Ɛfɛso 3:16 - Mɨkan wu Fi

¹⁶ Ma lɔ́ntə́ a mbó Ŋwi ngə́ á wɛrə a ghɛn a mu nɨfáŋ ɨni na nɨ ghaʼnɨ nga awən nɨ adaʼ ntsa a ndzum Azhwi azhi ngə́ á nɨ ntɨ́ŋə́ a mu azhwi azɨŋ ə.

Ɛfɛso 3:16 Iomraidhean Croise

Matyo 6:13

Koʼ nyɛʼtɨ á bɨgɨ ghɨ ɨbvu mbáʼ be bɨ kwaʼnɨ awɨgɨ, lá kwarɨ awɨgɨ a mbó Wu Ntɔmnɨnɨ wa.›

Roma 2:29

Mbe ngótɨ́ ŋwɔn bə Yuda tsi lá a mu ntəm ə, ngótɨ́ ntsəŋ alagɨ a be anu za a fúnə́ be a mu ntəm ə, məzen a be lá afaʼ Azhwi a Ŋwi, nkeʼ afaʼ a Nyɔngɔŋ wu ŋwaʼnɨnɨ be. Ŋwɔn tso məwa a kwárə́ abontɨ azhi be a mbó Ŋwi, nkeʼ a mbó ɨbɛn be.

Roma 7:22

A mu ɨsɔŋ me, ma tsi nɨ nɨdorɨ mbɨ́ʼ a nyɔngɔŋ Ŋwi ə.

Roma 9:23

Wɛrə a kɨ chyɛ nkə́ ndǒ nkyɛʼ nɨfáŋ ɨni na nɨ ghaʼnɨ be adaŋədaŋə, na bɨ chwírɨ́nɨ́ a nye bɨgɨnə ba nɨ ɨbɛn ba wɛrə a kónə́ a mɨlɨŋnɨ a nye bo lá. Bɨgɨnə lá ba wɛrə a kyaŋtɨnə a nkwárɨ́ nɨfáŋ ɨni ɛ.

1 Korɨnto 16:13

A nɨ ŋaʼ ɨmɨgɨ ɨmən nɨ ɨtoŋnɨ ɨtsən, ntɛm ntəntɨ a mu abeməntəm, nkántɨ́ mbáŋnɨ́, nkeʼ nkə́ nchíʼnə́ ghe.

2 Korɨnto 12:9

Lá achwɨgə azhi a bé ngə́, “Abɔŋəntəm azan a nɨ atsum za o lɔnə, mbɨ́ʼ ngə́ mɨtən ɨmə gháʼə ntsǎ mbó lá a nkfu za o bɔrɨnə.” Nɨdorɨ tiʼ ntsi a nye me be tɨ́sə́n, a ŋuʼ ɨnye mbɨ́ʼ adzaŋ za ma bɔrɨkɨnɨ, taŋ ɨ zuʼ a mu ɨnye me mɨtən mɨ Kristo ma mɨ kɨ́nkɨ́nɨ́ aghə.

2 Korɨnto 4:16

Ma lan, ka bɨgɨ ntsɛ́gɨ́nə́ awɨgɨ ɨnye ə. Ntsi mbyi mbəmnye ɨtsɨgɨ báʼtə́ ndékə́ ngěn lá, ntsi mbyi azhwi ɨtsɨgɨ baŋnə nkwiə nɨ njwi nɨ njwi ə.

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.

Ɛfɛso 1:7

A ntsǎ a ndzum alɛm a Kristo za bɨ chwírɨ́nɨ́ atɨ abaŋnɨ-baŋnɨ, bɨ zón atú azɨgɨnə, lá be ngə́, bɨ lɨgɨnɨ ɨfənu ɨtsɨgɨnə, ndzɔŋə a ndzum abɔŋəntəm azhi za a kwə́ŋnɨ́nə́,

Ɛfɛso 2:7

Wɛrə a ghɨ́ a məzen lá ngə́ a mu mbyi za ɨ lo bə yen lá, wɛrə a chi diʼ abɔŋəntəm azhi za a ghaʼnɨ tsɛʼ a nkan lá a nye adzaŋ za wɛrə a ghɨ́nɨ́ ɨbɔŋ a nye bɨgɨnə ntsa a ndzum Kristo Yeso ghe.

Ɛfɛso 3:15

zɨ wa ngwəgɨ tsum a fɔməbvurə abɔʼnɨ atuəshe kwárɨ́nɨ́ ngótɨ́ mɨkum ɨma wəmbo ə.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Ɛfɛso 6:10

A ndwɨgɨnə, á nɨ tɛm ntɨ́ŋə́ a nye ntsi ɨzən bɨŋ bɨ Maʼmbyí, ntsǎ a ndzum adaʼ azhi za ka a tsi ayi nɨ ɨfɨʼ lá.

Filibi 4:13

Ma chi ghɨ ɨnu ɨtsum a ntsǎ a ndzum Kristo, zɨ wa a ghánɨ́ adaʼ a mbó me ghe.

Filibi 4:19

Ŋwi ɨghan a mɨ gha atsum za nɨ lɔnə, ɨ lɔgɨ lá a nye afuʼ azhi za a kwə́ŋnɨ́nə́ tsɛʼ adaŋədaŋə a ntsǎ a ndzum Kristo Yeso ghe.

Kolose 1:11

A Ŋwi a ghɨ á nɨ ntɨ́ŋə́ nɨ adaʼ za a lonɨ a mbó mɨtən ma a nɨ mə nɨfáŋ ɨni, taŋ á nɨ chi chigɨ ntəm a nye ɨnu ɨtsum nɨ nchigə abɔʼnɨ nɨdorɨ ə.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

Kolose 2:2

Ma ghɨə a məzen lá taŋ á bo kotɨ mbáŋnɨ́ ɨtsa, ntiʼ nchi kɨ ghótɨ́nə a mbúm a mu akɔŋnɨ ə. Ma lan, bo mɨ tiʼ tsi nɨ ngótɨ́ ndzuʼ kɨ zhi, adzaŋ məwen á nɨbɔgɨ nə tse keʼ ɨwu bə mbe. A nye ndóm məwen, bo mɨ zhi a za Ŋwi a lɛnɨ a nkubə, mbáʼ a lá Kristo zɨmboŋ ə.

2 Timotyo 4:17

Lá Maʼmbyí a tsí bɨgɨ zɨ, nkɨ nga adaʼ a mbó me, adzaŋ məwen, ma tsí nɨ adaʼ a nchwítɨ́ nkən wu shiʼnɨ wa tsɛʼ ɨtsum á ba a se bə Yuda be bɨtsum zuʼə; ma lan, bɨ ghángə́ bɨ soŋə ngə́ ma vwo ɨsáʼ, bɨ tsi nɨ njwitɨ me, lá wɛrə a fɨ́gɨ́ aghan a mu məziŋ ə.

Ɛbal 11:34

mbyɛtɨ ndwa ɨmugɨ, ndɛʼ bɨ keʼ awa nɨ lumban zhwitɨ, mbəŋ a nye bə bɔrɨkɨnɨ ntiʼ mbe ɨdzɔŋ, ntiʼ mbe ɨdzɔŋ a ntso nkɨ nghaʼ bɨgwe bɨ ɨtóm tsədaŋ bɨ kɨəkə.

1 Bita 3:4

A nɨbɔŋ ɨno baŋnɨ ntsi be a nye ngótɨ́ ŋwɔn wa o nɨ wɛrə a mu ntəm ɨgho, nɨbɔŋ na nɨ sě miə, nə azhwi za a bɔnɨnɨ nkeʼ ɨfubɨ a nkə́ ndǒ, mbáʼ nɨ lá nɨbɔŋ na nɨ tsinɨ nɨ ɨlɨŋ ntsa atsum a ɨshi ɨmɨgɨ Ŋwi lá.