Ɛfɛso 3:4 - Mɨkan wu Fi

⁴ Be nɨ kɨ ntɔŋ anu za ma ŋwaʼnɨnɨ, nɨ mɨ yɛʼ a za ma zuʼnɨ nkɨ nji mbɨ́ʼ a za bɨ lwɛʼnɨ mbɨ́ʼ a Kristo ghe.

Ɛfɛso 3:4 Iomraidhean Croise

Matyo 13:11

Yeso a chwɨ́gɨ́ ngə́, “Bɨ ghanə azhyɛ mbɨ́ʼ ɨnu nkubə tsə Nɨfɔ nɨ fɔməbvurə a mbó bən, lá nkeʼ a mbó bo be.

Alukasɨ 8:10

Wɛrə a tíʼ nchwɨ́gɨ́ ngə́, “Bɨ kyaŋ awən nɨ azhyɛ za a tsinɨ a nkubə mbɨ́ʼ nɨfɔ nɨ Ŋwi, lá a mbó abvuʼ a ɨbɛn a mɨ yen a mbó bo a nye nɨgham nə nanɨ, taŋ á bɨ ndyíŋə́ nkeʼ ndzě, njwíʼtə́ nkeʼ ndzúʼə nkə́ njíɛ ghe.”

Roma 11:25

Ɨbɔmbɨma ɨban, ma lǒ ngə́ á nɨ zuʼ nkɨ nji a məziŋ nkənu za ɨ tsinɨ a nkubə lá, mbɨ́ʼ nɨ kwaʼtɨ ngə́ nɨ tsi nɨ zóŋ be tɨsɨŋə. Ɨ nɨ ngə́, atɨŋətú a bə Yuda mɨ keʼ ghɔŋ nɨnkoŋ ə, a mɨ tsi ɨ kɔʼ kuʼ tsɛʼ a nkfu za ba a se bə Yuda be bɨtsum mɨ yen a mbó Ŋwi ə.

Roma 16:25

A bɨgɨnə gha nɨfáŋ a mbó Ŋwi ə! Wɛrə a chi ghɨ o tɛm tə́ nchíʼnə́ a mu abeməntəm azo, ndzɔ̌ŋ Nkən wu Shiʼnɨ wa ma sóŋnə́ mbɨ́ʼ a Yeso Kristo, ndzɔ̌ŋ nkənu za ɨ tsinɨ a nkubə za bɨ tiʼnɨ ndɛn be asaŋəsaŋ lá. Bɨ lwɛ́ʼ anu a nkubə məzen nchwuʼnɨ a ngúʼə ngúʼə ghe.

1 Korɨnto 13:2

Be a be ngə́ ma tsi nɨ mɨtən mɨ fɨʼtɨ mɨnkən ma mɨ lonɨ a mbó Ŋwi; be a be ngə́ ma tsi nɨ azhyɛ atsum ɨ kɨ zuʼ kɨ zhi ɨnu ɨtsum tsa ŋwɔn mɨsɔŋ a ntsu a chinɨ keʼ zhi; be a be ngə́ ma tsi nɨ abeməntəm atsum za ma chinɨ gham á mbám ɨ tsɔʼnɨ nkwebtɨ adiʼ — lá be ma tú nɨ akɔŋnɨ tsi muŋ ka ma be aghan azúm zə tsɛrə ghe.

1 Korɨnto 4:1

Ŋwɔn tsum a tsi nɨ ndɔgɨ bɨgɨnə tsɛʼ tso ngaŋ afaʼ Kristo, tsa bɨ lɛnɨ awa ngə́ á bɨ ndéntɨ́ nkənu Ŋwi za ɨ tsinɨ a nkubə ghe.

2 Korɨnto 11:6

Be ma kwɛ tú a ntsu tsa a ngamə a tɨtərɨ ɨbɛn, ma zhi ɨnu ə. Bɨgɨ ghɨnə a məzen nɨ zhi a nye mɨndóm mɨtsum a mu ɨnu ɨtsum ə.

Ɛfɛso 1:9

Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.

Ɛfɛso 3:3

Ŋwi a kyɛ́ʼ ɨkwaʼtɨ ɨchi tsə nkubə, nkɨ ntiʼ ngɨ ma zhi a tsɛrə ghe. Ma fomnə ŋwaʼnɨ nghumtɨ a zɛrə ghe.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

Ɛfɛso 5:32

Aŋwaʼnɨ a Ŋwi zen a kyɛʼ nkənu zɨ tse za ɨ shwinɨ nkɨ ntsi a nkubə ghe. Ɨ ghamə lá mbɨ́ʼ a Kristo bo ndáŋwi ə.

Ɛfɛso 6:19

A nɨ kə́ ntsáʼtə́ a Ŋwi mbɨ́ʼ aghan, taŋ á Ŋwi a gha nkən a mbó me a nkfu za ma tsinɨ nɨ ngamə, taŋ á ma tiʼ soŋ a wɛrə tɨ nɨbɔgɨ, ɨ kɨ kyɛʼ anu za a tsinɨ a nkubə a mu nkən wu shiʼnɨ ə.

Kolose 1:26

Nkən məwiŋ lá anu a nkubə za wɛrə a lwɛ́ʼnɨ́ nchwuʼnɨ a lɔʼkwam, a ndɔgɨnə a nye nɨwə ɨ kon a nye nə mɔʼɔ, lá tɨtsɔŋnɨ wɛrə a kyɛʼnə a zɛrə a mbó ɨbɛn ɨbyi lá.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

Kolose 4:3

A nɨ kə́ ntsáʼtə́ a Ŋwi mbɨ́ʼ awɨgɨ, taŋ á Ŋwi a gha abárɨ́ a mbó bɨgɨ a sóŋ nkən ɨyi mbáʼ ɨ ghamnə lá mbɨ́ʼ anu a nkubə zə Kristo ghe. Mbɨ́ʼ ngə́ a nɨ mbɨ́ʼ a zɛrə mbáʼ ma tsinɨ atsáŋ tɨtsɔŋnɨ ə.

1 Timotyo 3:16

Ŋwɔn tse a chi keʼ ton ngə́ ndóm wa bɨgɨnə zhinɨ a Ŋwi, a nɨ anu a nkubə zə wi ə: Wɛrə a fú a ɨshe a nye mbě ŋwɔn mɨsɔŋ a ntsu, Azhwi a diʼ ngə́ wɛrə a kuʼnɨ, ɨtsendá Ŋwi zɛ́n a wɛrə ghe. Bɨ ghám mbɨ́ʼ ayi a mbó ba a se bə Yuda be, atuəshe atsum a nɨŋ mɨntəm ɨma wə ɨnye, Ŋwi a tsɔ́ʼ a wɛrə nkɔʼ ngɛn nɨ zɨ a fɔməbvurə ghe.

1 Timotyo 3:9

ntsi nɨ ntiʼtɨ nkənu za ɨ tsinɨ a mu abeməntəm za Ŋwi a kyɛʼnɨ a mbó bo nɨ ntəm wa ɨ lánɨ́ ə.