Ɛfɛso 3:11 - Mɨkan wu Fi

¹¹ Ŋwi a ghɨ́ a məzen ndzɔ̌ŋ akyaŋtɨ azhi za a ghɨnɨ ghɔ́ŋ nɨnkoŋ ə. Wɛrə a ghɨ́ a məzen a fu ntsa a ndzum Kristo Yeso Maʼmbyí ɨwɨgɨnə ghe.

Ɛfɛso 3:11 Iomraidhean Croise

Roma 9:11

Tsɛʼ mbáʼ bɨ bvúrɨ́nɨ́ ɨbɔ ben tɨ jwi, kə ngə́ bɨ ghɨ́ anu zə tse zə shiʼnɨ kə zə tɨbɔŋ, a ngɨə ngə́ á afaʼ a Ŋwi zə ntyé ɨbɛn ɨbyi a ngěn nɨ mbyi, nkeʼ be be ngə́ bo fáʼ anu zə tsɛrə, lá mbaŋnɨ mbe be mbɨ́ʼ ntyé ɨzhi,

Galesha 5:24

Ɨbɛn ba bɨ tsinɨ a mbó Kristo Yeso zhwitɨnə ɨnu tsa mbəmnye lɔnə nkwiʼtɨ ɨnu tsa mbəmnye bɨ́ŋnɨ́nə́ ɨwu nkə́ ndǒ lá.

Ɛfɛso 1:11

Bɨ ghɨ̌ ɨnu ɨtsum ndzɔŋə lá akyaŋtɨ a Ŋwi abɔʼnɨ ntɛgɨnɨ ɨzhi; Ŋwi a zárɨ́ awɨgɨnə ngə́ á bɨgɨnə be ɨbɛn ɨbyi mbɨ́ʼ ngə́ bɨgɨnə tsi a mbúm bɨgɨnə bɨ Yeso Kristo, nkɨ ndzɔŋ mbe mbɨ́ʼ a za wɛrə a kɨ́nə́ ndǒ, ntsa a ndzum za wɛrə a lɛ́nɨ́ a ɨshe, nchwuʼnɨ a mbiʼnɨ mbyi ɛ.

Ɛfɛso 1:4

ndɔgɨnɨ mbáʼ a tsɔ́ʼnɨ́ awɨgɨnə ntsa a ndzum wɛrə mbɔŋə mbyi biʼnɨ, ngə́ á bɨgɨnə fɛm nkɨ ntsi tɨ ɨfərɨ a ɨshi zɨə.

Ɛfɛso 1:9

Ŋwi a ghɨ́ a za wɛrə a kyáŋtɨ́nɨ́, nkɨ nkyɛʼ a mbó bɨgɨnə akyaŋtɨ azhi zə nkubə za wɛrə a kwɛ́nə ntsɔʼ a mu ntəm zɨ ngə́ zɨə mɨ ghɨ á ghɛn fu a ndwitə ntsa lá a ndzum Kristo ghe.

Ɛfɛso 3:1

Mbɨ́ʼ a məzen, me Baolo, ma nɨ ngaŋ atsáŋ mbɨ́ʼ ɨfaʼ ɨghan a mbó Kristo Yeso mbɨ́ʼ atú azɨŋ ɨbɛn ba nɨ se bə Yuda be ə.

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,