Ɛfɛso 4:12 - Mɨkan wu Fi

¹² Wɛrə a ghɨ́ a məzen lá taŋ ɨ kyaŋtɨ ɨbɛn bɨ Ŋwi a faʼ ɨfaʼ Kristo, taŋ ɨ kyaŋtɨ mbəmnye Kristo za ɨ kɔʼ ntɛm ə.

Ɛfɛso 4:12 Iomraidhean Croise

Alukasɨ 22:32

Lá, ma tsaʼtɨnə a Ŋwi atú gho nə Samɔn, ngə́ á abeməntəm azo a keʼ ghɔgə. Be o ghɨ́ mbə ngyen a bagɨ me, lɨʼtɨ ɨbɔmbɨma ɨbo ə.”

Ɨfaʼ 1:17

Yudasɨ a bé táʼ ŋwɔn abɔʼnɨ bɨgɨ mbɨ́ʼ ngə́ Yeso a tsɔ́ʼ ayi ngə́ á faʼə bɨgɨ bo ghe.”

Ɨfaʼ 1:25

ngə́ á faʼ tso ntom Yeso adiʼ Yudasɨ, wa a nyɛ́ʼtɨ́nɨ́ awɨgɨ ngɛn adiʼ za a kuʼnɨnɨ wəmbo lá.”

Ɨfaʼ 11:23

Wɛrə a ghɨnə ngyén nkón, ndzɛ́n adzaŋ za Ŋwi a fɔ́gɨ́nɨ́ ɨbɛn ba, ndorɨ tsɛʼ nkə. Wɛrə a tíʼ ngwɔŋtɨ awa ngə́ á bo fáʼə nɨ táʼ ntəm a mbó Maʼmbyi nkə́ sóŋə́ tsɛʼ nkənu nkfu tsum ə.

Ɨfaʼ 20:24

Lá, a mbó me, ma lɔgɨ ntsi mbyi ɨzan a nye azúm adaŋədaŋə; ma lǒ tsɛʼ ɨ mɛtɨ za ma funɨ abyɛn a faʼə ɨ kɨ mɛtɨ afaʼ za Maʼmbyí Yeso a ghánɨ́ a mbó me a faʼə ghe. Afaʼ məzen a tsi lá a sóŋ ntəm mbɨ́ʼ Nkən wu Shiʼnɨ mbɨ́ʼ abɔŋəntəm a Ŋwi ə.

Ɨfaʼ 20:28

Ma lan, á nɨ lə atú nɨ ɨtumbəm ɨtsən nkɨ ndə atú a nye ɨbɛn ba bɨ nɨŋnɨ mɨntəm ɨma a nye Kristo ba Azhwi zə Fɛmnɨ a ghanɨ ngə́ á nɨ ndə̌tú nɨ bɛrə lá. A nɨ be bɨntsiŋ mɨnyam a nye ndáŋwi za a nɨ zɨ Ŋwi, za wɛrə a ghɨ́nɨ́ a nye ɨzhi ntsa a ndzum alɛm a Mɔn ɨyi lá.

Ɨfaʼ 9:31

Ma lan, ndáŋwi a mu Yudiya, Galili abɔʼnɨ Samaria tsum tíʼ ntsí nɨ mbɔnɨ ə. A ntsǎ a ndzum akwatɨ Azhwi zə Fɛmnɨ, bo tíʼə nchyɛ̌ a mu aghuʼsɨ a mbó Maʼmbyí, adzaŋ məwen, ndáŋwi ɨ tɛm ntən nkə́ nkwiə a nye ndvuŋ ɨyi ɛ.

Roma 12:5

Ndəŋndəŋ, bɨgɨnə baʼtɨ ngháʼ ɨ ghaʼnɨ lá, mbe táʼ mbəmnye za ɨ tsinɨ a mbúm bɨgɨnə bɨ Kristo, bɨgɨnə bɨtsum chwuʼnɨ a nye ŋwɔn nɨ ŋwɔn tso mbáʼ ɨlam ɨnye táʼ mbəmnye chwuʼnɨnɨ awa lá.

Roma 12:7

be a be ngə́ o faʼ a mbó ɨbɛn, o faʼə, be a be ngə́ o diʼ aŋwaʼnɨ, o diʼə;

Roma 14:19

Ma lan, bɨgɨnə mɨ zagɨ ghɛn nɨ mbyi a ngɨ ɨnu tsa tsɨ yenə nɨ mbɔnɨ abɔʼnɨ tsa tsɨ kwátɨ́nə́ a shintɨ ŋwɔn nɨ ŋwɔn ə.

Roma 15:14

Ɨbɔmbɨma ɨban, me mboŋ ma zhi ɨ shiʼnɨ ngə́ ɨbɔŋ ɨ tsi a nye bən tsɛʼ nkan, nɨ zhi ɨnu tsɨ ghaʼnɨ, nchi kɨ diʼ awən ŋwɔn nɨ ŋwɔn ə.

Roma 15:2

Bɨgɨnə baŋnɨ ngɨ á ɨnye ɨbɔmbɨma ɨbɨgɨnə mbɔ́ŋə́ taŋ ɨ kwatɨ ɨ ghɨ á abeməntəm aza a ntɨ́ŋə́ ghe.

Roma 15:29

A nkfu za ma mɨ yen a ngántɨ́ bən lá, ma zhi ngə́ ɨfɔgə Kristo wa ma mɨ yen nɨ wɛrə ɨ mɨ kɔʼ luŋə.

1 Korɨnto 12:27

Bən bɨtsum lá mbəmnye Kristo, táʼ ŋwɔn nɨ bən a be alam a ɨnye a zɛrə ghe.

1 Korɨnto 12:7

Ŋwi a ghǎ Azhwi azhi a mbó ŋwɔn tsum taŋ á chi lɔgɨ Azhwi məzen ɨ faʼ nɨ zɛrə a nkwátɨ́ ŋwɔn tsum ə.

1 Korɨnto 14:12

Tso mbáʼ nɨ nyə́ŋnɨ́nə́ a nchyɛ́ nɨ ɨdzúm tsɨ ghanɨ tsɨ Azhwi lá, nɨ mɨ zagɨ ɨ zhwəŋtɨ a nye mɨndómɨnji mɨtsum ngə́ nɨ faʼə nɨ tsa tsɨ ghɨnə ndáŋwi kwinɨ ɨ kwinə.

1 Korɨnto 14:14

Mbɨ́ʼ ngə́ be ma tsaʼtɨ a Ŋwi a nye ndóm məwen muŋ tsɛʼ nkan azhwi azan a tsaʼtə a Ŋwi lá akwaʼtɨ azan a keʼ a mu atsaʼtɨ məzen chyɛ.

1 Korɨnto 14:26

Ma lánə́ sóŋə́ lá ngə́ ke le, a ɨbɔmbɨma ɨban? Be nɨ bomnkɨ a ngúʼsɨ́ Ŋwi, á táʼ ŋwɔn a chwa azɔb a nkyi, á wu mɔʼɔ a chwa anu a ndiʼ anu a Ŋwi, á wu tse a kyɛʼ nkən wa ɨ lonɨ a mbó Ŋwi, á wu mɔʼɔ a gham mɨgham mɨ ɨtóm ɨtóm, á wu mɔʼɔ a tiʼ ngwiʼtɨ fɨʼtɨ anu za mɨgham mɨ ɨtóm ɨtóm miŋ sóŋnə́ ghe. A nɨ ngɨ̌ ɨnu tsɛʼ a nye ndóm wa ɨ mɨ ghɨ á ŋwɔn tsum a nkwi ɨ kwinɨ a nye abeməntəm azhi mu ndáŋwi ə.

2 Korɨnto 12:19

A ghagə tsɛrə, a nye nkfu ziŋ tsum, nɨ kwaʼtə ngə́, bɨgɨ zhwə́ŋtə́ lá a nkɨnkɨ ɨtumbəm ɨtsɨgɨ a ɨshi bɨŋ ə. Ngáŋ! Bɨgɨ ghamə lá tsɛʼ adzaŋ za Kristo a mɨ lǒ ngə́ á bɨgɨ gham a ɨshi ɨmɨgɨ Ŋwi ə. Ɨbɔmbɨma ɨbɨgɨ ba bɨgɨ kɔŋnɨ tsɛʼ nkan, anu atsum za bɨgɨ ghɨnə, bɨgɨ ghɨə a zɛrə lá a nkwátɨ́ bɨŋ ə.

2 Korɨnto 13:11

A ndwɨgɨnə nə ɨbɔmbɨma ɨban, fɨlye ɨfɨŋ ə. A nɨ ntǒkə́ ɨ kɔʼ tɛm ngə́ tsáŋ; á nɨ tɛgɨ ɨtú ɨtsən a nye ɨnu tsa ma buʼnɨ mbó a mbó bən mbɨ́ʼ a tsɛrə; á nɨ mbémnə́ bɨŋ bɨ ŋwɔn nɨ ŋwɔn; á nɨ nchyɛ̌ nɨ mbɔnɨ ə. Ŋwi, zɨ wa a ghánə́ akɔŋnɨ abɔʼnɨ mbɔnɨ a mɨ tsi bɨŋ bo ghe.

2 Korɨnto 13:9

Bɨgɨ dórə́ mbáʼ be bɨgɨ ghɔgɨ lá nɨ baŋnɨ ntɨŋə. Bɨgɨ tsaʼtə a Ŋwi ngə́ nɨ ghɨ kɔ́ʼ tɛm ngə́ tsáŋ ə.

2 Korɨnto 3:8

a ghɨ tiʼ be ɨ nə́ mbáʼ afaʼ a mu Azhwi a Ŋwi a ghɨ yen a mu nɨfáŋ nə wi le?

2 Korɨnto 4:1

Ma lan, mbáʼ a nɨ mbɨ́ʼ a mɨlɨŋnɨ Ŋwi mbáʼ bɨgɨ faʼnə afaʼ məzen lá, ka bɨgɨ ntsɛ́gɨ́nə́ awɨgɨ ɨnye ə.

2 Korɨnto 5:18

Ziŋ atsum a lo a mbó Ŋwi, zɨ wa a ntsǎ a ndzum Kristo a kwébtɨ́nɨ́ awɨgɨnə, bɨgɨnə lo a nye ngaŋ kɨban ɨchi ntiʼ bɨson ɨbyi, nkɨ nga afaʼ a mbó bɨgɨnə a ngɨ ɨbɛn bə mɔʼɔ á bo kɨ mbe bɨson ɨbyi ɛ.

2 Korɨnto 6:3

Ka bɨgɨ ntásə́ awɨgɨ ndómnji ŋwɔn tse, taŋ á ŋwɔn tse a keʼ tsənkɨ ɨfaʼ ɨwɨgɨ ə.

2 Korɨnto 7:1

Mbáʼ bɨ ghɨnə ɨkaʼ tsen ɨtsum a mbó bɨgɨnə lá, nə bɨbɔŋ bɨson ɨban, á bɨgɨnə sugɨ ɨtumbəm ɨtsɨgɨnə a nye ɨnu ɨtsum tsa tsɨ ghɨnə mbəmnye nɨ azhwi keʼ fɛ́mə́, ngɨə á nɨfɛm kɔʼ ndon a mu mbɔgɨtɨ Ŋwi ə.

Ɛfɛso 1:23

Ndáŋwi lá mbəmnye wɛrə, za bɨ lwɨgɨnɨ nɨ Kristo, zɨ wa a lwɨ́gɨ́nɨ́ ɨnu ɨtsum adiʼ atsum lá.

Ɛfɛso 4:16

Tso mbáʼ wɛrə a nɨ atú lá, Kristo a ghɨ̌ ɨlam ɨnye tsa ɨtsum bosɨnə adiʼ ziə mɔ́ʼɔ́, mɨkyebɨnɨ ma mɨ tsinɨ a mu mbəmnye za mɨ tiʼə nchíntɨ́ mbəmnye tsum táʼ adiʼ ə. Be a be ngə́ alam a ɨnye atsum a faʼə afaʼ azhi adzaŋ za a benɨ faʼ, mbəmnye tsum mɨ kwi ɨ tən, ɨ tsa a ndzum akɔŋnɨ ə.

Ɛfɛso 4:29

A nɨgham nɨ tɨbɔŋ keʼ a ntsu bən a fúə, á be tsɛʼ nɨgham na nɨ kwátɨ́nə́, abə́ŋ za a ghɨnə ŋwɔn a kwinə, nkwátə́ a fɨ́gɨ́ anu za a bɔŋnɨ, taŋ anu za nɨ sóŋnə́ á ghɨ ɨbɔŋ a mbó ɨbɛn ba bɨ zuʼnɨ awɨŋ ə.

Ɛfɛso 4:4

A tsi táʼ mbəmnye, a kɨ ntsi táʼ Azhwi, tsɛʼ adzaŋ za a tsinɨ táʼ ntsiŋə nɨ ntəm tsum za Ŋwi a tsɔ́ʼnɨ́ awən mbɨ́ʼ a zɛrə lá.

Kolose 1:24

Tɨtsɔŋnɨ ma dórə́ mbɨ́ʼ ngɨ́ʼ za ma zɛ́nə́ mbɨ́ʼ awən, mbɨ́ʼ ngə́ a ntsǎ a ndzum ngɨ́ʼ məzen za ma zɛ́nə́ a mbəmnye me, ma zě ngɨ́ʼ tsum adzaŋ za Kristo a lɔnə ngə́ á ma zɛn mbɨ́ʼ atú azhi, mbe lá ndáŋwi ə.

Kolose 1:28

Ma lan, bɨgɨ sóŋə́ anu a Kristo a mbó ŋwɔn tsum ə. Nɨ zóŋ tsum wa a chinɨ tsi, bɨgɨ kwantə nkə́ ndiʼə awa taŋ ɨ lɔgɨ a ŋwɔn tsum ɨ yen nɨ wɛrə a ɨshi ɨmɨgɨ Ŋwi tso ŋwɔn wa a kwinɨ nkɨ ntsi a mbúm bo Kristo ghe.

Kolose 4:17

A nɨ soŋ a mbó Achibusɨ ngə́, “Zɛn ngə́ o mɛtɨ ɨfaʼ wa bɨ ghánɨ́ a mbó gho a mu afaʼ a Maʼmbyí lá.”

1 Timotyo 1:12

Ma ghǎ a mɨya a mbó Kristo Yeso Maʼmbyí ɨwɨgɨnə, zɨ wa a ghanɨ adaʼ a mbó me a faʼ ɨfaʼ ɨghə. Ma ghǎ a mɨya a mbó zɨ adzaŋ za wɛrə a lɔgɨnɨ aghan tso ŋwɔn wa a faʼnə tsɛʼ nɨ táʼ ntəm, nkɨ ndzɔŋ ntsɔʼ aghan ngə́ á ma be ngaŋ afaʼ ɨzhi,

2 Timotyo 4:11

A tsi tsɛʼ Alukasɨ bɨgɨ zɨə. Lɔgɨ a Marɨkusɨ á bɨŋ zɨ yen mbɨ́ʼ ngə́ wɛrə a chi kwatɨ aghan nɨ afaʼ ziŋ ə.

2 Timotyo 4:5

Lá o tsi nɨ nchwatɨ ɨnye ɨzo a nye ɨnu ɨtsum; ɨ chigɨ ntəm a mu ndze ngɨ́ʼ, ɨ faʼ afaʼ a ngaŋ ɨsoŋ nkən wu shiʼnɨ, ɨ kɨ faʼ ɨfaʼ ɨgho ɨtsum tso ngaŋ afaʼ Ŋwi ə.

Ɛbal 13:17

A nɨ ndzúʼnɨ́ ɨbɛn ba bɨ tsagɨnɨnə a ngɨ ɨnu tsa bo sóŋnə́ ngə́ á nɨ ngɨə; mbɨ́ʼ ngə́ bo lə̌tu nɨ bɨgharɨ ɨbən tso ɨbɛn ba bo ghɨnɨ fɨʼtɨ a mbó Ŋwi adzaŋ za bo fáʼnɨ́ ɨfaʼ ɨwa ghe. Be nɨ ndzúʼnə́ awa muŋ bo mɨ faʼnɨ ɨfaʼ ɨwa nɨ nɨdorɨ; ntú lá be muŋ bo mɨ faʼnə nɨ adzə́ŋnɨ, á məzen a keʼ nɨ akwatɨ zə tsɛrə a mbó bən chyɛ.

Ɛbal 6:1

A bɨgɨnə fu a mu ɨnu tsɨ biʼnɨnɨ tsɨ ɨnu tsa bɨ diʼnə mbɨ́ʼ a Kristo ngɛn nɨ mbyi nɨ ndiʼ ɨnu tsa bɨ diʼnɨ bɨləmə nɨ tsɛrə ghe. Bɨgɨnə keʼ bə ngɛn mbvurɨ ntsi tsɛʼ a ndiʼ ɨbɛn ngə́ á bɨ furɨ ndzum ɨtsa a ngɨ ɨkfurɨ ɨfaʼ abɔʼnɨ ɨ nɨŋ mɨntəm ɨma a nye Ŋwi;