨ kə́ ntámtə́ awa ghe.

1 Yoane 2:18

Ɨbɔ ɨban, ndwitə ɨ tiʼ abó ə! Bɨ sóŋ a mbó bən ngə́ ngaŋ kɨban Kristo ghɨ yen; tɨtsɔŋnɨ ngaŋ kɨban Kristo tsə ghaʼnɨ binə fu a ɨshe, ma lan, bɨgɨnə tiʼ nji ngə́ ndwitə ɨ tiʼ abó ə.

1 Yoane 2:26

Ma ŋwaʼnə a zen a mbó bən lá mbɨ́ʼ ɨbɛn ba bɨ zhwə́ŋtɨ́nə́ a ntámtɨ́ bɨŋ ə.

1 Yoane 4:1

O bɨson ɨban, á nɨ keʼ nɨŋ mɨntəm ɨmən a nye ɨbɛn bɨtsum ba bɨ kaŋnə ngə́ bo tsi nɨ Azhwi za, lá á nɨ zhwəŋtɨ awa a ndzé ngə́ a lə azhwi za bo tsinɨ nɨ zɛrə a lo a mbó Ŋwi kə ngáŋ ə. Mbɨ́ʼ ngə́ ntóm Ŋwi ɨchwenu ghɛnə nɨ ɨdiʼ ɨtsum ə.

2 Yoane 1:7

Bɨntamtɨ bə ghaʼnɨ ghɛnə a mu mbyi tsum, ɨbɛn ba bɨ se bem ngə́ Yeso Kristo a yén tso ŋwɔn mɨsɔŋ a ntsu lá. Abə́ŋ a ŋwɔn məza a nɨ ntamtɨ nkɨ mbe Ŋwɔn Kɨban Kristo ghe.

Nkyɛʼə 12:9

Bɨ tyíŋ a tə́fəm dragɔn wa ɨ maʼ a ntáʼə — ɨnyo bənguʼ za bɨ tɔ́ŋnə́ ngə́ Dəbɨrɨ, kə Satan, mbáʼ ɨ támtɨ́nɨ́ atuəshe atsum lá. Bɨ máʼ ayi a shiʼ ngyen atuəshe, ndzɔŋ nkwiʼtɨ ɨtsendá Ŋwi ɨchi ɨtsum ə.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 20:3

Ntsendá Ŋwi za ɨ máʼ ayi a mu abɨ́ a kfúrɨ́mándzó za, ɨ fən a zɛrə, ɨ sɨŋ nɨ ɨfɛnwu, taŋ á wɛrə a chi keʼ bə ntamtɨ ɨbɛn bɨ ɨlaʼ tsa ɨ kɔʼ kuʼ ndwitɨ ɨlom tsa táʼ nchwuʼ ə. Mbáʼ nkfu məziŋ minə, bɨ mɨ zagɨ nyɛʼtɨ ayi a nye məkum a nkfu ə.

Nkyɛʼə 20:8

Wɛrə a mɨ tiʼ fu ghɛn a ntámtɨ́ ɨlaʼ tsa tsɨ dzagɨnɨnɨ a mu mbyi tsum lá, lá be ngə́, Gɔgɨ nɨ Magɔgɨ lá. Satan a mɨ ghotɨ awa a ntó ntso ghe. Ndvuŋ ɨwa gháʼ mbe tso awaŋə za a tsinɨ a ngə́rɨ́ sagɨrə wu ngwi ə.