Ɛfɛso 4:16 - Mɨkan wu Fi

¹⁶ Tso mbáʼ wɛrə a nɨ atú lá, Kristo a ghɨ̌ ɨlam ɨnye tsa ɨtsum bosɨnə adiʼ ziə mɔ́ʼɔ́, mɨkyebɨnɨ ma mɨ tsinɨ a mu mbəmnye za mɨ tiʼə nchíntɨ́ mbəmnye tsum táʼ adiʼ ə. Be a be ngə́ alam a ɨnye atsum a faʼə afaʼ azhi adzaŋ za a benɨ faʼ, mbəmnye tsum mɨ kwi ɨ tən, ɨ tsa a ndzum akɔŋnɨ ə.

Ɛfɛso 4:16 Iomraidhean Croise

Yoane 15:5

“Ma nɨ atɨ a mɨntam ma bɨ nyɛtɨnɨ mɨluʼ ɨwu, nɨ be mbó ɨmyi ɛ. Ɨbɛn ba bɨ ghɔŋnɨ a mu ɨnye me, ma kɨ nghɔŋ a mu ɨnye bo, ghɨ kónɨ́ mɨntam á mɨ gháʼ ngɛn nɨ mbyi; mbɨ́ʼ ngə́ o chi koʼ anu zə tsɛrə ghɨ tɨ me ghe.

Roma 12:4

Mbɨ́ʼ ngə́ mbəmnye tsi nɨ ɨlam ɨnye tsɨ ghaʼə, alam a ɨnye atsum a kɨ ntsi nɨ atú afaʼ azhi ɛ.

1 Korɨnto 10:17

Mbɨ́ʼ ngə́ a nɨ táʼ mbɛʼ abán, bɨgɨnə bɨtsum baʼtɨ nghaʼ ɨ ghaʼnɨ lá, mbe táʼ ɨnyam ɨnye mbɨ́ʼ ngə́ bɨgɨnə yɛbtə lá ndəŋndəŋ mbɛʼ abán nkfúrə́ ghe.

1 Korɨnto 13:13

Adzaŋ za a benɨ lá, tsenə tsi tárə́ tsi ɨwu ə: abeməntəm, ntsiŋə nɨ ntəm ɨtsum abɔʼnɨ akɔŋnɨ ə; lá za a kɔʼnɨ nɔŋ atú tsɛrə ɨtsum a nɨ akɔŋnɨ ə.

1 Korɨnto 8:1

Tɨtsɔŋnɨ, á ma chwɨgɨ abítɨ za nɨ ŋwáʼnɨ́nɨ́ mbitɨ aghan ɨwu mbɨ́ʼ mɨdzɨ ma bɨ ghanɨ a mbó ɨbɔ bɨ abe lá. A nɨ nkənu ngə́, “bɨgɨnə bɨtsum tsi nɨ ayigɨnɨ ə”, adzaŋ za bɨ sóŋnə́ ghe. Azhyɛ məzen a ghɨə ɨbɛn ŋuʼənɨ ɨnye a mu kɨtɛrɨ ə; lá akɔŋnɨ a ghɨə ŋwɔn a kwiənɨ ɨ kwinə.

Galesha 5:22

Lá Azhwi a Ŋwi a jwiə akɔŋnɨ, nɨdorɨ, mbɔnɨ, nchigə, nchyɛ nɨ ntəm ngɨ ɨbɔŋ, ɨbɔŋ, ɨfaʼə nɨ táʼ ntəm,

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Ɛfɛso 3:7

Ŋwi a ghɨ́ aghan ma be ŋwɔn afaʼ Nkən wu Shiʼnɨ ntsa a ndzum azúm zə ghanɨ mbe abɔŋəntəm azhi za a ghanɨ a mbó me ntsa a ndzum adzaŋ za mɨtən ɨmyi faʼnə ghe.

Ɛfɛso 4:12

Wɛrə a ghɨ́ a məzen lá taŋ ɨ kyaŋtɨ ɨbɛn bɨ Ŋwi a faʼ ɨfaʼ Kristo, taŋ ɨ kyaŋtɨ mbəmnye Kristo za ɨ kɔʼ ntɛm ə.

Ɛfɛso 4:15

A baŋnɨ mbe be nɨ ɨsoŋ nkənu a mu azhwi akɔŋnɨ, mbáʼ bɨgɨnə mɨ zagɨ kwi a nye mɨndóm mɨtsum ɨ kɔʼ kuʼ a nye ɨfɨʼ Kristo, zɨ wa a nɨ atú lá.

Filibi 1:9

Ma tsaʼtə a Ŋwi ngə́ á akɔŋnɨ azən a nye ŋwɔn nɨ ŋwɔn a nkwi ɨ kwinɨ, nkwiʼtɨ azhyɛ azən mbɨ́ʼ a Ŋwi abɔʼnɨ ndentɨ ɨ tsɔʼ a zə shiʼnɨ,

Kolose 2:19

Bo kyɛntɨnə a ndzúʼnɨ́ Kristo, zɨ wa a nɨ atú a mbəmnye za. Atú a tsɨŋnɨ mbəmnye tsum, ndzɨgə a zɛrə nkə́ mbósə́ a zɛrə táʼ adiʼ a nye mɨkyebɨnɨ mɨ ɨnye, ɨ tiʼə nkə́ nkwiə adzaŋ za Ŋwi a lɔnə ngə́ á ɨ nkwiə ghe.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

1 Tesalonaika 1:3

Bɨgɨ wáʼtə́ a ɨshi Ŋwi ɨwɨgɨnə, zɨ wa nɨ Tarɨ, adzaŋ za abeməntəm azən a ghɨnə nɨ faʼnə, adzaŋ za akɔŋnɨ azən a ghɨ́nɨ́ nɨ faʼnə nɨ adaʼ azɨŋ atsum, abɔʼnɨ adzaŋ za ntsiŋə nɨ ntəm tsum ɨzɨŋ ɨ tɛmnɨ ntɨŋə ngə́ twə́ŋ a nye Maʼmbyí ɨwɨgɨnə Yeso Kristo ghe.

1 Tesalonaika 2:13

Anu zə mɔʼɔ a tsi ɨwu za a ghɨnə ngə́ á bɨgɨ ngǎ a mɨya a mbó Ŋwi nkfu tsum ə. A nkfu za bɨgɨ yénɨ́ nɨ nkən Ŋwi a mbó bən lá, nɨ zúʼ a wɛrə nkɨ mbem a wɛrə, nkeʼ be be tso nkən wa ɨ lonɨ a mbó ŋwɔn mɨsɔŋ a ntsu lá mbe be tso nkən Ŋwi, mbáʼ tsɛʼ a nkənu ɨ kɨnɨ mbe wɛrə ghe. Mbɨ́ʼ ngə́ Ŋwi a faʼə a mu ɨnye ɨtsən, bən wa nɨ nɨŋnɨ mɨntəm ɨmən a nye wɛrə lá.

1 Tesalonaika 3:12

A Maʼmbyí a ghɨ á akɔŋnɨ azən a nye ŋwɔn nɨ ŋwɔn, nkɨ mbe a mbó ŋwɔn tsum a nkwǐ ɨ kwinɨ ntiʼ ngháʼ tso akɔŋnɨ azɨgɨ a nye bɨŋ ə.

2 Tesalonaika 1:3

Ɨbɔmbɨma ɨbɨgɨ, bɨgɨ mɨ zagɨ ghanə a mɨya a mbó Ŋwi nkfu tsum mbɨ́ʼ awɨŋ ə. A kuʼnɨ a mbó bɨgɨ a ngɨə mə lan, mbɨ́ʼ ngə́ abeməntəm azən a kwiə tsɛʼ a nkan, akɔŋnɨ za ŋwɔn nɨ bɨŋ tsum a tsinɨ nɨ zɛrə a nye bə mɔʼɔ a kə́ ngháʼ ɨ ghaʼnɨ ə.

1 Timotyo 1:5

Anu za ntɨgə ziŋ tsinɨ nɨ faʼə a nɨ ngə́ ɨ tsi nɨ ngɨə á ɨnu tsenə ɨ chyɛ; akɔŋnɨ za a fúnə́ a mu ntəm wu fɛmnɨ, ntəm wa ɨ lánɨ́ abɔʼnɨ ngótɨ́ abeməntəm ə.

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.

1 Yoane 4:16

Ma lan, bɨgɨnə zhi nkɨ nɨŋ mɨntəm ɨmɨgɨnə a nye akɔŋnɨ za Ŋwi a tsinɨ nɨ zɛrə a nye bɨgɨnə ghe. Ŋwi a nɨ akɔŋnɨ ə, ɨbɛn ba bɨ tsínə́ a mu akɔŋnɨ, bo chyɛ̌ a mbúm bo bɨ Ŋwi, Ŋwi a kə nchyɛ̌ a mbúm bo bo ghe.