Ɛfɛso 3:9 - Mɨkan wu Fi

⁹ Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

Ɛfɛso 3:9 Iomraidhean Croise

Matyo 10:27

Anu za ma fɨʼtɨnə a mbó bən a ndzumnɨ nɨ tsi nɨ ɨ zagɨ soŋ a zɛrə a ntɨŋə azhwɨgɨnɨ, anu za nɨ zuʼnɨ a nkubə nɨ tsi nɨ ɨ tiʼə chwítɨ́nə a zɛrə be a mɨtan ə.

Matyo 13:35

A kə́ ngɨə mə lan lá taŋ á kɔʼ mbomnkɨ bo ɨnu tsa ntom Ŋwi kwɛ́nə́ soŋ ngə́: “Ma mɨ tɨ ghamə a mbó bo ɨ na nɨgham, ma mɨ soŋ ɨnu tsa bɨ kwɛ́nɨ́ ndwɛ́ʼ a mbó bo nchwuʼnɨ nkfu za Ŋwi a káʼnɨ́ mbyi ɛ.”

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Matyo 28:19

Tiʼ ngɛnə lá, a mbó ɨbɛn bɨtsum ɨdiʼ ɨtsum, ngɨ awa a nye bɨyɛʼ ɨban: ngǎ nkyi a mbó bo nɨ ɨkum Tarɨ, nɨ wu Mɔn, nɨ wu Azhwi zə Fɛmnɨ,

Alukasɨ 24:47

Nɨ ɨkum ɨyi, bɨ mɨ zagɨ laʼ nkən mbɨ́ʼ mbəŋ ntəm a nye mɨbvu ɨ tsi a bagɨ Ŋwi abɔʼnɨ ndɨgɨnɨ mɨbvu a mbó ɨlaʼ ɨtsum, ɨ biʼnɨ a Yerosalɛm ə.

Yoane 10:30

Bɨgɨ Tarɨ nɨ táʼ azúm ə.”

Yoane 5:17

Yeso a chwɨ́gɨ́ awa ngə́, “Ta ɨghan a faʼə tsɛʼ nkfu tsum ə, ma tsi nɨ ɨ zagɨ ɨ kə́ faʼnə ghe.”

Yoane 5:19

Yeso a chwɨ́gɨ́ a mbó bo ngə́, “Ma soŋ nkənu a mbó bɨŋ ə; Mɔn Mbáŋnɨ́ a chi keʼ anu zə tse nɨ atú azhi ghɨə; a ghɨə tsɛʼ anu za a zɛ́nə́ Ta ɨyi a ghɨnə ghe. Anu za Tarɨ a ghɨnə, Mɔn Mbáŋnɨ́ a kə́ ngɨə ghe.

Ɨfaʼ 15:18

Nə nɨ anu za me Maʼmbyí a soŋnɨ, me wa ma ghɨ́nɨ́ bɨ zhi a məzen nchwuʼnɨ a ngúʼə ngúʼə lá.›”

Roma 11:25

Ɨbɔmbɨma ɨban, ma lǒ ngə́ á nɨ zuʼ nkɨ nji a məziŋ nkənu za ɨ tsinɨ a nkubə lá, mbɨ́ʼ nɨ kwaʼtɨ ngə́ nɨ tsi nɨ zóŋ be tɨsɨŋə. Ɨ nɨ ngə́, atɨŋətú a bə Yuda mɨ keʼ ghɔŋ nɨnkoŋ ə, a mɨ tsi ɨ kɔʼ kuʼ tsɛʼ a nkfu za ba a se bə Yuda be bɨtsum mɨ yen a mbó Ŋwi ə.

1 Korɨnto 2:7

Lá zóŋ wa bɨgɨ chwítɨ́nə́ a nɨ zóŋ Ŋwi wa a tsinɨ a nkubə, zóŋ wa wɛrə a kwɛ́nə ndɛn bɔŋ ɨ káʼ atuəshe a ngá nɨfáŋ ɨnɨgɨnə a mbó bɨgɨnə ghe.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Ɛfɛso 3:2

Ma kwaʼtɨ ngə́ nɨ zagɨnə ndzuʼ ngə́ Ŋwi, a mu abɔŋəntəm azhi, a ghanə afaʼ zen a mbó me mbɨ́ʼ ɨbɔŋ ɨwɨŋ ə.

Ɛfɛso 6:19

A nɨ kə́ ntsáʼtə́ a Ŋwi mbɨ́ʼ aghan, taŋ á Ŋwi a gha nkən a mbó me a nkfu za ma tsinɨ nɨ ngamə, taŋ á ma tiʼ soŋ a wɛrə tɨ nɨbɔgɨ, ɨ kɨ kyɛʼ anu za a tsinɨ a nkubə a mu nkən wu shiʼnɨ ə.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

Kolose 1:26

Nkən məwiŋ lá anu a nkubə za wɛrə a lwɛ́ʼnɨ́ nchwuʼnɨ a lɔʼkwam, a ndɔgɨnə a nye nɨwə ɨ kon a nye nə mɔʼɔ, lá tɨtsɔŋnɨ wɛrə a kyɛʼnə a zɛrə a mbó ɨbɛn ɨbyi lá.

Kolose 3:3

Mbɨ́ʼ ngə́ nɨ kfokɨnə, bɨ lwɛʼ ntsi mbyi ɨzɨgɨnə a mbúm bɨgɨnə bɨ Kristo a ɨshi ɨmɨgɨ Ŋwi ə.

Kolose 4:3

A nɨ kə́ ntsáʼtə́ a Ŋwi mbɨ́ʼ awɨgɨ, taŋ á Ŋwi a gha abárɨ́ a mbó bɨgɨ a sóŋ nkən ɨyi mbáʼ ɨ ghamnə lá mbɨ́ʼ anu a nkubə zə Kristo ghe. Mbɨ́ʼ ngə́ a nɨ mbɨ́ʼ a zɛrə mbáʼ ma tsinɨ atsáŋ tɨtsɔŋnɨ ə.

2 Tesalonaika 2:13

Ɨbɔmbɨma, bɨgɨ mɨ zagɨ ghanə a mɨya a mbó Ŋwi nkfu tsum a nkfu bən, bən ba Maʼmbyí a kɔŋnɨ lá. Mbɨ́ʼ ngə́ Ŋwi a tsɔ́ʼ awən tso bɨtsa bɨ mbyi ba bɨ lóŋnɨ́ awa ntsa lá a ndzum Azhwi zə Fɛmnɨ nkɨ ntsa a ndzum abeməntəm azən a nye nkənu taŋ ɨ ghɨ awən a nye ɨbɛn ɨbyi bə fɛmnɨ ə.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

2 Timotyo 4:17

Lá Maʼmbyí a tsí bɨgɨ zɨ, nkɨ nga adaʼ a mbó me, adzaŋ məwen, ma tsí nɨ adaʼ a nchwítɨ́ nkən wu shiʼnɨ wa tsɛʼ ɨtsum á ba a se bə Yuda be bɨtsum zuʼə; ma lan, bɨ ghángə́ bɨ soŋə ngə́ ma vwo ɨsáʼ, bɨ tsi nɨ njwitɨ me, lá wɛrə a fɨ́gɨ́ aghan a mu məziŋ ə.

Tɨ́tósɨ 1:2

ndóm məwen wa bɨgɨnə zhinɨ a Ŋwi a nɨ wɛrə wa ɨ ghɨnə bɨgɨnə tsinə nɨ ntsiŋə nɨ ntəm tsum ngə́ bɨgɨnə ghɨ tsí nɨ ntsi ntən nɨnkoŋ ə. Ŋwi, zɨ wa a se ɨnu a nchwě, a káʼ awɨgɨnə nɨ ntsi ntən məzen bɔŋ á Ŋwi a káʼ atuəshe ə.

1 Bita 1:20

Bɨ tsɔ́ʼ a wɛrə bɔŋ á Ŋwi a kaʼ atuəshe, nkɨ nkyɛʼ ayi a nye njwi ntsɨrɨndzum tsen lá mbɨ́ʼ atú azɨŋ ə.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 14:6

Ma tíʼ ndzɛ́n ntsendá Ŋwi zɨ mɔʼɔ ɨ linə atɨ́ atɨ́ a mu ɨfɛgɨ, nɨ nkən wu shiʼnɨ wa ɨ ghɨnɨ ghɔ́ŋ nɨnkoŋ ə. Ɨ kə́ ngěn a nchwítɨ́ wɛrə a mbó ɨbɛn bɨ atuəshe, ngwəgɨ ŋwɔn mɨsɔŋ a ntsu tsum, atsé zə wi atsum, nɨgham nɨtsum bo ɨlaʼ ɨtsum ə.

Nkyɛʼə 17:8

Ɨnyam mɨbaʼ za kwɛ́ ntsi ntɨŋə, lá ka ɨ bvurɨ ntsi ayi atú ntɨŋə; ɨ tsi a ndóm a fuə a mu abɨ́ a kfúrɨ́mándzó, ɨ kɔʼ ghɛn á bɨ tsənkɨ ayi ɛ. Ɨbɛn ba bɨ tsínə́ atuəshe mbáʼ bɨ bvúrɨ́nɨ́ tɨ ŋwaʼnɨ mɨkum ɨma bɔŋ á bɨ káʼ mbyi, a mu aŋwaʼnɨ a ɨbɛn ba bɨ ghɨnɨ tsi ntən, a mɨ kɨʼnɨ awa bɨtsum adzaŋ za bo lenə ɨnyam mɨbaʼ za. Ɨ kwɛ́ ntsi ntən nkfu tsɛrə; tɨtsɔŋnɨ ka ɨ bə mbvurɨ ayi, lá ɨ ghɨ bə fu a ɨshe ə.

Nkyɛʼə 4:11

“Maʼmbyí ɨwɨgɨ nkɨ mbe Ŋwi ɨwɨgɨ! O tsi nɨ ɨlɨŋ a nkwárɨ́ nɨfáŋ, nkɔʼsə atɨ́ abɔʼnɨ mɨtən ə. Mbɨ́ʼ ngə́ o káʼ ɨdzúm ɨtsum, a ntsǎ a ndzum adzaŋ za o kɨ́nə́ ndǒ, taŋ á tsɨ tsi ɨwu nkɨ tsi nɨ ntsi ntɨŋ ə.”