Ɛfɛso 2:2 - Mɨkan wu Fi

² ma nɨ tsínɨ́ wə mu, ndzɔ̌ŋ ɨtɔmnɨ ɨnu tsɨ atuəshe wen, ndzɔ̌ŋ a zɨ wa a sáʼnɨ́ ɨzhwi ɨtsum a mu ɨfɛgɨ; azhwi za, tɨtsɔŋnɨ a tíʼnə́ ntsɨ́ŋnɨ́ ɨbɛn ba bɨ tənə atú a mbó Ŋwi lá.

Ɛfɛso 2:2 Iomraidhean Croise

Matyo 11:19

Mɔn Ŋwɔn a ghɨnə ngyén, ndzɨ mɨdzɨ nkɨ no mɨluʼ, nɨ soŋ ngə́, ‹Zɛnə a mba wiŋ ə! A nɨ ndánɨdzɨ nkɨ mbe abarə a mɨluʼ, mbe ɨson bɨ bɨkwárɨ́ bɨ ashɛbɨ bo ngaŋ ngɨ mɨbvu bə mɔʼɔ ghe!› Lá bɨ zhyɛ̌ a zóŋ Ŋwi lá a nye ɨnu tsɨ kuʼnɨnɨ tsa ɨbɛn ghɨnə ghe.”

Matyo 13:22

Mbum tsa tsɨ vwókɨ́nɨ́ a mu kyɛrə-kyɛrə be lá tso ɨbɛn ba bɨ zuʼnɨ nkən wa, lá ɨnu atuəshe abɔʼnɨ akɔŋnɨ za bo tsinɨ nɨ zɛrə a nye afuʼ, tsɨ lo ɨ fumsɨ nkən wa ɨ keʼ mɨntam mə tsɛrə konə.

Matyo 13:38

ɨshwom wa ɨ be mbyi ziŋə; mbum ɨdzum tsɨ shiʼnɨ tsa bɨ bínɨ́ lá be ɨbɛn bɨ Nɨfɔ na; ngvúŋ za be ɨbɛn bɨ Wu Ntɔmnɨnɨ,

Marɨkusɨ 4:19

lá ɨnu atuəshe bo bɨ akɔŋnɨ aza a nye afuʼ, abɔʼnɨ ntɛgɨ ntɔŋ a nye ɨbə́ŋ ɨdzúm tsa bo lɔnə, ɨ kon njiʼ nkən wa, nkən wa keʼ mɨntam konə.

Alukasɨ 16:8

A nye anu za a lwɨ́gɨ́nɨ́nɨ́ fu ɨwu a nɨ ngə́, tafaʼ wa a bóntɨ́ a ndə̌tú ŋwɔn ɨchwenu a nye ɨdzúm tafaʼ ɨyi wa ngə́ a ghɨ́ anu zə shiʼnɨ ə; mbɨ́ʼ ngə́ ɨbɛn bɨ atuəshe bɨ yigɨnɨ tsɛʼ nkan a ndə̌tú a nye ɨnu ɨtsa ntsa ɨbɛn ba bɨ tsinɨ a mu nkaʼ ə.”

Alukasɨ 22:31

“Samɔn, Samɔn! Zuʼ le! Satan a kwarɨ mɨtən a njwə́ŋtɨ́ bən taŋ ɨ zarɨ a bə shiʼnɨ a tɨtərɨ bə tɨbɔŋ tso mbáʼ ndyiʼ mɨshwom a kyɛ́rɨ́nɨ́ mɨkon abɔʼnɨ ntsaʼ ɨchi lá.

Yoane 12:31

Tɨtsɔŋnɨ a nɨ nyom á bɨ sáʼ ɨbɛn bɨ mbyi ziŋ ə; nkfu ɨ kuʼ za bɨ mɨ gháʼ a zɨ wa a sáʼnɨ́ mbyi ziŋ ə.

Yoane 13:2

Yeso bo bɨ bɨyɛʼ ɨbyi tsí a mɨdzɨ mɨ nkwɛfɔ ə. Dəbɨrɨ a kwɛ́nə nɨ́ŋ akwaʼtɨ a fiŋ Yeso a mu ntəm Yudasɨ Iskario wa a bénɨ́ mɔn Samɔn Iskario ghe.

Yoane 13:27

Tsɛʼ mbáʼ Yudasɨ a kwárɨ́nɨ́ abán za, Satan a kón wə mu ɨnye ə. Yeso a sóŋ wəmbo ngə́, “Tsɔʼtɨ ɨnye ɨzo, ngwaŋnɨ ngɨ anu za o mɨ zagɨ ghɨ lá!”

Yoane 14:30

Ma chi kaʼ bə ntsi ngámnə́ bɨgɨnə a nye abaŋ zə sa, mbɨ́ʼ ngə́ nsalaʼ atuəshe a yiŋə ghe. Ka a tsi ayi nɨ mɨtən mə tsɛrə atú me,

Yoane 15:19

Be nɨ tsi a mbó ɨbɛn bɨ atuəshe, muŋ ɨbɛn bɨ atuəshe mɨ kɔŋ awən tso ɨba ɨbɛn ə. Lá ma zárɨ́ awən a tɨtərɨ ɨbɛn bɨ atuəshe, nɨ keʼ a mbó ɨbɛn bɨ atuəshe tsi; nə nɨ anu za a ghɨnɨ ɨbɛn bɨ atuəshe ban awən lá.

Yoane 16:11

za bo kwaʼtɨnɨ mbɨ́ʼ nɨsáʼ nɨ Ŋwi ka a kuʼnɨ ayi mbɨ́ʼ ngə́ bɨ kwɛnə sáʼ a nsaʼlaʼ atuəshe wen nchɛrɨ ɨsáʼ ɨyi ngə́ a vwo ɨsáʼ ə.

Yoane 7:7

Atuəshe a chi keʼ awən bə̂, lá mbán aghan, mbɨ́ʼ ngə́ nkfu tsum ma soŋə a mbó bo ngə́ ngɨnɨ mɨnu ɨma bɨ́gɨ́ ə.

Yoane 8:23

Yeso a chwɨ́gɨ́ a mbó bo ngə́, “Nɨ nɨ ɨbɛn bɨ atuəshe a ntɨ́ŋ ɨghə, lá ma lo be atɨ́ ə. Nɨ lo atuəshe wiŋ ə, lá ka ma lo aghan lá atuəshe wiŋ ə.

Yoane 8:44

Nɨ nɨ ɨbɔ bɨ ta ɨwɨŋ Dəbɨrɨ, nɨ kə́ ndǒ ndzɔŋ ɨnu tsa ta ɨwən a lɔnə ghe. A bé ngwarɨ ŋwɔn ɨ lɔgɨnɨ a mbiʼnə, a láʼnə nkeʼ nɨ anu zə tse a ngɨə nɨ nkənu tsi, mbɨ́ʼ ngə́ ka nkənu zɨ tsɛrə ɨ tsi ayi wə ɨnye. A chwe ɨnu lá, a ghamnə lá nɨgham na nɨ tsinɨ a mu mbɔm ɨzhi, mbɨ́ʼ ngə́ a nɨ ŋwɔn ɨchwenu nkɨ mbe ta bɨ ɨchwenu ə.

Ɨfaʼ 19:35

A ndwɨgɨnə, ngvǔŋ aŋwaʼnɨ ntáʼmbagə wa a ghɨ́ ɨnɔ wa kyɛntɨ ngamə ghe. Wɛrə a tíʼ sóŋ ngə́, “Ɨbɔmbɨma ɨban bə Ɛfɛso! Ŋwɔn tsum a zhi ngə́ ntáʼmbagə wu wi wu bə Ɛfɛso nɨ adiʼ a nchyɛ nɨshwim nɨ Atɛmisɨ wu ngwi wa a nɨ azúm alɔ́ʼ nkɨ mbe adiʼ a nchyɛ ngɔʼ zɨ fɛmnɨ za ɨ lónɨ́ a fɔməbvurə ngvo lá.

Ɨfaʼ 5:3

Bita a tíʼ mbítɨ́ wəmbo ngə́, “Anania, o lo nyɛʼtɨ Satan a kon a mu ntəm ɨgho ntiʼə ntsɨŋnə agho, ngɨ agho o chwe ɨnu a mbó Azhwi zə Fɛmnɨ a nye adzaŋ za o lɛnɨ abvuʼ a nkáb za o fenɨ abɨŋ a ɨshe azo ɨwu lá ngə́ ke le?

Roma 12:2

Njimbɨʼ nɨ zɔŋnɨ ngɨnɨ mɨnu mɨ ɨbɛn bɨ atuəshe wiŋ ə, lá nɨ nyɛʼtɨ á Ŋwi a bənkɨ mɨntəm ɨmən taŋ á nɨ kwebtɨ mbɔm ɨtsɨŋ ə. Adzaŋ məwen, nɨ mɨ tiʼ zhi anu za Ŋwi a lɔnə — anu za a bɔŋnɨ, nkɔʼ ntɛm ngə́ tsáŋ nkə́ ngɨə ɨnye Ŋwi bɔŋənə ghe.

1 Korɨnto 5:10

Ma sá sóŋ lá bɨtɨbeməŋwi ba a nɨ ngaŋ ntɔrɨ ɨlɛbɨ, bəmiɛnɨngám kə mɨzɛrə kə ɨbɛn ba bɨ ghúʼsɨ́nɨ́ ɨbɔ bɨ abe. A mbaʼtɨ məben, nɨ mɨ tsi nɨ ɨ fuə a mu mbyi wen tsɛʼ funə.

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

2 Korɨnto 4:4

A nye ɨza nkfu ŋwi atuəshe a nɨŋ ɨfɨgɨ a nye mɨntəm mɨ bɨtɨnɨŋ ntəm a nye Kristo, taŋ ɨ kubɨnɨ awa a ndzé nkaʼ nkən wu shiʼnɨ wu nɨfáŋ nɨ Kristo, zɨ wa a nɨ afi a Ŋwi lá.

Galesha 1:4

A fɨ́gɨ́ bɨgɨnə a mu nguʼ mbyi zɨ ntɔmnɨnɨ zɨ tɨtsɔŋnɨ zen, Kristo a ghá atuəmbəm azhi tso mɨtsuʼnɨ mɨ atú mbɨ́ʼ mɨbvu ɨmɨgɨnə, a ndzúʼnɨ́ anu za Ŋwi, zɨ wa a nɨ Ŋwingɔŋ Ta ɨwɨgɨnə a lɔnə ghe.

Ɛfɛso 1:21

Kristo a tsi ɨwu, ɨ sáʼə ɨzhwi tsɨ tən ɨtsum tsa tsɨ sáʼnɨ́ fɔməbvurə ghe. Ɨkum ɨyi tsi atú mɨkum mɨtsum ma bɨ chwinɨ atuəshe wen abɔʼnɨ mbyi za ɨ lo bə yen lá.

Ɛfɛso 2:11

A nɨ waʼtɨ ngə́ a nkfu tse, bən wa nɨ nɨ ɨbɛn ba a se bə Yuda be a mbəmnye, ba bə Yuda tɔ́ŋnə́ ngə́ bɨtɨtsəŋ alagɨ, ntɔŋ ɨtumbəm ɨtsa ngə́ ba bɨ tsəŋnɨ ɨlagɨ ɨtsa; anu zə tse za bɨ ghɨnə a nye mbəmnye nɨ mbó —

Ɛfɛso 2:13

Lá tɨtsɔŋnɨ, mbɨ́ʼ ngə́ bɨgɨnə tsi a mbúm bɨgɨnə bɨ Kristo Yeso, bən wa aghagɨ azən a ságɨ́nɨ́ a Ŋwi lá, nɨ zhinə ayi mbɨ́ʼ alɛm a Yeso za bɨ chwirɨnɨ atɨ abaŋnɨ-baŋnɨ ə.

Ɛfɛso 2:3

A nkfu tse, bɨgɨnə tsí a tɨtərɨ məbiŋ ɨbɛn ngɨ̌ ɨnu tsa mbəmnye bɨ́ŋnɨ́nə́ mbɨ́ʼ a tsɛrə, ndzɔ̌ŋ ɨnu tsa mbəmnye abɔʼnɨ akwaʼtɨ lɔnə ghe. Adzaŋ məwen, bɨgɨnə tíʼ mbe ɨbɔ ba bɨ ghɨnɨ zɛ́n alwɛntɔ́ŋ a Ŋwi, ndəŋndəŋ tso mbáʼ ŋwɔn mɨsɔŋ tsum a ghɨnɨ zɛ́n lá.

Ɛfɛso 4:17

Nɨ ɨkum Maʼmbyí, ma tiʼə nkwantə awɨŋ ə: njimbɨʼ nɨ bvurə ngěn nɨ mbyi nchyɛ̌ tso ba a se bə Yuda be, mbáʼ ɨkwaʼtɨ ɨtsa nɨ tsɛʼ ɨnu adaŋədaŋə,

Ɛfɛso 4:22

Ma lan, á nɨ nyɛʼ ɨlvuŋ ngɨnɨ mɨnu ɨtsən, mbáʼ tsɨ kɨ́nə́ ngɨə nɨ tsinə adzaŋ za nɨ kɨ́nə́ nchyɛ̌ lá. Ɨlvuŋ ɨnu ɨtsən tsa tsɨ kɨ́nə́ ndǒ tsɛʼ ɨnu ntámtɨ tsa tsɨ kɨ́nə́ ntsənkə awən lá.

Ɛfɛso 5:6

A ŋwɔn tse a keʼ awən nɨ ɨlentɨ mɨgham tamtə; a nɨ mbɨ́ʼ ɨdzaŋ ɨnu tso mətsen tsa tsɨ ghɨnɨ tɔ́ŋ alwɛntɔŋ a Ŋwi a nye ɨbɛn ba bɨ se ayi a ndzúʼnə́ ghe.

Ɛfɛso 5:8

Tsɛʼ bɨŋ mboŋ, a bé a nkfu tse lá nɨ tsi a ndzumnɨ ə, lá tɨtsɔŋnɨ mbáʼ nɨ tiʼnɨ mbe ɨbɛn bɨ Maʼmbyí lá, nɨ tiʼ ntsi a mu nkaʼ ə. Ma lan, nɨ tsi nɨ ɨ tiʼə chyɛnə tso ɨbɛn ba bɨ tsinɨ a mu nkaʼ,

Ɛfɛso 6:12

Mbɨ́ʼ ngə́ ka bɨgɨnə ntǒ awɨgɨnə lá ɨbɛn bɨ mɨsɔŋ a ntsu, bɨgɨnə tǒ be ɨzhwi tsɨ tən tsa tsɨ sáʼnə́ a fɔməbvurə mbe tsə abɨgəntəm lá.

Kolose 1:21

A bé a nkfu tse, mbáʼ nɨ bvúrɨ́nɨ́ tɨ nɨŋ mɨntəm ɨmən a nye Kristo lá, aghagɨ azən a ságɨ́ tɨ́sə́n a nye Ŋwi, nɨ kɨ mbe ngaŋ kɨban ɨchi, mbɨ́ʼ mɨbvu ma nɨ kɨ́nə́ nkwaʼtə nkə́ ngɨə ghe.

2 Timotyo 4:10

Mbɨ́ʼ ngə́ Demasɨ a nɨŋ akɔŋnɨ azhi a nye ɨdzúm atuəshe zen, ɨ nyɛʼtɨ aghan ngɛn a Tesalonaika ghe. Lá Krɛsɛnsɨ a ghɛn a Galesha, Tɨ́tósɨ a ghɛn a Dalmesha ghe.

Jemsɨ 1:27

Za Ŋwingɔŋ Tarɨ a lɔgɨnɨ ngə́ a nɨ ndóm wa o zhinɨ a Ŋwi wa ɨ fɛmnɨ nkɨ mbe ngótɨ́ wɛrə, a nɨ zɛnə: a ndə̌tú a nye bɨtyi abɔʼnɨ bɨkfugɨ bɨ bəngye a mu ngɨ́ʼ ɨza, ɨ kɨ baʼtɨ atuəmbəm azo ngə́ á atuəshe a keʼ agho shwiʼə.

Jemsɨ 1:7

Ɨbɛn tso məba, ba bɨ mə́ŋnɨ́nə́ tsɛʼ nkfu tsum, ba ka bo ndáʼə ntsɔ́ʼə awa a mu mɨntəm ɨma anu za bo lɔnɨ ngɨə, bo mɨ zagɨ ɨ keʼ ngwíʼtə́ ngə́ bo mɨ kwarɨ azúm zə tsɛrə a mbó Maʼmbyí ɛ.

Jemsɨ 4:4

Nɨ be lá tso ngaŋ achwurɨ ə! Nɨ se zhi ngə́ a ntɛ́gɨ́ mɨntɔŋ ɨmən a nye ɨdzúm atuəshe ghɨ awən a nye ngaŋ kɨban Ŋwi le? Ma lan, ŋwɔn tsum wa a tɛgɨnɨ ntɔŋ ɨyɨ a nye ɨdzúm atuəshe, a ghɨ atuəmbəm azhi a nye ngaŋ kɨban Ŋwi ə.

1 Bita 1:14

A nɨ ndzúʼnə́ a Ŋwi, nkeʼ kɨ nyɛʼtɨ á ɨnu tsa nɨ kɨ́nə́ ndǒ a nkfu za nɨ bvúrɨ́nɨ́ tɨ zhi anu zə tsɛrə á tsɨ ntsɨŋnɨ ntsi mbyi ɨtsɨŋ ə.

1 Bita 4:3

A be ngə́ nkfu za ɨ tsanə ɨ kuʼnɨ a ngɨ ɨnu tsa ba a se bə Yuda be kɔŋnɨ a ngɨə lá. Ntsi mbyi ɨtsɨŋ tsí lá a ngɨ ɨtɨshwe ɨnu, ntɛgɨ ntɔŋ a nye ɨdzúm tsa mbəmnye lɔnə, mbanɨ mɨluʼ, afágɨ́nɨ, nchyɛ a nye bɨmandzɔŋ bɨ no mɨluʼ ɨ banɨ, abɔʼnɨ nguʼsɨ ɨbɔ bɨ abe, anu zə tse za ŋwɔn a se tsi nɨ ɨ láʼ ghɨə.

2 Bita 2:14

O chi zɛn achwurɨ a ɨmɨgɨ bo; o chi koʼ zhwurɨsɨ awa a nye ngɨ mɨbvu ɨza ghe. Bo tsagɨnɨ ɨbɛn ba mɨntəm ɨma bɔrɨkɨnɨ a mu ndab ə. Bɨ mərɨsɨ mɨntəm ɨma ngə́ á mɨ be mə amiɛnɨngám ə. Ŋwi a lɔʼ awa ghe!

1 Yoane 3:10

Nə nɨ líʼ wa a lanɨ ntsi ɨwu a tɨtərɨ ɨbɔ bɨ Ŋwi abɔʼnɨ ɨbɔ bɨ Dəbɨrɨ ngə́: ŋwɔn tsum wa a se ngɨə anu za a kuʼnɨnɨ kə nkeʼ a bə mɔʼɔ kɔŋ, ka a be ayi mɔn Ŋwi ə.

1 Yoane 3:8

Ŋwɔn tsum wa a ghɛnə nɨ mbyi ngɨ̌ ɨbvu a tsi lá a mbó Dəbɨrɨ, mbɨ́ʼ ngə́ Dəbɨrɨ a ghɨnɨ ɨbvu ndɔgɨnɨ a mbiʼnə ghe. Mɔn Ŋwi a fú a ɨshe lá mbɨ́ʼ anu məziŋ ə, a ntsənkɨ anu za Dəbɨrɨ a ghɨ́nə́.

1 Yoane 4:4

Lá bən nə ɨbɔ ɨban, nɨ tsi a mbó Ŋwi, nɨ kɨnə nkɨ ngháʼ ntóm Ŋwi ɨchwenu, mbɨ́ʼ ngə́ Azhwi za a tsinɨ a mu ɨnye bən a tən ntsa azhwi za a tsinɨ a mbó ɨbɛn ba bɨ tsinɨ a mbó atuəshe.

1 Yoane 5:19

Wu Ntɔmnɨnɨ a báʼtə́ sáʼə atuəshe atsum ɨ sáʼnɨ́ lá, bɨgɨnə zhi ngə́ bɨgɨnə tsi a mbó Ŋwi ə.

1 Yoane 5:4

Ka tsɨ tən awa be tɨ́sə́n mbɨ́ʼ ngə́ mɔn Ŋwi tsum a chi tokɨ ɨ gháʼ ɨnu atuəshe ə. Bɨgɨnə kə́ nchyɛ̌ nɨ ayanguʼ atú atuəshe ntsǎ lá ndzum abeməntəm azɨgɨnə ghe.

Nkyɛʼə 12:9

Bɨ tyíŋ a tə́fəm dragɔn wa ɨ maʼ a ntáʼə — ɨnyo bənguʼ za bɨ tɔ́ŋnə́ ngə́ Dəbɨrɨ, kə Satan, mbáʼ ɨ támtɨ́nɨ́ atuəshe atsum lá. Bɨ máʼ ayi a shiʼ ngyen atuəshe, ndzɔŋ nkwiʼtɨ ɨtsendá Ŋwi ɨchi ɨtsum ə.

Nkyɛʼə 13:14

Wɛrə a támtɨ́ a ŋwɔn tsum wa a tsínə́ atuəshe ntsa a ndzum ɨnu tsɨ yerɨnɨ-yerɨnɨ tsa Ŋwi a nyɛ́ʼtɨ́nɨ́ ngə́ á wɛrə a ghɨ a ɨshi ntsambyi ɨnyam mɨbaʼ za. Ɨnyam mɨbaʼ za sóŋ a mbó bo ngə́ á bo bɔm a mɔn abe a nkɔ́ʼsɨ́ ɨnyam mɨbaʼ za bɨ lɛ́mnɨ́ nɨ lumban lá ɨ bvurɨ ntsi atú ntən lá atɨ́ ə.

Nkyɛʼə 13:8

Ɨbɛn bɨtsum atuəshe mɨ ghuʼsɨ ayi, lá ɨbɛn ba bɨ ŋwáʼnɨ́nɨ́ mɨkum ɨma bɔŋ ɨ káʼ atuəshe a mu aŋwaʼnɨ a ba bɨ tsinɨ atú ntən, aŋwaʼnɨ a Mɔn Mbyindzɨ wa bɨ zhwítɨ́nɨ́ lá, məbiŋ mɨ keʼ ayi ghuʼsə.

Nkyɛʼə 16:17

Ntsendá Ŋwi za ɨ zɔ́ŋtɨ́nɨ́ a nye ɨdiʼ tsi samba chwírɨ́ azhi akəbɨ a mɨlwi wu ntən a mu ɨfɛgə. Nji zɨ nkɔʼnɨ atɨ́ zɨ tsɛrə kə́ fúə, ndo a nye abərɨ za a mu nɨshwim na ɨ sóŋə́ ngə́, “A miə!”

Nkyɛʼə 20:2

Wɛrə a fé a dragɔn, ɨnyo bənguʼ za — lá be ngə́, Dəbɨrɨ, kə Satan — nkorɨ ayi nɨ mɨnkɨ mɨ atɨŋə atú ɨlom táʼ nchwuʼ ə.