Ɛfɛso 4:6 - Mɨkan wu Fi

⁶ A tsi táʼ Ŋwi, mbe Ta bɨ ŋwɔn tsum, zɨ wa a tsinɨ atú ŋwɔn tsum, ntsǎ a ndzum ŋwɔn tsum ɨ faʼə, nkɨ ntsi a mu atsum ə.

Ɛfɛso 4:6 Iomraidhean Croise

Matyo 6:13

Koʼ nyɛʼtɨ á bɨgɨ ghɨ ɨbvu mbáʼ be bɨ kwaʼnɨ awɨgɨ, lá kwarɨ awɨgɨ a mbó Wu Ntɔmnɨnɨ wa.›

Matyo 6:9

Nɨ ntíʼə ntsaʼtə a Ŋwi ngə́: ‹Ta ɨwɨgɨ a fɔməbvurə: A ɨbɛn nkɔ́ʼsɨ́ ɨkum ɨgho wu fɛmnɨ atɨ́;

Yoane 14:23

Yeso a chwɨ́gɨ́ wəmbo ngə́, “Ŋwɔn tsum wa a kɔŋnɨ aghan, a mɨ zuʼnɨnə ɨnu tsa ma diʼnə ghe. Ta ɨghan a mɨ kɔŋ ayi, á bɨgɨ Ta ɨghə ghɨ ngyen wəmbo, ntsi bɨgɨ bo ghe.

Yoane 17:26

Ma ghɨ́ bo zhi agho, ma mɨ ghɛn nɨ mbyi a ngɨə ma lan, taŋ á akɔŋnɨ za o tsinɨ nɨ zɛrə a nye me, a chi tsi a mu ɨnye bo, taŋ á ma chi kɨ tsi a mu ɨnye bo ghe.”

Yoane 20:17

Yeso a sóŋ wəmbo ngə́, “Njimbɨʼ o mɔmtɨ aghə, mbɨ́ʼ ngə́ ma bvurɨ tɨ bə nkɔʼ ngɛn nkon a mbó Tarɨ ə. Lá ghɛn soŋ a mbó ɨbɔmbɨma ɨban ngə́ ma tiʼnə mbɨŋə ngěn a mbó zɨ wa a nɨ Ta ɨghan nkɨ mbe Ta ɨwa, Ŋwi ɨghan nkɨ mbe Ŋwi ɨwa lá.”

Roma 11:36

Mbɨ́ʼ ngə́ ɨdzúm ɨtsum a káʼ wɛrə, ɨdzúm ɨtsum tsa tsɨ tsinɨ, tsɨ tsi ntsa lá a ndzum wɛrə, ɨdzúm ɨtsum kɨ mbe lá tsə wɛrə ghe. A nɨfáŋ tsi a mbó Ŋwi nɨnkoŋ ə! A be lá.

1 Korɨnto 12:6

Mɨndómɨnji tsi ɨwu tsɛʼ mə ghaʼnɨ a faʼ afaʼ, lá a nɨ tsɛʼ táʼ Ŋwi wa a ghɨnə ŋwɔn a chi faʼ mbúŋ afaʼ wa a nɨ ɨyi ɛ.

1 Korɨnto 8:6

a mbó bɨgɨnə a tsi tsɛʼ táʼ Ŋwi, Tarɨ, zɨ wa a káʼnɨ́ ɨdzúm ɨtsum, zɨ wa ntsi mbyi ɨtsigɨnə tsinɨ a nkfu zɨ; a kɨ ntsi tsɛʼ táʼ Maʼmbyí, Yeso Kristo, zɨ wa bɨ káʼnɨ́ ɨdzúm ɨtsum ntsa a ndzum zɨ, bɨgɨnə kə́ nchyɛ̌ atuəshe wen ntsǎ lá a ndzum zɨ lá.

2 Korɨnto 6:16

Be nɨshwim nɨ Ŋwi bo bɨ ɨbɔ bɨ abe bemnɨ lá ɨ nə́ le? Ma soŋə a məzen lá mbɨ́ʼ ngə́ bɨgɨnə lá nɨshwim nɨ Ŋwi, zɨ wa a tsinɨ ntɨŋ ə! Ŋwi zɨmboŋ a soŋ ngə́: “Ma mɨ ghɨ njwuʼ ɨzan a tɨtərɨ ɨbɛn ɨban ɨ tiʼ tsi a tɨtərɨ bɛrə; ma mɨ be Ŋwi ɨwa, á bo tiʼ mbe ɨbɛn ɨbə.

Ɛfɛso 1:21

Kristo a tsi ɨwu, ɨ sáʼə ɨzhwi tsɨ tən ɨtsum tsa tsɨ sáʼnɨ́ fɔməbvurə ghe. Ɨkum ɨyi tsi atú mɨkum mɨtsum ma bɨ chwinɨ atuəshe wen abɔʼnɨ mbyi za ɨ lo bə yen lá.

Ɛfɛso 2:22

A mbúm bɨŋ bɨ Kristo, bɨ kə́ mbɔ́mə́ awən abɔʼnɨ bə mɔʼɔ bɨtsum, á nɨ tiʼ mbe adiʼ za Ŋwi a tsínə́ ɨwu ntsa a ndzum Azhwi azhi ɛ.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Ɛfɛso 6:23

A Ŋwi, zɨ wa a nɨ Tarɨ abɔʼnɨ Maʼmbyí Yeso Kristo gha mbɔnɨ, akɔŋnɨ nɨ abeməntəm a mbó ɨbɔmbɨma bɨtsum a ndzum Kristo ghe.

1 Yoane 3:24

Ɨbɛn ba bɨ zúʼnɨ́nɨ́ ntɨgə Ŋwi chyɛ̌ a mbúm bo bɨ Ŋwi, Ŋwi a kə́ nchyɛ̌ a mbúm bo bo ghe. Mbɨ́ʼ Azhwi za Ŋwi a ghanə a mbó bɨgɨnə, bɨgɨnə zhi ngə́ Ŋwi a chyɛ̌ a mbúm bɨgɨnə ghe.