Ɛfɛso 5:2 - Mɨkan wu Fi

² Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Ɛfɛso 5:2 Iomraidhean Croise

Matyo 20:28

tsɛʼ tso mbáʼ Mɔn Ŋwɔn a sé yen be ngə́ á bɨ faʼə a mbó zɨ, lá a faʼə a mbó ɨbɛn, ɨ kɨ gha ntsi ntən ɨzhi a ndzúŋ atú a ɨbɛn bə ghaʼnə.”

Yoane 13:34

Tɨtsɔŋnɨ, ma gha ntɨgə zɨ fi a mbó bɨŋ ə: á nɨ kɔŋnɨ awən bən nɨ bɨŋ ə. A nɨ kɔŋnɨ awən bən nɨ bən, tsɛʼ tso mbáʼ ma kɔ́ŋnɨ́ awən lá.

Yoane 6:51

Ma nɨ abán za a ghánɨ́ ntsi ntən za a lónɨ́ a fɔməbvurə ɨ shiʼə. Be ŋwɔn a kfurɨ abán məzen, muŋ a mɨ tsi ntən nɨnkoŋ ə. Abán za ma mɨ ghɨ gha a mbó ɨbɛn bɨ atuəshe a nɨ ɨnyam ɨnye ɨzan za ma ghánə́ taŋ atuəshe a chi tsi atú ntɨŋ ə.”

Roma 15:16

a mbé ngaŋ afaʼ Kristo Yeso za ɨ faʼnə a mbó ba a se bə Yuda be tso ntumshe a sóŋ Nkən wu Shiʼnɨ wa ɨ lonɨ a mbó Ŋwi, taŋ á ba a se bə Yuda be tiʼ mbe tso akáŋ a Ŋwi za Ŋwi a bemnə. Azhwi zə Fɛmnɨ a ghɨə akáŋ a Ŋwi məzen a fɛmə.

Roma 4:25

Mbɨ́ʼ mɨbvu ɨmɨgɨnə, bɨ ghá a wɛrə a mbó nɨvwo, nkɨ ntiʼ nzhwemnɨ ayi ngə́ á tsi ntən taŋ ɨ ghɨ á Ŋwi a bem ngə́ bɨgɨnə chinɨ a ɨshi ɨmɨgɨ zɨə.

Roma 8:3

Mbɨ́ʼ ngə́ Ŋwi a ghɨnə anu za Nyɔngɔŋ a kɨ chínɨ́ keʼ ghɨ mbɨ́ʼ ngə́ ɨnyam ɨnye ɨ ghɔ́gɨ́: wɛrə a tságɨ́ a Mɔn ɨyi tso ɨnyam ɨnye za ɨ tsinɨ nɨ ɨbvu ngə́ á tsənkɨ ɨbvu wa ɨ tsinɨ a mu ɨnyam ɨnye.

Roma 8:37

Kə́ kə́, a nye ɨnu tsiŋ ɨtsum, bɨgɨnə tsi nɨ ayanguʼ ngɛn mɛtɨ a ntsǎ a ndzum zɨ wa a kɔ́ŋnɨ́ awɨgɨnə ghe.

1 Korɨnto 16:14

Faʼnə ɨfaʼ ɨwən ɨtsum a mu akɔŋnɨ ə.

1 Korɨnto 5:7

Nɨ tsi nɨ ɨ zagɨ fɨ́gɨ́ mbɛgə zɨ ndvuŋ za ɨ tsinɨ nɨ ɨbvu lá, taŋ á bən bɨtsum bə fɛm wədiʼ ə. Nɨ mɨ tiʼ tsi tsɛʼ tso ntsə́m abán za bɨ tɔbɨnɨ zɨ fi, adzaŋ za ma kwɛnɨ nji ngə́ nɨ be lá. Mbɨ́ʼ ngə́ bɨ kyaŋtɨnə Nɨdorɨ nɨ Tsa-yɛʼnɨ ɨnɨgɨnə, tɨtsɔŋnɨ wa bɨ ghanə a Kristo, zɨ wa a nɨ mɔn mbyindzɨ Tsa-yɛʼnɨ ɨwɨgɨnə wa a nɨ mɨtsuʼnɨ mɨ atú lá.

2 Korɨnto 2:14

Lá mɨya a mbó Ŋwi ə! Mbɨ́ʼ ngə́ adzaŋ za bɨgɨnə tsinɨ a mbúm bɨgɨnə bɨ Kristo, Ŋwi a tsagɨnə awɨgɨnə a mu akwa ayanguʼ a Kristo ghe. Ŋwi a tsǎ a ndzum bɨgɨnə ngɨə anu mbɨ́ʼ a Kristo a dzagɨnɨnə nɨ ɨdiʼ ɨtsum tso ŋwíʼtə́ a mɨlwi ɛ.

2 Korɨnto 2:15

Mbɨ́ʼ ngə́ bɨgɨnə be lá tso ŋwíʼtə́ mɨlwi wu alyɛn wa Kristo a ghanɨ a mbó Ŋwi mbáʼ a lamnɨnə a tɨtərɨ ba bɨ kwarɨnɨ ɨloŋ abɔʼnɨ ba bɨ ghɛnə a mu ɨmugɨ nɨnkoŋ ə.

2 Korɨnto 8:9

Nɨ zhi abɔŋəntəm a Maʼmbyí Yeso Kristo ɨwɨgɨnə ghe; wɛrə a tsí nɨ afuʼ tsɛʼ nkə, lá ngɨ atuəmbəm azhi a nye afúm mbɨ́ʼ atú azən, taŋ ɨ ghɨ awən a nye ngaŋ afuʼ ɨ tsa a ndzum afúm azhi ɛ.

Galesha 1:4

A fɨ́gɨ́ bɨgɨnə a mu nguʼ mbyi zɨ ntɔmnɨnɨ zɨ tɨtsɔŋnɨ zen, Kristo a ghá atuəmbəm azhi tso mɨtsuʼnɨ mɨ atú mbɨ́ʼ mɨbvu ɨmɨgɨnə, a ndzúʼnɨ́ anu za Ŋwi, zɨ wa a nɨ Ŋwingɔŋ Ta ɨwɨgɨnə a lɔnə ghe.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Ɛfɛso 3:19

Nɨ chi ghɨ zhi akɔŋnɨ azhi ɨ tiʼ kɨ be tso Ŋwi a nye mɨndóm mɨtsum — le buŋ bɨ chi láʼ keʼ zhi a zɛrə ɨ ghɛn mɛtə.

Ɛfɛso 4:15

A baŋnɨ mbe be nɨ ɨsoŋ nkənu a mu azhwi akɔŋnɨ, mbáʼ bɨgɨnə mɨ zagɨ kwi a nye mɨndóm mɨtsum ɨ kɔʼ kuʼ a nye ɨfɨʼ Kristo, zɨ wa a nɨ atú lá.

Ɛfɛso 4:2

A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

Ɛfɛso 5:15

Ma lan, á nɨ lə ɨtú ɨtsən adzaŋ za ntsi mbyi ɨzɨŋ ɨ tsinə. A nɨ nchyɛ̌ tso ɨbɛn ba bɨ tsinɨ nɨ zóŋ, nkeʼ be be tso ɨdzɨŋtɨ ə.

Ɛfɛso 5:25

Ndóm, kɔŋ a ngwe ɨgho tso mbáʼ Kristo a kɔ́ŋnɨ́ ndáŋwi, ɨ nyɛʼtɨ bɨ zhwitɨ ayi mbɨ́ʼ atú a zɛrə lá.

Filibi 4:18

Ma sóŋə́ lá ngə́ ma kwarɨ ɨdzúm ɨtsum tsa nɨ ghanɨ a mbó me ghe. Tsɨ ghaʼ ntsa adzaŋ za ma lɔnə ghe! Ma tsi nɨ atsum za ma lɔnə tɨtsɔŋnɨ wa Ebafrɔditusɨ a yenə nɨ ɨdzúm tsə ghanɨ ɨtsɨŋ ɨtsum a mbó me lá. Tsɨ tsi lá tso akáŋ a Ŋwi za a nyúʼtɨ́nɨ́ ɨ shiʼnɨ a mɨlwí Ŋwi, mɨtsuʼnɨ mɨ atú ma wɛrə a bemnɨ, mɨ kə́ ngɨə ɨnye wɛrə bɔŋənə ghe.

Kolose 3:14

A akɔŋnɨ a tsi atú ɨnu tsen ɨtsum, zɛrə za a ghótɨ́nɨ́ ɨnu tsiŋ ɨtsum tsɨ tsinə a mbúm nkɔ́ʼə ntɛ́mə́ ngə́ tsáŋ lá.

1 Tesalonaika 4:9

Ka bɨgɨ tsi awɨgɨ nɨ ɨŋwaʼnə a mbó bən mbɨ́ʼ nkɔ̌ŋ ɨbɔmbɨma ɨbən ba bɨŋ bo nɨŋnɨ mɨntəm ɨmɨŋ bo a nye Ŋwi ə. Bɨŋ mboŋ, Ŋwi a diʼnə awən nɨ adzaŋ za nɨ tsinɨ nɨ nkɔŋ ŋwɔn nɨ ŋwɔn ə.

1 Timotyo 2:6

zɨ wa a ghánɨ́ atuəmbəm azhi a ndzúŋ atú a ŋwɔn mɨsɔŋ a ntsu tsum ə. Məza a bé alɨgɨ a nye nyom wa a kúʼnɨ́nɨ́ ngə́ Ŋwi a lǒ ngə́ á bɨ loŋ a ŋwɔn tsum,

1 Timotyo 4:12

Koʼ nyɛʼtɨ á ŋwɔn tse a wagɨnɨ agho mbɨ́ʼ ngə́ o nɨ nkaŋ ŋwɔn, lá be alisɨ a mbó ɨbɛn ba bɨ nɨŋnɨ mɨntəm ɨma a nye Ŋwi a mu nɨgham ɨno, ngɨnɨ mɨnu ɨmo, akɔŋnɨ azo, abeməntəm azo abɔʼnɨ nɨfɛm ɨno ə.

Tɨ́tósɨ 2:14

Wɛrə a ghá atuəmbəm azhi mbɨ́ʼ awɨgɨnə, a fɨ́gɨ́ bɨgɨnə a mbó abɨgəntəm atsum, ɨ kɨ ghɨ awɨgɨnə á bɨgɨnə be ɨbɛn ba bɨ lánɨ́ ba bɨ tsinɨ tsɛʼ a mbó zɨzɨ, nkə́ mbɛ́bə́ a ngɨ ɨbɔŋ ə.

Ɛbal 8:3

Bɨ tsɔʼə a Ntumshe wu Ngwi tsum lá ngə́ á ngǎ akáŋ a Ŋwi abɔʼnɨ mɨtsuʼnɨ mɨ atú ma a nɨ mɨnyam a mbó Ŋwi; ma lan, Ntumshe wu Ngwi ɨwɨgɨnə mɨ kɨ zagɨ tsi nɨ azúm zə ghanə.

Ɛbal 9:14

Mbáʼ məzen a nɨ nkənu lá, a ghɨ tíʼ be ɨ lə́ a mbó alɛm a Kristo le? A ntsǎ a ndzum Azhwi a nɨnkoŋ, wɛrə a ghá atuəmbəm azhi tso mɨtsuʼnɨ mɨ atú ma mɨ tsinɨ tɨ alɔʼ a mbó Ŋwi ə. Alɛm a wɛrə a mɨ sugɨ mɨntəm ɨmɨgɨnə a nye mbɔm alaʼ tsa tsɨ se nɨ ɨlɨŋ tse tsi, taŋ á bɨgɨnə faʼə a mbó Ŋwi, zɨ wa a tsinɨ atú ntən lá.

Ɛbal 9:23

Ma lan, a kúʼnɨ́ ngə́ á bɨ sugɨ ɨfi ɨdzúm fɔməbvurə tsen á tsɨ fɛm a nye mbɔm məziŋ ə, lá ɨdzúm fɔməbvurə mətsen tsɨ lǒ mɨtsuʼnɨ mɨ atú ma mɨ tsanɨ ɨdzúm tsiŋ ə.

Ɛbal 9:26

mbe be lá mə lan muŋ wɛrə a tsí nɨ ndzě ngɨ́ʼ nkfu tsə ghaʼnɨ nchwuʼnɨ nkfu za Ŋwi a káʼnɨ́ mbyi ɛ. Lá, adzaŋ za a benɨ, wɛrə a fu a ɨshe táʼ nkfu wa a ghɔŋnɨ nɨnkoŋ a nye nkfu zɨ ndwɨgɨnɨnɨ zen a sugɨ ɨbvu ntsa a ndzum nga atuəmbəm azhi tso mɨtsuʼnɨ mɨ atú ə.

1 Bita 4:8

Za a tsanɨ atsum a nɨ ngə́ á nɨ kɔŋ a ŋwɔn nɨ ŋwɔn nɨ táʼ ntəm, mbɨ́ʼ ngə́ akɔŋnɨ a kúbɨ́nɨ́ mɨbvu mə ghaʼnɨ ə.

1 Yoane 3:16

Nə nɨ adzaŋ za bɨgɨnə zhínə́ azúm za akɔŋnɨ a nɨ zɛrə ghe; Kristo a ghá ntsi mbyi ɨzhi lá mbɨ́ʼ awɨgɨnə ghe. Bɨgɨnə kɨ ntiʼ ntsi nɨ nga ntsi mbyi ɨtsɨgɨnə mbɨ́ʼ ɨbɔmbɨma ɨbɨgɨnə ba bɨ zɔŋnə a Kristo ghe!

1 Yoane 3:23

Ntɨgə za wɛrə a ghanɨ ɨ nɨ ngə́ á bɨgɨnə nɨŋ mɨntəm ɨmɨgɨnə a nye Mɔn ɨyi Yeso Kristo nkɨ nkɔŋ a ŋwɔn nɨ ŋwɔn, tsɛʼ adzaŋ za Kristo a tɨ́gɨ́nɨ́ a mbó bɨgɨnə lá.

Nkyɛʼə 1:5

nkɨ ndo a mbó Yeso Kristo, atɛmə-ndzě wa a faʼnə tsɛʼ nɨ táʼ ntəm, zɨ wa a nɨ ntsambyi ŋwɔn á bɨ zhwemnɨ a mbó nɨvwo, zɨ wa a kɨ́nə́ nkə́ saʼə bɨfɔ bɨ atuəshe zen lá. Wɛrə a kɔŋ awɨgɨnə ghe, wɛrə a kɨnə nkɨ nkwarɨ awɨgɨnə a mbó mɨbvu ɨmɨgɨnə a ntsǎ a ndzum alɛm azhi za wɛrə a chwírɨ́nɨ́ a nkfu bɨgɨnə,

Nkyɛʼə 5:9

Bo zɔ́bɨ́ azɔbɨ a nkyi zə fi ngə́: “O tsi nɨ ɨlɨŋ a nkwárɨ́ aŋwaʼnɨ zə karɨnɨ za ɨ kɨ ŋaʼ ɨfɛnwu ɨchi ɛ. Mbɨ́ʼ ngə́ bɨ zhwítɨ́ agho, a ntsǎ a ndzum nɨvwo nɨ mɨtsuʼnɨ mɨ atú ɨno, o zón a ngá a mbó Ŋwi ɨbɛn bɨ ɨtsé tsɨ wi ɨtsum, ɨbɛn ba bɨ ghamnɨ mɨgham mɨtsum, ɨbɛn bɨ ɨlaʼ ɨtsum abɔʼnɨ ɨbɛn bɨ ngwəgɨ mɔn ŋwɔn tsum ə.