Ɛfɛso 2:4 - Mɨkan wu Fi

⁴ Lá, Ŋwi, zɨ wa a lonɨ nɨ mɨlɨŋnɨ, mbɨ́ʼ ngə́ wɛrə a kɔŋ awɨgɨnə be tɨ́sə́n,

Ɛfɛso 2:4 Iomraidhean Croise

Alukasɨ 1:78

Ŋwi ɨwɨgɨnə a kǒ a mɨlɨŋnɨ nkɨ ndon nɨ akɔŋnɨ ə. Wɛrə a ghɨ ghɨ ɨloŋ ɨ yen a mbó bɨgɨnə tso ɨshiʼ njwi zɨ fɛmnɨ

Roma 10:12

Məzen a kɔmtɨ a ŋwɔn tsum mbɨ́ʼ ngə́ ka líʼ a tsi ayi a tɨtərɨ bə Yuda abɔʼnɨ ba a se bə Yuda be ə; Ŋwi a nɨ tsɛʼ táʼ Maʼmbyí a mbó ŋwɔn tsum ə. Wɛrə a fɔ́gə́ a ŋwɔn tsum wa a yenɨ a mbó zɨə.

Roma 2:4

Kə aghagɨ a tsɛrə o wágɨ́nɨ́ ɨbɔŋ wu wi wa Ŋwi a ghɨnə, achigəntəm azhi abɔʼnɨ nchigə ɨzhi ɛ. Tsɛʼ a nkənu, o zhi ngə́ ntəm Ŋwi a nɨ wa ɨ ghɨnə tsɛʼ ɨbɔŋ ə, mbɨ́ʼ ngə́ wɛrə a ghɨ̌ ɨnu ɨtsum a ndzé ngə́ o bəŋ ntəm ɨgho a nye mɨbvu ɨmo.

Roma 5:8

Lá Ŋwi a diʼnə ngə́ zɨə kɔŋ awɨgɨnə be tɨ́sə́n a nye ndómnji wɛnə ngə́ mbáʼ bɨgɨnə bvúrɨ́ mbé ngaŋ ngɨ mɨbvu, Kristo a kfó atú bɨgɨnə ghe!

Roma 9:23

Wɛrə a kɨ chyɛ nkə́ ndǒ nkyɛʼ nɨfáŋ ɨni na nɨ ghaʼnɨ be adaŋədaŋə, na bɨ chwírɨ́nɨ́ a nye bɨgɨnə ba nɨ ɨbɛn ba wɛrə a kónə́ a mɨlɨŋnɨ a nye bo lá. Bɨgɨnə lá ba wɛrə a kyaŋtɨnə a nkwárɨ́ nɨfáŋ ɨni ɛ.

Ɛfɛso 1:7

A ntsǎ a ndzum alɛm a Kristo za bɨ chwírɨ́nɨ́ atɨ abaŋnɨ-baŋnɨ, bɨ zón atú azɨgɨnə, lá be ngə́, bɨ lɨgɨnɨ ɨfənu ɨtsɨgɨnə, ndzɔŋə a ndzum abɔŋəntəm azhi za a kwə́ŋnɨ́nə́,

Ɛfɛso 2:7

Wɛrə a ghɨ́ a məzen lá ngə́ a mu mbyi za ɨ lo bə yen lá, wɛrə a chi diʼ abɔŋəntəm azhi za a ghaʼnɨ tsɛʼ a nkan lá a nye adzaŋ za wɛrə a ghɨ́nɨ́ ɨbɔŋ a nye bɨgɨnə ntsa a ndzum Kristo Yeso ghe.

Ɛfɛso 3:8

Ka ma kuʼ aghan ndwɨgɨnɨ ndzum ŋwɔn a tɨtərɨ ɨbɛn bɨ Ŋwi ə. Lá a mu abɔŋəntəm a Ŋwi, wɛrə a ghá abárɨ́ a mbó me a ndɔgɨ Nkən wu Shiʼnɨ ɨ ghɛn nɨ wɛrə a mbó ɨbɛn ba bɨ se bə Yuda be ə. Nkən məwiŋ be lá mbɨ́ʼ afuʼ a tɨmi za a tsinɨ a nye Kristo ghe.

2 Tesalonaika 2:13

Ɨbɔmbɨma, bɨgɨ mɨ zagɨ ghanə a mɨya a mbó Ŋwi nkfu tsum a nkfu bən, bən ba Maʼmbyí a kɔŋnɨ lá. Mbɨ́ʼ ngə́ Ŋwi a tsɔ́ʼ awən tso bɨtsa bɨ mbyi ba bɨ lóŋnɨ́ awa ntsa lá a ndzum Azhwi zə Fɛmnɨ nkɨ ntsa a ndzum abeməntəm azən a nye nkənu taŋ ɨ ghɨ awən a nye ɨbɛn ɨbyi bə fɛmnɨ ə.

1 Timotyo 1:14

Maʼmbyí ɨwɨgɨnə a ghá abɔŋəntəm azhi za a kɨ́nə́ nkwə́ŋnə́ a mbó me, nkɨ nga abeməntəm abɔʼnɨ akɔŋnɨ, ɨnu tsa bɨgɨnə tsínə́ nɨ tsɛrə a nkfu za bɨgɨnə tsinɨ a mbúm bɨgɨnə bɨ Kristo Yeso lá.

2 Timotyo 1:9

Wɛrə a lóŋ awɨgɨnə nkɨ ntsɔʼ awɨgɨnə ngə́ á bɨgɨnə be ɨbɛn ɨbyi, nkeʼ be be mbɨ́ʼ anu za bɨgɨnə ghɨnə, lá mbe be mbɨ́ʼ adzaŋ za wɛrə a lɔnə abɔʼnɨ abɔŋəntəm azhi ɛ. Wɛrə a ghá abɔŋəntəm məzen a mbó bɨgɨnə ntsa a ndzum Kristo Yeso bɔŋ á mbyi mbíʼnə́,

1 Bita 1:3

A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,