Ɛfɛso 4:10 - Mɨkan wu Fi

¹⁰ Lá be ngə́ ŋwɔn wa a shíʼnɨ́ ngyén atuəshe a nɨ ndəŋndəŋ ŋwɔn wa a kɔ́ʼnɨ́ ngɛ́n atɨ́ ntsa fəŋ fɔməbvurə, ntiʼ ntsi ɨdiʼ ɨtsum a mu mbyi-mbyi tsum ə.

Ɛfɛso 4:10 Iomraidhean Croise

Matyo 24:34

Tsɛʼ a nkənu, ma sóŋə́ awɨŋ ə, nɨwə nə sɨŋə wɛnə mɨ keʼ lwitɨ tɨkə ɨnu tsiŋ ɨtsum fuə.

Alukasɨ 24:44

A tíʼ sóŋ a mbó bo ngə́, “Nə nɨ ɨnu tsa ma sóŋnɨ́ a mbó bən mbáʼ ma bvúrɨ́nɨ́ ntsi bɨgɨnə lá: anu atsum za bɨ ŋwáʼnɨ́nɨ́ a mu Nyɔngɔŋ Mǒse, ɨnu tsa ntóm Ŋwi ŋwáʼnɨ́nɨ́ ndzɔŋ nkwiʼtɨ a tsa bɨ ŋwáʼnɨ́nɨ́ a mu bɨsalms lá, ɨ ghɨ́ ntsí nɨ ɨ fuə a nye anu ə.”

Yoane 1:16

Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Yoane 19:24

Bɨgwe ba sóŋ a mbó ŋwɔn nɨ ŋwɔn ngə́, “Bɨgɨnə keʼ a zɛrə abagɨ abagɨ yɛbtə; bɨgɨnə maʼ ndzɔʼ a njí ŋwɔn wa a mɨ tsi nɨ zɛrə ghe.” Məzen a fú lá taŋ ɨ kɔʼ bomnkɨ bo anu za aŋwaʼnɨ a Ŋwi a kwɛ́nə sóŋ ngə́: “Bo yɛ́btɨ́ ɨtsɛʼ ɨtsan a tɨtərɨ bo, ɨ maʼ ndzɔʼ a nchyɛ́ nɨ tɔgɨ ɨghə.” Nə nɨ anu za bɨgwe ba ghɨ́nə́.

Yoane 19:28

Məzen a ghɨnə ntsá, Yeso a zhí a nyom məwa ngə́ ɨnu ɨtsum tsa tsɨ tsínɨ́ nɨ ɨ fuə taŋ á kɔʼ mbom bo za aŋwaʼnɨ a Ŋwi a kwɛ́nə soŋ tsɨ fúnə ghe. Wɛrə a tíʼ sóŋ ngə́, “Nji nkyi ɨ zaŋə aghə.”

Yoane 19:36

Bɨ ghɨ́ a məzen lá taŋ á kɔʼ mbom bo za aŋwaʼnɨ a Ŋwi a kwɛ́nə soŋ ngə́, “Kə́ tsɛʼ táʼ akwɛn ɨyi a ghɨ keʼ bɛʼnə.”

Ɨfaʼ 1:11

ɨ soŋ ngə́, “Ɨbɛn bɨ Galili, nɨ tɛm adiʼ wa ndyǐŋ atɨ́ lá mbɨ́ʼ ake le? Yeso wen wa Ŋwi a lɔgɨnɨ a mbó bən nkɔʼ ngɛn zɨ wɛrə a fɔməbvurə lá, a ghɨ bə yen a mbó bən tsɛʼ a nye ndóm wa nɨ zɛnɨ a kɔ́ʼə ngěn lá.”

Ɨfaʼ 1:9

A mɛtɨnə a sóŋ məzen, Ŋwi a lɔgɨ ayi a fɔməbvurə, ntóm Yeso tsa tɛm ndyiŋə ayi, mbaʼ ɨ nkubɨnɨ ayi, bo chi keʼ ayi bə nkwiʼ ndze.

Ɨfaʼ 2:33

Ŋwi, Ta ɨyi, a tsɔ́ʼ ayi nkɔʼ ngɛn nɨ zɨ a bagɨ abó zɨ zə maʼə ghe. Yeso a kɨnə nkɨ nkwarɨ Azhwi zə Fɛmnɨ a mbó Tarɨ, adzaŋ za wɛrə a káʼnə́. Za nɨ zɛ́nə́ tɨtsɔŋnɨ nkə́ ndzúʼə lá, a nɨ azúm zə ghanɨ zə Yeso za a ghanɨ a mbó bɨgɨ ə.

Ɨfaʼ 3:18

Ŋwi a chwítɨ́ a ngúʼə ngúʼə ntsa a ndzum ntóm Ŋwi ɨtsum ngə́ Wa bɨ Zɔ́ʼnɨ́ ɨyi wa mɨ ze ngɨ́ʼ; a kɨ́ ngɨ a fu a nye nkənu ə.

2 Korɨnto 12:2

Ma zhi a ŋwɔn tse wa a zɔŋnə a Kristo ghe. A nɨ ɨlom nɨghúm ntsɔb nɨkwa mbáʼ bɨ yánɨ́ ayi nkɔʼ ngɛn nɨ zɨ a fɔməbvurə atú atəntsánɨ́ ə (Ma sa zhi ngə́ anu məzen a lánɨ́ fú tsɛʼ a nkənu, kə ngə́ wɛrə a zɛ́n be ndzɛm nəzhwɨgɨnɨ ə — a zhi tsɛʼ Ŋwi njiɛ).

Ɛfɛso 3:19

Nɨ chi ghɨ zhi akɔŋnɨ azhi ɨ tiʼ kɨ be tso Ŋwi a nye mɨndóm mɨtsum — le buŋ bɨ chi láʼ keʼ zhi a zɛrə ɨ ghɛn mɛtə.

Kolose 1:19

Mbɨ́ʼ ngə́ a bé lá a ntsǎ a ndzum ntsɔʼ a mu ntəm Ŋwi zɨmboŋ mbáʼ Mɔn ɨyi a benɨ tso Ŋwi a nye mɨndóm mɨtsum ə

Kolose 2:9

Mbɨ́ʼ ngə́ mbě Kristo tso ŋwɔn mɨsɔŋ a ntsu a nye mɨndóm mɨtsum sé kwebtɨ a nye mbě Ŋwi ə.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

Ɛbal 4:14

Tso mbáʼ bɨgɨnə tsinɨ nɨ ntumshe wu ngwi, Yeso, Mɔn Ŋwi, zɨ wa a ghɛnə adiʼ wa Ŋwi a tsinɨ ɨwu lá, á bɨgɨnə chwa anu za bɨgɨnə nɨŋnɨ mɨntəm ɨmɨgɨnə ɨwu lá, ɨ shiʼnɨ ə.

Ɛbal 7:26

Yeso a tiʼ mbe ntumshe wu ngwi wa a ghánə́ atsum za bɨgɨnə lɔnə a mbó bɨgɨnə ghe. Wɛrə a fɛmə; nkeʼ nɨ ɨfənu tse tsi kə ɨbvu ə; bɨ tsɔʼ ayi ntɛgɨ a tsi atú zɨ nkeʼ a tɨtərɨ ngaŋ ngɨ mɨbvu tsi, bɨ chwem ayi atú abərɨ zə wi a fɔməbvurə ghe.

Ɛbal 8:1

Tɨtsɔŋnɨ, nkɔʼ anu za bɨgɨ sóŋnə́ lá a nɨ ngə́: bɨgɨnə tsi nɨ ntumshe wu ngwi wen wa a shiʼtɨnɨ ntsi a bagɨ abó abərɨ a Ŋwi Akɔ́ʼɔ́ntsɨrə zə maʼə a fɔməbvurə ghe.