Ɛfɛso 4:4 - Mɨkan wu Fi

⁴ A tsi táʼ mbəmnye, a kɨ ntsi táʼ Azhwi, tsɛʼ adzaŋ za a tsinɨ táʼ ntsiŋə nɨ ntəm tsum za Ŋwi a tsɔ́ʼnɨ́ awən mbɨ́ʼ a zɛrə lá.

Ɛfɛso 4:4 Iomraidhean Croise

Matyo 28:19

Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ,

Ɨfaʼ 15:11

Bɨgɨnə baŋnɨ nɨŋ mɨntəm ɨmɨgɨnə ɨwu ngə́ bɨ loŋə awɨgɨnə ntsǎ a ndzum abɔŋəntəm a Maʼmbyí Yeso lá tsɛʼ tso mbáʼ bɨ loŋə awa ghe.”

Roma 11:29

Mbɨ́ʼ ngə́ ka Ŋwi a nkwébtə́ ayi ntəm ɨyi a nye ŋwɔn wa a tsɔʼnɨ kə ɨfɔgɨ ayi ɛ.

1 Korɨnto 10:17

Mbɨ́ʼ ngə́ a nɨ táʼ mbɛʼ abán, bɨgɨnə bɨtsum baʼtɨ nghaʼ ɨ ghaʼnɨ lá, mbe táʼ ɨnyam ɨnye mbɨ́ʼ ngə́ bɨgɨnə yɛbtə lá ndəŋndəŋ mbɛʼ abán nkfúrə́ ghe.

1 Korɨnto 12:20

Adzaŋ za a tsinɨ lá, a tsi tsɛʼ táʼ mbəmnye lá ɨlam ɨchi baŋnɨ nghaʼə.

2 Korɨnto 11:4

Mbɨ́ʼ ngə́ nɨ nɨ ɨbɛn ba mbáʼ be ŋwɔn adaŋ a yen, ɨ sóŋə́ anu mbɨ́ʼ a Yeso wədaŋ abɔʼnɨ azhwi zədaŋ, nɨ bem anu za wɛrə a sóŋnə́ ghe. Kə be ŋwɔn adaŋ a yen ɨ soŋ nkən wu shiʼnɨ wa ɨ lánɨ́ ntsi chwa a nye wa nɨ kwárɨ́nɨ́ a mbó bɨgɨ, nɨ kwarɨ ayi nɨ mbo mɨtsum ə!

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.

Ɛfɛso 2:16

Nɨvwo nɨ Kristo atɨ abaŋnɨ-baŋnɨ lwítɨ́ a kɨban a tɨtərɨ bo ghe. A ntsǎ a ndzum abaŋnɨ-baŋnɨ məzen, wɛrə a chíntɨ́ awa bo tiʼ táʼ nkɨ ndɔgɨ awa mbən nɨ bo a mbó Ŋwi ə.

Ɛfɛso 2:18

A ntsǎ ndzum Kristo, bɨgɨnə bɨtsum, bə Yuda abɔʼnɨ ba a se bə Yuda be a mu táʼ azhwi wa, bɨgɨnə chi ghɛn a mbyi Tarɨ ə.

Ɛfɛso 2:22

A mbúm bɨŋ bɨ Kristo, bɨ kə́ mbɔ́mə́ awən abɔʼnɨ bə mɔʼɔ bɨtsum, á nɨ tiʼ mbe adiʼ za Ŋwi a tsínə́ ɨwu ntsa a ndzum Azhwi azhi ɛ.

Ɛfɛso 4:1

Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

Ɛfɛso 5:30

mbɨ́ʼ ngə́ bɨgɨnə lá ɨlam ɨnye mbəmnye ɨzhi ɛ.

Kolose 1:5

A nkfu za nkən wu nkənu wa, Nkən wu Shiʼnɨ wa bɨ fómnɨ́ sóŋ a mbó bən, nɨ zúʼ mbɨ́ʼ ntsiŋə nɨ ntəm tsum za ɨ ghánə́ ghe. Ma lan, abeməntəm azən abɔʼnɨ akɔŋnɨ azən a tɛm lá atú anu za nɨ tsenə nɨ mɨntəm ɨmən mɨtsum, mbáʼ Ŋwi a lɛnɨ ɨ shiʼnɨ a mbó bən a fɔməbvurə lá.

Kolose 3:15

Mbɔnɨ za Kristo a ghánə́ ɨ tsi lá a ntsɨŋnɨ bən a nye ɨnu tsa nɨ tsɔ́ʼnə́ a mu mɨntəm ɨmən; mbɨ́ʼ ngə́ Ŋwi a chintɨ awən lá mbɨ́ʼ mbɔnɨ məzen a mu táʼ mbəmnye wa. A nɨ tsi nɨ mɨntəm mɨ nga mɨya ghe.

2 Tesalonaika 2:16

A Maʼmbyí ɨwɨgɨnə, Yeso Kristo zɨmboŋ bo Ŋwingɔŋ Ta ɨwɨgɨnə, zɨ wa a kɔ́ŋnɨ́ awɨgɨnə nga awɨgɨnə nɨ nkotɨ mbáŋnɨ́ za ka ɨ nkyɛ́ntə́ ayi abɔʼnɨ ntsiŋə nɨ ntəm tsum za ka ɨ nchíʼnə́ ayi a mu abɔŋəntəm azhi,

1 Timotyo 1:1

Aŋwaʼnɨ zen a lo a mbó me Baolo ghe. Ma nɨ ntom Yeso zɨ Kristo Yeso za a tsagɨnɨ Ŋwi ndoŋ ɨwɨgɨnə bo Kristo Yeso, zɨ wa ntsiŋə nɨ ntəm ɨwɨgɨnə ɨtsum tsinɨ wə ɨnye ə.

Tɨ́tósɨ 1:2

ndóm məwen wa bɨgɨnə zhinɨ a Ŋwi a nɨ wɛrə wa ɨ ghɨnə bɨgɨnə tsinə nɨ ntsiŋə nɨ ntəm tsum ngə́ bɨgɨnə ghɨ tsí nɨ ntsi ntən nɨnkoŋ ə. Ŋwi, zɨ wa a se ɨnu a nchwě, a káʼ awɨgɨnə nɨ ntsi ntən məzen bɔŋ á Ŋwi a káʼ atuəshe ə.

Tɨ́tósɨ 2:13

mbáʼ bɨgɨnə tsenɨ Njwi zɨ fɔgɨnɨ za, za bɨgɨnə tsenə nɨ mɨntəm ɨmɨgɨnə mɨtsum, Njwi za mbáʼ nɨfáŋ nɨ Ŋwi ɨwɨgɨnə wu ngwi abɔʼnɨ Ndoŋ ɨwɨgɨnə Yeso Kristo ghɨnɨ fú a ɨshe ə.

Tɨ́tósɨ 3:7

taŋ, a ntsǎ a ndzum abɔŋəntəm azhi, bɨgɨnə chi tiʼ chinɨ a ɨshi ɨmɨgɨ Ŋwi ɨ kɨ tsi nɨ ntsi ntən nɨnkoŋ za bɨgɨnə tsenə nɨ mɨntəm ɨmɨgɨnə mɨtsum lá.

1 Bita 1:21

A ntsǎ a ndzum wɛrə, nɨ tsi nɨ abeməntəm a nye Ŋwi, zɨ wa a zhwémnɨ́nɨ́ a wɛrə a mbó nɨvwo nkɨ nga nɨfáŋ wəmbo; ma lan, abeməntəm azən abɔʼnɨ ntsiŋə nɨ ntəm tsum ɨzɨŋ tiʼ ntsi lá a nye Ŋwi ə.

1 Yoane 3:3

Ŋwɔn tsum ɨ mɔ́ʼɔ́ mɔ́ʼɔ́ wa a tsinɨ nɨ ntsiŋə nɨ ntəm tsum məzen a nye Kristo, a lěn atuəmbəm azhi a lán, tso mbáʼ Kristo a kɨnɨ nkɨ ndán lá.