Ɛfɛso 5:8 - Mɨkan wu Fi

⁸ Tsɛʼ bɨŋ mboŋ, a bé a nkfu tse lá nɨ tsi a ndzumnɨ ə, lá tɨtsɔŋnɨ mbáʼ nɨ tiʼnɨ mbe ɨbɛn bɨ Maʼmbyí lá, nɨ tiʼ ntsi a mu nkaʼ ə. Ma lan, nɨ tsi nɨ ɨ tiʼə chyɛnə tso ɨbɛn ba bɨ tsinɨ a mu nkaʼ,

Ɛfɛso 5:8 Iomraidhean Croise

Matyo 3:8

A nɨ ngɨ̌ ɨnu tsa tsɨ diʼnɨ ngə́ nɨ bəŋnə mɨntəm ɨmən a nye mɨbvu ɨmɨŋ ə.

Matyo 4:16

Ɨbɛn ba bɨ tsinɨ a ndzumnɨ bɨ mɨ ze nkaʼ wu wi ə. Ɨbɛn ba bɨ kɨ́nə́ nchyɛ̌ a mu ndzumnɨ mɨbvu, bo zɛnə nkaʼ ɨloŋ Ŋwi ə.”

Alukasɨ 1:79

ɨ kɨ tá a mbó ɨbɛn ba bɨ tsinɨ a ndzumnɨ abɔʼnɨ ba bɨ tsinɨ a ntsu nɨvwo, á bɨgɨnə kɨ nkwarɨ azhyɛ za a mɨ diʼ ndómnji ntsi ntən wa ɨ yenə nɨ mbɔnɨ ə.”

Alukasɨ 16:8

A nye anu za a lwɨ́gɨ́nɨ́nɨ́ fu ɨwu a nɨ ngə́, tafaʼ wa a bóntɨ́ a ndə̌tú ŋwɔn ɨchwenu a nye ɨdzúm tafaʼ ɨyi wa ngə́ a ghɨ́ anu zə shiʼnɨ ə; mbɨ́ʼ ngə́ ɨbɛn bɨ atuəshe bɨ yigɨnɨ tsɛʼ nkan a ndə̌tú a nye ɨnu ɨtsa ntsa ɨbɛn ba bɨ tsinɨ a mu nkaʼ ə.”

Yoane 1:9

Nə bé ngótɨ́ nkaʼ wa ɨ yénɨ́ a mu mbyi, mbaŋə a mu mɨntəm mɨ ŋwɔn mɨsɔŋ a ntsu tsum ə.

Yoane 12:35

Yeso a chwɨ́gɨ́ a mbó bo ngə́, “Nkaʼ mɨ bə bvurɨ tsi a tɨtərɨ bən a nye məbaŋtɨ wu sa ghe. A nɨ ndzɔ̌ŋ ndómnji ɨwən mbáʼ nkaʼ ɨ bvurɨnɨ ntsi, taŋ á ndzumnɨ keʼ yen nkubɨnɨ awən; mbɨ́ʼ ngə́ ŋwɔn wa a yenə a mu ndzumnɨ ka a zhi ayi ndóm wa a ghɛnə ɨwu ə.

Yoane 12:36

A nɨ tíʼ lá nɨŋ mɨntəm ɨmən a nye ŋwɔn wa a ghánɨ́ nkaʼ, mbáʼ a bvurɨnɨ ntsi bɨŋ bo, taŋ ɨ be ɨbɛn ba bɨ tsinɨ a mu nkaʼ ə.” Yeso a ghɨnə mɛ́tɨ́ a sóŋ məzen lá, ndo ɨ fu ayi ngɛn ndyɛmtɨ taŋ á bo keʼ ayi ze.

Yoane 12:46

Ma yen atuəshe tso nkaʼ, taŋ ŋwɔn tsum wa a nɨŋnɨ ntəm ɨyi a nye me a mɨ keʼ ghɔŋ a mu ndzumnɨ ə.

Yoane 8:12

Yeso a bə́ nkwiʼ ngám a mbó bə Farisao ngə́, “Ma nɨ nkaʼ wu atuəshe ə. Ŋwɔn tsum wa a zɔŋnɨ aghan, a mɨ tsi nɨ nkaʼ ntsi ntən, ɨ láʼ keʼ a mu ndzumnɨ yiŋə.”

Ɨfaʼ 17:30

Ŋwi a sé nɨ́ŋ ngɨ́ʼ a nye ɨbɛn a nkfu za bo sé ayi zhi, lá tɨtsɔŋnɨ wɛrə a sóŋə́ a mbó bo ɨdiʼ ɨtsum ngə́ á bo bəŋ mɨntəm ɨma a nye ɨnu tsə tɔmnɨnɨ tsa bo ghɨnə ghe.

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Roma 1:21

Bo zhi a Ŋwi ə, lá nkeʼ nkɔ́ʼsə́ a Ŋwi atɨ́ adzaŋ za bo benɨ kɔʼsɨ, nkeʼ nkə́ ngǎ a mɨya wəmbo ə. Ɨkwaʼtɨ ɨtsa baŋnɨ mbə ndon be nɨ ɨnu adaŋədaŋə, ndzumnɨ ɨ lwɨgɨ ɨtú ɨtsa tsa tsɨ tsinɨ ndzobɨnɨ lá.

Roma 13:12

A tsi lá tso ngə́ ɨtfúʼ tiʼnə nkyɛ́nə́, njwi tiʼə ndə̌ ngyiŋə ghe. Bɨgɨnə mɨ zagɨ kyɛntɨ ngɨ ɨnu ndzumnɨ, ɨ baŋnɨ tiʼtɨ ɨdzúm ntso tsa bɨ tónə́ nɨ tsɛrə nəzhwɨgɨnɨ ə.

Roma 2:19

o zhi ɨ shiʼnɨ a mu ntəm ɨgho ngə́ o tsagɨnɨ bɨfɨgɨ, mbe nkaʼ a mbó ɨbɛn ba bɨ tsinɨ a ndzumnɨ,

1 Korɨnto 1:30

Lá Ŋwi a chintɨ awən a mbúm bɨŋ bɨ Kristo Yeso, ntiʼ ngɨ a Yeso a nye zóŋ ɨwɨgɨnə ghe. Bɨgɨnə tiʼ nchinɨ ntsa a ndzum wɛrə; ntiʼ ɨbɛn bɨ Ŋwi bə fɛmnɨ ba mɨnkɨ mɨ abuʼ se awa bə nkorə.

2 Korɨnto 3:18

Mɨshi ɨmɨgɨnə tsi tɨkə bɨ kubɨnɨ lá, bɨgɨnə bɨtsum diʼnə nɨfáŋ nɨ Maʼmbyí, bɨgɨnə kwebtɨnə taŋ ɨ tsinə nɨ nɨfáŋ ɨni ɨ lo a nye táʼ ɨfɨʼ ɨ ghɛn a nye za ɨ tsinɨ a mbyi ɛ. Nɨfáŋ məniŋ lǒ lá a mbó Maʼmbyí, zɨ wa a nɨ Azhwi ə.

2 Korɨnto 4:6

A nɨ Ŋwi, zɨ wa a sóŋnɨ́ ngə́, “A nkaʼ fu a mu ndzumnɨ mbaŋə,” a nɨ ndəŋndəŋ Ŋwi, zɨ wa a ghɨnɨ nkaʼ ɨyi baŋ a mu mɨntəm ɨmɨgɨnə, a ngɨə á bɨgɨnə zhi nɨfáŋ nɨ Ŋwi na nɨ tánə́ ndǒ a nye Yeso Kristo lá.

2 Korɨnto 6:14

A nɨ keʼ ngyenə aku a mɔ́ʼɔ́ bɨŋ bɨ bɨtɨnɨŋ ntəm a nye Kristo, mbɨ́ʼ ngə́ a chi keʼ faʼə. Ɨbɔŋ bo ɨbvu chi yenɨnə aku a mɔ́ʼɔ́ le? Nkaʼ bo ndzumnɨ chi tsi táʼ adiʼ lá ɨ nə́ le?

Galesha 5:25

Azhwi a Ŋwi a ghanə ntsi mbyi a mbó bɨgɨnə ghe; wɛrə a kɨ ndzagɨ ntsi nɨ ntsɨŋnɨ ntsi mbyi ɨtsɨgɨnə ghe.

Ɛfɛso 2:2

ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Ɛfɛso 4:18

mɨntəm ɨma kɨ ntsi a mu ndzumnɨ lá. Ka bo kɨ ntsi awa a mu ntsi mbyi za Ŋwi a ghánə́ mbɨ́ʼ ngə́ bo tsi a mu tɨzhi be tɨ́sə́n nkə́ ntɨ́ŋə́ atú ə.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Ɛfɛso 6:12

Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

Kolose 1:12

Ɨ kə́ ghanə a mɨya a mbó Tarɨ, zɨ wa a ghɨnə nɨ chi tiʼ tsi nɨ azɨŋ azúm a mu ɨdzúm tsa Ŋwi a lɛnɨ a mbó ɨbɛn ɨbyi a mu nɨfɔ nɨ nkaʼ ə.

Kolose 1:13

Wɛrə a fɨ́gɨ́ awɨgɨnə a mu mbó zɨ wa a sáʼnɨ́ ɨdiʼ ndzumnɨ, nkɨ ngyen nɨ bɨgɨnə tsɛʼ ɨ shiʼnɨ ɨ shiʼnɨ a mu nɨfɔ nɨ mɔn ɨyi wa wɛrə a kɔŋnɨ,

Tɨ́tósɨ 3:3

Mbɨ́ʼ ngə́ bɨgɨnə mboŋ, a bé a nkfu tse lá bɨgɨnə dzɨŋtɨ, ntɨŋə atú nkə́ fə̌ ghe. Bɨgɨnə bé ɨbuʼ a mbó ɨnu tsa mbəmnye lɔnə abɔʼnɨ ɨbə́ŋ ɨnu ɨtsum tsa tsɨ ghɨnə ɨnye ŋwɔn bɔŋənə ghe. Bɨgɨnə lén ntsi mbyi ɨzɨgɨnə tsum tsɛʼ a nye abɨgəntəm abɔʼnɨ aghɨʼnɨ; ɨbɛn bə mɔʼɔ bán awɨgɨnə, bɨgɨnə kɨ mban awa ghe.

1 Yoane 1:7

Lá be bɨgɨnə nchyɛ̌ a mu nkaʼ — tsɛʼ tso mbáʼ wɛrə a tsinɨ a mu nkaʼ lá — lá be ngə́ bɨgɨnə ndzɨ́nə́ bɨgɨnə bɨ ŋwɔn nɨ ŋwɔn, alɛm a Mɔn ɨyi Yeso, a sugɨnə ɨfənu ɨtsɨgɨnə ɨtsum a tɨtərɨ bɨgɨnə ghe.