Ɛfɛso 6:8 - Mɨkan wu Fi

⁸ A nɨ zhi ngə́ Maʼmbyí a ghɨ tsɔ́ʼ afaʼ a ŋwɔn tsum zə shiʼnɨ za a ghɨnɨ kə o be be abuʼ kə ngáŋ ə.

Ɛfɛso 6:8 Iomraidhean Croise

Kolose 3:24

Zhinə ngə́ Maʼmbyí a ghɨ gha akyaŋə a mbó bən za wɛrə a káʼnɨ́ a mbó ɨbɛn ɨbyi lá. Mbɨ́ʼ ngə́ a nɨ Kristo, zɨ wa nɨ ngótɨ́ tafaʼ wa nɨ faʼnə wəmbo ə.

Alukasɨ 14:14

Ŋwi a mɨ fɔgɨ agho, mbɨ́ʼ ngə́ məba bo chi keʼ ɨshiʼ ɨgho byigə. Ŋwi a ghɨ tsɔ́ʼ afaʼ azo a njwi wa wɛrə a zhwemnɨnɨ ɨbɛn bə shiʼnɨ ə.”

Kolose 3:11

Adzaŋ məwen, ka líʼ a be ayi ɨwu a tɨtərɨ ba a se bə Yuda be abɔʼnɨ bə Yuda, a tɨtərɨ ba bɨ tsəŋnɨ ɨlagɨ ɨtsa abɔʼnɨ ba bɨ se ɨlagɨ ɨtsa tsəŋ, bɨngyen-yenɨ, ɨbɛn ba bɨ finɨ ɨnyam mɨbaʼ, ɨbuʼ abɔʼnɨ ɨbɛn ba ka bo be awa ɨbuʼ, lá ka wu tse ŋwɔn a tsi ayi ɨwu wa a dɨtɨnɨ ntsatɨ a Kristo, Kristo a tsi a mu ɨnye ŋwɔn tsum ə.

2 Korɨnto 5:10

Mbɨ́ʼ ngə́, bɨgɨnə bɨtsum ghɨ zagɨ fú a ɨshe a ɨshi Kristo, á wɛrə a sáʼ awɨgɨnə ghe. Bɨgɨnə bɨtsum ɨ mɔ́ʼɔ́ mɔ́ʼɔ́ ghɨ kwárɨ́ a za bɨgɨnə tsinɨ nɨ nkwarə, ndzɔ̌ŋ anu atsum za bɨgɨnə ghɨnɨ, zə shiʼnɨ kə zə tɨbɔŋ, a mu ntsi mbyi za bɨgɨnə kɨ́nə́ nchyɛ̌ a mu mbəmnye ɨzɨgɨnə ghe.

Matyo 16:27

Mɔn Ŋwɔn a mɨ ghɨ yen bo bɨ bɨtsen bɨ ndá bɨ Ŋwi a mu nɨfáŋ nɨ Ta ɨyi, ɨ tiʼ tsɔʼ afaʼ a ŋwɔn tsum ɨ zɔŋ adzaŋ za mbáʼ a faʼnə.

Matyo 6:4

A mɨ tiʼ be anu a nkubə ghe. Ta ɨwən, zɨ wa a zɛ́nɨ́ ɨnu tsa nɨ ghɨnə a nkubə, a mɨ tiʼ kyaŋ awɨŋ ə.”

Ɛbal 10:35

Ma lan, á nɨ keʼ nyɛʼtɨ nkotɨ mbáŋnɨ́ mbɨ́ʼ ngə́ ɨ yiŋə nɨ mɨkyaŋnɨ mə wi ə.

Ɛbal 11:26

Wɛrə a kwáʼtɨ́ ngə́ a nkwárɨ́ ndzɔm mbɨ́ʼ atú a zɨ wa bə Izrai kɨ́nə́ ntsiŋə, a bé afuʼ zə wi ntsatɨ afuʼ Alaʼ Gyibto atsum mbɨ́ʼ ngə́ wɛrə a kə́ ntsiŋə akyaŋə za a láʼ yiŋə.

Galesha 3:28

Adzaŋ məwen, ka líʼ a tsi ayi ɨwu a tɨtərɨ bə Yuda bo bɨ ba a se bə Yuda be, a tɨtərɨ ɨbuʼ bo bɨ ɨbɛn ba a se ɨbuʼ be, a tɨtərɨ mbáŋnɨ́ bo bɨ bəngye; bən bɨtsum nɨ táʼ azúm mbɨ́ʼ ngə́ nɨ tsi a mbúm bɨŋ bɨ Yeso Kristo ghe.

Matyo 6:1

“A nɨ lə ɨtú ɨtsən nkeʼ ngɨ̌ ɨnu tsɨ shiʼnɨ tsa Ŋwi a lɔnə asaŋəsaŋ taŋ á ɨbɛn zɛn awɨŋ ə. Be nɨ ngɨə ma lan asaŋəsaŋ muŋ nɨ mɨ keʼ nɨ mɨkyaŋnɨ a mbó Ta ɨwən wa a tsinɨ a fɔməbvurə chyɛ.

Matyo 5:12

A nɨ sáŋnə́ nkɨ ntsi nɨ nɨdorɨ mbɨ́ʼ ngə́ mɨkyaŋnɨ ɨmən mə wi tsi a fɔməbvurə ghe. Nə nɨ adzaŋ za bɨ kɨ́nə́ ndɨ́gɨ́ ntóm Ŋwi tsa tsɨ tsínɨ́ a mbyi bɨŋ ə.”

Alukasɨ 6:35

Ngáŋ! Kɔŋ ngaŋ kɨban ɨtso, ngɨ̌ ɨbɔŋ a nye bo ghe; gha a tətsɔʼnɨ koʼ ntsíŋə́ ngə́ á bɨ bə́ mbyigɨ azúm zə tsɛrə ghe. Nɨ mɨ tiʼ tsi nɨ mɨkyaŋnɨ mə wi, ɨ tiʼ be ɨbɔ bɨ Ŋwi Akɔ́ʼɔ́ntsɨrə ghe. Mbɨ́ʼ ngə́ wɛrə a bɔŋ a mbó bɨtɨbemtɨ anu zə shiʼnɨ bo bɨ bə abɨgəntəm ə.

1 Korɨnto 12:13

Ndəŋndəŋ, bɨgɨnə bɨtsum, kə nɨ be be bə Yuda kə nɨ be be ba a se bə Yuda be, kə nɨ be be ɨbuʼ kə ɨbɛn nɨ ɨtú ɨtsa muŋ, ndəŋndəŋ Azhwi məzen a nɨŋnə nkyi atú bɨgɨnə bɨtsum a mu táʼ mbəmnye za, bɨgɨnə bɨtsum kɨnə nkɨ no ndəŋndəŋ Azhwi məza.

Kolose 3:25

Mbɨ́ʼ ngə́ bɨ ghɨ tfútɨ́ mbɔʼ a mbó ngaŋ ngɨ ɨnu tsa ka tsɨ kuʼnɨ ayi, Ŋwi a kə́ sáʼə a ŋwɔn tsum lá nɨ ndəŋndəŋ ɨfɨʼ ə.

Matyo 20:7

Bo sóŋ a mbó zɨ ngə́, ‹Mbɨ́ʼ ngə́ ka ŋwɔn tsɛrə a lɔgɨ ayi awɨgɨ afaʼ ə.› Mboŋ njwuʼ wa a tíʼ sóŋ a mbó bo ngə́, ‹Nɨ kɨ ngɛn ɨ faʼ a mu ako atɨ a mɨntam mɨ nyɛtɨ mɨluʼ za.›