Ɛfɛso 6:9 - Mɨkan wu Fi

⁹ Bɨtabuʼ, á nɨ ngɨ̌ ndəŋndəŋ ɨnu a nye ɨbuʼ ɨtsən, nkeʼ nɨbɔgɨ a ntəm bo a nɨ́ŋə́ ghe. A nɨ zhi ngə́ bɨŋ bɨ ɨbuʼ ɨtsɨŋ tsi lá a mbó ndəŋndəŋ tafaʼ ɨwən wa a tsinɨ a fɔməbvurə, zɨ wa a kyɛgɨnɨnɨ abyɛn a ŋwɔn tsum tɨ nkobɨ ə.

Ɛfɛso 6:9 Iomraidhean Croise

Matyo 22:10

Ma lan, ngaŋ afaʼ tsa tíʼ ngɛn nɨ ɨtú ɨfaŋnɨ, nghon tsɛʼ a ŋwɔn tsum wa bo zɛ́nɨ́, wu tɨbɔŋ abɔʼnɨ wu shiʼnɨ; tsa nɨzɔ́ʼ wa tíʼ ndón nɨ bɨghən ə.

Matyo 22:8

Wɛrə a tíʼ ntɔ́ŋ ngaŋ afaʼ ɨchi ɨ soŋ a mbó bo ngə́, ‹Bɨ kyaŋtɨnə nɨdorɨ nɨ nɨzɔ́ʼ ɨnə, lá ɨbɛn ba bɨ ghónɨ́, mbɔm za se kuʼnɨ ngə́ á bo yen ɨwu ə.

Matyo 24:48

Lá be ŋwɔn afaʼ wa a be wu abɨgəntəm, a wiʼtɨ a mu ntəm zɨ ngə́, ‹Tafaʼ ɨghan a mɨ tɨʼ a nkwé ghe,›

Matyo 24:51

Tafaʼ ɨyi a mɨ tiʼ nɨŋ ngɨ́ʼ zɨ ngwi wə ɨnye, ɨ ghɨ á anu za a zɛ́nɨ́ ngaŋ ngɨ ɨtsi á zɛn ayi ɛ. Adiʼ məwa a mɨ tiʼə búgɨnə ɨ kə́ kfúrɨnə mɨsɔŋ ɨmyi ɛ.”

Matyo 7:12

Ghɨ a mbó ɨbɛn bə mɔʼɔ tsɛʼ adzaŋ za o lɔnə ngə́ á bɨ ghɨ a mbó gho ghe: nə nɨ ɨnu tsa Nyɔngɔŋ Mǒse abɔʼnɨ ntóm Ŋwi kɨ́nə́ ndiʼə ghe.”

Alukasɨ 6:31

A ngɨə a nye ɨbɛn bə daŋ ndəŋndəŋ ɨnu tsa o kɔŋnə ngə́ á bɨ ngɨə a nye gho ghe.

Yoane 13:13

Nɨ tɔ́ŋə́ aghan ngə Ndiʼ Aŋwaʼnɨ, nkə́ ntɔ́ŋə́ aghan ngə́ Maʼmbyí, a kɨ nkuʼnɨ ngə́ á nɨ tɔŋ adzaŋ məwa, mbɨ́ʼ ngə́ lá nɨ me məwa.

Ɨfaʼ 10:34

Bita a bíʼnɨ́ ngamə ɨ soŋ ngə́, “Ma zɛnə tɨtsɔŋnɨ ngə́ ka Ŋwi a ndiʼə ayi nkyerɨ ə.

Roma 2:11

Mbɨ́ʼ ngə́ ka Ŋwi a ndyiŋə ayi mɨshi ɛ.

1 Korɨnto 1:2

Ngěn a mbó bɨŋ ndáŋwi za ɨ tsinɨ a Korɨnto, nkə́ ngěn a mbó ɨbɛn bɨtsum ba bɨ tsɔʼnɨ ngə́ á bɨ be ɨbɛn bɨ Ŋwi bə fɛmnɨ ba bɨ tsinɨ a mbó zɨ mbɨ́ʼ ngə́ bɨ tsi a mbúm bo bɨ Kristo Yeso, nɨ ɨbɛn bɨtsum ba bɨ tsinɨ ɨdiʼ ɨtsum ba bɨ ghúʼsɨ́nə́ a Maʼmbyí Yeso Kristo ɨwɨgɨnə, wa a benɨ Maʼmbyí ɨwa nkɨ mbe ɨwɨgɨ lá.

1 Korɨnto 7:22

Mbɨ́ʼ ngə́ abuʼ za Maʼmbyí a tsɔʼnɨ, Maʼmbyí a kyɛtɨnə mɨnkɨ mɨ abuʼ ɨmyi, ntiʼ ndɔgɨ ayi ɛ; ndəŋndəŋ ŋwɔn tsum wa a se abuʼ be, wa Maʼmbyí a tsɔʼnɨ ayi, a tiʼ abuʼ a mbó Maʼmbyí ɛ.

Kolose 3:25

Mbɨ́ʼ ngə́ bɨ ghɨ tfútɨ́ mbɔʼ a mbó ngaŋ ngɨ ɨnu tsa ka tsɨ kuʼnɨ ayi, Ŋwi a kə́ sáʼə a ŋwɔn tsum lá nɨ ndəŋndəŋ ɨfɨʼ ə.

Kolose 4:1

Bɨtafaʼ, á nɨ ntíʼtɨ́ ɨbuʼ ɨtsən a nye ndóm wa ɨ kuʼnɨnɨ nkɨ ntsi tɨ nkobɨ ə. A nɨ zhi ngə́ nɨ kɨ ntsi nɨ Tafaʼ a fɔməbvurə ghe.

Jemsɨ 2:13

Mbɨ́ʼ ngə́ a nkfu za Ŋwi a sáʼnə́, wɛrə a ghɨ keʼ ko a mɨlɨŋnɨ ŋwɔn wa a sé ko a mɨlɨŋnɨ; lá tsɛʼ nɨsáʼ nɨ Ŋwi tsi nɨ akômɨlɨŋnɨ ə.

Jemsɨ 2:8

Be nɨ ndzúʼnə́ a nyɔngɔŋ Nɨfɔ na muŋ nɨ ghɨə lá anu zə shiʼnɨ tso mbáʼ a tsinɨ a mu aŋwaʼnɨ nɨ Ŋwi ngə́, “Kɔŋ a ŋwɔn nɨbarə ɨgho tso atuəmbəm azo” lá.

Jemsɨ 5:4

Nɨ se tfu nkáb ngaŋ afaʼ tsa tsɨ faʼnə a mu mɨshwom ɨmɨŋ ə. A nɨ zuʼ adzaŋ za bo zhwuʼnɨnə ghe! Nɨzɛʼ nɨ ɨbɛn ba bɨ fuʼnə mɨdzɨ ɨmən konə a ɨtoŋnɨ Ŋwi, Maʼmbyí Tamɨtən Mɨtsum ə.