Ɛfɛso 4:2 - Mɨkan wu Fi

² A nɨ shíʼtə́ nɨ ɨtumbəm ɨtsən a tɨshe nkfu tsum, mbɔnɨ nkɨ ntsi nɨ nchigə ghe. A nɨ ndiʼə akɔŋnɨ azən a nye adzaŋ za nɨ chigɨnɨ ntəm bən nɨ bɨŋ ə.

Ɛfɛso 4:2 Iomraidhean Croise

Matyo 11:29

A nɨ kwarɨ ɨnu tsa ma diʼnə, ngyɛʼ anu a mbó me, mbɨ́ʼ ngə́ ma bɔnɨ nkaʼ nkə́ ntsɛ́gɨ́nɨ́ ntəm; nɨ mɨ tiʼ tsi nɨ ashwetɨ a ntəm ə.

Marɨkusɨ 9:19

Yeso a chwɨ́gɨ́ awa ngə́, “O nɨwə nə tɨ abeməntəm nen! Ma mɨ tsi bɨgɨnə lá a nye ndvuŋ nkfu ake le? Ma ghɨ chwátɨ́ ntəm ɨghan bɨgɨnə ɨ kɔʼ kuʼ lá ndvuŋ nkfu ake le? Nɨ yen nɨ zɨ a mbó me ghe!”

Ɨfaʼ 20:19

Ma kə́ faʼə ɨfaʼ ɨghan tso ngaŋ afaʼ Maʼmbyí, ɨ shíʼtə́ nɨ ɨnye ɨzan a ɨshe abɔʼnɨ nkyi a ɨmɨgɨ a nkfu za ɨdiʼ tə́nɨ́ a ɨnye me mbɨ́ʼ a mɨnaŋ wa bə Yuda bə tse kɨ́nə́ nkórə́ ghe.

Roma 15:1

Bɨgɨnə ba abeməntəm azɨgɨnə a tənɨ, bɨgɨnə tsi nɨ ntwɛmtɨ ɨbɔmbɨma ɨbɨgɨnə ba bɨ ghɔgɨnə. Bɨgɨnə keʼ ghɨ á ɨnye ɨtsɨgɨnə mbɔ́ŋə́ ghe.

1 Korɨnto 13:7

Akɔŋnɨ a ghɨə ɨbɛn chigɨnɨ ntəm a nye ɨnu ɨtsum ə. Akɔŋnɨ a ghɨə ɨbɛn nɨŋənɨ mɨntəm ɨma a nye ɨnu ɨtsum, nchyɛ̌ nɨ ntsiŋə nɨ ntəm ɨtsum a nye ɨnu ɨtsum nkə́ nkorɨ ntəm a nye ɨnu ɨtsum ə.

Galesha 6:2

A nɨ nkwátɨ́ ngɨ́ʼ a nye ŋwɔn nɨ ŋwɔn ə. Adzaŋ məwen, nɨ mɨ zúʼnɨ́nə́ a nyɔngɔŋ Kristo ghe.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Kolose 1:11

A Ŋwi a ghɨ á nɨ ntɨ́ŋə́ nɨ adaʼ za a lonɨ a mbó mɨtən ma a nɨ mə nɨfáŋ ɨni, taŋ á nɨ chi chigɨ ntəm a nye ɨnu ɨtsum nɨ nchigə abɔʼnɨ nɨdorɨ ə.

1 Timotyo 6:11

Lá gho, ŋwɔn afaʼ Ŋwi, baʼtɨ ɨnu tsiŋ ɨtsum ə. A ntókə́ a nchyɛ́ nɨ nchinə, a njí Ŋwi, a nchyɛ́ nɨ abeməntəm, a nchyɛ́ nɨ akɔŋnɨ, a nchyɛ́ nɨ achigəntəm abɔʼnɨ nchyɛ nɨ mbɔm zɨ mbɔnɨnɨ ə.

2 Timotyo 2:25

ndiʼ aŋwaʼnɨ wa a lɔgɨnə mbɔnɨ nchísɨ́ ɨbɛn ba bɨ tónə́ mɨgham ɨmyi ɨwu ə. Mbɨ́ʼ ngə́ a chi be ngə́ Ŋwi a ghɨ gha abárɨ́ a mbó bo ngə́ á bo bəŋ mɨntəm ɨma a nye mɨbvu ɨma ntiʼ nji nkənu ə.

Jemsɨ 1:21

Ma lan, á nɨ nyɛʼ ɨbə́ŋ ɨtɨshwe mbɔm ɨtsum abɔʼnɨ ngɨnɨ mɨnu mɨ abɨgəntəm mɨtsum ə. A nɨ ndzúʼnə́ a Ŋwi nɨ ɨ shiʼtə nɨ ɨnye a ɨshe nkɨ mbem nɨgham nɨ Ŋwi na wɛrə a binɨ a mu mɨntəm ɨmən, nɛrə na nɨ chinɨ loŋ awən lá.

1 Bita 3:15

Lá á nɨ nkɔ́ʼsə́ a Kristo atɨ́ a mu mɨntəm ɨmən tso Maʼmbyí ntsi mbyi ɨtsɨŋ ə. A nɨ kyaŋtɨ ɨnye ɨtsən a nchwɨ́gɨ́ ŋwɔn tsum nkfu tsum mbáʼ be a soŋ ngə́ á nɨ fɨʼtɨ ntsiŋə nɨ ntəm tsum za ɨ tsinɨ a mu ɨnye ɨtsɨŋ ə,

1 Bita 3:8

A ndwɨgɨnə: bən bɨtsum mɨ zagɨ tsi nɨ táʼ mbɔm ɨ kə́ konə a mɨlɨŋnɨ a nye ŋwɔn nɨ ŋwɔn; á nɨ kɔŋnɨ ɨtumbəm ɨtsən ŋwɔn nɨ ŋwɔn, ntsi nɨ ntəm ngɨ ɨbɔŋ a nye ŋwɔn nɨ ŋwɔn, nkə́ shíʼtə́ nɨ ɨtumbəm ɨtsən a ɨshe a ɨshi ŋwɔn nɨ ŋwɔn ə.