Ɛfɛso 5:11 - Mɨkan wu Fi

¹¹ A nɨ keʼ tsi nɨ anu zə tse a ngɨə nɨ ɨnu tɨ ɨnu tsa ɨbɛn ghɨnə, ɨnu tsa a nɨ tsə ndzumnɨ lá. A nɨ baŋnɨ ndɔgɨ a tsɛrə ngyen nɨ tsɛrə a mu nkaʼ ə.

Ɛfɛso 5:11 Iomraidhean Croise

Matyo 18:15

“Be mɨma ɨgho wu mbáŋnɨ́ a fan anu a nye gho, ghɛn ɨ fɨʼtɨ afənu azhi wəmbo, mbáʼ a tsinɨ tsɛʼ bɨŋ zɨ bɨbá ghe. Be a be ngə́ a zuʼtɨ nji ntsu ɨzo, lá be ngə́ o səŋ, mbɨ́ʼ ngə́ o bə ntsi nɨ mɨma ɨgho wu mbáŋnɨ́ wa wədiʼ ə.

Alukasɨ 3:19

Lá Yoane a kágɨ́ a Ɛrɔd, wa a bénɨ́ Gobɨna, mbɨ́ʼ ngə́ a zɔ́ʼ a Ɛrodiasɨ, ngwe mɨma ɨyi wu mbáŋnɨ́, nkɨ nkwɛ ngɨ ɨnu tsɨ tɔmnɨnɨ tsə ghaʼnɨ ə.

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Roma 13:12

A tsi lá tso ngə́ ɨtfúʼ tiʼnə nkyɛ́nə́, njwi tiʼə ndə̌ ngyiŋə ghe. Bɨgɨnə mɨ zagɨ kyɛntɨ ngɨ ɨnu ndzumnɨ, ɨ baŋnɨ tiʼtɨ ɨdzúm ntso tsa bɨ tónə́ nɨ tsɛrə nəzhwɨgɨnɨ ə.

Roma 16:17

Ma nyíʼtə́ awɨŋ ə, ɨbɔmbɨma ɨban ngə́ á nɨ keʼ nɨ anu zə tse tsi bɨŋ bɨ ɨbɛn ba bɨ bvugɨnɨ ndum nkə́ ngyíŋə́ nɨ ngɨ́ʼ a nye abeməntəm azən nkə́ ngɨə nɨ furɨnɨ ndzum ɨtsən a mbó ɨnu tsa bɨ diʼnə awən nɨ tsɛrə lá. A nɨ baʼtɨ awa a nye mɨndóm mɨtsum ə.

Roma 6:21

Ma lan, abi za nɨ tsínɨ́ nɨ zɛrə a ngɨ ɨnu tsa tsɨ tiʼnɨ tsə adɨrətú tɨtsɔŋnɨ, a be ake le? Ndwɨgɨnɨ ɨnu tsiŋ ɨtsum a nɨ nɨvwo ə.

Galesha 6:8

Be bo bi a mu ɨshwom ɨdzúm tsa mbəmnye ɨ lɔnə, ɨwu bo mɨ fuʼ nɨvwo; be bo bi a mu ɨshwom Azhwi a Ŋwi, za bo mɨ fuʼ ndo a mbó Azhwi a Ŋwi a mɨ be ntsi ntən nɨnkoŋ ə.

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Ɛfɛso 5:12

Adɨrətú zə wi a lanɨ ntsi ɨwu tsɛʼ ɨ byi gham mbɨ́ʼ ɨdzaŋ ɨnu tsa bo ghɨnə a nkubə ghe.

Ɛfɛso 5:7

Ma lan, á nɨ keʼ byi nyam ntsi nɨ anu zə tse a ngɨə bɨŋ bɨ ɨdzaŋ ɨbɛn tso mətsiŋ ə.

Kolose 1:12

Ɨ kə́ ghanə a mɨya a mbó Tarɨ, zɨ wa a ghɨnə nɨ chi tiʼ tsi nɨ azɨŋ azúm a mu ɨdzúm tsa Ŋwi a lɛnɨ a mbó ɨbɛn ɨbyi a mu nɨfɔ nɨ nkaʼ ə.

1 Tesalonaika 5:7

Ɨbɛn lyě lá nɨ ɨtfúʼ ə; ɨbɛn nǒ mɨluʼ mbánə́ lá nɨ ɨtfúʼ ə.

2 Tesalonaika 3:14

A chi be ngə́ ŋwɔn tse ɨ gha a mɨ keʼ nkən wen wa bɨgɨ tsagɨnɨ a mbó bən a mu aŋwaʼnɨ zen lá zuʼnə. A be ma lan, á nɨ ze ayi ɨ shiʼnɨ, nkeʼ tsi nɨ anu zə tsɛrə a ngɨə bɨŋ bo, taŋ á atú azhi a dɨrə.

2 Tesalonaika 3:6

Ɨbɔmbɨma ɨbɨgɨ, bɨgɨ tɨ́gɨ́tə́ awən nɨ ɨkum Maʼmbyí Yeso Kristo ɨwɨgɨnə ngə́ á nɨ keʼ tsi nɨ anu a ngɨə bɨŋ bɨ mɨma tsum wa a tsinɨ a mu ntsi mbyi anarɨ, wa a se nkə́ ndzɔ̌ŋ ntɨgə tsa bɨgɨ ghánɨ́ a mbó bo lá.

1 Timotyo 5:20

Ghamtɨ asaŋəsaŋ ɨbɛn ba bɨ ghɨnɨ mɨbvu, taŋ á abvuʼ a ɨbɛn a bɔgə.

1 Timotyo 5:22

O koʼ nkɨənə a nyɔŋ mbó atú ŋwɔn tse ɨ soŋ ngə́ a kuʼnɨnə a faʼə a mbó Maʼmbyí ɛ. Koʼ zɔŋ nkon a ngɨ mɨbvu bɨŋ ŋwɔn tse; len atuəmbəm azo á fɛmə.

1 Timotyo 6:5

ndɨʼkə nkfu tsum a tɨtərɨ ɨbɛn ba ka ɨtú ɨtsa faʼə ayi, ba ka bɨ bə mbvurɨ ntiʼtɨ awa nkənu ə. Bo wiʼtɨ ngə́ nji Ŋwi nɨ ndómnji nchyɛ nɨ nkáb ə.

2 Timotyo 3:5

Bo ghɨ tíʼtɨ́ tsɛʼ ɨnu tsa tsɨ diʼnə anu a Ŋwi azɨgɨnə abyɛn abyɛn, lá ɨ ton awa ngótɨ́ mɨtən mɨ anu a Ŋwi ə. Baʼtɨ ɨdzaŋ ɨbɛn tso mətsiŋ ə.

2 Timotyo 4:2

ngə́ o soŋ nkən wa, ntɛgɨ atú azo a nchwítɨ́ wɛrə kə ɨbɛn kɔŋ a njwíʼtɨ́ wɛrə kə ngáŋ, a ndɛ́tɨ́ mɨntəm, a ngamtɨ ba bɨ ghɨnɨ a zə tɨbɔŋ, a ngwɔŋtə, adzaŋ za o diʼnə a wɛrə nɨ nchigə tsum ə.

Tɨ́tósɨ 2:15

Diʼ ɨnu tsen, nkə́ fáʼə nɨ mɨtən ɨmo mɨtsum adzaŋ za o wɔŋtɨnə nkə́ ngámtə́ ɨbɛn ba bɨ zhwíʼtɨ́nə́ a mbó gho ghe. A ŋwɔn tse a keʼ agho wagɨnə.

Nkyɛʼə 18:4

Ma tíʼ ndzúʼ nji zɨ mɔʼɔ za ɨ lónɨ́ a fɔməbvurə ɨ soŋənə ngə́: “Ɨbɛn ɨban, á nɨ fu ngyiŋə! Nɨ mɨ zagɨ keʼ tsi nɨ anu a ngɨə nɨ ɨbvu ɨyi ɛ; taŋ á nɨ keʼ tsi nɨ anu a ngɨə nɨ ɨnɨŋ ngɨ́ʼ ɨzhi ɛ!