Ɛfɛso 2:8 - Mɨkan wu Fi

⁸ Mbɨ́ʼ ngə́ a ndzum abeməntəm azən, a loŋ awən ntsa a ndzum abɔŋəntəm azhi; nkeʼ be be a ngɨ bɨŋ ə, a nɨ be azúm zə ghanɨ za Ŋwi a ghanɨ adaŋədaŋə ghe.

Ɛfɛso 2:8 Iomraidhean Croise

Matyo 16:17

Yeso a chwɨ́gɨ́ ayi ngə́, “Mbɔnɨ tsi atú gho a Samɔn mɔn Yoane! Ka nkənu zen a mbó gho a kyɛʼ ayi ŋwɔn mɨsɔŋ a ntsu ə, ɨ lanɨ ndo lá a mbó Ta ɨghan mbáʼ a tsinɨ a fɔməbvurə ghe.

Matyo 20:9

Ba bɨ lɔ́gɨ́nɨ́ awa afaʼ tso bɨnyom bɨtə̧̂ a nkwɛfɔ lá, bɨ kɔ́ʼtɨ́, ŋwɔn nɨbo tsum a kwarɨ nkáb afaʼ táʼ njwi ɛ.

Marɨkusɨ 16:16

Ŋwɔn tsum wa a nɨŋnɨ ntəm ɨyi ɨwu nkɨ nkwarɨ nkyi, bɨ ghɨ loŋ ayi ɛ, lá ŋwɔn tsum wa a sé nɨŋ ntəm ɨyi ɨwu, bɨ ghɨ tsənkɨ ayi a Njwi Nɨsáʼ ə.

Alukasɨ 7:50

Lá Yeso a sóŋ a mbó mangye wa ngə́, “Abeməntəm azo a loŋ agho; ghɛn nɨ mbɔnɨ ə.”

Yoane 3:36

Ŋwɔn tsum wa a nɨŋnɨ ntəm ɨyi a nye Mɔn Mbáŋnɨ́ wa, a tsi nɨ ntsi ntən nɨnkoŋ ə; ŋwɔn tsum wa a tənɨ atú a mbó Mɔn Mbáŋnɨ́ wa, a láʼ keʼ kon a mu ntsi ntən nɨnkoŋ, lá Ŋwi a mɨ ghěn nɨ mbyi a nɨ́ŋ ngɨ́ʼ wə ɨnye ə.

Yoane 4:10

Yeso a chwɨ́gɨ́ ayi ngə́, “O lo bá be zhi azúm za Ŋwi a ghánə́ abɔʼnɨ ŋwɔn wa a bítɨ́nɨ́ nkyi wu nonɨ a mbó gho lá, muŋ o baŋnɨ mbitɨ ayi nɨ nkyi, a mɨ tiʼ gha nkyi a mbó gho, abə́ŋ a nkyi za a ghánɨ́ ntsi ntɨŋ ə.”

Yoane 5:24

Tsɛʼ a nkənu, tsɛʼ a nkənu, ma soŋ a mbó bɨŋ ə, ŋwɔn wa a zúʼnə́ nɨgham ɨnan, ntiʼ nkɨ nɨŋ ntəm ɨyi a nye zɨ wa a tságɨ́nɨ́ aghan a tsi nɨ ntsi ntən nɨnkoŋ ə; bɨ mɨ keʼ ayi bə sáʼə; a binə ntsa a ntsu nɨvwo, nkon a mu ntsi ntɨŋ ə.

Yoane 6:35

Yeso a sóŋ a mbó bo ngə́, “Ma nɨ abán a ntsi ntɨŋ ə. Ŋwɔn tsum wa a yenɨ a mbó me a láʼ keʼ nɨ nji chyɛ; ŋwɔn wa a nɨŋnɨ ntəm ɨyi a nye me, nji nkyi láʼ keʼ ayi zaŋə.

Yoane 6:37

Ŋwɔn tsum wa Ta ɨghan a ghanɨ a mbó me, a mɨ yen a mbó me ghe. Ma láʼ kaʼ a ŋwɔn wa a yenɨ a mbó me kəntɨ,

Yoane 6:40

Mbɨ́ʼ ngə́ za Ta ɨghan a lɔnə a nɨ ngə́, ɨbɛn bɨtsum ba bɨ zɛ́nə́ a Mɔn Mbáŋnɨ́, nkɨ nɨŋ mɨntəm ɨma wə ɨnye, á bɨ tsi nɨ ntsi ntən nɨnkoŋ ə. Ma ghɨ zhwémnɨ́ awa a ntsɨrɨ ndzum njwi ɛ.”

Yoane 6:44

Ka ŋwɔn tse a chi yen ayi a mbó me tɨgha Tarɨ, zɨ wa a tságɨ́nɨ́ aghan a shwuŋtɨ ayi a ɨnye me; á ma tiʼ nzhwemnɨ ayi a tsi ntən a ntsɨrɨ ndzum njwi ɛ.

Yoane 6:65

A tíʼ nkwiʼtɨ ngə́, “Nə nɨ anu za ma sóŋnɨ́ a mbó bən ngə́ ka ŋwɔn tse chi yen ayi a mbó me tɨkə Ta ɨghan a ghɨ ngə́ á ghɨ mə lə.”

Ɨfaʼ 13:39

a ntsǎ a ndzum zɨ bɨ kyɛtɨ mɨnkɨ mɨ abuʼ mɨ mɨbvu mɨtsum, anu za Nyɔngɔŋ Mǒse a kɨ chínɨ́ keʼ ghɨ a nye ŋwɔn tsum wa a nɨŋnɨ ntəm ɨyi a nye zɨə.

Ɨfaʼ 14:27

Bo ghɨnə ngyén fu Antyokɨ, ngǒtɨ ndáŋwi táʼ adiʼ ntiʼ fɨʼtɨ a mbó bo ɨnu ɨtsum tsa Ŋwi a ghɨ́nɨ́ ntsa a ndzum bo ghe. Bo kɨ́ fɨʼtɨ adzaŋ za Ŋwi a ŋáʼnɨ́ ndóm a mbó ba a se bə Yuda be a nɨ́ŋ mɨntəm ɨma a nye Kristo ghe.

Ɨfaʼ 15:11

Bɨgɨnə baŋnɨ nɨŋ mɨntəm ɨmɨgɨnə ɨwu ngə́ bɨ loŋə awɨgɨnə ntsǎ a ndzum abɔŋəntəm a Maʼmbyí Yeso lá tsɛʼ tso mbáʼ bɨ loŋə awa ghe.”

Ɨfaʼ 16:14

Táʼ ŋwɔn wa a zúʼnɨ́ anu azɨgɨ a bé Litia wa a lónɨ́ a Tatira, wa a kɨ́nə́ fǐŋ atsɛʼ atɨŋndvuŋ za a kɨ́nə́ mbaŋə ghe. Wɛrə a bé mangye wa a kɨ́nə́ ngúʼsə́ a Ŋwi, Maʼmbyí a ŋáʼ ntəm ɨyi ngə́ á tɛgɨ atú azhi a nye anu za Baolo a kɨ́nə́ sóŋə́ ghe.

Ɨfaʼ 16:31

Bo chwɨ́gɨ́ ngə́, “Nɨŋ ntəm ɨgho a nye Maʼmbyí Yeso, bɨ mɨ tiʼ loŋ agho — gho abɔʼnɨ ŋwɔn tsum a ndá gho ghe.”

Roma 10:14

Lá bo mɨ bitɨ akwatɨ a mbó wɛrə lá ɨ nə́ mbáʼ bo se mɨntəm ɨma wə ɨnye Ŋwi nɨŋ lá le? Bo mɨ kɨ nɨŋ mɨntəm ɨma wə ɨnye lá ɨ nə́ mbáʼ bo bvurɨnɨ tɨ zuʼ mbɨ́ʼ ayi lá le? Bo mɨ kɨ tiʼ zuʼ lá ɨ nə́ mbáʼ bɨ bvurɨ tɨ chwitɨ nkən wu wu a mbó bo lá le?

Roma 10:17

Ma lan, abeməntəm a lǒ lá a mbó nkən wa ɨbɛn zúʼnə́, bɨ zuʼənɨ nkən məwen ntsǎ lá a ndzum ɨ soŋ anu mbɨ́ʼ a Kristo ghe.

Roma 4:16

Ma lan, ɨbɛn chyɛ̌ nɨ akaʼ a Ŋwi ntsǎ lá a ndzum abeməntəm taŋ á akaʼ a Ŋwi a mbó ɨlə̌ Abraʼm ɨtsum, za a zɛʼtɨnɨ a nye abɔŋəntəm tiʼ mbe mɨntɨ ma bɨ bɛʼnɨ ngə́ zɨə ghɨ lɛn akaʼ azhi ɛ — nkeʼ tsɛʼ a mbó ba bɨ lɛnə a Nyɔngɔŋ be, lá nkɨ nkwiʼtɨ a ba bɨ tsinɨ nɨ abeməntəm tso za Abraʼm a tsínɨ́ nɨ zɛrə, mbɨ́ʼ ngə́ wɛrə a nɨ ta ɨwɨgɨnə wu kɔ́ʼɔ́nguʼ, ɨwɨgɨnə bɨtsum ə.

Roma 4:5

Lá ɨbɛn ba bɨ zɛʼtɨnɨ awa a nye abeməntəm nkeʼ be a nye abó afaʼ be, bo ba bɨ nɨŋnɨ mɨntəm ɨma a nye Ŋwi, zɨ wa a sóŋnə́ ngə́ ɨbɛn ba bɨ ghɨnɨ ɨbvu se bə mbvurɨ mbe ngaŋ ngɨ mɨbvu, a nɨ abeməntəm məzen za Ŋwi a lɔgɨnə ngɨə bo tɛmnɨnə a ɨshi ɨmɨgɨ zɨə.

Roma 9:16

Ma lan, ka anu atsum a ndzɔŋə ayi lá tsɛʼ adzaŋ za ŋwɔn mɨsɔŋ a ntsu a lɔnə kə ngɨə, a nɨ tsɛʼ mbɨ́ʼ akômɨlɨŋnɨ a Ŋwi ə.

Galesha 3:14

Kristo a ghɨ́ a məzen lá taŋ á ɨfɔgə wa Ŋwi a káʼnɨ́ Abraʼm nɨ wɛrə, bɨ chi gha a wɛrə a mbó ba a se bə Yuda be a ntsǎ a ndzum Kristo Yeso, taŋ a ntsǎ a ndzum abeməntəm bɨgɨnə chi kwarɨ Azhwi za Ŋwi a káʼnɨ́ awɨgɨnə nɨ zɛrə lá.

Galesha 3:22

Lá aŋwaʼnɨ a Ŋwi a soŋ ngə́ mbyi tsum lǒ ngɨ ɨbvu tsɛʼ nkfu tsum; ma lan, azúm zə ghanɨ za bɨ káʼnɨ́ a zɛʼtɨ ayi a nye abeməntəm a nye Yeso Kristo, bɨ ghá lá a mbó ɨbɛn ba bɨ nɨŋnɨ mɨntəm a nye Kristo ghe.

Ɛfɛso 1:19

Nɨ mɨ kɨ zhi adzaŋ za mɨtən ɨmyi ma bɨ chinɨ keʼ fɨʼnɨ, a mɨ faʼnə a mu ɨnye bɨgɨnə ba bɨ nɨŋnɨ mɨntəm ɨmɨgɨnə a nye zɨ lá. Mɨtən məmen ma mɨ faʼnə a mu ɨnye bɨgɨnə tsi ndəŋndəŋ bo mɨtən mə wi ma

Ɛfɛso 2:10

Mbɨ́ʼ ngə́ bɨgɨnə nɨ abó afaʼ azhi mbáʼ wɛrə a káʼnɨ́ ntsa a ndzum Kristo Yeso ngə́ á bɨgɨnə ngɨə tsɛʼ ɨnu tsɨ shiʼnɨ tsa Ŋwi a kwɛ́nə nkyaŋtɨ ngə́ á bɨgɨnə ngɨə tsɛʼ a tsɛrə lá.

Ɛfɛso 2:5

tsɛʼ a nkfu za bɨgɨnə kfónɨ́ mbɨ́ʼ atɨŋətú azɨgɨnə abɔʼnɨ mɨbvu ɨmɨgɨnə lá, wɛrə a ghɨ́ bɨgɨnə tsi atú ntən bɨgɨnə bɨ Kristo ghe. A ndzum abɔŋəntəm bɨ loŋnə awɨŋ ə.

Filibi 1:29

Mbɨ́ʼ ngə́ Ŋwi a ghanə abárɨ́ a mbó bən ngə́ á nɨ faʼ a mbó Kristo, nkeʼ be tsɛʼ a nɨ́ŋ ntəm wə ɨnye, lá nkɨ mbe a ndzé ngɨ́ʼ mbɨ́ʼ ayi ɛ.

Kolose 2:12

Mbɨ́ʼ ngə́ a nkfu za nɨ kwárɨ́nɨ́ nkyi lá, bɨ twə́ŋ awən bɨŋ bɨ Kristo ghe. A nkwárɨ́ nkyi məwen, Ŋwi a kɨ́ nzhwémnɨ́ awən bɨŋ bɨ Kristo ntsa a ndzum abeməntəm azən a nye mɨtən mɨ Ŋwi ma mɨ faʼnə ghe. Ŋwi a zhwémnɨ́ ayi a mbó nɨvwo ə.

2 Tesalonaika 1:9

Bo ghɨ ze ngɨ́ʼ ɨ tiʼ kon a mu ɨnɨŋ ngɨ́ʼ mbáʼ ɨ lá ntsənkə nɨnkoŋ, á bɨ lɔgɨ awa ndotɨ nɨ bo a ɨshi ɨmɨgɨ Maʼmbyí abɔʼnɨ adaʼ azhi zə nɨfáŋ,

Ɛbal 6:4

Ka ndóm tse be ayi ɨwu a ngɨə á ɨbɛn bə mbəŋ mɨntəm ɨma a nye mɨbvu ɨma, ɨbɛn ba bɨ kwɛ́nə ntsi a mu nkaʼ Ŋwi, njwiʼtɨ azúm zə ghanɨ za a lonə a fɔməbvurə nkɨ nchintɨ bo bɨ ɨbɛn bə mɔʼɔ nkwarɨ Azhwi zə Fɛmnɨ ə.

1 Bita 1:5

A tsi lá a mbó bən ba a ntsǎ a ndzum abeməntəm, mɨtən mɨ Ŋwi kɨnkə awən ɨ kɔʼ kuʼ njwi za nɨ ghɨnɨ tsi nɨ ɨloŋ, ɨloŋ wa ɨ tsenə ngə́ á bɨ ghɨ nkyɛʼ a nye ntsɨrɨndzum nkfu lá.