Ɛfɛso 3:1 - Mɨkan wu Fi

¹ Mbɨ́ʼ a məzen, me Baolo, ma nɨ ngaŋ atsáŋ mbɨ́ʼ ɨfaʼ ɨghan a mbó Kristo Yeso mbɨ́ʼ atú azɨŋ ɨbɛn ba nɨ se bə Yuda be ə.

Ɛfɛso 3:1 Iomraidhean Croise

Alukasɨ 21:12

Bɔŋ á ɨnu tsiŋ ɨtsum fuə, le buŋ, bɨ mɨ kǒtɨ awən ɨ dɨgɨ awɨŋ ə; bɨ mɨ gha awən nɨ ndáŋwi bə Yuda ngə́ á bɨ sáʼ awən ɨ nɨŋ atsáŋ; bɨ mɨ gha awən a mbó bɨfɔ abɔʼnɨ bɨsáʼ bɨ ɨlaʼ mbɨ́ʼ atú azə.

Ɨfaʼ 21:33

Tantso wa a tsá ngɛn nkwatɨ a Baolo, ɨ shiʼ mbó wə ɨnye, ɨ soŋ bɨ korɨ ayi nɨ mɨnkɨ mɨ atɨŋə mi mɨmbá ghe. Wɛrə a tíʼ mbítɨ́ ngə́, “Ŋwɔn wen a lá ɨwa, a kɨ fan lá anu ake le?”

Ɨfaʼ 23:18

Tantso bɨgwe nkɨ wu fɨgɨnɨ wa a lɔ́gɨ́ ayi ngɛn nɨ zɨ a ɨshi tantso, ntiʼ soŋ ngə́, “Baolo ngaŋ atsáŋ wa a tɔŋ aghan ɨ soŋ ngə́ á ma lɔgɨ mbáŋnɨ́ zen ngyen nɨ zɛrə a ɨshi gho, mbɨ́ʼ ngə́ ɨ tsi nɨ anu zə tsɛrə a sóŋə́ a mbó gho ghe.”

Ɨfaʼ 26:29

Baolo a chwɨ́gɨ́ ngə́, “Kə nkfu vwugɨ kə ɨ sagɨ muŋ atsaʼtɨ a Ŋwi azan a nɨ ngə́ á gho nkwiʼtɨ abvuʼ azən bɨtsum za a tsinɨ ɨghan ɨ sɨŋə njwíʼtə́ anu za ma sóŋnə́ chi bəŋ ɨ be tso me — ɨ keʼ baŋnɨ mbe tso me wa ma nɨ ngaŋ atsáŋ bɨ korɨ aghan nɨ mɨnkɨ mɨ atɨŋə lá!”

Ɨfaʼ 9:15

Maʼmbyí a sóŋ wəmbo ngə́, “Ghen, mbɨ́ʼ ngə́ ma tsɔʼnə ayi ngə́ á wɛrə a faʼ a mbó me, a ngɨə ngə́ á ba a se bə Yuda be, bɨfɔ abɔʼnɨ bə Yuda zhi ɨkum ɨghə.

2 Korɨnto 1:6

Be a be ngə́ bɨ diʼ ngɨ́ʼ a mbó bɨgɨ, a nɨ taŋ á nɨ tsi nɨ alɛtɨ abɔʼnɨ ɨloŋ ə; be bɨ ndɛ́tə́ awɨgɨ, a nɨ taŋ á nɨ tsi nɨ alɛtɨ mbáʼ nɨ zɛ́nə́ a nkfu za nɨ toŋnɨ ndəŋndəŋ ngɨ́ʼ ngwəgɨ tsɛʼ nɨ nkorɨ ntəm adzaŋ za bɨgɨ kɨ́nə́ ntóŋə́ ngwə́gə́ lá.

2 Korɨnto 10:1

Baolo, me mboŋ, ma bǔʼ mbó a mbó bən ntsa a ndzum Yeso Kristo wa a bɔnɨnɨ nkə́ ngɨ̌ ɨbɔŋ — me wa bɨ soŋnɨ ngə́ ma ghɨ ntsí a tɨtərɨ bən ma bɔgɨnɨ ngamə lá ntsi nɨ ntəm wu faŋnɨ a ngamə a mbó bən mbáʼ ma sa abɔʼnɨ bən tsi lá.

2 Korɨnto 11:23

Bo nɨ ngaŋ afaʼ Kristo le? Be ma soŋ adzaŋ məwa, ma nɨ ŋwɔn afaʼ wa a tsanɨ awa bɨtsum ə. Ma ghamə lá tso abarə ghe. Ma faʼnə ntsa, ma konə atsáŋ nkfu tsə ghaʼnɨ ntsa, bɨ ləŋnə aghan nɨ ngwan nkfu tsə ghaʼnɨ ntsa, ma kɨnə nkɨ ntsi a ntsu nɨvwo nkfu tsə ghaʼnɨ ntsa.

Galesha 5:11

Lá a mbó me nə ɨbɔmbɨma ɨban, be ma mbvúrə́ ngěn nɨ mbyi ɨ sóŋə́ ngə́ bɨ tsi nɨ ntsəŋ alagɨ, bɨ bɨŋə nkwiʼə ndɨ́gə́ aghan lá ngə́ ke le? A be be ngə́ məzen a lá nkənu muŋ anu za ma sóŋnə́ mbɨ́ʼ adzaŋ za Kristo a kfónɨ́ atɨ abaŋnɨ-baŋnɨ se mbɨŋə ngǎ ngɨ́ʼ zɨ tsɛrə ghe.

Galesha 5:2

Zhwiʼtɨnə! Me Baolo, ma soŋ a mbó bən ngə́ be nɨ nyɛʼtɨ ɨtumbəm ɨtsən bɨ tsəŋ ɨlagɨ ɨtsən muŋ, lá be ngə́ Kristo a se nɨ ɨlɨŋ wu tse a mbó bən tsi, kə́ tsɛʼ mɨnyiə ghe.

Galesha 5:24

Ɨbɛn ba bɨ tsinɨ a mbó Kristo Yeso zhwitɨnə ɨnu tsa mbəmnye lɔnə nkwiʼtɨ ɨnu tsa mbəmnye bɨ́ŋnɨ́nə́ ɨwu nkə́ ndǒ lá.

Ɛfɛso 3:11

Ŋwi a ghɨ́ a məzen ndzɔ̌ŋ akyaŋtɨ azhi za a ghɨnɨ ghɔ́ŋ nɨnkoŋ ə. Wɛrə a ghɨ́ a məzen a fu ntsa a ndzum Kristo Yeso Maʼmbyí ɨwɨgɨnə ghe.

Ɛfɛso 3:13

Ma lan, ma buʼ mbó a mbó bən, á mɨntəm ɨmɨŋ keʼ ghɔgɨ mbɨ́ʼ ngə́ ma zě ngɨ́ʼ a nkfu bɨŋ ə. Lá a nɨ taŋ á nɨ səŋ ɨwu ə.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

Ɛfɛso 4:1

Me wa ma nɨ ngaŋ atsáŋ mbɨ́ʼ ngə́ ma faʼə a mbó Maʼmbyí, ma tiʼə mbúʼtɨ́ mbó a mbó bən ngə́ á ntsi mbyi ɨzɨŋ tsi a nye ɨfɨʼ za ɨ diʼnɨ ngə́ nɨ lá ɨbɛn ba Ŋwi a tsɔʼnə.

Ɛfɛso 6:20

Ma nɨ tamandóm nkən wu shiʼnɨ məwiŋ ə, le buŋ ma tsi be atsáŋ tɨtsɔŋnɨ ə. A nɨ ntsáʼtə́ a Ŋwi mbɨ́ʼ aghan taŋ á ma sǒŋ nkən wu shiʼnɨ məwen adzaŋ za ma tsinɨ nɨ ɨ soŋə, tɨ nɨbɔgɨ lá.

Filibi 1:7

Nɨ tsi a mu ntəm me tsɛʼ nkfu tsum ə! Ma lan, a kuʼnɨ a mbó me a ndzúʼə a mu ɨnye me adzaŋ za ma zúʼnə́ lá mbɨ́ʼ awɨŋ ə. Mbɨ́ʼ ngə́ bən bɨtsum tsi nɨ ɨwɨŋ bagɨ abɔŋəntəm za Ŋwi a ghanɨ a mbó me ghe. Nɨ tsi nɨ zɛrə tɨtsɔŋnɨ wa ma tsinɨ atsáŋ lá abɔʼnɨ nkfu za ma bénɨ́ ŋwɔn nɨ atú azan a ngyemnkɨ nkən wu shiʼnɨ ɨ kɨ bi a wɛrə á ɨ təntɨ ɨ shiʼnɨ lá.

Kolose 1:24

Tɨtsɔŋnɨ ma dórə́ mbɨ́ʼ ngɨ́ʼ za ma zɛ́nə́ mbɨ́ʼ awən, mbɨ́ʼ ngə́ a ntsǎ a ndzum ngɨ́ʼ məzen za ma zɛ́nə́ a mbəmnye me, ma zě ngɨ́ʼ tsum adzaŋ za Kristo a lɔnə ngə́ á ma zɛn mbɨ́ʼ atú azhi, mbe lá ndáŋwi ə.

Kolose 4:18

Me Baolo, ma ŋwaʼnɨ atsaʼtɨ zen tsɛʼ me mboŋ nɨ abó azə. A nɨ keʼ lɨgɨnɨ ngə́ ma tsi a ndá atsáŋ ə! A abɔŋəntəm a Ŋwi a tsi a mbó bɨŋ ə.

Kolose 4:3

A nɨ kə́ ntsáʼtə́ a Ŋwi mbɨ́ʼ awɨgɨ, taŋ á Ŋwi a gha abárɨ́ a mbó bɨgɨ a sóŋ nkən ɨyi mbáʼ ɨ ghamnə lá mbɨ́ʼ anu a nkubə zə Kristo ghe. Mbɨ́ʼ ngə́ a nɨ mbɨ́ʼ a zɛrə mbáʼ ma tsinɨ atsáŋ tɨtsɔŋnɨ ə.

2 Timotyo 1:16

A Maʼmbyí a diʼ akômɨlɨŋnɨ a mbó ngwəgɨ Onɛsifɔrɨsɨ, mbɨ́ʼ ngə́ a kə́ ngɨə ntəm ɨghə saŋnɨnə nkfu tsə ghaʼnɨ ə. Wɛrə a sé dɨrɨ atú ngə́ ma tsí atsáŋ ə.

2 Timotyo 1:8

O tiʼ lá ntsi tɨ adɨrətú a sóŋ nkən wu shiʼnɨ mbɨ́ʼ a Maʼmbyí ɨwɨgɨnə; kə nkoʼ kɨ ntsi nɨ adɨrətú mbɨ́ʼ aghan, me wa ma nɨ ngaŋ atsáŋ mbɨ́ʼ atú a Kristo lá. Baŋnɨ ndɔgɨ azo adiʼ a ndzé ngɨ́ʼ mbɨ́ʼ Nkən wu Shiʼnɨ, ndzɔŋə adaʼ za Ŋwi a ghánə́ a mbó gho a ngɨə mə lan lá.

Firɨmɔn 1:1

Aŋwaʼnɨ zen a lo a mbó me, Baolo wa ma benɨ ngaŋ atsáŋ mbɨ́ʼ atú a Kristo Yeso ghe. Ma ŋwaʼnə a zɛrə lá ntsi bɨgɨ Timotyo mɨma ɨwɨgɨnə ghe. A ghěn a mbó gho Firɨmɔn, mbɔŋ ɨson ɨwɨgɨnə wa bɨgɨ bo faʼnə abó mɔ́ʼɔ́,

Firɨmɔn 1:23

Ebafrasɨ wa a tsinɨ atsáŋ bɨgɨ zɨ mbɨ́ʼ atú a Kristo Yeso a tsagə atsaʼtɨ azhi a mbó gho ghe,

Firɨmɔn 1:9

Lá mbɨ́ʼ ngə́ ma kɔŋ agho, ma baŋnɨ mbitɨ agho ɨ bitɨnə. Ma baʼtɨ mbe Baolo ɨ benɨ, me wa ma nɨ tamandóm Kristo Yeso, nkɨ mbe ngaŋ atsáŋ mbɨ́ʼ atú azhi tɨtsɔŋnɨ lá, ma ghɨ a məziŋ ə.

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.