Kolose 2:2 - Mɨkan wu Fi

² Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

Kolose 2:2 Iomraidhean Croise

Matyo 11:25

A nkfu məwa Yeso a sóŋ ngə́, “Tarɨ, Maʼmbyí, gho wa o tsinɨ nɨ fɔməbvurə abɔʼnɨ atuəshe! Ma gha a mɨya a mbó gho mbɨ́ʼ ngə́ o diʼnə a mbó ɨbɔ bə bɔrɨ ɨnu tsa o lwɛʼnɨ a mbó ba bɨ kwaʼtɨnɨ ngə́ bo nɨ bə zóŋ abɔʼnɨ bə ayigɨnɨ ə.

Matyo 11:27

Ta ɨghan a ghanə ɨdzúm ɨtsum a mbó me ghe. Ka ŋwɔn tse a zhi ayi a Mɔn ntsa a Tarɨ, ŋwɔn tse a keʼ kɨ nji a Tarɨ ntsa a Mɔn abɔʼnɨ ba Mɔn a zarɨnɨ taŋ ɨ kyɛʼ a ta ɨyi a mbó bo ghe.

Matyo 13:11

Yeso a chwɨ́gɨ́ ngə́, “Bɨ ghanə azhyɛ mbɨ́ʼ ɨnu nkubə tsə Nɨfɔ nɨ fɔməbvurə a mbó bən, lá nkeʼ a mbó bo be.

Alukasɨ 1:1

O Tiofilo: Ɨbɛn bə ghaʼnɨ zhwəŋtɨnə ndaʼ ɨwa a ŋwaʼnɨ ɨnu tsa tsɨ fúnɨ́ a tɨtərɨ bɨgɨnə,

Yoane 10:30

Bɨgɨ Tarɨ nɨ táʼ azúm ə.”

Yoane 10:38

Lá be ma ghɨ a tsɛrə, nɨ baʼtɨ keʼ mɨntəm ɨmən a nye me nɨŋ ɨ nɨŋnɨ lá, nɨ nɨŋ mɨntəm ɨmən a nye ngɨnɨ mɨnu ɨman, taŋ á nɨ chi zhi táʼ nkfu wa a nunɨ nɨnkoŋ ngə́ Tarɨ a tsi a mu ɨnye me, ma kɨ ntsi a mu ɨnye Tarɨ ə.”

Yoane 16:15

Atsum atsum za Ta ɨghan a tsinɨ nɨ zɛrə a nɨ azə; lá nɨ anu za ma soŋnɨ ngə́ Azhwi a ghɨ kwárɨ́ azúm za ma ghanɨ nɨ zɨ ɨ tiʼ soŋ a mbó bən lá.”

Yoane 17:3

Ɨ tiʼ tsi ntən nɨnkoŋ ɨ nɨ ngə́ á bo zhi agho, Ŋwi ɨ nu zɨzɨ tɨ wə daŋ, abɔʼnɨ nji Yeso Kristo wa o tságɨ́nə́.

Yoane 5:17

Yeso a chwɨ́gɨ́ awa ngə́, “Ta ɨghan a faʼə tsɛʼ nkfu tsum ə, ma tsi nɨ ɨ zagɨ ɨ kə́ faʼnə ghe.”

Yoane 5:23

taŋ á ŋwɔn tsum a ghɨ́ nkɔ́ʼsɨ́ a Mɔn Mbáŋnɨ́ atɨ́ a nye ndəŋndəŋ ndóm wa bɨ kɔ́ʼsɨ́nə́ a Tarɨ atɨ́ ə. Ŋwɔn wa a se a Mɔn Mbáŋnɨ́ atɨ́ kɔʼsɨ, ka a kɨ nkɔʼsɨ ayi atɨ́ a Tarɨ, zɨ wa a tsagɨnɨ ayi ɛ.

Yoane 6:69

A nkwiʼtə, tɨtsɔŋnɨ, bɨgɨ nɨŋ mɨntəm ɨmɨgɨ a nye gho, nkɨ nji ngə́ o nɨ Wu Fɛmnɨ wa a lonɨ a mbó Ŋwi ngyiŋə.”

Ɨfaʼ 4:32

Ngǒtə ɨbɛn ba bɨ nɨ́ŋnɨ́ mɨntəm ɨma a nye Ŋwi bé lá tsɛʼ táʼ azúm a ntəm bo abɔʼnɨ akwaʼtɨ aza ghe. Ŋwɔn tse a tɨtərɨ bo a sé sóŋ ngə́ azúm zə tsɛrə za zɨə tsínɨ́ nɨ zɛrə a nɨ tsɛʼ azhi ɛ. Bo kə́ ngyɛbtɨ ɨdzúm ɨtsa tsɛʼ ɨtsum a tɨtərɨ bo ghe.

Roma 15:13

A Ŋwi, zɨ wa a ghánə́ ntsiŋə nɨ ntəm ɨtsum, a lwɨgɨ awən nɨ nɨdorɨ abɔʼnɨ mbɔnɨ, ntsa a ndzum abeməntəm azən a nye zɨ taŋ á ntsiŋə ɨzən nɨ mɨntəm ɨmən mɨtsum ngěn nɨ mbyi nkwiə a tsǎ a ndzum mɨtən mɨ Azhwi zə Fɛmnɨ ə.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

Roma 2:4

Kə aghagɨ a tsɛrə o wágɨ́nɨ́ ɨbɔŋ wu wi wa Ŋwi a ghɨnə, achigəntəm azhi abɔʼnɨ nchigə ɨzhi ɛ. Tsɛʼ a nkənu, o zhi ngə́ ntəm Ŋwi a nɨ wa ɨ ghɨnə tsɛʼ ɨbɔŋ ə, mbɨ́ʼ ngə́ wɛrə a ghɨ̌ ɨnu ɨtsum a ndzé ngə́ o bəŋ ntəm ɨgho a nye mɨbvu ɨmo.

1 Korɨnto 14:31

Bən bɨtsum chi chwitɨ nkən Ŋwi ɨ mɔ́ʼɔ́ mɔ́ʼɔ́ taŋ á ŋwɔn tsum a yɛʼ anu ɨwu á ɨ kɨ shintɨ ntəm ɨyi ɛ.

1 Korɨnto 2:12

Ka bɨ gha ayi lá azhwi atuəshe zen a mbó bɨgɨnə ghe; bɨgɨnə baŋnɨ nkwarɨ be Azhwi za Ŋwi a tsagɨnɨ, taŋ á bɨgɨ chi zhi atsum za Ŋwi a ghanɨ a mbó bɨgɨnə ghe.

Galesha 3:28

Adzaŋ məwen, ka líʼ a tsi ayi ɨwu a tɨtərɨ bə Yuda bo bɨ ba a se bə Yuda be, a tɨtərɨ ɨbuʼ bo bɨ ɨbɛn ba a se ɨbuʼ be, a tɨtərɨ mbáŋnɨ́ bo bɨ bəngye; bən bɨtsum nɨ táʼ azúm mbɨ́ʼ ngə́ nɨ tsi a mbúm bɨŋ bɨ Yeso Kristo ghe.

Ɛfɛso 1:7

A ntsǎ a ndzum alɛm a Kristo za bɨ chwírɨ́nɨ́ atɨ abaŋnɨ-baŋnɨ, bɨ zón atú azɨgɨnə, lá be ngə́, bɨ lɨgɨnɨ ɨfənu ɨtsɨgɨnə, ndzɔŋə a ndzum abɔŋəntəm azhi za a kwə́ŋnɨ́nə́,

Ɛfɛso 3:16

Ma lɔ́ntə́ a mbó Ŋwi ngə́ á wɛrə a ghɛn a mu nɨfáŋ ɨni na nɨ ghaʼnɨ nga awən nɨ adaʼ ntsa a ndzum Azhwi azhi ngə́ á nɨ ntɨ́ŋə́ a mu azhwi azɨŋ ə.

Ɛfɛso 3:3

Ŋwi a kyɛ́ʼ ɨkwaʼtɨ ɨchi tsə nkubə, nkɨ ntiʼ ngɨ ma zhi a tsɛrə ghe. Ma fomnə ŋwaʼnɨ nghumtɨ a zɛrə ghe.

Ɛfɛso 6:22

Nə nɨ anu za a ghɨnɨ ma tyigɨ ayi a mbyɛn bən taŋ á wɛrə a yen ɨ soŋ adzaŋ za ntsi mbyi ɨzɨgɨ benɨ ɨghan, ɨ kɨ wɔŋtɨ awɨŋ ə.

Filibi 2:1

Ntsi mbyi ɨzən a mbúm bɨŋ bɨ Kristo ɨ ghɨə nɨ tən, akɔŋnɨ azhi a kə́ ndɛ́tə́ awɨŋ ə. Nɨ dzɨ́nə́ bɨŋ bɨ Azhwi, nkɨ ntsi nɨ ngɨ ɨbɔŋ abɔʼnɨ mɨlɨŋnɨ a nye ŋwɔn nɨ ŋwɔn ə.

Filibi 3:8

Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

Kolose 1:26

Nkən məwiŋ lá anu a nkubə za wɛrə a lwɛ́ʼnɨ́ nchwuʼnɨ a lɔʼkwam, a ndɔgɨnə a nye nɨwə ɨ kon a nye nə mɔʼɔ, lá tɨtsɔŋnɨ wɛrə a kyɛʼnə a zɛrə a mbó ɨbɛn ɨbyi lá.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

Kolose 1:9

Mbɨ́ʼ a məzen, bɨgɨ tsaʼtə a Ŋwi nkfu tsum mbɨ́ʼ awən nchwuʼnɨ mbáʼ bɨgɨ zúʼnɨ́ a məzen mbɨ́ʼ awɨŋ ə. Bɨgɨ lɔ́ntə́ a mbó Ŋwi ngə́ á wɛrə a lwɨgɨ awən nɨ azhyɛ ɨnu tsa zɨə lɔnə, ndwɨgɨ awən nɨ zóŋ nkɨ ndwɨgɨ awən nɨ ndzuʼ kɨ zhi za Azhwi zə Fɛmnɨ a ghánə́ ghe.

Kolose 2:19

Bo kyɛntɨnə a ndzúʼnɨ́ Kristo, zɨ wa a nɨ atú a mbəmnye za. Atú a tsɨŋnɨ mbəmnye tsum, ndzɨgə a zɛrə nkə́ mbósə́ a zɛrə táʼ adiʼ a nye mɨkyebɨnɨ mɨ ɨnye, ɨ tiʼə nkə́ nkwiə adzaŋ za Ŋwi a lɔnə ngə́ á ɨ nkwiə ghe.

Kolose 3:14

A akɔŋnɨ a tsi atú ɨnu tsen ɨtsum, zɛrə za a ghótɨ́nɨ́ ɨnu tsiŋ ɨtsum tsɨ tsinə a mbúm nkɔ́ʼə ntɛ́mə́ ngə́ tsáŋ lá.

Kolose 4:3

A nɨ kə́ ntsáʼtə́ a Ŋwi mbɨ́ʼ awɨgɨ, taŋ á Ŋwi a gha abárɨ́ a mbó bɨgɨ a sóŋ nkən ɨyi mbáʼ ɨ ghamnə lá mbɨ́ʼ anu a nkubə zə Kristo ghe. Mbɨ́ʼ ngə́ a nɨ mbɨ́ʼ a zɛrə mbáʼ ma tsinɨ atsáŋ tɨtsɔŋnɨ ə.

Kolose 4:8

Nə nɨ anu za ma tsagɨnə ayi a mbó bən, taŋ á wɛrə a yen ngɨ á ɨnye ɨzɨŋ ɨ sáŋnə́ adzaŋ za wɛrə a mɨ soŋ adzaŋ za ɨnu ghɛnə a mbó bɨgɨ ə.

1 Tesalonaika 1:5

Mbɨ́ʼ ngə́ bɨgɨ yén nɨ Nkən wu Shiʼnɨ a mbó bən, nkeʼ tsɛʼ a mu nɨgham nɨ ntsu be, lá nkɨ mbe abɔʼnɨ mɨtən nkwiʼtɨ Azhwi zə Fɛmnɨ tə́ mə́ŋnə́ anu zə tsɛrə za a nɨ nkənu ə. Nɨ zhi adzaŋ za bɨgɨ kɨ́nə́ nchyɛ̌ a nkfu za bɨgɨ tsínɨ́ bɨgɨnə; a bé lá mbɨ́ʼ atú azɨŋ ə.

1 Tesalonaika 3:2

lá ntsagɨ a Timotyo, mɨma ɨwɨgɨ wa a faʼnə bɨgɨ bo a mbó Ŋwi a sóŋ Nkən wu Shiʼnɨ mbɨ́ʼ a Kristo ghe. Bɨgɨ tságɨ́ ayi ngə́ á wɛrə yen shintɨ mɨntəm ɨmən, nkɨ nkwatɨ a ngɨə á abeməntəm azən a kwi,

1 Tesalonaika 5:14

Ɨbɔmbɨma, bɨgɨ nyíʼtə́ awən ngə́ á nɨ kwantɨ ngaŋ anarɨ, ngwɔ́ŋtə́ a ba bɨ shwɔ́nɨ́nə́, nkwátə́ a ba bɨ bɔrɨkɨnɨ, mbɔrɨsɨ mɨntəm ɨmən bɨŋ bɨ ŋwɔn tsum ə.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

Ɛbal 10:22

A bɨgɨnə ghɛn ɨ fatɨ a Ŋwi nɨ ntəm wu nkənu, abɔʼnɨ abeməntəm za bɨgɨnə zhinɨ ngə́ a ghɨ fú a nye anu, nɨ mɨntəm ma bɨ sugɨnɨ a mbó ngvo ɨsáʼ tsum abɔʼnɨ mbəmnye tsa tsɨ fɛ́mnə́ tsɛʼ tso ngə́ bɨ sugɨ nɨ nkyi wu fɛmnɨ ə.

Ɛbal 6:11

Za bɨgɨ lɔnə nɨ mɨntəm ɨmɨgɨ mɨtsum a nɨ ngə́ á ŋwɔn tsum a tɨtərɨ bən a ngěn nɨ mbyi nɨ ntəm ɨyi ɨtsum a ngɨ ɨnu tsa a ghɨnə ɨ kɔʼ kuʼ a ndwitə, taŋ á anu za nɨ tsenə nɨ mɨntəm ɨmən mɨtsum a ghɨ́ fú mbe nkənu ə.

2 Bita 1:10

Ma lan nə ɨbɔmbɨma ɨban, á nɨ zhwəŋtɨ a nye mɨndóm mɨtsum a ngɨə ngə́ ntsɔʼə za Ŋwi a tsɔ́ʼnɨ́ awən nkɨ ndzarɨ awɨŋ ghɔŋ nɨnkoŋ; be nɨ ghɨ ma lan muŋ nɨ mɨ láʼ keʼ abeməntəm azən nyɛʼə.

2 Bita 1:3

Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.

2 Bita 3:18

Lá á nɨ ngěn nɨ mbyi nkwiə a mu abɔŋəntəm abɔʼnɨ nji Maʼmbyí, Ndoŋ ɨwɨgɨnə Yeso Kristo ghe. A nɨfáŋ tsi wəmbo tɨtsɔŋnɨ, nkɨ ntsi wəmbo nɨnkoŋ ə! A be lá.

1 Yoane 3:19

Nə tiʼ mbe adzaŋ za bɨgɨnə mɨ zhi ngə́ bɨgɨnə tsi a mbó Ŋwi, zɨ wa wɛrə nɨ nkənu lá; nə nɨ adzaŋ za bɨgɨnə ghɨ ghɛn a ɨshi Ŋwi tɨ nɨbɔgɨ ə.

1 Yoane 5:7

Mɨndóm be lá mi mɨntárə́ mbáʼ bɨgɨnə zhínɨ́ nkənu mbɨ́ʼ a Yeso ghe.