Ɛfɛso 5:3 - Mɨkan wu Fi

³ Mbáʼ nɨ nɨ ɨbɛn bɨ Ŋwi lá, ka a byi nkuʼnɨ ayi ngə́ ɨnu ntɔrɨ ɨlɛbɨ, nɨshwe kə a mbé amiɛnɨngám, á bɨ byi nkwemtɨ a tsɛrə a tɨtərɨ bɨŋ ə.

Ɛfɛso 5:3 Iomraidhean Croise

Matyo 15:19

Mbɨ́ʼ ngə́ ɨwiʼtɨ tsə tɔmnɨnɨ fúə lá a mu ntəm ɨyi, ntyíŋə́ ayi ntságə́ ngə́ á zhwitɨ a ŋwɔn, nchwurɨ nkɨ ngɨ ɨtɨshwe ɨnu tsɨ mɔʼɔ; ndze, nchwe ɨnu nkɨ ngam ɨnu tɨbɔŋ mbɨ́ʼ ɨbɛn bə mɔʼɔ ghe.

Alukasɨ 12:15

Yeso a tíʼ ngɛn nɨ mbyi ɨ soŋ a mbó bo bɨtsum ngə́, “Ŋaʼnɨ ɨmɨgɨ ɨmən nkɨ nkyɛm ɨtumbəm ɨtsən a mbó mbúŋ amyiɛnɨngám ɨtsum; mbɨ́ʼ ngə́ ntsi mbyi ŋwɔn ka ɨ be ayi ɨdzúm tsa a tsinɨ nɨ tsɛrə, kə a tsi nɨ ɨdzúm be lə ghe.”

Alukasɨ 16:14

Mbáʼ bə Farisao zúʼnɨ́ ɨnu tsiŋ ɨtsum lá, ntaŋsɨ mɨshi ɨma a nye Yeso, mbɨ́ʼ ngə́ bo kɔ́ŋ nkáb be tɨsɨŋə.

Ɨfaʼ 15:20

Bɨgɨnə baŋnɨ ŋwaʼnɨ aŋwaʼnɨ a mbó bo ɨ sóŋə́ a mbó bo ngə́ á bo keʼ mɨdzɨ mə tse ma mɨ se fɛm a mu mbɔm dzɨ mbɨ́ʼ ngə́ bɨ gha a mɛrə a mbó ɨbɔ bɨ abe; ngə́ á bo keʼ ɨnu ntɔrɨ ɨlɛbɨ a ngɨə; nkeʼ kɨ nkfurɨ ɨnyam za bɨ se kyem; nkeʼ kɨ no alɛm ə.

Ɨfaʼ 20:33

Ma sa tɛgɨ ntəm ɨghan a nye tsə́ŋtsə́ŋ ŋwɔn tse kə a nye ŋwaʼŋwaʼ ɨyi kə atsɛʼ azhi ɛ.

Roma 1:29

Bo lon nɨ mbúŋ abɨgəntəm atsum, ɨnu tsɨ tɔmnɨnɨ, mbe amiɛnɨngám abɔʼnɨ ɨnu tɨbɔŋ ə; bo lon nɨ aghɨʼnɨ, bo zhwítə́ a bə mɔʼɔ, ntókə́, ntámtə́ a bə mɔʼɔ nkə́ nkwáʼtɨ́ ɨnu tɨbɔŋ a nye bə daŋ ə. Bo tǎŋ fɨnkərɨ

Roma 16:2

A nɨ kwarɨ ayi nɨ ɨkum Maʼmbyí a nye mbon wa ɨ finɨ ɨbɛn bɨ Ŋwi ə. A nɨ gha akwatɨ atsum za wɛrə a lɔnə mbɨ́ʼ ngə́ wɛrə a ghɨ̌ ɨbɔŋ a mbó ɨbɛn bə ghaʼnɨ nkwiʼtɨ aghə.

Roma 6:13

Nɨ keʼ bə ndɔgɨ ɨlam ɨnye ɨtsən a nye ɨdzúm afaʼ a ngɨ ɨbvu, lá nɨ baŋnɨ ngyen nɨ ɨtumbəm ɨtsən a mbó Ŋwi tso ɨbɛn ba Ŋwi a kwarɨnɨ awa a mbó nɨvwo ngɨ bɨ tsi ntən, ntiʼ ndɔgɨ ɨtumbəm ɨtsən tsə fɨgɨnɨ ngɛn nɨ tsɛrə a mbó Ŋwi tso ɨdzúm afaʼ tsə ngɨ̌ ɨnu tsɨ chinɨnɨ ə.

1 Korɨnto 10:8

A bɨgɨnə keʼ númə́ ntɔrɨ ɨlɛbɨ ɨtsɨgɨnə tso mbáʼ bo bə tse kɨ́nə́ ngɨə, adzaŋ məwen bo nchwuʼ mɨghúm mɨmbá nɨ ntsɔb tárə́ kfokɨ atú táʼ njwi lá.

1 Korɨnto 5:1

Bɨ lanɨnə soŋ ngə́ anu a ntɔrɨ ɨlɛbɨ a tsi a tɨtərɨ bən, abə́ŋ za ka a tsi ayi tɨtərɨ bɨtɨbeməŋwi ə. Bɨ soŋ a mbó me ngə́ ŋwɔn a nɔŋə nɨ fúgɨ́ nɨmi ɨyi ɛ!

1 Korɨnto 6:13

Wu mɔʼɔ ŋwɔn a mɨ soŋ ngə́, “Mɨdzɨ tsi lá a mbó mɨto, mɨto kɨ ntsi a mbó mɨdzɨ ə.” E; lá Ŋwi a ghɨ tsənkɨ mɨdzɨ abɔʼnɨ mɨto ə. Ka o tsi agho nɨ ndɔgɨ atuəmbəm azo a nye azúm a ntɔrɨ ɨlɛbɨ ə, a mbaŋnə faʼə nɨ zɛrə a mbó Maʼmbyí ɛ. Ɨdzúm ɨtsum tsa mbəmnye lɔnə, Maʼmbyí a ghǎ a tsɛrə ghe.

1 Korɨnto 6:18

A nɨ tsɔʼ mɨntəm ɨmən a nye ɨnu ntɔrɨ ɨlɛbɨ ə. Mɨbvu mə daŋ ma ŋwɔn mɨsɔŋ a ntsu a ghɨnə se anu zə tsɛrə a nye mbəmnye ɨzhi a ngɨə ghe; lá ŋwɔn wa a tɔrɨnɨ ɨlɛbɨ ɨchi, ɨbvu wa a ghɨnɨ lá, a ghɨ a wɛrə lá a nye mbəmnye ɨzhi ɛ.

2 Korɨnto 12:21

Ma bɔ́gə́ ngə́ nyom wa ma mɨ kwiʼ yen a ndzé bən, Ŋwi ɨghan a mɨ nɨŋ adɨrətú a ɨnye me a ɨshi bən, ma mɨ kɨ bugɨ mbɨ́ʼ a bə ghaʼnɨ ba bɨ ghɨ́nɨ́ mɨbvu a mbyi, mbvurɨ tɨ bəŋ mɨntəm ɨma ɨ fɨgɨ a nye ɨnu ntɔrɨ ɨlɛbɨ tsa bo ghɨnə tso ndyiŋ mangye ɨ ghɨʼnɨ abɔʼnɨ mɨbvu mɨ nɔŋə nɨ mangye kə mə nɔŋə nɨ mbáŋnɨ́ abɔʼnɨ ɨnyaʼnɨ ɨnu tsə mɔʼɔ tsa tsɨ yenə nɨ adɨrətú a nye ŋwɔn ə.

Ɛfɛso 5:12

Adɨrətú zə wi a lanɨ ntsi ɨwu tsɛʼ ɨ byi gham mbɨ́ʼ ɨdzaŋ ɨnu tsa bo ghɨnə a nkubə ghe.

Ɛfɛso 5:5

A nɨ zhi ɨ shiʼnɨ ngə́ ka Ŋwɔn tse wa a nɨ wu ntɔrɨ ɨlɛbɨ, wu ɨtɨshwe ɨnu, wa a nɨ amiɛnɨngám (mbɨ́ʼ ngə́ a mbé amiɛnɨngám a nɨ ndóm wu mɔʼɔ a ngúʼsɨ́ ɨbɔ bɨ abe) a láʼ tsi nɨ anu a mu Nɨfɔ nɨ Kristo abɔʼnɨ nə Ŋwi ə.

Filibi 1:27

Tɨtsɔŋnɨ, anu za a dɨtɨnɨ a nɨ ngə́ á ntsi mbyi ɨzɨŋ tsi ndzɔ̌ŋ adzaŋ za nkən wu shiʼnɨ wu Kristo lɔnə ghe. Adzaŋ məwen, kə ma chi yen ze awən kə ngáŋ, muŋ ma mɨ zuʼ ngə́ nɨ tɛm ntɨŋə ngə́ twə́ŋ a mu táʼ anu za nɨ lɔnə, nkɨ mbe ngə́ nɨ táʼ anu za nɨ lɔnə, nɨ tókə́ a mbúm mbɨ́ʼ abeməntəm za ɨbɛn ba bɨ nɨŋnɨ mɨntəm ɨma a nye nkən wu shiʼnɨ tsinɨ nɨ zɛrə ghe.

Kolose 3:5

Nɨ mɨ tiʼ zagɨ zhwitɨ ɨnu atuəshe zen tsa mbəmnye ɨtsɨŋ lɔnə, tso ɨnu ntɔrɨ ɨlɛbɨ, nɨshwe, nkfǒ a mbó nji mangye kə a mbó nji mbáŋnɨ́, ntɛgɨ ntəm a ngɨ ɨnu tsɨ tɔmnɨnɨ abɔʼnɨ mbe amiɛnɨngám ə. Mbɨ́ʼ ngə́ a mbé amiɛnɨngám a nɨ ndóm wu mɔʼɔ a nguʼsɨ mɔn abe ə.

1 Tesalonaika 4:3

Ŋwi a lǒ ngə́ á nɨ fɛm nkeʼ kɨ mbyi nyám ntsi nɨ anu zə tse a ngɨə nɨ ɨnu ntɔrɨ ɨlɛbɨ ə.

1 Tesalonaika 4:7

Ŋwi a sé tsɔ́ʼ awɨgɨnə lá ngə́ á bɨgɨnə nchyɛ̌ a mu ɨnu ntɔrɨ ɨlɛbɨ, lá nchyɛ̌ be a mu nɨfɛm ə.

1 Timotyo 2:10

lá á ngɨnɨ mɨnu ɨma bɔŋ, tsɛʼ adzaŋ za a kuʼnɨnɨ a mbó bəngye ba bo sóŋnə́ ngə́ bo zhi anu a Ŋwi lá.

1 Timotyo 3:3

a se tsi nɨ mbe abarə mɨluʼ kə ŋwɔn wa a bvugɨnɨ ndum, lá ɨ be ŋwɔn abɔnəntəm abɔʼnɨ ŋwɔn mbɔnɨ; a se tsi nɨ nkɔŋ nkáb;

1 Timotyo 6:10

Mbɨ́ʼ ngə́ nkɔŋ nkáb nɨ adiʼ za ɨnu tsɨ tɔmnɨnɨ ɨtsum fúnə́ ɨwu ə. Bə tsɛrə lanɨnə mbɛbɨ a nchyɛ́ nɨ zɛrə tɨ́sə́n nkɔʼ nkuʼ ɨfɨʼ za bo furɨnɨ ndzum ɨtsa a nye abeməntəm, ntiʼ ndɛm mɨntəm ɨma nɨ ɨdzə́ŋnɨ a ɨnɔ ɨnɔ ghe.

2 Timotyo 3:2

Ɨbɛn ghɨ bé ɨbɛn ba bɨ kɔŋnɨ tsɛʼ ɨtumbəm ɨtsa, ɨ be ɨbɛn ba bɨ kɔŋnɨ nkáb, ngaŋ kɨtɛrɨ, abɔʼnɨ ngaŋ atságɨ́; bo ghɨ fɨgɨnɨ ndzɔm a ntsu bo, ɨ tɨŋənə atú a mbó bɨta ɨba, ɨ be bɨtɨgha a mɨya, abɔʼnɨ ɨbɛn ba ka bo ndzúʼnə́ awa anu a Ŋwi;

Tɨ́tósɨ 1:11

Bɨ tsi nɨ ɨ soŋə á bo kyɛntɨ ɨbə́ŋ mɨgham ɨma məmen, mbɨ́ʼ ngə́ bo tɔ́bɨ́ ɨtú ɨbɛn bɨtsum a mu ngwəgɨ tsɨ tse nɨ adzaŋ za bo diʼnɨ ɨnu tsa bo se tsi nɨ ndiʼə lá. Məziŋ atsum a tsi lá mbɨ́ʼ akyaŋtɨ adɨrətú zə nchyɛ nɨ nkáb ə.

Tɨ́tósɨ 1:7

Mbɨ́ʼ ngə́, mbáʼ atú a ndáŋwi tso məza a lánə́ atú a nye afaʼ a Ŋwi lá, a tsi nɨ nchyɛ tɨ ɨfərɨ ə. A tsi nɨ ɨ zagɨ tsi tɨ atságɨ́ kə ɨ keʼ a ngwáŋnə́ ndwi ntɔŋ, kə ɨ be abarə mɨluʼ kə ɨ be ŋwɔn wa a bvugɨnɨ ndum kə amiɛnɨngám a nye ɨnu nkáb ə.

Tɨ́tósɨ 2:3

Ndəŋndəŋ, tɨgɨtɨ bɨtankaŋ bɨ bəngye ngə́ á bo ngɨ̌ ɨnu adzaŋ za bəngye ba bɨ tsínə́ a mu ntsi mbyi zɨ fɛmnɨ ghɨnə ghe. Ka bo zagɨ ntsi awa nɨ mbe ɨbɛn ba bɨ sóŋnɨ́ mɨnu a ntsənkɨ ɨkum ŋwɔn wu shiʼnɨ kə ɨ be ɨbuʼ a mbó mɨluʼ ə. Bo tsi nɨ ɨ zagɨ diʼnɨ ɨnu tsɨ shiʼnɨ,

Ɛbal 12:16

A ŋwɔn tse a tɨtərɨ bən keʼ tsi tso Esao wa a bénɨ́ ŋwɔn ntɔrɨ ɨlɛbɨ, nkɨ mbe wa a sé nɨ́ŋ ntəm ɨyi a nye Ŋwi, wa a kɨ́nɨ́ nkɨ́ fén a za a tsínɨ́ nɨ mbé azhi tso ntsambyi mɔn a mbó azɔŋəndzum azhi atú táʼ akáŋ a mɨdzɨ lá.

1 Bita 5:2

á nɨ be bɨntsiŋ mɨnyam bɨ akarɨ a mɨnyam za Ŋwi a ghánɨ́ a mbó bən, ɨ kə́ lənə atú nɨ tsɛrə mbáʼ ka bɨ nyəmə ayi awən, tsɛʼ adzaŋ za Ŋwi a lɔnə lá. Nɨ faʼ afaʼ azən, keʼ be tsɛʼ ngə́ nɨ mɨ səŋ ɨwu, á baŋnɨ mbe be ngə́ nɨ lánə́ ndǒ ɨ faʼə tsɛʼ nɨ mɨntəm ɨmən mɨtsum ə.

2 Bita 2:10

tɨ́sə́n tɨ́sə́n, ɨbɛn ba bɨ ghɨnɨ ɨnyaʼnɨ ɨnu tsa mbəmnye lɔnə nkə́ ngwágɨ́nɨ́ mɨtən mɨ Ŋwi lá. Bɨdiʼ bɨ aŋwaʼnɨ bɨ ɨchwenu məbiŋ tsi nɨ mɨntəm mə fankɨnɨ nkɨ ntsi nɨ kɨtɛrɨ ngvo, nkeʼ nkə́ ndǐʼ mbɔm zɨ shiʼnɨ a mbó ɨdzúm tsə kaʼnɨ tsə nɨfáŋ tsa tsɨ tsinɨ atɨ́; bo baŋnə ndzɔ́mə́ awa ghe.

2 Bita 2:14

O chi zɛn achwurɨ a ɨmɨgɨ bo; o chi koʼ zhwurɨsɨ awa a nye ngɨ mɨbvu ɨza ghe. Bo tsagɨnɨ ɨbɛn ba mɨntəm ɨma bɔrɨkɨnɨ a mu ndab ə. Bɨ mərɨsɨ mɨntəm ɨma ngə́ á mɨ be mə amiɛnɨngám ə. Ŋwi a lɔʼ awa ghe!

2 Bita 2:3

A mu ɨnu amiɛnɨngám ɨtsa, bɨdiʼ bɨ aŋwaʼnɨ bɨ ɨchwenu biŋ ghɨ ghɨ abi a nye adzaŋ za bo sóŋnɨ́ njalaʼ tsa bo kyaŋtɨnɨ a mbó bɨŋ ə. A nɨ abaŋ zə sa tɨtsɔŋnɨ mbáʼ Ŋwi, zɨ wa nɨ Tabyɛn ɨwa a kyaŋtɨnɨ ɨnye ɨzhi a ntsənkɨ bo ghe!

Nkyɛʼə 2:14

Lá ɨnu tsə tse tsi ɨwu tsa nɨ ghɨnə tsa ka ɨnye ɨzə mbɔŋə ayi mbɨ́ʼ a tsɛrə a nye bɨŋ ə: ɨbɛn bə tse tsi ɨwu a tɨtərɨ bən ba bɨ zɔŋnɨ ɨnu tsa Balam a diʼnə ghe. Balam wa a díʼnɨ́ a Balakɨ nɨ adzaŋ za wɛrə a mɨ tsagɨnɨnɨ ɨbɛn bə Izrai a mu ɨbvu a ntsǎ a ndzum ndɛtɨ bo a ndzɨ́ mɨdzɨ ma bɨ ghánɨ́ a mbó ɨbɔ bɨ abe, ɨ kɨ ghɨ mɨnu mɨ ntɔrɨ ɨlɛbɨ lá.

Nkyɛʼə 2:21

Ma ghanɨ nkfu a mbó zɨ ngə́ á wɛrə a bəŋ ntəm ɨyi a nye mɨbvu ɨmyi ɛ, lá wɛrə a keʼ ndǒ mbəŋ ntəm ɨyi a nye ɨnu ntɔrɨ ɨlɛbɨ ɨchi ɛ.

Nkyɛʼə 21:8

Lá bə kɨəngvwurɨ, bɨ tɨ tsi nɨ abeməntəm a nye Yeso, ɨbɛn ba bɨ ghɨnɨ ɨtumbəm tsa tsɨ nyaʼnɨ, ngaŋ njwítɨ́ ɨbɛn, ngaŋ ngɨ ɨnu ntɔrɨ ɨlɛbɨ, ngaŋ fu abú, ngaŋ nguʼsɨ ɨbɔ bɨ abe abɔʼnɨ ngaŋ ɨchwenu ɨtsum — adiʼ aza a nɨ sagɨrə ɨmugɨ wa ɨ tənɨ be tɨ́sə́n, mbáʼ lá nɨvwo na nɨ zɔŋtɨnɨ a nye ɨdiʼ tsi bá lá.”

Nkyɛʼə 22:15

Lá abyɛn ntáʼmbagə wu wi wa, a tsi ɨbɛn ba bɨ ghɨnɨ ɨtumbəm ɨtsa tsɨ nyaʼnɨ, ngaŋ fuə abú, ngaŋ ntɔrɨ ɨlɛbɨ, ngaŋ njwítɨ́ ɨbɛn, ngaŋ ngúʼsɨ́ ɨbɔ bɨ abe abɔʼnɨ ngaŋ ɨchwenu tsa tsɨ chwɛ́nɨ́ ɨnu a nye mɨgham ɨma abɔʼnɨ ngɨnɨ mɨnu ɨma ghe.

Nkyɛʼə 9:21

Bo sé kɨ mbəŋ mɨntəm ɨma a njwítɨ́ ɨbɛn, a nye abú aza, ɨnu ntɔrɨ ɨlɛbɨ ɨtsa kə ɨzɛrə ɨwa ghe.