Ɛfɛso 3:8 - Mɨkan wu Fi

⁸ Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Ɛfɛso 3:8 Iomraidhean Croise

Alukasɨ 14:22

Mɨmboŋnɨ ŋwɔn afaʼ wa a sóŋ ngə́, ‹Tə̧, ma ghɨnə tsɛʼ adzaŋ za o soŋnɨ lá, lá abárɨ́ a bvurɨ ntsi a nkwiʼtɨ ɨbɛn ə.›

Yoane 1:16

Mbɨ́ʼ abɔŋəntəm azhi za a tsinɨ a nɨ́lónɨ́, wɛrə a fɔgɨnə awɨgɨnə bɨtsum, ɨfɔgɨ ghěnə zɨ mɔʼɔ zɔŋənə ghe.

Ɨfaʼ 5:41

Adzaŋ za ntóm Yeso lónɨ́ a ɨshi Ngaŋ Sáʼ Abyɛn lá, bo dórɨ́ mbɨ́ʼ ngə́ Ŋwi a zɛ́n ngə́ bo kúʼnɨ́ a nkwárɨ́ adɨrətú mbɨ́ʼ atú a Yeso ghe.

Ɨfaʼ 9:15

Maʼmbyí a sóŋ wəmbo ngə́, “Ghen, mbɨ́ʼ ngə́ ma tsɔʼnə ayi ngə́ á wɛrə a faʼ a mbó me, a ngɨə ngə́ á ba a se bə Yuda be, bɨfɔ abɔʼnɨ bə Yuda zhi ɨkum ɨghə.

Roma 11:33

Afuʼ a Ŋwi a ghaʼ be tɨsɨŋə! Zóŋ ɨyi bo azhyɛ azhi shwi be tɨsɨŋə. Ɨwa chi fɨʼtɨ ɨnu tsa wɛrə a tsɔ́ʼnə́ a mu ntəm zɨ le? Ɨwa ŋwɔn chi zhi ngɨnɨ mɨnu ɨmyi le?

Roma 12:10

nkɔŋnɨ awən bən nɨ bən nɨ táʼ ntəm; á nɨ nkɔ́ʼsɨ́ ɨbɛn bə mɔʼɔ atɨ́ ntsa ɨtumbəm ɨtsɨŋ ə.

Roma 2:4

Kə aghagɨ a tsɛrə o wágɨ́nɨ́ ɨbɔŋ wu wi wa Ŋwi a ghɨnə, achigəntəm azhi abɔʼnɨ nchigə ɨzhi ɛ. Tsɛʼ a nkənu, o zhi ngə́ ntəm Ŋwi a nɨ wa ɨ ghɨnə tsɛʼ ɨbɔŋ ə, mbɨ́ʼ ngə́ wɛrə a ghɨ̌ ɨnu ɨtsum a ndzé ngə́ o bəŋ ntəm ɨgho a nye mɨbvu ɨmo.

1 Korɨnto 1:30

Lá Ŋwi a chintɨ awən a mbúm bɨŋ bɨ Kristo Yeso, ntiʼ ngɨ a Yeso a nye zóŋ ɨwɨgɨnə ghe. Bɨgɨnə tiʼ nchinɨ ntsa a ndzum wɛrə; ntiʼ ɨbɛn bɨ Ŋwi bə fɛmnɨ ba mɨnkɨ mɨ abuʼ se awa bə nkorə.

1 Korɨnto 15:9

Mbɨ́ʼ ngə́ a tɨtərɨ ntóm Yeso ɨtsum ma lá ntsɨrɨndzum ə, ka ma kwɛ nkuʼnɨ aghan ngə́ á bɨ tɔŋ aghan nɨ ntom Yeso mbɨ́ʼ ngə́ ma kə́ ndɨgɨ ndáŋwi za a nɨ zɨ Ŋwi ə.

1 Korɨnto 2:9

Lá aŋwaʼnɨ a Ŋwi soŋ ngə́: “Za ŋwɔn tse a láʼnɨ́ nkeʼ zɛn kə ndzuʼ, za ŋwɔn tse a láʼnɨ́ nkeʼ kwaʼtɨ ngə́ a chi fu, a nɨ tsɛʼ zɛrə mbáʼ Ŋwi a kyáŋtɨ́nɨ́ a mbó ɨbɛn ba bɨ kɔŋnɨ ayi ɛ.”

Galesha 1:16

a nkyɛʼ Mɔn ɨyi a mbó me taŋ á ma chi soŋ Nkən wu Shiʼnɨ wa mbɨ́ʼ ayi a mbó ba a se bə Yuda be, ma sá ghɛn a mbó ŋwɔn tse ngə́ á tɨgɨtɨ aghə.

Galesha 2:8

Mbɨ́ʼ ngə́ a ntsǎ a ndzum mɨtən mɨ Ŋwi bɨ ghɨ́ aghan a nye ntom Yeso a mbó ba a se bə Yuda be, tso mbáʼ bɨ ghɨ́nɨ́ a Bita a nye ntom Yeso a mbó bə Yuda lá.

Ɛfɛso 2:7

Wɛrə a ghɨ́ a məzen lá ngə́ a mu mbyi za ɨ lo bə yen lá, wɛrə a chi diʼ abɔŋəntəm azhi za a ghaʼnɨ tsɛʼ a nkan lá a nye adzaŋ za wɛrə a ghɨ́nɨ́ ɨbɔŋ a nye bɨgɨnə ntsa a ndzum Kristo Yeso ghe.

Ɛfɛso 3:1

Mbɨ́ʼ a məzen, me Baolo, ma nɨ ngaŋ atsáŋ mbɨ́ʼ ɨfaʼ ɨghan a mbó Kristo Yeso mbɨ́ʼ atú azɨŋ ɨbɛn ba nɨ se bə Yuda be ə.

Ɛfɛso 3:16

Ma lɔ́ntə́ a mbó Ŋwi ngə́ á wɛrə a ghɛn a mu nɨfáŋ ɨni na nɨ ghaʼnɨ nga awən nɨ adaʼ ntsa a ndzum Azhwi azhi ngə́ á nɨ ntɨ́ŋə́ a mu azhwi azɨŋ ə.

Ɛfɛso 3:19

Nɨ chi ghɨ zhi akɔŋnɨ azhi ɨ tiʼ kɨ be tso Ŋwi a nye mɨndóm mɨtsum — le buŋ bɨ chi láʼ keʼ zhi a zɛrə ɨ ghɛn mɛtə.

Ɛfɛso 3:2

Ma kwaʼtɨ ngə́ nɨ zagɨnə ndzuʼ ngə́ Ŋwi, a mu abɔŋəntəm azhi, a ghanə afaʼ zen a mbó me mbɨ́ʼ ɨbɔŋ ɨwɨŋ ə.

Filibi 2:3

A nɨ keʼ ghɨ anu zə tsɛrə a ntɛ́mə́ a mbyi ŋwɔn tsum taŋ á bɔŋ tsɛʼ a mbó bən kə a ndiʼ ɨnye, lá nɨ shíʼtə́ nɨ ɨnye ɨtsən a tɨshe a mbó ŋwɔn nɨ ŋwɔn, nkwáʼtə́ anu mbɨ́ʼ ɨbɛn bə mɔʼɔ a mbyi ntsa awɨŋ ə.

Filibi 4:19

Ŋwi ɨghan a mɨ gha atsum za nɨ lɔnə, ɨ lɔgɨ lá a nye afuʼ azhi za a kwə́ŋnɨ́nə́ tsɛʼ adaŋədaŋə a ntsǎ a ndzum Kristo Yeso ghe.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

1 Timotyo 1:13

le buŋ, a mbyi ma ghám ɨnu tsɨ tɔmnɨnɨ mbɨ́ʼ ayi, ndɨgɨ ayi nkɨ ndzɔm ayi ɛ. Lá Ŋwi a kó a mɨlɨŋnɨ ɨghan mbɨ́ʼ ngə́ ma bvúrɨ́ tɨ tsi nɨ abeməntəm, ma lan, ma sá zhi anu za ma kɨ́nə́ ngɨ̌ nkfu məwa.

1 Timotyo 1:15

Zen a nɨ anu za bɨ sóŋnə́ a be nkənu, anu za bɨ tsinɨ nɨ mbemə ɨ kɨ nɨŋ ntəm ɨwu tə́ njwɛrɨkə ngə́: Kristo Yeso a yén a mu mbyi a ndoŋ ngaŋ ngɨ mɨbvu ə. Ma bɨ́gɨ́ ntsa awa bɨtsum,

1 Timotyo 2:7

nə nɨ anu za bɨ tságɨ́nɨ́ aghan ngə́ á ma be ntom Yeso abɔʼnɨ ndiʼ aŋwaʼnɨ wu bɨ ba a se bə Yuda be a nchwítɨ́ nkən abeməntəm abɔʼnɨ nkənu ə. Ka ma nchwě aghə ɨnu; ma sǒŋ nkənu ə!

2 Timotyo 1:11

Ŋwi a tsɔʼnə aghan tso ntom Yeso abɔʼnɨ ndiʼ aŋwaʼnɨ a nchwítɨ́ Nkən wu Shiʼnɨ məwa,

Nkyɛʼə 3:18

Ma tiʼə ntɨ́gɨ́tə́ awən ngə́ á nɨ zon a ŋwaʼŋwaʼ wa a lonɨ a mbó me, ŋwaʼŋwaʼ wa ɨmugɨ ɨ ghɨnɨ a fɛm, taŋ ɨ be ngaŋ afuʼ zə wi ə. Nɨ kɨ ndzuŋ ɨtsɛʼ tsɨ fú ngwəgɨ a ɨnye bən, ntiʼ mbɔmtɨ ntyigɨnɨ adɨrətú ɨzɨŋ ə. Nɨ kɨ ndzuŋ mɨvwurɨ mə tse a nɨ́ŋə́ a ɨmɨgɨ bən, taŋ ɨ chi zɛn ɨdiʼ ə.