Ɛfɛso 4:5 - Mɨkan wu Fi

⁵ A tsi tsɛʼ táʼ Maʼmbyí, táʼ abeməntəm abɔʼnɨ táʼ nkwarɨ nkyi ɛ.

Ɛfɛso 4:5 Iomraidhean Croise

Matyo 28:19

Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ,

Ɨfaʼ 10:36

Nɨ zhi nkən wa wɛrə a tságɨ́nɨ́ a mbó ɨbɛn bə Izrai lá, wɛrə a kə́ nchwítɨ́ Nkən wu Shiʼnɨ wu mbɔnɨ ntsa a ndzum Yeso Kristo, zɨ wa a nɨ Maʼmbyí ŋwɔn tsum lá.

Ɨfaʼ 2:36

Ɨbɛn bə Izrai bɨtsum, tiʼ ntsi nɨ njiɛ a nkənu ngə́ Yeso məwen, wa nɨ kwémtɨ́nɨ́ atɨ abaŋnɨ-baŋnɨ, a nɨ wɛrə wa Ŋwi a ghɨnə a nye Maʼmbyí nkɨ mbe Wa bɨ Zɔ́ʼnɨ́ wa!”

Roma 3:30

Ŋwi a nɨ wi mɔ́ʼɔ́ ghe; wɛrə a mɨ bem ngə́ bə Yuda chinɨ a ɨshi ɨmɨgɨ zɨ mbɨ́ʼ abeməntəm aza ɨ kɨ bem ngə́ ba a se bə Yuda be chinɨ a ɨshi ɨmɨgɨ zɨ mbɨ́ʼ abeməntəm aza ghe.

1 Korɨnto 1:13

Lá be ngə́ bɨ yɛbtɨnə a Kristo le? Bɨ kwémtɨ́ lá a Baolo atɨ abaŋnɨ-baŋnɨ a nkfu bən le? Bɨ ghá nkyi a mbó bən lá ngə́ á nɨ tiʼ bɨyɛʼ bɨ Baolo le?

1 Korɨnto 1:2

Ngěn a mbó bɨŋ ndáŋwi za ɨ tsinɨ a Korɨnto, nkə́ ngěn a mbó ɨbɛn bɨtsum ba bɨ tsɔʼnɨ ngə́ á bɨ be ɨbɛn bɨ Ŋwi bə fɛmnɨ ba bɨ tsinɨ a mbó zɨ mbɨ́ʼ ngə́ bɨ tsi a mbúm bo bɨ Kristo Yeso, nɨ ɨbɛn bɨtsum ba bɨ tsinɨ ɨdiʼ ɨtsum ba bɨ ghúʼsɨ́nə́ a Maʼmbyí Yeso Kristo ɨwɨgɨnə, wa a benɨ Maʼmbyí ɨwa nkɨ mbe ɨwɨgɨ lá.

1 Korɨnto 12:13

Ndəŋndəŋ, bɨgɨnə bɨtsum, kə nɨ be be bə Yuda kə nɨ be be ba a se bə Yuda be, kə nɨ be be ɨbuʼ kə ɨbɛn nɨ ɨtú ɨtsa muŋ, ndəŋndəŋ Azhwi məzen a nɨŋnə nkyi atú bɨgɨnə bɨtsum a mu táʼ mbəmnye za, bɨgɨnə bɨtsum kɨnə nkɨ no ndəŋndəŋ Azhwi məza.

1 Korɨnto 12:5

Mɨndómɨnji tsi tsɛʼ mə ghaʼnɨ a faʼə ghe, lá bɨgɨnə bɨtsum faʼə lá tsɛʼ a mbó táʼ Maʼmbyí ɛ.

1 Korɨnto 8:6

a mbó bɨgɨnə a tsi tsɛʼ táʼ Ŋwi, Tarɨ, zɨ wa a káʼnɨ́ ɨdzúm ɨtsum, zɨ wa ntsi mbyi ɨtsigɨnə tsinɨ a nkfu zɨ; a kɨ ntsi tsɛʼ táʼ Maʼmbyí, Yeso Kristo, zɨ wa bɨ káʼnɨ́ ɨdzúm ɨtsum ntsa a ndzum zɨ, bɨgɨnə kə́ nchyɛ̌ atuəshe wen ntsǎ lá a ndzum zɨ lá.

2 Korɨnto 11:4

Mbɨ́ʼ ngə́ nɨ nɨ ɨbɛn ba mbáʼ be ŋwɔn adaŋ a yen, ɨ sóŋə́ anu mbɨ́ʼ a Yeso wədaŋ abɔʼnɨ azhwi zədaŋ, nɨ bem anu za wɛrə a sóŋnə́ ghe. Kə be ŋwɔn adaŋ a yen ɨ soŋ nkən wu shiʼnɨ wa ɨ lánɨ́ ntsi chwa a nye wa nɨ kwárɨ́nɨ́ a mbó bɨgɨ, nɨ kwarɨ ayi nɨ mbo mɨtsum ə!

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

Ɛfɛso 4:13

Ma lan, bɨgɨnə bɨtsum ghɨ tíʼ yen bomnkɨ ɨ tsi a mbúm, ɨ be táʼ azúm a nye abeməntəm abɔʼnɨ adzaŋ za bɨgɨnə zhinɨ a Mɔn Ŋwi ə; bɨgɨnə ghɨ tíʼ be nchíkɨ́ ɨbɛn tso Kristo, ɨ kɨ be tso zɨ a nye mɨndóm mɨtsum,

Filibi 2:11

ɨbɛn bɨtsum fɨgɨ a ntsu bo ɨ soŋ ngə́ Yeso Kristo a nɨ Maʼmbyí, a ngá nɨfáŋ a mbó Ŋwi, zɨ wa a nɨ Tarɨ ə.

Filibi 3:8

Ka a be ayi tsɛʼ ɨdzúm mətsa; ma tiʼə nkwǎʼ azúm atsum tso byé wa a ghɛnɨ ndwitɨ mbɨ́ʼ atú anu za a tsinɨ nɨ ɨlɨŋ ngɛn nɨ mbyi, mbe lá azhyɛ a Kristo Yeso Maʼmbyí ɨghə. Mbɨ́ʼ atú azhi ma nyɛʼnə azúm atsum; ma tiʼə ndə́ŋtə́ a tsɛrə ɨtsum tso ntsaʼ, taŋ á abi azə a be ngə́ ma tiʼ ŋwɔn Kristo

Tɨ́tósɨ 1:1

Aŋwaʼnɨ zen a lo a mbó me Baolo wa ma benɨ ngaŋ afaʼ Ŋwi, nkɨ mbe ntom Yeso zɨ Yeso Kristo lá. Bɨ tsɔ́ʼ aghan ntsagɨ ngə́ á ma kwatɨ ntintɨ abeməntəm a ɨbɛn bɨ Ŋwi ba bɨ tsɔ́ʼnɨ́, á ngěn nɨ mbyi, ɨ kɨ tsagɨnɨ awa á bo ghɛn nkon a mu nkənu za ndóm wa bɨgɨnə zhinɨ a Ŋwi ɨ diʼnə,

Tɨ́tósɨ 1:4

Ma ŋwaʼnə aŋwaʼnɨ zen a mbó gho Tɨ́tósɨ, ngótɨ́ mɔn ɨghan wa bɨgɨ zɨ tsinɨ a mu ndəŋndəŋ abeməntəm ə. A Ŋwi, zɨ wa a benɨ Tarɨ abɔʼnɨ Kristo Yeso ndoŋ ɨwɨgɨnə gha abɔŋəntəm abɔʼnɨ mbɔnɨ a mbó gho ghe.

Ɛbal 13:7

Nɨ ngwáʼtə́ bɨntsagɨnɨ ɨbən, bo ba bɨ sóŋnɨ́ nɨgham nɨ Ŋwi a mbó bən; ngwáʼtə́ adzaŋ za bo tsínɨ́ ntsi mbyi ɨza abɔʼnɨ adzaŋ za bo kfónɨ́, ntiʼə nyíʼsə́ abeməntəm aza ghe.

Ɛbal 6:6

Be a be ngə́ bo nyɛ́ʼ abeməntəm aza, muŋ ka ndóm tse be ayi ɨwu a ngɨə á ɨbɛn bə mbəŋ mɨntəm ɨma a nye mɨbvu ɨma, mbɨ́ʼ ngə́ bo bɨŋə nkwemtə lá a Mɔn Ŋwi atɨ abaŋnɨ-baŋnɨ, ɨ nɨŋə adɨrətú wə ɨnye asaŋəsaŋ ə.

Jemsɨ 2:18

Lá ŋwɔn tse a mɨ soŋ ngə́, “Táʼ ŋwɔn a tsi nɨ abeməntəm, wu mɔʼɔ a tsi nɨ ɨfaʼ ə.” Achwɨgə azan a nɨ ngə́, “Diʼ a mbó me adzaŋ za ŋwɔn tse a chinɨ tsi nɨ abeməntəm tɨ ɨfaʼ ə. Ma mɨ diʼ abeməntəm azan a mbó gho ɨ tsa a ndzum ɨfaʼ ɨtsə.”

1 Bita 3:21

mbáʼ a bénɨ́ lá alɨgɨ za a kɨ́nə́ ndǐʼ nkwarɨ nkyi za ɨ loŋnə awən tɨtsɔŋnɨ ə. Ka ɨ be ayi lá ɨsɨŋ za bɨ sugɨnə a nye mbəmnye, lá ɨ be lá akaʼ za bɨ ghɨnɨ a mbó Ŋwi ndo a mu ntəm wu shiʼnɨ ə. Ɨ loŋə awən ntsǎ lá a ndzum nzhwemnə za Yeso Kristo a zhwémnɨ́nɨ́ a mbó nɨvwo

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

Judɨ 1:20

Lá bən nə bɨson ɨban, á nɨ nkwi ɨ kwinɨ a mu abeməntəm azən za a fɛmnɨ ntsa atsum lá. A nɨ ntsáʼtə́ a Ŋwi adzaŋ za Azhwi zə Fɛmnɨ a tsɨŋnɨnə awən,

Judɨ 1:3

O bɨson ɨban, ma chyɛ́ ngɨə atsum za ma chínɨ́ ghɨ a ŋwaʼnə a mbó bən mbɨ́ʼ ɨloŋ wa bɨgɨnə bɨtsum tsinɨ nɨ wɛrə, a nkfu za ma kwáʼtɨ́nɨ́ ngə́ a bɔŋ á ma byi ŋwaʼnɨ a mbó bən ngwɔŋtɨ awən á nɨ ntǒkə́ ngěn nɨ mbyi mbɨ́ʼ abeməntəm za Ŋwi a nɨŋnə táʼ nkfu wa a ghɔŋnɨ nɨnkoŋ a mbó ɨbɛn ɨbyi lá.