Ɛfɛso 4:1 - Mɨkan wu Fi

¹ Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

Ɛfɛso 4:1 Iomraidhean Croise

Ɨfaʼ 9:31

Ma lan, ndáŋwi a mu Yudiya, Galili abɔʼnɨ Samaria tsum tíʼ ntsí nɨ mbɔnɨ ə. A ntsǎ a ndzum akwatɨ Azhwi zə Fɛmnɨ, bo tíʼə nchyɛ̌ a mu aghuʼsɨ a mbó Maʼmbyí, adzaŋ məwen, ndáŋwi ɨ tɛm ntən nkə́ nkwiə a nye ndvuŋ ɨyi ɛ.

Roma 11:29

Mbɨ́ʼ ngə́ ka Ŋwi a nkwébtə́ ayi ntəm ɨyi a nye ŋwɔn wa a tsɔʼnɨ kə ɨfɔgɨ ayi ɛ.

Roma 12:1

Ma lan, ma tiʼə mbǔʼ mbó a mbó bən nə ɨbɔmbɨma ɨban, mbɨ́ʼ a mɨlɨŋnɨ wu ngwi wa Ŋwi a tsinɨ nɨ wɛrə a nye bɨgɨnə, ngə́ nɨ gha ɨtumbəm ɨtsən a mbó Ŋwi tso mɨtsuʼnɨ mɨ atú ma mɨ tsinɨ ntən, ɨ fɛm nkə́ ngɨə ɨnye Ŋwi bɔŋənə ghe. Nə nɨ ngótɨ́ aghuʼsɨ za nɨ tsinɨ nɨ nga a mbó Ŋwi ə.

1 Korɨnto 4:16

Ma nyíʼtə́ awən ngə́ á nɨ nyíʼsə́ aghə.

2 Korɨnto 10:1

Baolo, me mboŋ, ma bǔʼ mbó a mbó bən ntsa a ndzum Yeso Kristo wa a bɔnɨnɨ nkə́ ngɨ̌ ɨbɔŋ — me wa bɨ soŋnɨ ngə́ ma ghɨ ntsí a tɨtərɨ bən ma bɔgɨnɨ ngamə lá ntsi nɨ ntəm wu faŋnɨ a ngamə a mbó bən mbáʼ ma sa abɔʼnɨ bən tsi lá.

2 Korɨnto 5:20

Tiʼ ndzɛn lá, bɨgɨ wen, tiʼə ngamə a nkfu Yeso Kristo tsɛʼ tso ngə́ Ŋwi zɨmboŋ a bǔʼ mbó a mbó bən ntsǎ a ndzum bɨgɨ ə. Bɨgɨ bǔʼ mbó a mbó bən, a nkfu Kristo, ngə́ á Ŋwi a kwebtɨ awən, á nɨ lo a nye ngaŋ kɨban ɨchi, ntiʼ mbe bɨson ɨbyi ɛ!

2 Korɨnto 6:1

Ma lan, mbáʼ bɨgɨ faʼnə abó mɔ́ʼɔ́ bɨgɨ bɨ Ŋwi lá, bɨgɨ bǔʼ mbó a mbó bən ba nɨ kwarɨnə abɔŋəntəm a Ŋwi ngə́ á nɨ keʼ a zɛrə atú adaŋədaŋə kwarə.

Galesha 4:12

Ma buʼ mbó a mbó bɨŋ ə, ɨbɔmbɨma ɨban, á nɨ be tso me ghe. Mbɨ́ʼ ngə́ ma kɨnə nkɨ ntiʼ mbe tso bɨŋ ə. Ka nɨ fə awɨŋ anu zə tsɛrə a nye me ghe.

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Ɛfɛso 3:1

Mbɨ́ʼ a məzen, me Baolo, ma nɨ ngaŋ atsáŋ mbɨ́ʼ ɨfaʼ ɨghan a mbó Kristo Yeso mbɨ́ʼ atú azɨŋ ɨbɛn ba nɨ se bə Yuda be ə.

Ɛfɛso 4:17

Nɨ ɨkum Maʼmbyí, ma tiʼə nkwantə awɨŋ ə: njimbɨʼ nɨ bvurə ngěn nɨ mbyi nchyɛ̌ tso ba a se bə Yuda be, mbáʼ ɨkwaʼtɨ ɨtsa nɨ tsɛʼ ɨnu adaŋədaŋə,

Ɛfɛso 4:4

A tsi táʼ mbəmnye, a kɨ ntsi táʼ Azhwi, tsɛʼ adzaŋ za a tsinɨ táʼ ntsiŋə nɨ ntəm tsum za Ŋwi a tsɔ́ʼnɨ́ awən mbɨ́ʼ a zɛrə lá.

Ɛfɛso 5:2

Akɔŋnɨ a tsi nɨ ntsɨŋnɨ ntsi mbyi ɨzən, tso mbáʼ Kristo a kɔ́ŋnɨ́ awɨgɨnə, nga ntsi mbyi ɨzhi tso mɨtsuʼnɨ mɨ atú a nkfu bɨgɨnə tso akáŋ a Ŋwi za nyúʼtɨ́nɨ́ ɨ shiʼnɨ, ngɨə ɨnye Ŋwi bɔŋənə lá.

Filibi 1:27

Tɨtsɔŋnɨ, anu za a dɨtɨnɨ a nɨ ngə́ á ntsi mbyi ɨzɨŋ tsi ndzɔ̌ŋ adzaŋ za nkən wu shiʼnɨ wu Kristo lɔnə ghe. Adzaŋ məwen, kə ma chi yen ze awən kə ngáŋ, muŋ ma mɨ zuʼ ngə́ nɨ tɛm ntɨŋə ngə́ twə́ŋ a mu táʼ anu za nɨ lɔnə, nkɨ mbe ngə́ nɨ táʼ anu za nɨ lɔnə, nɨ tókə́ a mbúm mbɨ́ʼ abeməntəm za ɨbɛn ba bɨ nɨŋnɨ mɨntəm ɨma a nye nkən wu shiʼnɨ tsinɨ nɨ zɛrə ghe.

Filibi 3:14

Ma lan, ma kɨə ngěn tsɛʼ adiʼ za ma mɨ yɛʼ nkaŋ taŋ ɨ tsi nɨ akyaŋə za, mbe lá adzaŋ za Ŋwi a tɔŋnɨ aghan a fɔməbvurə a mu ntsi ntən ntsa a ndzum Kristo Yeso ghe.

Kolose 1:10

Nɨ mɨ chi tiʼə tsinə adzaŋ za Maʼmbyí a lɔnə ɨ kə́ gháʼə ghɨnɨ ɨnu tsa tsɨ ghɨnə ɨnye wɛrə bɔŋənə ghe. Ntsi mbyi ɨtsɨŋ mɨ fɨgɨ ɨbə́ŋ ngɨnɨ mɨnu mə shiʼnɨ mɨtsum ə. Nɨ mɨ kɨ kwi a mu azhyɛ a Ŋwi azɨŋ ə.

Kolose 2:6

Tso mbáʼ nɨ bemnə a Kristo Yeso tso Maʼmbyí lá, á nɨ nchyɛ̌ a mbúm bɨŋ bo ghe.

Kolose 4:12

Ebafrasɨ a kə́ ntɔ́ŋtə́ awɨŋ ə. Wɛrə nɨ táʼ ŋwɔn a mu ngǒtə ɨzən nkɨ mbe ngaŋ afaʼ Kristo Yeso ghe. Wɛrə a tsaʼtə a Ŋwi tsɛʼ nɨ ntəm ɨyi ɨtsum nkfu tsum mbɨ́ʼ awən, ndɔ́ntə́ a mbó Ŋwi ngə́ á wɛrə a ghɨ á nɨ tɛm ntɨŋə ngə́ twə́ŋ, nkwi, nkeʼ nɨ aməŋnɨ zə tsɛrə nyam ntsi mbɨ́ʼ ɨnɨŋ mɨntəm ɨzɨgɨnə a nye Kristo, nkɨ ntsi a mu ndzuʼnə a nɨ́lónɨ́ anu za Ŋwi a lɔnə ghe.

1 Tesalonaika 2:12

Bɨgɨ wɔ́ŋtɨ́ awən, ndɛtɨ mɨntəm ɨmən nkeʼ kɨ nkyɛntɨ a nyíʼtɨ́ bən ngə́ á nɨ tsi nɨ abə́ŋ a ntsi mbyi za a ghɨnə ɨnye Ŋwi bɔŋənə, zɨ wa a tɔ́ŋnə́ awən ngə́ á nɨ yen nkɨ ntsi a mu Nɨfɔ ɨni abɔʼnɨ nɨfáŋ ɨni lá.

2 Tesalonaika 1:11

Nə nɨ anu za bɨgɨ tsaʼtɨnə a Ŋwi mbɨ́ʼ awən nkfu tsum lá. Bɨgɨ lɔ́ntə́ a mbó Ŋwi ɨwɨgɨnə ngə́ á wɛrə a ghɨ á ntsi mbyi ɨzɨŋ kɔʼ nkuʼ ndvuŋ wa a tsɔʼnɨ awən ngə́ á nɨ tsi nɨ wɛrə ghe. A Ŋwi a ghɨ, ntsa a ndzum mɨtən ɨmyi, ngə́ á ɨnu tsɨ shiʼnɨ ɨtsum tsa nɨ lɔnɨ ngɨə á tsɨ fu, ɨ kɨ ghɨ ngə́ á ɨfaʼ ɨwən a mu abeməntəm kɔʼ nduŋə.

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

Tɨ́tósɨ 2:10

kə ɨ ŋwǎ ɨdzúm ɨtsa ghe. Bo tsi nɨ ɨ baŋnɨ diʼ be ngə́ bo bɔŋ nkə́ faʼə tsɛʼ nɨ táʼ ntəm taŋ a nye ɨnu ɨtsum tsa bo ghɨnə, bo mɨ yen nɨ ɨkum wu shiʼnɨ a nye ɨnu tsa bɨ diʼnə mbɨ́ʼ a Ŋwi Ndoŋ ɨwɨgɨnə lá.

Ɛbal 13:21

á Ŋwi a gha awən nɨ azúm atsum zə shiʼnɨ za a kuʼnɨnɨ a ngɨ za wɛrə a lɔnə ghe. A wɛrə, a ntsǎ a ndzum Yeso Kristo a ghɨ a nye bɨgɨnə a za a bɔŋnə ayi; á nɨfáŋ tsi a mbó Kristo nɨnkoŋ ə. A be lá.

Ɛbal 3:1

Ma lan nə ɨbɔmbɨma ɨban a ndzum Kristo, bən ba Ŋwi a kɨnɨ nkɨ ntsɔʼ awən lá, á nɨ tɛgɨ ɨmɨgɨ ɨmən ɨ shiʼnɨ a Yeso məwiŋ ə. A nɨ zɨ wa Ŋwi a tságɨ́nɨ́ ngə́ á be ntumshe wu ngwi wu anu za bɨgɨnə nɨŋnɨ mɨntəm ɨmɨgɨnə ɨwu lá.

1 Bita 2:11

Bɨson ɨban, ma bǔʼ mbó a mbó bən tso ɨbɛn ba bo nɨ bɨngyen-yenɨ bɨ atuəshe abɔʼnɨ ɨbɛn ba bɨ tumnɨ nɨ fɨnyaʼ ntsagɨ atuəshe ə! A nɨ tsɔʼ mɨntəm ɨmən a nye ɨnu tsa mbəmnye lɔnə, ɨnu tsa tsɨ tónɨ́ ntso bo bɨ gharɨ ɨwən nkfu tsum lá.

1 Bita 3:9

A nɨ keʼ ntfútɨ́ mbɔʼ anu zə tɔmnɨnɨ nɨ anu zə tɔmnɨnɨ, kə ndɔʼə nɨ ndɔʼə ghe. A nɨ mbáŋnə́ ntfútə́ nɨ ɨfɔgə, mbɨ́ʼ ngə́ ɨfɔgə nɨ azúm za Ŋwi a káʼnɨ́ awən nɨ zɛrə a nkfu wa wɛrə a tsɔ́ʼnɨ́ awən lá.

1 Bita 5:10

Lá mbáʼ nɨ zɛnɨ ngɨ́ʼ a nye məkum a nkfu, Ŋwi, zɨ wa a diʼnə abɔŋəntəm azhi nkfu tsum, zɨ wa a tsɔʼnɨ awən ngə́ á nɨ kɨ ntsi a mu nɨfáŋ ɨni nə nɨnkoŋ, a mbúm bɨŋ bɨ Kristo, zɨmboŋ a mɨ ghɨ á nɨ kɔʼ ntəm ngə́ tsáŋ, ɨ kɨ ghɨ á nɨ tɛm nkeʼ nchíʼnə́, ɨ tsi nɨ adaʼ, ɨ kɨ ghɨ á mɨngaŋ ɨmɨŋ shwi a ɨshe ə.

2 Bita 1:3

Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.

2 Yoane 1:5

Ma lan, ma soŋ a mbó gho nɨmo, ngə́: á bɨgɨnə kɔŋ a ŋwɔn nɨ ŋwɔn ə. Zɛnə ka ɨ be ayi ntɨgə zɨ fi zɨ tse za mbáʼ ma ŋwaʼnɨnə a mbó gho; a nɨ ntɨgə za bɨgɨnə kwɛ́nə ntsi nɨ zɛrə ndɔgɨnɨ a mbiʼnə ghe.