Ɛfɛso 3:2 - Mɨkan wu Fi

² Ma kwaʼtɨ ngə́ nɨ zagɨnə ndzuʼ ngə́ Ŋwi, a mu abɔŋəntəm azhi, a ghanə afaʼ zen a mbó me mbɨ́ʼ ɨbɔŋ ɨwɨŋ ə.

Ɛfɛso 3:2 Iomraidhean Croise

Ɨfaʼ 13:2

A nkfu za bo kɨ́nə́ ngúʼsə́ a Maʼmbyí nkə́ nchigɨ nji tsə ntsaʼtɨ Ŋwi, Azhwi zə Fɛmnɨ a sóŋ a mbó bo ngə́, “A nɨ fɨgɨ a Banabasɨ bo Sɔlɨ ndɛn á bo faʼ ɨfaʼ wa ma tsɔʼnɨ awa a faʼə ghe.”

Ɨfaʼ 13:46

Lá Baolo bo Banabasɨ ghám tɨ nɨbɔgɨ ngə́: “A chi nkuʼnɨ ngə́ á bɨ fom soŋ nɨgham nɨ Ŋwi lá a mbó bɨŋ ə. Lá mbáʼ nɨ tonɨ awən a nɛrə, nkeʼ wiʼtɨ ngə́ nɨ kuʼnɨ a nkúŋə́ a mu ntsi ntən nɨnkoŋ za lá, ma lan, bɨgɨ mɨ nyɛʼtɨ awən ɨ ghɛn a mbó ba a se bə Yuda be ə.

Ɨfaʼ 22:21

Maʼmbyí a sóŋ a mbó me ngə́, ‹Ghen, mbɨ́ʼ ngə́ ma mɨ tsagɨ agho aghagɨ zə sa, a mbó ba a se bə Yuda be ə.› ”

Ɨfaʼ 9:15

Maʼmbyí a sóŋ wəmbo ngə́, “Ghen, mbɨ́ʼ ngə́ ma tsɔʼnə ayi ngə́ á wɛrə a faʼ a mbó me, a ngɨə ngə́ á ba a se bə Yuda be, bɨfɔ abɔʼnɨ bə Yuda zhi ɨkum ɨghə.

Roma 1:5

A ntsǎ a ndzum Yeso Kristo, Ŋwi a gha abɔŋəntəm azhi a mbó bɨgɨ nkɨ ngɨ awɨgɨ a nye ntóm Yeso taŋ mbɨ́ʼ atú a Kristo, á ɨbɛn ba bɨ se be bə Yuda nɨŋ mɨntəm ɨma a nye Kristo nkə́ ndzúʼnə́ a wɛrə ghe.

Roma 11:13

Tɨtsɔŋnɨ, ma tiʼə ngamə lá a mbó bɨŋ ɨbɛn ba nɨ se bə Yuda be ə. Mbáʼ ma nɨ ntom Yeso a mbó ba a se bə Yuda be lá, ma mɨ ŋuʼ ɨnye mbɨ́ʼ afaʼ azə.

Roma 12:3

Mbɨ́ʼ ngə́, a ntsǎ a ndzum abɔŋəntəm a Ŋwi za a ghanɨ a mbó me, ma sóŋə́ a mbó ŋwɔn nɨ bɨŋ tsum ngə́ á ŋwɔn tse a tɨtərɨ bən a keʼ nkwáʼtə́ ngə́ zɨə nɨ ŋwɔn wu ngwi ntsa adzaŋ za a benə. A mbáŋnə́ shíʼtə́ nɨ atuəmbəm azhi a tɨshe, ɨ fɨ́ʼə atuəmbəm azhi ndzɔ̌ŋ ndvuŋ abeməntəm wa Ŋwi a ghanɨ wəmbo ndzɔ̌ŋ adzaŋ za zɨmboŋ a zɛ́nə́ atuəmbəm azhi ɛ.

1 Korɨnto 4:1

Ŋwɔn tsum a tsi nɨ ndɔgɨ bɨgɨnə tsɛʼ tso ngaŋ afaʼ Kristo, tsa bɨ lɛnɨ awa ngə́ á bɨ ndéntɨ́ nkənu Ŋwi za ɨ tsinɨ a nkubə ghe.

Galesha 1:13

Bɨ soŋnə a mbó bən adzaŋ za ma kɨ́nə́ nchyɛ̌ a nkfu za ma kɨ́nə́ faʼə nɨ mɨku bo bɨ mbó a mu mbɔm nguʼsɨ Ŋwi bə Yuda, adzaŋ za ma kɨ́nə́ ndɨ́gɨ́ ndáŋwi za a nɨ zɨ Ŋwi tɨ mɨlɨŋnɨ nkɨ ngɨ anu atsum a ntsənkɨ zɛrə ghe.

Ɛfɛso 1:10

Akyaŋtɨ zen za Ŋwi a ghɨ ghɨ á ghɛn fu a ndwitə a nye nkfu za ɨ ghɨnɨ kuʼ lá, a be lá mbosɨ ɨdzúm ɨtsum tsa zɨə a káʼnɨ́ táʼ adiʼ; ɨdzúm fɔməbvurə abɔʼnɨ ɨdzúm atuəshe, á Kristo a tsi a mbyi tsɛrə ɨtsum ə.

Ɛfɛso 3:7

Ŋwi a ghɨ́ aghan ma be ŋwɔn afaʼ Nkən wu Shiʼnɨ ntsa a ndzum azúm zə ghanɨ mbe abɔŋəntəm azhi za a ghanɨ a mbó me ntsa a ndzum adzaŋ za mɨtən ɨmyi faʼnə ghe.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Ɛfɛso 3:9

Ŋwi a kɨ́ ngá abárɨ́ a mbó me ngə́ á ma ghɨ ngə́ á ŋwɔn tsum a zɛn adzaŋ za akwaʼtɨ zə nkubə zə Ŋwi a chinɨ ghɨ be anu ə. Ŋwi, zɨ wa a kaʼnɨ ɨdzúm ɨtsum, a lwɛ́ʼ akwaʼtɨ azhi zə nkubə nchwuʼnɨ a lɔ́ʼkwam,

Ɛfɛso 4:21

Tsɛʼ a nkənu, nɨ zúʼ anu mbɨ́ʼ ayi ɛ. Tso ɨbɛn ba bɨ nɨŋnɨ mɨntəm ɨma a nye Kristo, bɨ díʼ awən nɨ nkənu za ɨ tsinɨ a nye Yeso ghe.

Ɛfɛso 4:7

Lá Kristo a díʼ abɔŋəntəm azhi a mbó ŋwɔn nɨ bɨgɨnə tsum, ɨfaŋə za azúm zə ghanɨ məzen a faŋnɨ, a diʼ adzaŋ za wɛrə a ghánə́ abó ə.

Kolose 1:4

Mbɨ́ʼ ngə́ bɨgɨ zuʼnə mbɨ́ʼ abeməntəm azən a nye Kristo Yeso abɔʼnɨ akɔŋnɨ azən a nye ɨbɛn bɨ Ŋwi bɨtsum ə.

Kolose 1:6

Nkən wu shiʼnɨ yiŋə nɨ ɨfɔgə nkə́ ndzágɨ́nə́ a mu mbyi tsum, tsɛʼ adzaŋ za ɨ dzagɨnɨnə a tɨtərɨ bən nchwuʼnɨ njwi za nɨ fómnɨ́ ndzúʼ mbɨ́ʼ abɔŋəntəm a Ŋwi, ngɨ́ nkɨ́ njí a zɛrə tsɛʼ adzaŋ za a lanɨnɨ mbe lá.

1 Timotyo 1:11

Ndiʼə məza tsi a mu nkən wu shiʼnɨ wa mbáʼ bɨ nɨ́ŋnɨ́ a mu mbó me ngə́ á ma ghɛn nchwitɨ, Nkən wu Shiʼnɨ wa ɨ lonɨ a mbó Ŋwi nɨfáŋ bo ɨfɔgə lá.

1 Timotyo 1:4

Soŋ a mbó bo ngə́ á bo kyɛntɨ a sáʼ njalaʼ tsɨ kɔ́ʼɔ́nguʼ tsa, nɨ ɨ kɨ ghamnə mbɨ́ʼ ndvuŋ bə kɔ́ʼɔ́nguʼ wa ɨ se ndwitə lá. Mətsiŋ yiŋə tsɛʼ nɨ akwənkɨ; ka tsɨ fáʼə awa a ndé akyaŋtɨ a Ŋwi, mbáʼ bɨ tsanə a ndzum abeməntəm njiɛ lá.

1 Timotyo 2:7

nə nɨ anu za bɨ tságɨ́nɨ́ aghan ngə́ á ma be ntom Yeso abɔʼnɨ ndiʼ aŋwaʼnɨ wu bɨ ba a se bə Yuda be a nchwítɨ́ nkən abeməntəm abɔʼnɨ nkənu ə. Ka ma nchwě aghə ɨnu; ma sǒŋ nkənu ə!

2 Timotyo 1:11

Ŋwi a tsɔʼnə aghan tso ntom Yeso abɔʼnɨ ndiʼ aŋwaʼnɨ a nchwítɨ́ Nkən wu Shiʼnɨ məwa,