Ɛfɛso 3:5 - Mɨkan wu Fi

⁵ A bé a mbyi lá bɨ keʼ anu zə lwɛʼnɨ məzen a mbó ŋwɔn mɨsɔŋ ghumtə, lá Ŋwi a kyɛʼ a zɛrə a mbó ntóm Yeso tsə fɛmnɨ bo ntóm Ŋwi tsa tsɨ kɨnɨ fɛm ntsa a ndzum Azhwi azhi ɛ.

Ɛfɛso 3:5 Iomraidhean Croise

Matyo 13:17

Ma sóŋə́ a mbó bən tsɛʼ a nkənu ngə́ ntóm Ŋwi tsə ghaʼnɨ abɔʼnɨ ɨbɛn bə chinɨnɨ bə ghaʼnɨ kə́ ndánə́ ndǒ ndzě anu za nɨ zɛ́nə́, lá bo kɨ chi keʼ ze, ɨ kɨ zuʼ anu za nɨ zúʼnə́ lá bo kɨ chi keʼ zuʼə.”

Matyo 20:7

Bo sóŋ a mbó zɨ ngə́, ‹Mbɨ́ʼ ngə́ ka ŋwɔn tsɛrə a lɔgɨ ayi awɨgɨ afaʼ ə.› Mboŋ njwuʼ wa a tíʼ sóŋ a mbó bo ngə́, ‹Nɨ kɨ ngɛn ɨ faʼ a mu ako atɨ a mɨntam mɨ nyɛtɨ mɨluʼ za.›

Matyo 23:34

Ma lan, ma sóŋə́ awən ngə́ ma mɨ tsagɨ ntóm Ŋwi, ngaŋ zóŋ abɔʼnɨ bɨdiʼ bɨ aŋwaʼnɨ a mbó bɨŋ ə; nɨ mɨ zhwitɨ a bə mɔʼɔ, ɨ kwemtɨ a bə mɔʼɔ atú abaŋnɨ-baŋnɨ, ɨ ləŋ a bə mɔʼɔ nɨ ngwan a mu ndáŋwi bə Yuda ɨtsən ɨ kə́ númə́ vwugɨnə a bɛrə a mu ntáʼmbagə, a ndɔgɨnə a nye wen ɨ ghɛn kuʼ a nye yirɨ ə.

Alukasɨ 10:24

Ma soŋ a mbó bən ngə́ Ntóm Ŋwi bo bɨ Bɨfɔ bə ghaʼnɨ kə́ ndǒ ndzě ɨnu tsen tsa nɨ zɛ́nə́ lá, lá nchi keʼ ze, ɨ kɨ zuʼ a tsa nɨ zúʼnə́ lá, lá nchi keʼ zuʼə.”

Alukasɨ 11:49

Mbɨ́ʼ ɨshwúrɨ́ ɨnu mətsen, Ŋwi a mu zóŋ ɨyi a sóŋ ngə́, ‹Ma mɨ tsagɨ ntóm Ŋwi abɔʼnɨ ntóm Yeso a mbó bə Yuda; á bo dɨgɨ a bə tse nkɨ njwitɨ a bə mɔʼɔ ghe.›

Yoane 14:26

Nkwatɨ, Azhwi zə Fɛmnɨ wa Tarɨ a ghɨ tsagɨ nɨ ɨkum ɨghan lá, a ghɨ diʼ awən nɨ anu atsum, ɨ kɨ ghɨ á nɨ waʼtɨ ɨnu ɨtsum tsa ma kwɛnə soŋ a mbó bɨŋ ə.

Yoane 16:13

Lá a nkfu za Azhwi a ghɨnɨ yen, zɨ wa a kyɛʼnɨ nkənu mbɨ́ʼ a Ŋwi, a mɨ tsagɨnɨ awən a mu nkənu tsum ə. A ghɨ keʼ sóŋə́ lá a za a funɨ a mu akwaʼtɨ azhi, lá a ghɨ ghamnə ɨnu tsa zɨə zuʼnɨ, ɨ kɨ tiʼ soŋ awən nɨ ɨnu tsa tsɨ ghɨnɨ yiŋə.

Ɨfaʼ 10:28

Wɛrə a sóŋ a mbó bo ngə́, “Bɨŋ mboŋ nɨ zhi ɨ shiʼnɨ ngə́ ka mbɔm nguʼsɨ Ŋwi bə Yuda bem ayi ngə́ á ŋwɔn bə Yuda a ghantɨ kə ngyenə bo bɨ ba a se bə Yuda be ə. Lá Ŋwi a diʼnə a mbó me ngə́ á ma zagɨ nkaʼ a ŋwɔn tse lɔgɨ tso wa a se fɛm a mu mbɔm kə wa bɨ shwiʼnə.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

1 Korɨnto 2:10

Lá Ŋwi a kyɛ́ʼ anu azhi zə nkubə məzen lá a mbó bɨgɨ ntsa a ndzum Azhwi azhi ɛ. Azhwi a kwábɨ́ ɨnu ɨtsum ə, tsɛʼ ɨnu tsa Ŋwi a kyáŋtɨ́nə́ tsa tsɨ shwinɨ, Azhwi a kwábə́ a tsɛrə ghe.

Ɛfɛso 2:20

Bən wa nɨ se bə Yuda be, nɨ kɨ mbe lá ndá za bɨ vwunɨ atú atsé ndá za a bɔmnɨ ntóm Yeso bo ntóm Ŋwi, Kristo Yeso zɨmboŋ a be ngɔʼ nɨbú ɨzhi ɛ.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

2 Bita 3:2

Ma lǒ ngə́ á nɨ waʼtɨ mɨgham ma ntóm Ŋwi tsɨ fɛmnɨ ghámnɨ́ a ngúʼə ngúʼə, abɔʼnɨ ntɨgə za ntóm Yeso ghánɨ́ a mbó bən, za ɨ lónɨ́ a mbó Maʼmbyí nkɨ mbe Ndoŋ lá.

Judɨ 1:17

Lá bɨson ɨban, á nɨ waʼtɨ anu za ntóm Yeso tsɨ Maʼmbyí Yeso Kristo ɨwɨgɨnə sóŋnɨ́ a mbó bən a mbyi ɛ.